Category: Հարց ու պատասխան

Արմեն․

Բարև Ձեզ։ Մատուցում ենք օնլայն խորհրդատվական ծառայություններ (և իրավաբանական անձանց, և ֆիզ․ անձանց)։ Երբեմն ֆիզ․ անձ հաճախորդները չեն ցանկանում տրամադրել անձնագրային տվյալները՝ հաշիվ դուրս գրելու համար։ Այս դեպքում պե՞տք է ՀԴՄ կիրառել։ Եթե այո՝ ֆիզիկական ՀԴՄ սարք, թե՞ օնլայն ՀԴՄ։ Անկանխիկի օրենքում նշվում է, որ խորհրդատվական ծառայությունների վճարները կատարվում են անկանխիկ ձևով։ Այսինքն՝ եթե վճարումը կատարվում է քարտով կամ այլ վճարային համակարգով, կարո՞ղ ենք ՀԴՄ կիրառել, թե՞ ոչ։ Շնորհակալ եմ նախապես։

Հասմիկ․

ՍՊԸ-ն օգտվել է միկրոձեռնարկատիրությամբ զբաղվող Ա/Ձ-ի ծառայությունից, արդյո՞ք ՍՊԸ-ն կարող է իրեն ծախս համարել և նվազեցնել։

Գոհար․

Բարև ձեզ։ Ցանկանում եմ տանս մեջ արտադրել մոմեր և օճառներ, և օնլայն վաճառք իրականացնել։ Կասե՞ք խնդրեմ՝ գրանցվե՞մ որպես ԱՁ, և ի՞նչ քայլեր են հարկավոր, որպեսզի օրինական դաշտ մտնեմ։

Լիլ․

Բարև ձեզ։ Ուզում եմ խորհրդատվություն ստանալ հետևյալ իրավիճակի վերաբերյալ (Գեղեցկության սրահ)․

ԱՁ-ն 2024թ․ աշխատել է միկրոձեռնարկատիրության կարգով, բայց չի վճարել դրոշմանիշը, որի համար հիմա ծանուցում կա։

2025թ․ անցել է շրջանառության հարկի համակարգ և ներկայացրել է միայն 1-ին եռամսյակի հաշվետվությունը։ Ապրիլից փաստացի գործունեություն չի իրականացրել, եկամուտ չի ունեցել, բայց գործունեության դադարեցման հայտ չի տվել, և մնացած եռամսյակների հաշվետվությունները չի ներկայացրել։

Հարցերս՝
1️⃣ Եթե փաստացի եկամուտ չի եղել, արդյո՞ք պարտավոր է վճարել ֆիքսված ամսական որևէ հարկ (օրինակ՝ 5 000 դրամական շահութահարկ և սոց վճար)
2️⃣ Չներկայացված եռամսյակների դեպքում պե՞տք է հիմա ներկայացնել զրոյական հաշվետվություններ
3️⃣ Արդյո՞ք հաշվարկվելու են պարտադիր սոցվճարներ, եթե աշխատողներ չկան
4️⃣ Ո՞րն է ճիշտ քայլերի հերթականությունը հիմա՝ տուգանքները նվազագույն պահելու համար։

Կանխավ շնորհակալություն։

Մերի․

Բարև ձեզ, Wildberries հաշվապահության հետ կապված հարցեր ունեմ։ Հաշիվը գրում ենք Уведомление о выкупе տվյալներով, դա ՀՀ-ից դուրս վաճառված ապրանքների համար է ծախսերն էլ հանած, հիմա հարցս՝ իսկ ՀՀ–ում վաճառված ապրանքների համար ինչպե՞ս ենք հաշիվը գրում, եթե ծախսերը հանած չեն դետալիզացիայի մեջ։ К перечислению Продавцу за реализованный Товар տողից հանու՞մ ենք լոգիստիկան։ Մի հարց ևս՝ Wildberries-ը մեզ հաշիվներ է գրում հանձնակատարի ծառայության, դրա մեջ ի՞նչն է ներառված, գովազդի ծախսերն այդտեղ կա՞ն։

Աննա․

Բարև ձեզ։ ՍՊԸ-ն եթե նոր է բացվում, մեկ մասնակից ունի, տնօրեն ռեգիստրով հենց հիմնադիրին է, taxservice-ում պարտադի՞ր է տնօրեն գրանցելը, և հետագայում փոփոխման դեպում տնօրենը ռեգիստրի վկայականում է՞լ պետք է փոխվի։

Հայկանուշ․

Բարև Ձեզ։ Քաղաքացիաիրավական պայմանագրով Արմաթ ԻԼ խմբավար եմ։ Միաժամանակ աշխատում եմ դպրոցում որպես էլեկտրոնային մասնագետ։ Հարց՝ քաղաքացիաիրավական ծառայությունը հաստի՞ք է, թե՞ մատուցած ծառայություն։ Ինձ առարկում են, որ ես պետք է աշխատեմ էլ․ մասնագետ 0,75 դրույքով, քանի որ 2 աշխատանքը միասին շաբաթական 48 ժամը գերազանցում է։ Նշեմ, որ Արմաթ խմբակ պարապում եմ 2 խմբով յուրաքանչյուր խմբի հետ քաղաքացիաիրավական պայմանագրով տրված շաբաթական 4 ժամ 30 րոպե։

Տիգրան Ավետիսյան․

Բարև ձեզ։ Wildberries հարթակում վաճառքների շրջանառությունը կազմվում է ՎԲ ՀՀ-ում ներկայացուցիչ ԻՄՎԲԱՄ-ի կողմից դուրս գրվող շաբաթական уведомления о выкупе հաշիվներով, որտեղ հաստատում է վաճառողից x քանակով և x գնով արանքների գնումը (որտեղից հանված են բոլոր կամիսիաները, պահպանման վճարները և լոգիստիկան), թե՞ ընդհանուր հաշվետվությունը, որտեղ ներառված են այդ բոլոր ծախսերը, և չենք կարող նվազեցում կամ ծախս համարել, որովհետև չկա երկկողմանի հաշիվ-ֆակտուրա և համարվում է զուտ հաշվետվություն: Ցանկանում եմ հասկանալ՝ ո՞ր փասթաթուղթը պետք լինի հիմք շրջանառություն հաշվելու ու շրջհարկ վճարելու համար: Շատ շնորհակալ կլինեմ պատասխանի համար:

Նարե․

Բարև Ձեզ, հարգելի հաշվապահներ, խնդրում եմ օգնել` եթե ԱԱՀ-ով աշխատող ընկերությունը ունի ստացված կանխավճարներ ԱՁ-ից, ով մահացել է, ի՞նչ պետք է անի նշված կանխավճարների հետ։

Սերգեյ․

Բարև Ձեզ: Ծառայության մատուցման համար նոր սերնդի ՀԴՄ-ն՝ ակտիվացված ՊՈՍ-ով, բավարա՞ր է, թե՞ անհրաժեշտ է նաև այլ անկանխիկ վճարման միջոց. օրինակ, երբ դուրս է գրվում հաշիվ, և հաճախորդը ցանկանում է տեղում այդ միջոցով կատարել վճարում: Կա՞ արդյոք նման օրենսդրական պահանջ: Կանխավ շնորհակալ եմ:

Արթուր․

Բարև Ձեզ: Սկսնակ եմ: Ցանկանում եմ խաղալիքներ ներմուծել Չինաստանից՝ Հայաստանում վաճառելու նպատակով:

1) Որպես ԱՁ ի՞նչ վճարումներ եմ կատարելու ներմուծման ժամանակ (հարկե՞ր, մաքսային վճարնե՞ր):

2) Վաճառքից հետո ի՞նչ հարկեր եմ վճարելու:

3) Ամսական կամ տարեկան ի՞նչ հարկեր պետք է վճարեմ ու ի՞նչ հաշվետվություններ պետք է ուղարկեմ:

Հայկ․

Բարև ձեզ։ Հարցս վերաբերում է դրոշմանիշային վճարներին։ Ինչպես գիտենք՝ 2026 թ. հունվարից մինչև 1 մլն աշխատավարձ ստացողներինը դրոշմանիշային վճարը դարձել է 1 000 դրամ ։ Իսկ եթե օրինակ ոչ լրիվ աշխատաժամանակով աշխատողը ստանում է ամսական մաքուր 60 000 դրամ, ապա այդ 1 000 դրամը գործատու՞ն է շարունակում վճարել։ Այս մասով փոփոխություն կա՞, թե՞ ոչ։ Շնորհակալություն։

Գայանե․

Հարգելի գործընկերներ, անկեղծ ասած հարկադիր պարապուրդի հաշվարկի մեջ եմ դժվարանում, ո՞ր տարբերակն է ճիշտ, եթե աշխատողն աշխատում է 123 000 դրույքաչափով, 8 ժամյա աշխատանքային գրաֆիկով, հարկադիր պարապուրդի հաշվարկը 1 ամսվա համար այսպե՞ս է․

1. 123 000 * 2 / 3 = 82 000 ու դրանից պահվի հարկերը,
2. թե՞ այս եղանակով` 90 020(մ.) / 21 / 8 = 535.8 535.8*21 = 11 252.5 վճարման ենթակա

Կանխավ շնորհակալություն:

Անուշ․

Բարև ձեզ, սիրելի հաշվապահներ։ Խնդրում եմ օգնել։ ԱՁ-ն բացվել է 12.01.2026թ.-ին, իրականացնելու է հիմնական գործունեությունը Wildberries – ում, և բացի դա կա արտել։ Միկրոյի հայտարարության համար ժամկետը անցել է, ի՞նչ լուծում կառաջարկեք։

Նոնա․

Բարև Ձեզ։ Հարկման հատուկ համակարգով աշխատող ՍՊԸ-ն (շրջհարկ վճարող է) վաճառում է հողատարածք ֆիզիկական անձին: Ի՞նչ հարկեր են առաջանում տվյալ դեպքում: Նշեմ, որ շրջհարկի շեմը չի անցնում վաճառքից: Շնորհակալ կլինեմ, եթե արձագանգեք:

Տիգրան․

Բարև ձեզ, ֆրիլանսով եմ զբաղում, ստացածս գումարները մեծ չեն, թե իմ ու թե փոխանցողի համար հարմար է Wise-ից օգտվել: Wise-ում ունեմ անձնական հաշիվ, որտեղ որ ստանում եմ փոխանցումները, ու որոշակի պարբերականությամբ փոխանցում եմ ՀՀ բանկում ունեցածս անձնական հաշվին (դոլարային): Ուզում եմ իմանալ՝ ԱՁ բացելու դեպքում կարո՞ղ եմ նույն կերպ շարունակել ստանալ փոխանցումները Wise հարթակում ու էնտեղից նույն ձևով փոխանցել ՀՀ դոլարով հաշվին, իսկ ԱՁ-ով հայտարարագրել դրանք: Առանց ԱՁ հաշիվ ունենալու:

Տաթև․

Բարև Ձեզ, ես Տաթևն եմ։ Ունեմ հաշվապահական բազային գիտելիքներ ու պետք է ընկերուհուս արտելի հաշվապահությունը վարեմ։ Հաշվառումից հանած ԱՁ-ն կրկին հաշվառել եմ, ՏԳՏ դասակարգիչը՝ 95․29․0 ՝ ճի՞շտ է սա։ Այժմ պետք է՝ ներկայացնեմ միկրոձեռնարկատիրության սուբյեկտ համարվելու վերաբերյալ հայտարարություն որպես ԱՁ, կամ որպես ԱՁ չհանդիսացող ֆիզիկական անձ։

Հարցս հետևյալն է․ 1-ինի դեպքում առանց ՀԴՄ կարո՞ղ է աշխատել արտելը, թե ոչ, իսկ եթե այո, ապա ի՞նչ պետք է անել։ Իսկ 2-րդի դեպքում, տեղյակ եմ Արտոնագրի մասին, դա ինչպե՞ս ունենալ։ Խնդրում եմ նաև վճարումների մասով օգնել։ Տեղյակ եմ միայն տարեկան 12 000 դրոշմանիշային վճարի մասով միայն։ Կանխավ շնորհակալ եմ։

Հասմիկ․

Բարև ձեզ։ Եթե ԱՁ-ն շարժիչի յուղի վաճառքի հաշիվ է գրում, բայց չունի ձեռքբերման փաստաթուղթ և չի հանդիսանում ներմուծող, այս պարագայում ապրանքի դրոշմավորումը ինչպե՞ս պետք է կատարվի։

Ռուզաննա․

Ի՞նչ վճարումներ են առաջանում ֆիզիկական անձի կողմից բնակարանը վաճառելիս։

Արման․

Հարգելի հաշվապահներ, կազմակերպությունը ցանկանում է ձեռքբերել էլեկտրամոբիլ լիզինգով։ Ինչպե՞ս են կատարվելու այս ձեռքբերման մասով ծախսագրումները՝ բանկի կողմից դուրս գրված հաշիվների հիման վրա, թե՞ այլ եղանակով։ Նախապես շնորհակալություն։

Արմինե․

Սիրելի հաշվապահներ, ԱԱՀ վճարող համարվող ԱՁ դադարեցման դիմում է ներկայացրել։ Այժմ ցանկանում է գործունեություն ծավալել որպես ֆիզիկական անձ՝ միկրոձեռնարկատիրության համակարգում։ Արդյո՞ք դա հնարավոր է ԱՁ առկայության պայմաններում։ Շնորհակալություն։

Քրիստինե․

Բարև բոլորի։ Եթե հնարավոր է՝ այս խնդրի լուծումը տաք։ Ընկերության ֆինարդյունքների հաշվետվության նախագծի համաձայն հաշվետու տարվա շահույթը կազմել է $1.245.000: Սակայն, փորձնական հաշվեկշիռը հաշվեկշռված չէ, և տարբերությունը վերացնելու նպատակով , բացվել է օժանդակ հաշիվ՝ $30.000 կրեդիտային մնացորդով։

Վերլուծությունների արդյունքում բացահայտվել են հետևյալ սխալները․

1. Թողարկվել և տեղաբաշխվել են 150.000 հատ 50 ցենտանոց սովորական բաժնետոմսեր, յուրաքանչյուրը` 70 ցենտով: Գործառնությունը ճիշտ է գրանցվել դրամական միջոցների հաշվում, սակայն կրեդիտագրվել է վաճառքից եկամուտ հաշվին:

2. Վարձակալության դիմաց վճարված $6.000 գումարը ճիշտ է գրանցվել դրամական միջոցների հաշվում, իսկ “վարձակալական ծախսեր” հաշվում դեբետագրվել է $60.000

3. Գնումներից և վաճառքներից վերադարձները սխալ են ձևակերպվել: $ 72.000 գնումներից վերադարձը գրանցվել է վաճառքից հասույթ հաշվի դեբետում, իսկ $96.000 վաճառքից վերադարձը կրեդիտագրվել է գնումների հաշվին

4. Տրամադրված փոխառության դիմաց ստացված $12.000 տոկոսային եկամուտը, ճիշտ է գրանցվել դրամական միջոցների հաշվում, սակայն դեբետագրվել է վճարված տոկոսների հաշվին:

Պահանջվում է ` ա . կատարել սխալների ուղղման համար անհրաժեշտ մատյանային գրանցումներ բ. Հաշվարկել շահույթի ճշգրտված գումարը սխալների ուղղումից հետո:

Շնորհակալ եմ նախապես։

Դիտել այլ հաշվապահական խնդիրներ

Levon.

Քանի որ ընկերությունը գրանցումից հետո չէր կարող անմիջապես սկսել գործունեությունը, մենք ժամանակավորապես սառեցրեցինք գործունեությունը. անցել է մոտ 1.5 տարի։ Վերջերս մենք ստիպված էինք վճարել տրանսպորտային ընկերությանը սարքավորումների մատակարարման համար։ Այս բանկային փոխանցումը կարո՞ղ է հանգեցնել հարկային մարմինների կողմից տուգանքի։

Մելանյա․

Բարև ձեզ։ ԱՁ-ն միկրո է, աշխատում եմ տանից, պլանավորում եմ մասնակցել տարբեր տեղերում կազմակերպվող քաղաքային մարկետներին, բայց լսել եմ, որ ստիպված եմ լինելու ամեն անգամ փոխել թե ՀԴՄ-ի, և թե սարքի մեջ ներմուծված POS-ի հասցեն։ Արդյո՞ք կա նման անհրաժեշտություն, եթե ամիսը 2 անգամ եմ վաճառք իրականացնում տվյալ հասցեներում։ Կամ կա՞ արդյոք այլընտրանքային ճանապարհ։

Լիլիթ․

Եթե ԱՁ-ն չունի աշխատող, գործունեություն չի ծավալել 2025-ին, ոչ մի հարկման ռեժիմ չի ընտրել տարվա սկզբում, արդյո՞ք կառաջանան հարկային պարտավորություններ։

Մարիամ․

Խնդրում եմ հստակեցնել՝ եթե գործող աշխատողի համար իրականացվում է պաշտոնի փոփոխություն և աշխատավարձի բարձրացում, արդյո՞ք անհրաժեշտ է աշխատողի համաձայնությունը (էլեկտրոնային ստորագրությամբ համաձայնագրով) էլ. համակարգում։

Լիլիթ․

Բարև Ձեզ, հարգելի խմբակիցներ։ Խնդրում եմ խորհուրդ տաք հետևյալ հարցի հետ կապված. ԱԱՀ-ով աշխատող ԱՁ-ն զբաղվում է մանրածախ առևտրով, ցանկանում է նույն տարածքում միրգ-բանջարեղենի առևտուրն իրականացնել մեկ այլ ԱՁ-ով, որը կգործի հատուկ հարկման համակարգում։ Ի՞նչ ռիսկեր կարող են լինել, կօգնե՞ք խնդրեմ։

Սևան․

Բարև Ձեզ: Եթե ԱՁ-ի 2025 թվականի համախառն եկամուտը չի գերազանցել 2 400 000 ՀՀ դրամը, իսկ 2026-ին այն շուտով կգերազանցի: Այս դեպքում ո՞ր պահից սկսած պետք է վճարել ապահովագրավճարը: Ներկայացված հաշվետվությունների հիման վրա համախառն եկամտի 2 400 000 ՀՀ դրամի շեմն անցնելու պահից, թե՞ հաջորդ տարվա հունվարի 1-ից: Եվ ապահովագրավճարը պետք է վճարվի միանգամից 129 600 դրամ, թե՞ կա վճարման վերջնաժամկետ կամ ամսական սահմանված վճար: Պատասխանելիս խնդրում եմ հղում անել օրենքի համապատասխան հոդվածին:

Լիլիթ․

Խնդրում եմ օգնեք հետևյալ հարցում։ Աշխատակիցները աշխատում են գործավարձով և ամեն ամիս խիստ տարբեր աշխատավարձ են ստանում։ Եթե նոյեմբերի աշխատավարձը կազմել է 285 000, դեկտեմբերը 620 000, հունվարը 450 000, խնդրում եմ ասեք՝ ապահովագրավճարը և դրոշմանիշային վճարը որքա՞ն պետք է պահվի դեկտեմբեր և հունվար ամիսներին։ Կանխավ շնորհակալություն։

Հասմիկ․

Կազմակերպությունը առևտրային է, աշխատում է շրջհարկով, բայց խանութ չէ, ապրանքները ձեռք ենք բերում և առաքում խանութներին: Հաշիվ վավերագրով ստանում ենք և նույն սկզբունքով դուրս գրում խանութներին: Արդյո՞ք պետք է E-Mark-ից օգտվեմ: