Աննա․
Բարև Ձեզ, ընկերությունը դրամային հաշվից գումար է առհաշիվ անձին փոխանցել: Հաշվետու անձը կանխիկացրել և տարադրամի փոխանակման կետում կոնվերտացիա է արել, դարձրել է ռուբլի և մուտք է արել ընկերության ռուբլու հաշվին (առհաշիվ գումարի վերադարձ՝ ռուբլով): Խնդրում եմ ասեք՝ խնդիրներ կա՞ն անկանխիկ գործառնությունների մասով։ Ըստ անկանխիկ գործառնությունների մասին օրենքի 3-րդ հոդվածի՝ 1) անկանխիկ ձևով գործառնություն (վճարում)` կանխիկ կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) բանկային հաշվին, կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) էլեկտրոնային փողի հաշվին: Ընդ որում, անկանխիկ եղանակով նախաձեռնած վճարում է համարվում նախաձեռնողի բանկային կամ էլեկտրոնային փողի հաշվից կատարված վճարումը (փոխանցումը). 2) 4) կանխիկ ձևով գործառնություն (վճարում)` սույն օրենքով սահմանված` անկանխիկ չհանդիսացող վճարում. Սա վերաբերու՞մ է արդյոք վերոնշյալ գործարքին։ Կանխավ շնորհակալություն:
Դուք խնդիր եք ստեղծել, ինչու ձեր բանկում անկանխիկով ռուբլի չեք գնել, եթե այդպես ձեռնտու է եղել, ապա առհաշիվ գումարի հաշվետվության ու ռուբլով դրամակղային գրքի վարման խնդիր եք ստեղծել։
Բայց նույն օրը գումարը դրամարկղ մուտքագրելու փոխարեն վերադարձվել է ռուբլու հաշվին: Այս դեպքու՞մ էլ խնդիր կառաջանա։
Այո կառաջանա, դրամով դրամակղային գրքով երևում է այդ ելքը, իսկ ռուբլով դրամակղային գիրք վարում եք,որ երևա կանխիկի մուտքը բանկային հաշիվ։
Ներեցեք հարգելի Տիգրան, բայց դրամարկղից դրամով ելք չի եղել: Բանկի դրամային հաշվից է փոխանցվել առհաշիվ անձին, որն էլ նույն օրը նույն գումարին համարժեք ռուբլի է վերադարձրել (տարադրամի փոխանակման փաստաթուղթը առկա է):
Լավ, իսկ ռուբլով դրամակղային գիրք վարում եք, որ երևա կանխիկի մուտքը ռուբլով բանկային հաշիվ,իհարկե տարադրամի փոխանակման փաստաթուղթի հիման վրա։
Ոչ,ռուբլով դրամակղային գիրք չի վարվում, քանի որ դրամարկղ մուտք անելու համար պահանջվող ժամկետը չլրացած՝ այսինքն՝ նույն օրը, գումարը վերադարձվում է բանկային հաշվին:
Հոդված 385 3. Բանկային հաշիվներից ելքագրված կանխիկ գումարի մուտքագրումը կազմակերպության կամ անհատ ձեռնարկատիրոջ դրամարկղ կատարվում է մինչև կանխիկ գումարը բանկային հաշվից հանելու օրվան հաջորդող աշխատանքային օրը:
Տարադրամի փոխանակման փաստաթուղթը կցեք գործարքին, ոչ մի խախտում էլ չկա, քանի որ մնացած բոլոր գործարքները կատարվել են անկանխիկ:
Շնորհակալություն: