Դրոշմանիշային վճարի հետ կապված

Հարգելի Անի, քաղաքացիաիրավական պայմանագրով Դուք ստանում եք Ձեր կատարած աշխատանքի դիմաց վարձատրություն, դա աշխատավարձ չէ, որ գործատուն նվազագույնից ցածր լինելու դեպքում իր միջոցների հաշվին վճարի դրոշմանիշային վճարը: Ձեր պայմանագրում պետք է որ նշված լինի՝ «մատուցված ծառայության կամ կատարված աշխատանքի համար կատարողը ստանում է, օրինակ, 40 000 դրամ, կամ մեկ հարցազրույցի, թարգմանության և այլնի արժեքը կազմում է, օրինակ, 2 500 դրամ», այսինքն՝ դա ֆիքսված գումար է, որը Դուք պետք է ստանաք՝ նույնիսկ վճարելով դրոշմանիշային վճարը, սակայն եթե նշված լինի գումարը և փակագծերի մեջ լինի գրառում՝ «հարկերը և պարտադիր վճարները ներառյալ», ապա դա կեղտոտ գումարն է, մաքուրի դեպքում գրվում է՝ «հարկերի և պարտադիր վճարների պահումից հետո»:
Դրոշմանիշային վճար պարտավոր են վճարել (դրոշմանիշային վճար վճարողներ են համարվում) աշխատանքների կատարման կամ ծառայությունների մատուցման քաղաքացիական-իրավական պայմանագրերով Հայաստանի Հանրապետության տարածքում կամ Հայաստանի Հանրապետության տարածքից դուրս եկամուտ ստացող` Հայաստանի Հանրապետության ռեզիդենտ հանդիսացող ֆիզիկական անձինք: