Category: Փաստաթղթեր, պայմանագրեր, գրքեր

Հանրային սնունդ 2024

Թամարա․

Բարև Ձեզ, հարգելի հաշվապահներ։ ԱՁ զբաղվում է հանրային սննդով (ռեստորան), 2024թ․ հունվարի 1-ից գնման ակտով ձեռքբերումը պարտադիր է դառնում: Հիմնականում մսամթերքը գնում ենք Սիթիից և այլ խանութներից: Ասացեք խնդրեմ՝ մեզ տրված ՀԴՄ կտրոնները կարո՞ղ են հիմք դառնալ գնման ակտով չգնելու համար:

Էլեկտրոնային դրամարկղային գրքի հայտ

Թամարա․

Բարև Ձեզ, հարգելի հաշվապահներ։ Ասացեք խնդրեմ՝ եթե ես ՍՊԸ եմ ներկայացնում, ունեմ դրամարկղի գիրք, բայց չեմ վարում կանխիկ գործարքներ չունենալու պատճառով, 2024թ․ հուվարի 1-ից հայտ պե՞տք է ներկայացնեմ էլեկտրոնային գիրք հաստատելու համար, թե՞ ոչ, և հայտի ներկայացման ժամկետն ասեք, խնդրում եմ: Շնորհակալություն։

Ապրանքի ետ վերադարձ

Տաթևիկ․

Բարև Ձեզ։ Ապրանքի առաքման հաշիվ վավերագիր է դուրս գրվել, ցանկանում ենք ապրանքի ետ վերադարձ կատարել և ապրանքը մատակարարել ավել ցածր գնով, քանի որ չի վաճառվում։ Խնդրում եմ հուշեք գործողությունների հերթականությունը։

Մատակարարի հաշիվները բացակայում են

Գոհար․

Բարև Ձեզ: Համայնքային ոչ առևտրային կազմակերպություն է, հաշվառումը վարում ենք հանրային հատվածի հաշվապահական հաշվառման օրենքով: Մատակարարից ստացել ենք ապրանք, որի համար ունենք ակտ և արձանագրություն հանձնման-ընդունման, չունենք հաշիվ ապրանքագիր: Կազմակերպությունը գրանցված է Ղարաբաղում: Հաշիվ ապրանքագրերը բացակայում են մինչև ֆորս մաժորը և դրանից հետո: Արդյո՞ք իրավունք ունենք հաշվապահական ձևակերպում տալ և գումարը փոխանցել: Շնորհակալություն:

Անշարժ գույքի վարձակալություն հարկային գործակալի առկայության դեպքում

Արմեն․

Հարգելի գործընկերներ, եթե անշարժ գույքը վարձակալած կողմն իրավաբանական անձ է, այսինքն հանդիսանում է հարկային գործակալ (վարձավճարը արտացոլվում է ամսական եկամտային հարկի հաշվարկում), արդյո՞ք այդ դեպքում էլ վարձատու ֆիզ․ անձը պետք է ներկայացնի “Անշարժ գույքի հետ կապված եկամտի ստացման իրավունքի և դրա դադարեցման վերաբերյալ հայտարարության ձևը”։ Եվ արդյո՞ք տվյալ դեպքում էլ գործարքը ենթակա է պետական գրանցման։ Շնորհակալություն։

Էլեկտրոնային դրամարկղային գրքի վարման կարգ

Հասմիկ Դավթյան․

2024 թվականի հունվարի 1-ից ո՞ր տնտեսվարողների համար է պարտադիր էլեկտրոնային դրամարկղային գրքի վարումը։ Որտե՞ղ կարելի է ծանոթանալ էլեկտրոնային դրամարկղային գրքի վարման կարգին։ Շնորհակալություն։

Ռեստորանը որպես միկրոձեռնարկատիրություն

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Էլեկտրոնային դրամարկղային գրքի լրացման կարգ

Կարեն․

Բարև Ձեզ։ 2024 թվականի հունվարի 1-ից դրամարկղային գիրքը դառնալու է էլեկտրոնային։ Կարո՞ղ եմ օրինակ 2024 թվականին հունվարի մուտքի և ելքի օրդերները գրանցեմ մի քանի ամիս հետո, թե՞ ամեն ամսվա վերջով պետք է տվյալ ամսվա գործարքների մուտքի և ելքի օրդերները գրանցեմ։

Հաշվի տեսակը մատակարարի անունից

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Էլեկտրոնային դրամարկղային գիրքը պարտադի՞ր է

Դավիթ․

Բարև ձեզ։ Եթե կազմակերպությունը բոլոր գործառույթները իրականացնում է անկանխիկ եղանակով, արդյո՞ք պարտադիր է վարել էլեկտրոնային դրամարկղային գիրքը։ Շնորհակալություն։

Ավտոմեքենայի յուղերի առք ու վաճառք

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Լիազորագիր ՏՏ հավաստագիր ստանալու համար

Գուրգեն․

Կարո՞ղ է Ա/Ձ-ն լիազորագիր տալ որևէ մեկին, ով կզբաղվի ՏՏ հավաստագիր ստանալու հարցով, թե՞ պարտադիր պետք է Ա/Ձ-ն անձամբ մոտենա ԲՏԱ նախարարություն և մասնակցի նիստին:

Անշարժ գույքի հանձնման-ընդունման ակտի ձև

Գարիկ․

Անշարժ գույքի հանձնման ընդունման ակտը վավերացվու՞մ է նոտարի կողմից։ Եթե հնարավոր է՝ օրինակելի ձև կուղարկե՞ք։

Դրամարկղային գիրք հաստատելու լիազորագիր

Բարև ձեզ։ Դրամարկղային գրքի հաստատման համար հարկային մարմնում ներկայանալու համար լիազորագրի օրինակի ձև կուղարկե՞ք, որ խնդրեմ։

Անշարժ գույքի վարձակալություն

Տիգրան․

Բարև ձեզ։ Խնդրում եմ ասել բոլոր գրոծողությունները՝ անշարժ գույքը վարձակալության հանձնելու համար կազմվող պայմանագրի համար։ Ենթադրենք՝ վարձակալի հետ կնքվեց պայամանգիր, ու՞ր պետք է ներկայացնել այդ պայամանգիրը և ի՞նչ փաստաթղթերի հետ։ Շնորհակալություն։

Ընկերությունն ունի մեկ մասնակից

Անի․

Հարգարժան ընկերներ, եթե ընկերությունն ունի մեկ մասնակից, մասնակիցների ժողովի արձանագրության փոխարեն ի՞նչ փաստաթուղթ է կազմվում։

Արդյո՞ք անհրաժեշտ է դրամարկղային գիրք վարել կանխիկ գործարքներ չունենալու դեպքում

Նարե․

Հարգելի հաշվապահներ, եթե ՍՊԸ-ն աշխատում է շրջանառության հարկով, իր բոլոր գործարքները կատարում է անկանխիկ եղանակով, դրամարկղ չունի, արդյո՞ք պետք է դրամարկղային գիրք վարի, և եթե այո, ապա ինչպե՞ս պետք է լրացնի եթե կանխիկ գործարք չունի։

Էլեկտրոնային դրամարկղային գիրք

Արա․

Հարգելի հաշվապահներ, արդյո՞ք ճիշտ է, որ 2024թ․ հունվարի 1-ից պետք է դրամարկղային գրքերը լինեն բացառապես էլեկտրոնային, ո՞ր օրենքի ո՞ր կետով է այն պարտադիր 2024թ․ հունվարի 1-ից։

Դրամարկղային գրքի համարակալում

Բարև ձեզ, կասե՞ք՝ դրամարկղի գիրքը հաշվապա՞հն է համարակալում թերթերը, թե՞ հարկայինը։

Կազմակերպությունը ՀԿ-ին անդամավճար է վճարել

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

Հրամանագիրք

Գայանե․

Բարև Ձեզ։ Խնդրում եմ պատասխանել՝ հրամանագիրք վարելը պարտադի՞ր է, թե՞ ոչ։ Եթե այո, ապա ինչպես են դասակարգվում և գրանցվում հրամանները՝ բոլորը միասին մեկ հրամանագրքում, թե՞ կադրերինը առանձին, ընդհանուր բնույթինը՝ այլ գրքում։ Շնորհակալություն։

Բեռնափոխադրման արժեքը ապրանքների մատակարարման հարկային հաշվում

Արամ․

Բարև Ձեզ։ Արդյո՞ք կարելի է նույն ապրանքների մատակարարման հարկային հաշվում առանձին տողով գրել նաև այդ ապրանքների համար բեռնափոխադրման ծառայության արժեքը։

Էլեկտրոնային դրամարկղային գիրք

Կարեն․

Բարև Ձեզ։ Դրամարկղային գիրքը 2024 թվականի հունվարի 1-ից դառնում է պարտադիր էլեկտրոնային։ Կասե՞ք՝ դրա լրացման կարգը ո՞նց է, ամեն օր պե՞տք է լրացնենք։

Հաշվի մեջ ներառվել է շահութահարկի գումարը

Թինա․

Բարև ձեզ, Վրաստանից ապրանք ենք ներմուծել, հաշվի մեջ առանձին տողով ներառված է նաև շահութահարկի գումարը։ Արդյո՞ք հաշիվը ճիշտ է, և եթե այո, ապրանքի ինքնարժեքի մեջ պե՞տք է ներառել նաև այդ գումարը։

Դասընթացներ գեղեցկության սրահում

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։

Պե՞տք է գրել ինքնահաշիվ

Նունե․

Հարգելի հաշվապահներ, ԱԱՀ-ով աշխատող կազմակերպությանը ծառայություն է մատուցել Ռուսաստանում գրանցված և հարկեր մուծող կազմակերպությունը, ունեմ invoice։

1. Պե՞տք է գրել ինքնահաշիվ

2. Շահութահարկից նվազեցվու՞մ է այդ ծախսը

Հիշարար օրդեր

Նարինե․

Բարև Ձեզ, ինձ հիշարար օրդերի օրինակ է հարկավոր, կարո՞ղ եք օգնել, նախապես շնորհակալություն։

Օտարերկրյա ընկերության հաշիվ

Գուրգեն․

Բարև ձեզ։ Ասացեք խնդրեմ՝ կարո՞ղ է եվրոպական արտադրողը հաշիվ դուրս գրել հայկական ընկերության անունով, սակայն ֆրանսիական հասցեով (որտեղ բնակվելու եմ գործուղման ընթացքում), որպեսզի ես այդ հաշվի հիման վրա տեղական բանկից վճարում կատարեմ, սակայն ապրանքը ինձ հետ բերեմ գործուղումից հետ գալուց: Շնորհակալություն։

Հաշիվ վավերագրի դուրս գրում օտարերկրյա ընկերությանը

Նարինե․

Որպես ԱՁ freelance ծառայություն եմ մատուցել արտասահմանյան ընկերության: Սակայն չկա պայմանագիր, կա invoice անգլերենով, որտեղ նշված են բանկային տվյալներն, հասցեն և ՀՎՀՀ-ն:

Փորձում էի դուրս գրել հաշիվ վավերագիր: Միայն կարողացա լրացնել ծառայությունն ընդունող ընկերության անունն, հասցեն և մատուցած ծառայությունն: Երկրի կոդով ՀՎՀՀ-ն չի թույլ տալիս լրացնել ու բնական է, որ առանց դրա կհասկանա, որ Հայկական ՀՎՀՀ է:

Խնդրում եմ պարզաբանել ՀՕ Հոդված 55-ի կետ 10-ը: Ճի՞շտ եմ հասկանում, որ․

1. «ՀՀ օրենսդրությամբ սահմանված դեպքերում ՀՎՀՀ ունենալը պարտադիր չէ» վերաբերում է հենց այդ կետին

2. ՀՎՀՀ-ն պարտադիր է, եթե չկա հատուկ կնքված պայմանագիր։ Այս դեպքում invoice-ին կարո՞ղ եմ հղում անել օրենքի պահանջն բավարելու համար, ինչպե՞ս:

Ապրանքի տեղափոխման հաշիվ

Քրիստինա․

Բարև Ձեզ։ Եթե կազմակերպությունը վաճառված ապրանքը նաև տեղադրում է և դուրս է գրում ապրանքի մատակարարման և աշխատանքների կատարման հաշիվներ, հարցս՝ պարտադի՞ր է գրել ապրանքի տեղափոխման հաշիվ։ Առհասարակ, ե՞րբ է գրվում ապրանքի տեղափոխման հաշիվը։

Հաշվի դուրսգրում հետին ամսաթվով

Անի․

Հարգելի հաշվապահներ, հնարավո՞ր է արդյոք մոռացված հաշիվ վավերագիրն դուրս գրել հետին ամսաթվով նախորդ ամսվա համար, նախքան հաշվետվություններն հանձնելն: Սա խնդիր չի՞ առաջացնի:

Արտահանման հաշիվ

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։

Արդյո՞ք պետք է ունենալ դրամարկղային գիրք

Հենրիկ․

Բարև Ձեզ, խնդրում եմ պատասխանել․ եթե ՍՊԸ-ը աշխատում է շրջհարկով և բանկում ունի հաշվի համար, արդյո՞ք պետք է ունենալ դրամարկղային գիրք։ Կանխավ շնորհակալ եմ պատասխանների համար։

Ուղեկցող փաստաթուղթ

Մայա․

Բարև Ձեզ։ Շրջհարկով աշխատող Ա/Ձ-ն գնման ընթացակարգի արդյունքում՝ համաձայն պայմանագրի, բոլոր աշխատանքային օրերի համար իրականացնում է մթերքի առաքում թվով 10 դպրոցների։ Ամեն օր մինչև առաքումը, յուրաքանչյուր դպրոցի համար դուրս է գրվում e-invoicing ծրագրով էլեկտրոնային հաշիվ վավերագիր։ Ամեն օր առաքվող մթերքը ուղեկցվում է նաև երկկողմանի ստորագրվող՝ ըստ պայմանագրի պահանջվող թղթային տարբերակով հանձնման – ընդունման ակտով։ Այսինքն ստացվում է ամսվա կտրվածքով՝ միջին հաշվարկով, դուրս է գրվում 210-230 էլեկտրոնալին հաշիվ և նույնքան էլ թղթային հանձնման-ընդունման ակտ։

Հարգելի հաշվապահներ, Ձեր խորհրդատվության կարիքն եմ զգում այս հարցում։ Հնարավո՞ր է արդյոք ամեն օրվա առաքմանն ուղեկցող փաստաուղթ բավարարվել միայն թղթային հանձնման-ընդունման ակտով՝ դուրս չգրելով հաշիվ վավերագիր կամ տեղափոխման այլ էլեկտրոնային փաստաթուղթ։ ՀՏ-ի օրենքների խախտում չի՞ դիտվի արդյոք միայն ամսվա վերջում կամ հաջորդ ամսվա սկզբին՝ յուրաքանչյուր դպրոցի համար (հիմք ընդունելով այդ թղթային հանձնման-ընդունման ակտերի հանրագումարը) e-invoicing ծրագրով դուրս գրվի ընդամենը մեկ հատ էլեկտրոնային հաշիվ վավերագիր՝ ամբողջ ամսվա համար։ Եթե փաստացի ունեք այսպիսի իրավիճակ՝ խնդրում եմ արձագանքեք, կիսվեք Ձեր փորձով։ Հատկապես, եթե անցել եք ՀՏ-ի կողմից ստուգում այս պարագայում։

Կանխավ շնորհակալ եմ բոլոր արձագանքների և խորհուրդների համար։

ԱՁ-ն ավտոմեքենա է վաճառել

Կարեն․

Բարև Ձեզ։ Ավտոմեքենայի առուվաճառքով զբաղվող ԱՁ-ն ՀՀ տարածքում ավտոմեքենա է վաճառել։ Առուվաճառքի պայմանագրում սխալամաբ գինը նշվել է ինքնարժեքից ցածր։ Ինչպե՞ս կարող եմ դա շտկել, եթե ինվոյսը փոխեմ, գինը ավելացնեմ, իսկ պայմագիրը մնա նույնը, խնդիր կլինի՞։

Վարձակալության պայմանագիր առանց նոտարական վավերացման

Լալա․

Բարև Ձեզ։ Ա/Ձ-ն անշարժ գույք է անհատույց վարձակալել ֆիզ․ անձից (արտադրամաս, խանութ)։ Կնքվել է պայմանգիր առանց նոտարական վավերացման։ Խնդրում եմ գրեք՝ կա՞ն ֆինանսական կամ վարչական օրենքների խախտումներ կապված 1․ պայմանագրի անհատույց լինելու 2․ պայմանագրի նոտարական վավերացում չունենալու հետ։ Եթե այո, ապա խնդրում եմ նշել հղումները։

Արդյո՞ք պայմանագիրը պարտադիր է

Սոֆյա․

Բարև Ձեզ: Հարգելի հաշվապահներ, ծառայության մատուցման համար (օտար լեզվի դասընթաց) բավարար կլինի՞ միայն հաշիվ գրել, թե՞ պայմանագիրը պարտադիր է:

Արդյո՞ք պետք է գրել հարկային հաշիվ

Անուշ․

Բարև ձեզ, հարգելի հաշվապահներ։ ԱԱՀ-ով աշխատող ՏՏ ընկերությունը մասնակցում է պատերազմի մասնակիցների մասնագիտական ուսուցման և աշխատանքով ապահովման ծրագրին։ Ծրագրի շրջանակներում շահառուն ուսման վարձը փոխանցում է ընկերությանը, իսկ Միասնական սոցիալական ծառայությունը գումարը փոխհատուցում է շահառուին։ Հարցս հետևյալն է՝ արդյո՞ք պետք է գրել հարկային հաշիվ շահառուին, և այդ գումարը ԱԱՀ-ով հարկվելու՞ է։

Հանձնում-ընդունում

Կարապետ․

Խնդրւմ եմ ասեք՝ ՀՀ հարկային օրենսդրությունով պարտադի՞ր է հանձնման-ընդունման ակտի թղթային տարբերակի առկայությունը, թե՞ կարող ենք ստորագրություններն ու կնիքները կազմակերպել էլեկտրոնային՝ էլ․ փոստով միմյանց ուղարկելու միջոցով։

Վարձակալության պայմանագիր

Լիլիթ․

Եթե տարածքի սեփականատերը անշարժ գույքի վարձակալության պայմանագիր չի կնքում, այդ պարագայում ո՞վ է պատասխանատվություն կրում՝ վարձակա՞լը, թե՞ վարձատուն։

Փոփոխությունները նոտարով չեն հաստատվել

Հայկ․

Բարև Ձեզ: 2010 թվականից ունենք անշարժ գույքի վարձակալության պայմանագիր՝ հաստատված նոտարով: Ժամանակի ընթացքում պայմանագրի գնի փոփոխություններ են եղել, որոնք չեն հաստատվել նոտարով: Շրջհարկով աշխատելու ընթացքում վարձակալության վճարները ծախս եմ ճանաչել: Այժմ արդեն աշխատում ենք ընդհանուր հարկման դաշտում: Կարո՞ղ եմ արդյոք հաշվանցել ԱԱՀ-ն և գումարը շահութահարկով ծախս ճանաչել: Եթե ոչ, ապա ի՞նչ պետք է անել: Շնորհակալություն։

Գործուղման փաստաթղթեր

Էլինա․

Հարգելի հաշվապահներ, եթե օտարերկրյա գործուղման մկնելու համար աշխատողին վճարվել է օրապահիկ (գիշերավարձը վճարել է կազմակերպությունը հաշվարկային հաշվից անմիջապես հյուրանոցին) ՝ սահմանված չափը չգերաանցող գումար, արդյո՞ք անհրաժեշտ են փաստացի կատարված ծախսերի հաշվետվությունը, գործուղման ծախսերը հաստատող փաստաթղթերը։

Նշված փասաթղթերի բացակայության դեպքում արդյո՞ք չի նվազեցվի օրապահիկի ծախսը շահութահարկի հաշվարկում։ Չէ՞ որ ՀՕ 111 Հոդվածը ասում է « 2. Անկախ սույն հոդվածի 1-ին մասի դրույթներից` ռեզիդենտ շահութահարկ վճարողի և մշտական հաստատության միջոցով Հայաստանի Հանրապետությունում գործունեություն իրականացնող ոչ ռեզիդենտ շահութահարկ վճարողի հարկման բազան որոշելիս թույլատրվում է առանց փաստաթղթերով հիմնավորման համախառն եկամտից նվազեցնել Օրենսգրքի 117-րդ հոդվածով սահմանված չափը չգերազանցող օրապահիկի, ինչպես նաև դաշտային պայմաններում և տեղափոխման (տեղաշարժման) աշխատանքների կատարման դեպքում` Կառավարության սահմանած չափը չգերազանցող չափով տրվող հատուցման գումարները:»

Ի՞նչ խնդիրներ եմ կարող ունենալ փաստացի կատարված ծախսերի հաշվետվություն և գործուղման ծախսերը հաստատող փաստաթղթեր չունենալու դեպքում։

Կանխավ շնորհակալ եմ։

ՀՄ ձեռք է բերվել գնման ակտով

Քրիստինա․

Բարև Ձեզ։ Եթե հիմնական միջոցը ձեռք է բերված գնման ակտով ,ապա դրա մաշվածքի ծախսը շահութահարկի հաշվարկման ժամանակ չի՞ նվազեցվի։

Առհաշիվ գումարի տրամադրում տնօրենին

Անի․

Հարգելի՛ հաշվապահներ, կազմակերպության տնօրենը դրամարկղից պարբերաբար գումար է վերցրել առհաշիվ: Հարցս հետևյալն է՝ առհաշիվ գումարների դեպքում պայմանագիր պե՞տք է կազմվի տնօրենի հետ: Խոսքը մեծ գումարի մասին է:

Հաշվի դուրսգրում

Վահագն․

Բարև Ձեզ։ Միկրոյի դաշտում աշխատող ԱՁ-ն ավտոտեխսպասարկման կետում ծառայություն է մատուցում և ապրանք է վաճառում։ Հասցեն Երևանից դուրս է: Ճի՞շտ եմ հասկանում, որ եթե ցանկանում եմ շարունակել աշխատել միկրոյի դաշտում, ես կարող եմ հաշիվ վավերագիր դուրս գրել միայն ծառայությունների մատուցման համար, իսկ ապրանքի վաճառքի համար վավերագիր չեմ կարող դուրս գրել։

Տնօրեն նշանակելու որոշում

Սոֆյա․

Հարգելի հաշվապահներ, նորաբաց ՍՊԸ-ն ունի երկու համահիմնադիր հավասար բաժնեմասերով: Նրանցից մեկին անհրաժեշտ է տնօրեն նշանակել: Հիմնադիրների ժողովի կեղմից ի՞նչ որոշում պետք է պատրաստել, որ հիմք լինի աշխատանքային պայմանագիր կազմելուն: Կա՞ արդյոք ստանդարտ ձև, թե՞ կարելի է ազատ ոճով շարադրել:

ԱԱՀ ներառյալ, թե՞ առանց

Աշոտ.

Բարև Ձեզ։ Ինվոյսի հիման վրա ինքնահաշիվ գրելու դեպքում ինվոյսում նշված արժեքը դրամային արտահայտությամբ մեր հաշվի արժեքն է ԱԱՀ-ն ներառյալ, թե՞ առանց ԱԱՀ-ի։

Վաճառք Wildberries կայքում

Մարիա․

Բարև ձեզ։ Կասե՞ք խնդրում եմ՝ վայլդբերիսով վաճառք անելուց հաշիվ հաշիվ ինչպե՞ս պետք է գրեմ գնորդին, եթե օրինակ ինչ որ մեկը ապրանք է պատվիրել այլ երկրից։ Նշեմ, որ ԱՁ-ն շրջ. հարկով է գործում։

Ապահովագրական ընկերության հաշիվ

Մանե․

Ի՞նչ հիմնավորմամբ ապահովագրական ընկերությունները Բ կարգի հաշիվ դուրս չեն գրում։ Որևէ օրենսդրական կարգավորում չեմ հանդիպել։