Category: Հարկեր, տուրքեր, վճարներ

Վահան․

Բարև ձեզ, հարգելի հաշվապահներ։ Ես իմ ԱՁ-ով ուզում եմ ֆիզիկական անձից մոպեդ գնել, գինը 300․000 դրամից քիչ է։ Կասե՞ք՝ ի՞նչ հաշվապահական միջամտություն է հարկավոր, և արդյո՞ք ինչ-որ ձև հարկվելու է։ ԱՁ-ն միկրոյով է աշխատում հիմա։ Նախապես շնորհակալ եմ։

Մարիամ․

Բարև ձեզ։ Եթե ուցում եմ ԱՁ-ն ժամանակավորապես դադարեցնել (ոչ մի գործունեություն չի ծավալել 3 ամիս), շահութահարկն ու սոցիալական վճարը մինչև դադարեցնելը պետք է վճարեմ, թե՞ կարող եմ հետո, և շրջանառության 0 – ական ուղարկեմ: Մի հարց էլ՝ դրոշմանիշային վճար առաջանու՞մ է այս դեպքում, թե՞ ոչ: Շնորհակալ կլինեմ պատասխանի համար։

Վաչե․

Բարև Ձեզ։ Ես ունեմ ԱՁ, գործում է շրջանառության հարկի դաշտում։ Հիմա ուզում եմ ապրանք ներմուծել Հայաստան 3-րդ երկրից ներքին սպառման համար։ ԱԱՀ վճարելու՞ եմ այդ դեպքում։ Ի՞նչ փաստաթղթեր են պետք, և ինչպե՞ս կարող եմ հաշվարկել մաքսատուրքը “Դեզոդորանտներ և հակաքրտինքային միջոցներ” ապրանքի համար։

Եվա․

Բարև Ձեզ, կասե՞ք՝ եթե ներմուծման ժամանակ ապրանքը բնապահպանական հարկով հարկվել է, վաճառքի ժամանակ նույնպես պետք է հարկվի, եթե օրենսգրքով կա նաև վաճառքի համար հաշվարկի տոկոս։

Անահիտ․

Եթե ապրանքը ձեռք է բերվել ֆիզ․ անձից, և պետք է գրվի գնման ակտ ձեռք բերման համար, քանի՞ տոկոս հարկ է առաջանում, խոսքը վերաբերվում է միրգ ու բանջարեղեն գյուղացուց ձեռք բերելու մասին։

Բարի օր։ Ասացեք, ապրանքը գնել եմ Ռուսաստանում գտնվող մի ընկերությունից և բերել Հայաստան։ Ես պարզեցված համակարգով եմ՝ առանց ԱԱՀ, շահութահարկի, միկրոձեռնարկություն։ Ես հիմա պետք է ներմուծման համար վճարեմ 20% ԱԱՀ։ Արդյո՞ք որևէ կերպ կարող եմ վերադարձնել այն, եթե ես պարզեցված համակարգում եմ:

Կարեն․

Բարև Ձեզ։ Շրջանառության հարկով ՍՊԸ-ն ցանկանում է իրեն պատկանող անշարժ գույքը վաճառել։ Կասե՞ք՝ ի՞նչ հարկեր են առաջանում։

Սուսաննա․

Բարև Ձեզ։ ԱՁ-ն ունի գերավճար դրոշմանիշային վճարի մասով։ Ինչպե՞ս ետ ստանամ այդ գումարը։

Անի․

Ողջույն, հարգելի հաշվապահներ։ ԱՁ-ն գրանցվել է 2022 Նոյեմբերին և գործունեություն ծավալել է միայն 2023 Սեպտեմբերին: Արդյո՞ք ճիշտ է հետևյալն․

Հոկտեմբերին նախորդ եռամսյակի համար առաջանում է շահութահարկի կանխավճարի պարտավորություն: Քանի որ անցած տարվա շահույթը 0 է, անցած տարվա 20%ի և անցած եռամսյակի 2%ի մինիմալն ստացվում է 0: Այսինքն՝ կանխավճար չկա: Տարվա վերջին եռամսյակի համար ևս լինելու է 0:

Կարինա․

Բարև ձեզ։ Կազմակերպությունը գնել է էլեկտրական մեքենա։ Եթե այն վաճառի ձեռքբերումից երեք տարի չանցած , արտոնությունից կարո՞ղ է օգտվել, այսինքն օտարելուց ԱԱՀ չառաջանա։

Լիլիթ.

Բարև ձեզ։ Շրջանառության հարկով աշխատող ընկերությունը ձեռք է բերել բժշկական սարքավորումներ ՀՀ-ում գործող ներմուծող ընկերությունից, ու արտահանում, իրացնում է ոչ ռեզիդենտ կազմակերպության: Շրջհարկի ի՞նչ նվազեցումներ են կատարվելու։

Ավետիս․

Բարև Ձեզ։
Ցանկանում եմ շինարարական հատուկ տեխնիկա (ավտոկռունկ) ներմուծեմ ՀՀ ՌԴ-ից, ՌԴ-ում տեխնիկան իմ անունով է։ Ունեմ ՍՊԸ (ԱԱՀ-ով), որով էլ ուզում եմ ներմուծեմ։

Հիմա հարցը՝ ի՞նչ հարկային պարտավորություններ են գոյանալու, ու ո՞նց պետք ա կազմակերպվի գործընթացը։

Նախապես շնորհակալություն։
Կամ կոնտակտ խորհրդատվական ծառայության համար։

Ռաֆֆի․

Բարև ձեզ։ Ունեմ բջջային հավելված (app), որը ծառայություն է մատուցում զանազան բիզնեսների տարեկան ֆիքսված վճարման դիմաց, անկախ այդ բիզնեսների չափից, եկամուտից, կամ շրջանառությունից։

Հարց 1․ Ինչպիսի՞ գրանցումների կարիք ունեմ ու ի՞նչ վճառումներով

Հարց 2․ Հարկային ինչպիսի՞ պարտավորություններ ունեմ, ու ձեր խորհուրդով ո՞րն է ամենանպաստավոր ընտրանքը։

Քնարիկ․

Բարև բոլորին: Արդյո՞ք կարող ենք «լվա ինքդ» ավտոլվացման կետի հաշվապահությունն ինքներս անել, և ի՞նչ հարկեր պետք է վճարենք, և ի՞նչ հաշվետվություն ներկայացնենք:

Սիրանուշ․

Բարև Ձեզ։

Սոցապ նախարարության միջնորդությամբ աշխատանք գտնելիս արդյո՞ք աշխատավարձի հարկերը վճարում է պետությունը։

Լիանա․

ԱՁ-ն աշխատում է շրջանառության հարկի համակարգում, ստացել է ՏՏ հավաստագիր։ Հարկային արտոնությունից օգտվելու համար պետք է անցնի ընդհանուր հարկման դաշտ։ Աշխատողներ չունի։ Այս դեպքում չի ունենում ԱԱՀ-ի և շահութահարկի վճարման պարտավորություն, ճի՞շտ է։

Արմեն․

Հարգելի հաշվապահներ, խնդրում եմ պատասխանել․ ի՞նչ հարկեր և տուրքեր պետք է վճարել երրորդ երկրից էլեկտրական մեքենա ներմուծելու համար, և ի՞նչ արտոնություններ կան դրա հետ կապված։ Շնորհակալություն։

Վարդան․

Բարև ձեզ։ Չինաստանից 1 անգամյա երկաթե և լամինատե շիանարարական ապրանք ներմուծելու դեպքում, որի արժեքը մոտ 2 600 դոլար է կազմում, ինչպե՞ս է մաքսազերծվում։ Նախապես շնորհակալություն։

Վազգեն․

Բարև Ձեզ։ Բավականին մեծ գերավճար ունեմ ԱՁ-իս դրոշմանիշային վճարի համար (տեսնում եմ հաշվետվությունների ներկայացման էլեկտրոնային համակարգում)։ Կցանկանայի իմանալ՝ գանձումը ե՞րբ է կատարվում, որպեսզի իրական գերավճարի չափը հասկանում։ Վճարը կուտակվել է գրանցված երկու աշխատողների և ԱՁ-ի դրոշմանիշային վճարումների համար։

Սոֆյա․

Հարգելի հաշվապահներ,

1 .Նորաբաց ՍՊԸ-ն շրջ հարկով պետք է աշխատի, անկանխիկ։ Պե՞տք է արդյոք ձեռք բերի դրամարկղային գիրք, եթե 2024թ-ից օնլայն է լինելու:

2. Գործունեությունը նկարչական դասընթաց և նկարներ նկարել վաճառելը քանի՞ % է հարկվելու, գործունեության ծածկագրերը տարբե՞ր պետք է լինեն, թե՞ նույնը:

Շնորհալակություն։

Լևոն․

Բարև ձեզ, ցանկանում եմ էլեկտրական կիթառ պատվիրեմ Գերմանիայից, արժեքը մոտ 960€, ուզում են իմանալ՝ բացի 200 000 դրամի շեմը անցնելու վճարից ուրիշ վճարի կարիք կա՞, թե՞ ոչ, (քաշը մոտ 6 կգ, չափսերը 80,50,15 սմ.), մերսի։

Համազասպ․

Անհատ ձեռներեցը Ռուսատանի Դաշնությունից մեքենա ներմուծելու դեպքում ի՞նչ վճարներ պետք է կատարի։ Շնորհակալություն։

Անուշ․

Բարև ձեզ, հարգելի հաշվապահներ։ ԱԱՀ-ով աշխատող ՏՏ ընկերությունը մասնակցում է պատերազմի մասնակիցների մասնագիտական ուսուցման և աշխատանքով ապահովման ծրագրին։ Ծրագրի շրջանակներում շահառուն ուսման վարձը փոխանցում է ընկերությանը, իսկ Միասնական սոցիալական ծառայությունը գումարը փոխհատուցում է շահառուին։ Հարցս հետևյալն է՝ արդյո՞ք պետք է գրել հարկային հաշիվ շահառուին, և այդ գումարը ԱԱՀ-ով հարկվելու՞ է։

Վազգեն․

Բարև Ձեզ։ Ծավալելու եմ ֆրիլանս գործունեություն Upwork հարթակում և ցանկանում եմ աշխատել որպես ԱՁ շրջանառության հարկի համակարգում։ Ունեմ մի քանի հարց ընդհանուր պրոցեսի վերաբերյալ։ Կնկարագրեմ գործընթացը իմ պատկերացմամբ՝ ընթացքում ներկայացնելով հարցերը։

Նախատեսում եմ Հայ Փոստի գրասենյակում հաշվառվել որպես ԱՁ։ Քանի որ աշխատելու եմ տանից, հասցեն կարող եմ ուղղակի նշել իմ գրանցման հասցեն, չէ՞։ Նաև գրանցումից հետո ինչպես եմ ստանալու ՀՎՀՀ-ն և taxservice մտնելու կոդերը։

Ծառայությունների գումարը անմիջապես ստանալու եմ հաշվիս ինչ-որ ժամանակը մեկ, և այդտեղ ՀԴՄ-ով գործառույթ հնարավոր չէ, ինչպե՞ս եմ եկամուտը արտացոլելու և ի՞նչ փաստաթղթաշրջանառություն պետք է անեմ։

Եվ վերջին հարցը հաշվետվությունների մասով։ Պետք է ուղարկեմ շրջհարկով աշխատելու հայտ, որի համար կա նախկին տարվա եկամուտների շեմ։ Քանի որ նոր եմ սկսում, սա հավանաբար արդիական կլինի մյուս տարվանից չէ՞։ Նաև կասե՞ք՝ որքան է շեմը։

Պետք է ուղարկեմ եռամսյակային հաշվետվություններ և ամեն տարվա սկզբում նորից շրջհարկի հայտ, նաև ԱՁ-ի սոցվճարի և շահութահարկի հաշվետվությունները (ամսական 5-5 հազարականների մասով)։ Որևէ բան բաց թողե՞լ եմ։

Քրիստինե․

Բարև Ձեզ։ Ա/Ձ-ն միկրոյով է աշխատում, կար ու ձև է անում։ Իր կարի մեքենան վաճառել է ինչ որ Հասարակական Կազմակերպության։ Ես հաշիվ պիտի դուրս գրեմ կարի մեքենայի վաճառք (հիմնական միջոց)։ Եկամտային հաշվարկի մեջ ցույց տա՞մ իմ վաճառած հիմնական միջոցը և 10% հարկ։

Արման․

Հարգելի գործընկերներ, արդյո՞ք ճիշտ է, որ շրջանառության հարկը չեղարկվելու է մոտ ապագայում։ Ի՞նչ փոփոխություններ են սպասվում դրա հետ կապված։ Ի՞նչ հարկային համակարգ է լինելու շրջանառության հարկի փոխարեն։

Հագելի հաշվապահներ, չե՞ք ասի` ԱՁ-ն շահաբաժին ստանում է, թե ոչ։ Եվ եթե ստանում է, եկամտային հարկը 5%՞ է։

Տիգրան․

Բարև Ձեզ, այսպիսի մի հարց ունեմ։ Եթե ԱՁ-ն տանը պատրաստում է բուրգեր, սենդվիչ, ֆրի և այլ նմանատիպ սնունդ և վաճառում է միայն Գլովոյի միջոցով՝ այսինքն պատվերը ստանում է, և Գլովոյի առաքիչը գալիս է և տանում սնունդը գնորդին, հետն էլ կարող է պատվիրեն Ֆանտա, Կոկա-կոլա և այլ ըմպելիք։ Սպասարկման սրահ չունի և տեղում գնորդը սնունդ չի առնում իրենից։ Հիմա այդ գործունեությունը հանրային սնունդ է, թե՞ արտադրություն և հյութերի մասով առևտուր։

Վազգեն․

Բարև Ձեզ, ցանկանում եմ ֆրիլանս գործունեություն ծավալել արտասահմանյան հարթակներում։ Մատուցելու եմ ծրագրավորման ծառայություններ։ Արդյո՞ք պարտադիր է հարկեր վճարել այդ դեպքում։

Աննա․

Բարև Ձեզ, հարգելի՛ հաշվապահներ։ Ինձ պետք է որևէ մեկի խորհուրդը, ով զբաղվում է Wildberries-ի հաշվապահությամբ։ Ի՞նչ տեսակի հարկեր, տուրքեր պետք է վճարվի։ Դե, աշխատողների եկամտային հարկից, սոց․ վճարից, դրոշմանիշային վճարից բացի, և ճիշտը Ա/Ձ, թե՞ ՍՊԸ-ով գործունեությունն է։