«

»

Feb 07 2020

Արդյո՞ք տոնական և հանգստյան օրերին աշխատելու համար պետք է վճարել հավելում

Արմինե.

Բարև ձեզ, հարգելի հաշվապահներ: Մի հարց ունեմ. բենզալցակայանը աշխատում է շուրջօրյա, աշխատակիցները աշխատում են հերթափոխով, շաբաթական 40 ժամ և ֆիքսված 90 000 դրամ աշխատավարձով: Սակայն նրանք աշխատում են նաև տոնական օրերին և հանգստյան օրերին (շաբաթ, կիրակի), քանի որ բենզալցակայանը միշտ գործում է: Ինչպե՞ս պետք է հաշվարկվի նրանց աշխատավարձը, արդյո՞ք տոնական և հանգստյան օրերին աշխատելու համար հավելավճարներ պետք է տալ:

0

Facebook մեկնաբանություններ

4 մեկնաբանություն

Skip to մեկնաբանություն form

  1. Avatar
    Ալլա

    Աշխատանքի ժամանակացույցով օրենքով սահմանված ոչ աշխատանքային` տոնական և հիշատակի օրերին կատարված աշխատանքը վարձատրվում է ժամային (օրական) դրույքաչափի կամ գործավարձի առնվազն կրկնակի չափով, իսկ հանգստյան օրերի համար սովորական վարձատրություն։

    0
  2. Avatar
    Տիգրան

    1. Այո, տոնական և հանգստյան օրերին աշխատելու համար հավելումներ պետք է տալ: Հավելումը հիմնական աշխատավարձի նկատմամբ հաշվարկվող լրացուցիչ վարձատրությունն է, որը վճարվում է գիշերային աշխատանքների և (կամ) հանգստյան և օրենքով սահմանված ոչ աշխատանքային՝ տոնական և հիշատակի օրերին կատարված աշխատանքների համար: Հանգստյան և օրենքով սահմանված ոչ աշխատանքային` տոնական և հիշատակի օրերին կատարված աշխատանքը, եթե այն նախատեսված չէ աշխատանքի ժամանակացույցով, կողմերի համաձայնությամբ վարձատրվում է ժամային (օրական) դրույքաչափի կամ գործավարձի առնվազն կրկնակի չափով, կամ աշխատողին մեկ ամսվա ընթացքում տրամադրվում է վճարովի այլ հանգստյան օր, կամ այդ օրը ավելացվում է ամենամյա արձակուրդին:
    2. Աշխատանքի ժամանակացույցով օրենքով սահմանված ոչ աշխատանքային` տոնական և հիշատակի օրերին կատարված աշխատանքը վարձատրվում է ժամային (օրական) դրույքաչափի կամ գործավարձի առնվազն կրկնակի չափով:
    3. Արմինե, այս տարվանից Դուք չեք կարող ֆիքսված 90 000 դրամ աշխատավարձ հայտարարագրել, այն պետք է կազմի ոչ պակաս 92 618 դրամ: Քանի որ բենզալցակայանը չի կարող աշխատել միկրոբիզնեսի դաշտում, այն պետք է գործի գոնե շրջ. հարկի դաշտում: Եթե սա հաշվի չեք առել, նկատի ունեցեք:

    0
  3. Avatar
    Ամիկում

    Գրաֆիկով եթե շաբաթ, կիրակի է աշխատում, դա իր հանգստյան օրը չի, հավելում չի վճարվում։ Իսկ տոն և հիշատակի օրերի համար վճարվում է հավելում 100 %։

    0
  4. Avatar
    Ամիկում

    Ուշադիր եղեք՝ ժամը 22-ից մինչև 6-ի համար էլ 30 % որպես գիշերավարձ հավելում պետք է վճարվի։

    1+

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *

Վաստակի՛ր գումար՝ այս նյութը մեկնաբանելով
Loading...