Արդյո՞ք բեռնափոխադրումներով զբաղվող ԱՁ-ն կարող է համարվել միկրոձեռնարկատիրության սուբյեկտ

Արամ.

Բարև ձեզ, հարգելի հաշվապահներ: ԱՁ-ն զբաղվում է բեռնափոխադրումներով, 24 մլն-ն չի գերազանցել, արդյո՞ք կարող է համարվել միկրոձեռնարկատիրության սուբյեկտ: Շնորհակալություն:

Ֆեյսբուքյան մեկնաբանություններ

Accountant.am
Author: Accountant.am

9 thoughts on “Արդյո՞ք բեռնափոխադրումներով զբաղվող ԱՁ-ն կարող է համարվել միկրոձեռնարկատիրության սուբյեկտ

  1. Ոչ, չեք կարող, քանի որ իրականացնում եք փոխադրումներ գործակալության պայմանագրերով:

  2. Հարգելի Տիգրան, բայց ես չէի նշել, որ իրականացնում եմ փոխադրումներ գործակալության պայմանագրերով:

    1. Չեք նշել, սակայն իրականացնում եք փոխադրումներ որևէ կողմի պատվերով ու օգտին, դա համապատասխանում է գործակալության պայմանագրի էությանը, եթե չեք համոզվում, դիմեք, տեսեք՝ ընթացքում հարկայինը ինչ կամերալ ծանուցում կուղարկի դրա վերաբերյալ, բնականաբար փետրվարի 20-ից հետո։

      1. Հարգելի Տիգրան, միկրոձեռնարկատիրության սուբյեկտ չեն կարող համարվել.

        8) Օրենսգրքի 31-րդ հոդվածով սահմանված` համատեղ գործունեության պայմանագրի, ինչպես նաև ապրանքների մատակարարման` կոմիսիայի կամ ապրանքների մատակարարման` գործակալի անունից հանդես գալու պայման նախատեսող գործակալության պայմանագրի կողմ հանդիսացող կազմակերպությունները և ֆիզիկական անձինք:

        Այսինքն՝ խոսքը գնում է ապրանքների մատակարարման կոմիսիայի / գործակալության պայմանագրի մասին, և նույնիսկ եթե Արամը գործակալության պայմանագրով է մատուցում բեռնափոխադրման ծառայություններ, նա կարող է համարվել միկրոձեռնարկատիրության սուբյեկտ:

        1. Ոչ, չի կարող, եթե ուզում եք համոզվել, թե ինչ է կոմիսիան, գործակալության պայմանագիրը, համատեղ գործունեության պայմանագիրը, նայեք Քաղաքացիական օրենսգիրքը: Հետագայում որ անգամ այդ հարցը բողոքարկվի, ասենք, ՊԵԿ բողոքարկման հանձնաժողովում, կբերեն նույն կամ համանման ծառայություն մատուցող այլ սուբյեկտի օրինակները, հղում կանեն Քաղաքացիական օրենսգրքին ու կմերժեն, օրենքների հասկանալու ու մեկնաբանման առումով ստորակետը, ինչպես նաև դրանք դեպքերի ընդհանրական թվարկումներ են:

  3. Այո, կարող եք համարվել միկրոձեռնարկատիրության սուբյեկտ: Չմոռանաք հանձնել միկրոձեռնարկատիրության սուբյեկտ համարվելու վերաբերյալ դիմումը մինչև փետրվարի 20-ը:

    1. Լուսինե ջան, կնշե՞ք օրենքի կետը, որի համաձայն բեռնափոխադրումը կարող է համարվել միկրոձեռնարկատիրության սուբյեկտ:

      1. Ալլա ջան, օրենքով սահմանվում են այն գործունեության տեսակները, որոնք չեն կարող համարվել միկրոձեռնարկատիրության սուբյեկտ: Բեռնափոխադրումների մասով օրենքում սահմանափակում չկա, իհարկե՝ բացի 24 մլն․ դրամ շեմը:

  4. Կոնկրետ Ձեր նշած բեռնափոխադրման գործունեությունը Հարկային օրենսգրքի 267-րդ հոդվածի 5-րդ մասի 10 կետերում չկա, ուրեմն ենթադրվում է, որ կարող է լինել միկրոձեռնարկատիրություն:

Մեկնաբանել