«

»

Ноя 05 2011

Ավել վճարված գումար

Սվետլանա.

Բարեվ ձեզ: Հարգելի կոլեգաներ, ես հայտնվել եմ մի իրավիճակում, որտեղ ճիշտ ելքը չեմ գտնում: Մայիս ամսին ես 3 աշխատողի արձակուրդային եմ տվել, և գումարը ինչպես հարկն է 3 օր առաջ դուրս եմ գրել ելքի օրդերով դրամարկղի գրքից: Այս ամսին բացահայտել եմ, որ ծրագիրը սխալ կերպով է հաշվել մեկ աշխատողի եկամտահարկը, և դրա հետևանքով ես դրամարկղից մոտ 3000 դրամ ավել եմ ելքագրել: Հարգելի հաշվապահներ, ինչպե՞ս կարող եմ ես այս իրավիճակից դուրս գալ: Իհարկե, դրամակղի գրքում ուղղակի չեմ կարող այդքան էջ սխալ համարել և գրել ճիշտը: Ստուգման ժամանակ եթե բացահայտվի այդ թյուրիմացությունը, ի՞նչ է սպասվում ինձ: Ո՞ր հոդվածը որպես խաղտված կարձանգրեն հարկային տեսուչները: Խնդրում եմ պատասխանեք, ինձ շատ է հարկավոր ձեր խորհուրդը:

Ֆեյսբուքյան մեկնաբանություններ

7 մեկնաբանություն

Перейти полю для комментария

  1. Аватар
    Ամալյա

    Սվետլանա, ես սկսնակ հաշվապահ եմ, ուստի միայն կարող եմ իմ կարծիքը արտահայտել այդ խնդրի շուրջ: Կարծում եմ` դրամարկղի գրքում գրանցումը կատարված է ճիշտ, քանի որ այդ ամսաթվին դուք այդքան գումար եք մուտք արել դրամարկղ, դուք ուղղակի պետք է պահում կատարեք աշխատակիցներից այդ ավել վճարված գումարը, իսկ դրամարկղի գրքում գրանցեք արդեն այդ ամսին մուտք եղած գումարը:

  2. Аватар
    Գայանե

    Հարգելի Սվետլանա, ինչքանով ես տեղյակ եմ, աշխատողներից հետ պահում կարող եք անել 3 ամսվա կտրվածքով:

  3. Аватар
    Սվետլանա

    Շնորհակալ եմ ձեզ, հարգելի Ամալյա, կարծիքի համար: Ես ել էի մտածում նման տարբերակի շուրջ, պարզապես չգիտեմ` այդպես վարվելը ճիշտ է, թե ոչ … (((

  4. Аватар
    Albert

    Բարև, Սվետլանա: Ես առաջարկում եմ ձեզ ուղղում կատարել աշխատավարձի կամ արձակուրդայինի հաշվարկի մեջ, որտեղ թույլ եք տվել սխալը (եթե իհարկե դա չեք կատարել): Իսկ դրամարկղում թողնել բոլորը անփոփոխ: Իսկ Ձեր ծրագրում, եթե ավել վճարվել է եկամտահարկ կամ աշխատավարձ, ձևակերպել այն որպես տրված կանխավճար և այդ ամսից ուղղումներ կատարելով` ծրագրում տալ մարումներ կանխավճարից: Եվ կստացվի, որ Ձեր մոտ ոչ մի սխալ տեղի չի ունեցել, ուղղակի դուք ամեն ամիս տվել եք ապագա ամսվա կանխավճար: Կարծում եմ` դա ամենահարմար տարբերակն է տվյալ պարագայում:

  5. Аватар
    Նարինե

    Սվետլանա, ես կարող եմ ասեմ, թե ինչ ես կանեի նման դեպքում: Պետք է վերահաշվարկ կատարել, որպեսզի հաշվետվություններում ճիշտ հաշվարկ ներկայացնել: Թողնել 3000 դրամի կանխավճար աշխատավարձի գծով: Հաջորդ ամսվա աշխատավարձի հաշվարկը կատարելուց հետո այդ աշխատակցին վճարվելիք գումարից պակասեցնել 3000 դրամ: Այդպիսով ձեր հաշվարկվածը և վճարվածը ճիշտ կլինի:

  6. Аватар
    Սվետլանա

    Շնորհակալ եմ ձեզ, հարգելիներս: Դուք ինձ իսկապես շատ օգնեցիք: Ես երևի թե Նարինեի ասած կերպ վարվեմ: Ինձ թվում, այդպես իսկապես շատ ճիշտ կլինի:))))))

  7. Аватар
    Ամալյա

    Հարգելի հաշվապահներ, իսկ աշխատավարձից պահումը փաստաթղթորեն որևէ կերպ ցո՞ւյց է տրվում:

Մեկնաբանել

Վաստակի՛ր գումար՝ այս նյութը մեկնաբանելով

Աջակցություն կայքին idram ID 796528160