Մարինե․
Բարև ձեզ, հարգելի հաշվապահներ: Հարցերս շտապ են, խնդրում եմ հնարավորության դեպքում պատասխանել հետևյալ հարցերիս՝
Հարց 1․ Կազմակերպությունը լուծարվում է 2020թ. հունվար ամսին, այսինքն՝ վերջին աշխատանքային օր է համարվում 2019թ. դեկտեմբերի 31-ը: Արձակման նպաստը, համաձայն Աշխատանքային օրենսգրքի, վճարվում է աշխատողի մեկ ամսվա միջին աշխատավարձի չափով: Ինչպե՞ս հաշվարկել միջին աշխատավարձը, դեկտեմբեր ամիսը ներառե՞լ միջին աշխատավարձի հաշվարկում, թե՞ ոչ:
Հարց 2․ Կազմակերպության գործունեությունը համարվում է միկրոավտոբուսով ուղևորափոխադրումը, աշխատում է առավոտյան 07:00-ից մինչև 19:00-ն: Աշխատաժամանակի առավելագույն տևողությունը, ներառյալ՝ արտաժամյա աշխատանքը, չի կարող գերազանցել շաբաթական 48 ժամը։ Արտաժամյա աշխատաժամանակի տևողությունը տարվա ընթացքում չպետք է գերազանցի 180 ժամը, 2 իրար հաջորդող օրերի համար չի կարող գերազանցել 4 ժամը: Խնդրում եմ պատասխանել, թե ինչպես կազմել աշխատանքային գրաֆիկը, որպեսզի չխախտենք օրենքը, և ինչպես լրացնենք աշխատաժամանակի հաշվարկի տեղեկագիրը:
1. Ոչ, չեք ներառելու 2019թ.-ի դեկտեմբերը:
2. Քանի՞ աշխատող է աշխատում:
Շնորհակալ եմ, հարգելի Մանե, ունենք 32 աշխատող:
Եթե հերթափոխով են աշխատում, կարող եք էլ. փոստ տալ, ուղարկեմ տաբելի օրինակ:
marine200864 շնիկ mail.ru, նախապես շնորհակալ եմ:
1. Նախ աշխատողները պետք է ծանուցվեն 2 ամիս առաջ, պատրաստեք դրանք: Ձեր դեպքում աշխատողների հետ պայմանագիր խզելու հիմքը 113-րդ հոդվածի 1-ին մասի 1-ին կետն է՝
1) կազմակերպության լուծարման (անհատ ձեռնարկատիրոջ գործունեության դադարման և օրենքով նախատեսված դեպքերում պետական գրանցումն ուժը կորցրած կամ անվավեր ճանաչվելու) դեպքում:
Այս դեպքում գործատուն աշխատողին վճարում է արձակման նպաստ նրա մեկ ամսվա միջին աշխատավարձի չափով: Միջին աշխատավարձի հաշվարկում դեկտեմբերը չի ներառվում, նախորդող վերջին տասներկու ամիսները:
2-րդ հարցի համար՝ պետք է օգտվեք կառավարության 01.02.2007թ. 201-Ն որոշման հավելված 6-ից, որը հենց ընդհանուր օգտագործման տրանսպորտային միջոցների վարորդների աշխատանքի և հանգստի ռեժիմի առանձնահատկությունների մասին է:
Շնորհակալ եմ, հարգելի Տիգրան, ծանուցագրերն ուղարկված են համաձայն օրենքի, ուղղակի միջին աշխատավարձի խնդիրն էր ծագել:
Մանե ջան, խնդրում եմ, եթե դժվար չէ, ուղևորափոխադրման գործունեության համար տաբելի օրինակը ուղարկիր marine200864 շնիկ mail.ru էլեկտրոնային փոստի հասցեին: Կանխավ շնորհակալ եմ: