Քանի՞ օրում է կատարվում վերջնահաշվարկը

ՀՀ Աշխատանքային օրենսգրքի 168-րդ հոդվածի համաձայն՝ աշխատանքից ազատվելիս (բացառությամբ օրենսգրքի 113-րդ հոդվածի 1-ին մասի 5-րդ և 6-րդ կետերով և 109-րդ հոդվածի 1-ին մասի 6-րդ, 7-րդ, 11-րդ, 12-րդ, 13-րդ կետերով նախատեսված դեպքերի) չօգտագործված ամենամյա արձակուրդը այդ իրավունքը ձեռք բերած աշխատողի ցանկությամբ տրամադրվում է ազատման տարին, ամիսը, ամսաթիվը տեղափոխելու միջոցով: Այդ դեպքում աշխատանքից ազատման օր է համարվում ամենամյա արձակուրդի ժամկետի ավարտին հաջորդող օրը: Ի՞նչ է նշանակում վերջնահաշվարկ. դա գործատուի պարտքն է աշխատաողի նկատմամբ, պարտք է, և եթե աշխատողն օգտվել է իր ամենամյա արձակուրդից, ստացել է իրեն հասանելիք աշխատավարձը և դրան հավասարեցված գումարները, հնարավոր է վերջնահաշվարկի ժամանակ գործատուն պարտք չունենա աշխատողի նկատմամբ: Լինում են դեպքեր նաև, որ աշխատողն է նաև պարտք լինում գործատուին ժամանակից շուտ արձակուրդ գնալու դեպքում:
ՀՀ Աշխատանքային օրենսգրքի 130-րդ հոդվածի 2-րդ մասի համաձայն՝ գործատուն վերջնահաշվարկի օրը պարտավոր է աշխատողին վճարել աշխատավարձը և դրան հավասարեցված այլ վճարումներ, իսկ եթե այդ պարտավորությունը գործատուից անկախ պատճառներով հնարավոր չէ կատարել, ապա աշխատողի աշխատավարձը և դրան հավասարեցված վճարումները կատարվում են աշխատողի կողմից նման պահանջ ներկայացնելուց հետո՝ հինգ աշխատանքային օրվա ընթացքում: