Սաթեն․
Բարև Ձեզ, խնդրում եմ պատասխանեք․ շրջանառության հարկով աշխատող կամակերպությունը շուկայից գնել է 45 000 դրամ արժեքով գրասենյակային գույք։ Որքա՞ն է օգտակար ծառայության ժամկետը, ի՞նչ ձևակերպում տամ, և ինչի՞ համար է 947 հաշիվը։
Կայք հաշվապահների համար և ոչ միայն
Քանի որ շրջ. հարկ վճարող եք, պետք է ծախս ճանաչեք, իսկ 947 հաշիվը հենց դրա համար է՝ նախատեսված է շահագործման մեջ գտնվող և որպես ծախս ճանաչված փոքրարժեք հիմնական միջոցների և արագամաշ առարկաների առկայության և շարժի վերաբերյալ տեղեկատվության ընդհանրացման համար:
Շահութահարկի հաշվառման առումով մինչև 50 հազար դրամ (ներառյալ) արժողությամբ հիմնական միջոցների և ոչ նյութական ակտիվների սկզբնական արժեքի չափով ծախսը համախառն եկամտից ամբողջությամբ նվազեցվում է այդ հիմնական միջոցների և ոչ նյութական ակտիվները ձեռք բերելու հարկային տարվա ընթացքում, այս դրույթը կիրառելի է նաև շրջանառության հարկի դաշտում աշխատող կազմակերպության համար, այսինքն՝ այն կդիտարկվի որպես ծախս ձեռք բերման տարում։
Գրասենյակային Ձեր գույքը, քանի որ մինչև 50 000 դրամ արժողությամբ է, իսկ օրենքը իմպերատիվ կերպով ասում է, որ պետք է ծախսագրվի, ծախս ճանաչեք, իսկ Ձեր գնահատած օգտակար ծառայության ժամկետում վերահսկեք արտահաշվեկշռային հաշվով: