Category: Հարկեր, տուրքեր, վճարներ

Անուշ․

Բարև ձեզ, ես մի կազմակերպությունում գրանցված աշխատակից եմ, և ունեմ ԱՁ, ՏՏ-ում աշխատանք կատարող, որից նույնպես ստանում եմ եկամուտ։ Երկու արդեն իսկ վճարված առողջության ապահովագրություններ ունեմ։

ԱՁ-իս համար 129 600-ի վճարումը ճիշտ ժամանակին կատարել եմ և դիմում եմ ներկայացրել այդ գումարը ետ ստանալու համար, որքա՞ն ժամանակում է դիմումի պատասխանը գալիս։ Մոտ 2 ամիս առաջ դիմումը ներկայացրել եմ, դեռ ոչ մի պատասխան չեմ ստացել։

Աննա․

Բարև Ձեզ, հարգելի հաշվապահներ։ Արդյո՞ք ճիշտ եմ մեկնաբանում օրենքը.
Շահաբաժինների ետ վերադարձի որոշման 5րդ գոդվածի գ կետով, եթե տարվա ընթացքում մեկ անգամ են ՀԴՄ տուգանել 416 հոդվածով, ապա հնարավոր է այս տարի 2025 թվականի վճարած շահաբաժնի հարկը ետ ստանալ։ Որոշման մեջ նշվում է 416 հոդվածի պահանջների երեք և ավելի անգամ խախտում։

Արփինե․

Բարև Ձեզ։ Ցանկանում եմ իմանալ՝ կրիպտո ոլորտում որպես անհատ իմ գումարով թրեյդինգ անելու դեպքում հարկային պարտավորություն կա՞, թե՞ ոչ։

Հասմիկ․

Ունեմ փոքր առցանց կրթական/լեզու սովորելու վեբ հավելված։ Ուզում եմ սկսել վճարովի պլաններ ավելացնել և հասկանալ՝ հարկային ու իրավական տեսանկյունից ճիշտ է ԱՁ բացել, թե ՍՊԸ։

Վճարումները հնարավոր է լինեն ինչպես Հայաստանից, այնպես էլ՝ արտասահմանից։
Կուզեի խորհրդատվություն ստանալ՝ ո՞ր հարկման ձևն է ճիշտ, ի՞նչ հարկեր/փաստաթղթեր են պետք, և արդյո՞ք IT ոլորտի արտոնություններ կարող են կիրառվել։
Նաև կուզեի հասկանալ՝ եթե սկզբում միայն ես եմ աշխատում պրոդուկտի վրա, պարտադիր կա՞ գրանցված աշխատող ունենալու պահանջ։

Շնորհակալություն։

Զարինե․

Ի՞նչ տուրք կամ վճարներ պետք է փոխանցի ԱՁ-ն, եթե վաճառում է ալկոհոլային արտադրանք և ծխախոտ։

Գայանե․

Բարև ձեզ։ Եթե սեփական օնլայն կայքով կատարվելու է վաճառք Վայլդբերիսի և Թեմուի ապրանքների, ի՞նչ հարկատեսակով է հարկվելու, ՀԴՄ սարք պե՞տք է, և ինչպե՞ս է ներկայացնելու առքի ապրանքագիրը, եթե օնլայն է կատարել գնումը։

Գոհար․

Բարև ձեզ: 2026թ-ի հուլիսի 29-ին գրանցել եմ ԱՁ, նույն օրն այցելել եմ Հարկային, գրանցվել Հաշվետվությունների Ներկայացման Էլեկտրոնային Համակարգում որպես լիազոր, ստացել եմ օգտվողի անուն և գաղտնաբառ: Օգոստոսի 17-ին, մինչ հարկատեսակի ընտրության հայտ ներկայացրելու 20 օրը լրանալը, Պետռեգիստրի կայքում առցանց լուծարել եմ ԱՁ-ն: Հարկատեսակի ընտրության հայտ չեմ ներկայացրել: Էլ. հասցեիս ստացել եմ ԱՁ-ի լուծարման մասին տեղեկանքը: Արդյո՞ք հարկայինի հետ կապված որևէ լրացուցիչ քայլեր ունեմ ձեռնարկելու, որ հետագայում պարտքեր չգոյանան: Շնորհակալություն։

Հասմիկ․

Բարև ձեզ, հարգելի հաշվապահներ։ ՏՏ ոլորտի հետ կապված հարց ունեմ․ J62.02.9 – Խորհրդատվական գործունեություն համակարգչային տեխնոլոգիաների բնագավառում՝ չներառված ուրիշ խմբավորումներում, այս դասակարգիչը կարո՞ղ է օգտվել ՏՏ արտոնությունից և հարկվել 1%: Խորհրդատվությունը իրականացնում է դրսի կազմակերպությունների հետ։

Արամ Առաքելյան․

Բարև Ձեզ։ ՍՊԸ-ն նախապատրաստվում է լուծարման։ Առաջացել է հետևյալ հարցը․

Լուծարման համար ՍՊԸ-ն պետք է վճարի ԱԱՀ և Գույքահարկ։ Սակայն կադաստրային գինը այնքան բարձր է, որ ԱԱՀ ՍՊԸ-ն վճարել չի կարող։ Ինչպիսի՞ հնարավորություններ կան լուծարման գործընթացը ավարտելու համար։

Սոնա․

Բարև Ձեզ։
Եթե շրջանառության հարկ վճարող ԱՁ-Ն ապրանքները ձեռք է բերում ռուսական արտադրամասից, ինչպե՞ս կարող է հիմնավորել ծախսերը՝ շրջանառության հարկի գումարից նվազեցնելու համար, արդյո՞ք անհրաժեշտ է ինքնահաշիվներ դուրս գրել։

Ռուսլան․

Բարև ձեզ։ Եթե գյուղմթերք ենք ձեռք բերում գյուղացուց, ունենք գյուղապետարանի տեղեկանքը, գյուղացու անձնագրային տվյալները, կազմում ենք գնման ակտ, արդյո՞ք դա կարողանում ենք ծախսագրել շրջհարկով։

Իզաբելա․

ԱԱՀ-ի դաշտում աշխատող ընկերությունը վաճառում է 2019թ․ արտադրության էլեկտրոմոբիլ։ Հաշիվը դուրս է գրվելու ԱԱՀ-ով, թե՞ առանց ԱԱՀ։

Սերգեյ․

Բարև Ձեզ։ Ես մատուցում եմ հնչյունային ռեժիսորի ծառայություններ։ Տեխնիկայի վարձակալությամբ չեմ զբաղվում, այլ հրավիրվում եմ մատուցելու իմ ծառայությունները։ Կարո՞ղ եմ որպես միկրոձեռնարկատեր գրանցվել։

Նարինե․

Բարև Ձեզ, ԱԱՀ-իվ աշխատող կազմակերպությունը ծիրան է արտահանել Վրաստան։ Ի՞նչ հաշվետվություններ է պետք ներկայացնել ՊԵԿ այդ գործարքի մասով, և ի՞նչ հարկային պարտավորություններ են առաջանում։

Անահիտ Բադեյան․

Եթե կազմակերպությունը զբաղվում է այլ գործունեությամբ (ատամնաբուժություն), ծախսերը նվազեցնելուց հետո հարկի գումարը 4,5%-ից փոքր է լինում, ինչքա՞ն հարկ պետք է վճարել։

Ալինա Մեխակյան․

Եթե գյուղ մթերք ենք ձեռք բերում գյուղացուց, ունենք գյուղապետարանի տեղեկանքը, գյուղացու անձնագրային տվյալները, կազմում ենք գնման ակտ, արդյո՞ք դա կարողանում ենք ծախսագրել շրջհարկով, և արդյո՞ք եկամտային հարկում գնման ակտը որևէ տողում արտացոլվում է։

Լիլիթ․

Բարև ձեզ, հարգելի՛ գործընկերներ։ Խնդրեմ կուղղորդե՞ք, թե ինչ հարկման ռեժիմով պետք է աշխատի գարեջրատունը և ինչպիսի առանձնահատկություններ կան՝ կապված տվյալ գործունեության հետ։ Շնորհակալ եմ նախապես։

Մարիամ․

Բարև ձեզ։ Կխնդրեյի պատասխանեիք հարցիս։ Ֆիլմարտադրությունը կարո՞ղ է աշխատել միկրոյով։

Աննա․

Բարև Ձեզ, հարգելի հաշվապահներ։ Շրջանառության հարկով աշխատող ընկերությունը այլ երկրներից ներմուծված ապրանքի դեպքում, ո՞ր գումարները իրավունք ունի նվազեցնել, առաջ օրենքում հստակ գրված էր մաքսային արժեք+մաքսատուրք+ԱԱՀ։ Եվ եթե փոխվել է՝ կխնդրեմ թողնել հղում կամ նշել, թե երբվանից է փոխվել։

Անի․

Բարև Ձեզ, հարցս վերաբերվում է շրջանառության հարկի հաշվարկում 5․11 (Կատարված ծախսերի մասով հարկի գումարից չնվազեցվող և հաջորդ եռամսյակներ փոխանցվող գումար) տողին, նախորդ տարվա 3-րդ եռամսյակի 5․11 տողի գումարը չեմ ներառել հաջորդ եռամսյակի 5․7 (Նախորդ եռամսյակներում կատարված ծախսերի մասով հարկի գումարից չնվազեցված և փոխանցված գումար) տողում, կարո՞ղ եմ արդյոք ներառել 2026թ 2-րդ եռամսյակի 5․7 տողում, թե՞ անպայման պետք է ճշգրտեմ 2025թ․ 4-րդ եռամսյակը։

Կարեն․

Բարև ձեզ։ ԱՁ մահից հետո կինը ստացել է ժառանգություն ամուսնու խանութի ապրանքները։ Նոտարը դրանք գույքագրել է, գնահատող կազմակերպությունն էլ գնահատել։ Կինը ապրանքները իրացնելու համար բացել է նոր ԱՁ, որը աշխատում է ԱԱՀ դաշտում։ Կարո՞ղ է արդյոք նվազեցնել այդ ապրանքների իքնարժեքը։

Քրիստինե․

Բարև Ձեզ։ Բացել եմ ԱՁ, մատուցում եմ լազերային մազահեռացման ծառայություն։ Կօգնե՞ք կողմնորոշվել գործունեության տեսակի դասակարգչի հարցում, ինչպես նաև շրջհարկի գումարից ի՞նչ նվազեցումներ կարող եմ անել և ի՞նչ չափով։ Ունեմ ՀԴՄ սարքի ձեռքբերում, տարածքի վարձակալության վճար, նյութեր (սավաններ, գելեր․․․անիջապես բուն աշխատանքին առանչվող), նյութեր տնտեսական, Առողջության ապահովագրավճար (ձեռք եմ բերել ինքս, քանի որ աշխատավարձիս շեմը չէր գերազանցում), հազվադեպ նաև սարքի հետ կապված փոքր ծախսեր։

Անի․

Բարև Ձեզ, ցանկանում եմ բացել ԱՁ և վաճառել գիպսից պատրաստված տարբեր իրեր։ Խնդրոում եմ կասե՞ք՝ ի՞նչ է անհրաժեշտ անել դրա համար, և ի՞նչ հարկեր պետք է վճարել և նման մանրամասներ։

Անուշ․

Բարև ձեզ, ես մի կազմակերպությունում գրանցված աշխատակից եմ, և ունեմ ԱՁ, ՏՏ-ում աշխատանք կատարող, որից նույնպես ստանում եմ եկամուտ։ Երկու արդեն իսկ վճարված առողջության ապահովագրություններ ունեմ։ Հարցս հետևյալն է՝ արդյո՞ք կարող եմ ինչ-որ կերպ խուսափել վճարելուց ԱՁ համար նախատեսված 129 600 դրամ ապահովագրավճարը: Եվ ո՞րն է վերջնաժամկետը և ի՞նչ տեղի կունենա, եթե մինչև վերջնաժամկետ ապահովագրավճարը չվճարվի։

Արթուր․

Բարև Ձեզ։ Որ խնդրեմ, կասե՞ք՝ հացի արտադրության դեպքում ի՞նչ հաշվետվություններ է պետք հանձնել ու ի՞նչ հաշվառում է պետք անել։ Ու նաև սննդի անվտանգության տեսչություն դիմելու գործընթացը ինչպե՞ս կազմակերպել։

Վարդան․

Բարև Ձեզ։

Հիմնարկության հետ ցանկանում եմ կնքել ծառայությունների մատուցման պայմանագիր։ Ունեմ ԱՁ՝ միկրոձեռնարկատիրության հարկման համակարգում և ներկայում իրականացվող գործունեությունս համապատասխանում է միկրոձեռնարկատիրության պահանջներին։

Պայմանագրով նախատեսվող լրացուցիչ գործունեությունը հետևյալն է՝ համակարգիչների սպասարկում, քարթրիջների լիցքավորում և վերանորոգում։

Խնդրում եմ տեղեկացնել՝ արդյո՞ք նշված գործունեության տեսակները թույլատրում են շարունակել ԱՁ-ի գործունեությունը միկրոձեռնարկատիրության հարկման համակարգում։

Լիլիթ Գաբրիելյան․

Ուզում եմ իմանալ՝ որքա՞ն կկազմեն հարկերը ՍՊԸ-ի համար, եթե մենք գնենք հեղինակային իրավունքը ռուսական իրավաբանական անձից և վաճառենք գրքերը Amazon-ում։

Լուսինե․

Բարև ձեզ, կասե՞ք խնդրեմ՝ ՍՊԸ-ի հիմնադիր-տնօրենի անձնական մեքենան կարո՞ղ է անհատույց վարձակալության տրվել ՍՊԸ-ին։ Եթե այո, ապա հարկման ընդհանուր համակարգում աշխատող ՍՊԸ-ի մոտ կառաջանա՞ արդյոք հարկային պարտավորություն:

Մարի․

Բարև Ձեզ, ՀՀ-ում գրանցված շրջանառության հարկով աշխատող ԱՁ-ն ՌԴ-ում Wildberries – ով առևտուր է իրականացնում, ապրանքը ձեռք է բերում ռուսական ֆիրմայից` թղթային հաշիվ ապրանքագրով։ Դա համարվու՞մ է փաստաթղթավորված ձեռքբերում և կարո՞ղ է նվազեցվել շրջհարկից։

Արմինե․

Ցանկանում եմ հարկային դաշտում գրանցվել զբոսաշրջիկներին ներգնա տուր փաթեթներ վաճառելու համար:

Այս ոլորտի համար կարո՞ղ եմ միկրոձեռնարկատիրության 0% հարկային ռեժիմից օգտվել, թե՞ շրջանառության հարկով պետք է աշխատեմ:

Նշեմ, որ տարեկան շրջանառությունը հաստատ 24 մլն-ը չի գերազանցի: