Hayk.
Բարև Ձեզ, հարգելի հաշվապահներ:
Կասեք խնդրեմ, եթե ՍՊԸ-ն տնօրենին առհաշիվ գումար է տալիս, բայց ոչ թե կանխիկ, այլ ընկերությանը պատկանող բանկային քարտից` տնօրենի կողմից կանխիկացնելու տարբերակով, ապա այդ գումարների ծախսման կամ չծախսման համար պե՞տք է լրացնել առհաշիվի հաշվետվություն:
Նախապես շնորհակալություն:
Քանի որ քարտը ընկերության անունով է, ոնց որ բանկային հաշվից, կանխիկացնելու դեպքում, եթե պետք է մուտք արվի դրամարկղ, ապա մուտքի օրդերով, եթե փոխառություն կամ շահաբաժին է վճարվում, ապա պայմանագիր կամ որոշում, եթե այլ ծախսեր, ապա առհաշիվ հաշվետվություն։
Առհաշիվ տրամադրված գումարի համար պետք է կազմել առհաշիվ հաշվետվություն՝ անկախ վճարման եղանակից։
Այո, անկախ վճարման եղանակից կազմեք առհաշիվ հաշվետվություն։
Կարծում եմ, որ վճարման եղանակը չի ազդում առհաշիվ հաշվետվություն կազմելու համար, քանի որ միևնույն է գումարը կանխիկացվում է որոշակի նպատակներով ծախսելու նպատակով, հետևաբար պետք է լրացվի այն:
Եթե կատարվել է գործարք կամ որևէ գործողություն առհաշիվ անձի հետ, ապա պետք է կազմել առհաշիվ հաշվետվություն:
Պարտադիր է հաշվետվության կազմումը:
ՀՀ կառավարության 5 հոկտեմբերի 2017 թվականի N 1260-Ն որոշում, հավելված N 2.
4. Գործուղումից տարբեր, ինչպես նաև գործուղման նպատակով տրվող առհաշիվ գումարների ծախսման վերաբերյալ հաշվետու անձը հաշվապահություն է ներկայացնում առհաշիվ գումարների ծախսման մասին հաշվետվություն՝ համաձայն N 7 ձևի, Դր-7, սույն կարգի 1-ին կետով սահմանված համապատասխան ժամկետներում: