Category: Հարկեր, տուրքեր, վճարներ

Հագելի հաշվապահներ, չե՞ք ասի` ԱՁ-ն շահաբաժին ստանում է, թե ոչ։ Եվ եթե ստանում է, եկամտային հարկը 5%՞ է։

Տիգրան․

Բարև Ձեզ, այսպիսի մի հարց ունեմ։ Եթե ԱՁ-ն տանը պատրաստում է բուրգեր, սենդվիչ, ֆրի և այլ նմանատիպ սնունդ և վաճառում է միայն Գլովոյի միջոցով՝ այսինքն պատվերը ստանում է, և Գլովոյի առաքիչը գալիս է և տանում սնունդը գնորդին, հետն էլ կարող է պատվիրեն Ֆանտա, Կոկա-կոլա և այլ ըմպելիք։ Սպասարկման սրահ չունի և տեղում գնորդը սնունդ չի առնում իրենից։ Հիմա այդ գործունեությունը հանրային սնունդ է, թե՞ արտադրություն և հյութերի մասով առևտուր։

Վազգեն․

Բարև Ձեզ, ցանկանում եմ ֆրիլանս գործունեություն ծավալել արտասահմանյան հարթակներում։ Մատուցելու եմ ծրագրավորման ծառայություններ։ Արդյո՞ք պարտադիր է հարկեր վճարել այդ դեպքում։

Աննա․

Բարև Ձեզ, հարգելի՛ հաշվապահներ։ Ինձ պետք է որևէ մեկի խորհուրդը, ով զբաղվում է Wildberries-ի հաշվապահությամբ։ Ի՞նչ տեսակի հարկեր, տուրքեր պետք է վճարվի։ Դե, աշխատողների եկամտային հարկից, սոց․ վճարից, դրոշմանիշային վճարից բացի, և ճիշտը Ա/Ձ, թե՞ ՍՊԸ-ով գործունեությունն է։

Լիա․

Բարև Ձեզ։ Ես ունեմ ԱՁ (միկրոբիզնես)։ Որ խնդրեմ, կասե՞ք՝ հագուստ ներմուծելու համար և ընդհանրապես, ի՞նչ հարկեր պիտի վճարեմ։

Գոհար․

Բարև ձեզ: 2 բաժնետեր ունեցող ՍՊԸ-ն՝ յուրաքանչյուրը 50% բաժնեմաս, կարո՞ղ է համարվել միկրոձեռնարկատիրություն, եթե չի գերազանցում 24 միլիոնը։

Լիլիթ․

ԱԱՀ վճարողը շահութահարկ վճարելուց հետո վճարում է նաև ԱԱՀ-ի հարաբերությունը շրջանառությանը վճար 4% չափով։ Նմանատիպ հարկային վճար կա՞։ Եթե այո, ապա որտե՞ղ կարելի է այդ մասին կարդալ, ավելի ստույգ։

Վազգեն․

Բարև ձեզ։ ԱՁ-ն աշխատում է միկրոյի դաշտում։ Իրականացնում է սառույցի արտադրման գործունեություն։

Հարց 1․ Միկրոսուբյեկտը շուկայից ձեռքբերման համար պարտավո՞ր է վճարել 20 տոկոս եկամտային հարկ։

Հարց 2․ Եթե այո, ապա եթե ԱՁ-ն փաստացի ջուրը, որն օգտագործում է սառույցի պատրաստման համար, վերցնում է իրեն պատկանող տան ջրագծից, այս դեպքում ունե՞նք 20 տոկոսի խնդիր, թե՞ ոչ։

Քրիստինա․

Բարև Ձեզ։ Եթե կատարվում է ԱԱՀ-ի ավելացում (նախկինում որ միացվել է ձեռքբերումների արժեքին), այդ ավելացումը 16․67%-ով կատարում եմ ինքնարժեքի արժեքի նկատմամբ, թե՞ վաճառքի գնի նկատմամբ։

Լուսինե․

Բարև Ձեզ։ Ես բացել եմ ԱՁ ամառային դպրոցի համար։ Սեպտեմբերից դասապատրաստում եմ անելու։ ԱՁ-ի համար ես վճարում եմ ամսական 5 000 դրամ + տարեկան 18 000 դրամ։ Խնդրում եմ գործից հասկացող մարդկանց գրել ինձ։ Անցյալ տարվա նամակներից նայեցի՝ գրված էր, որ տարեկանով են վճարում 10 000դրամ։ Եթե հնարավոր է, ուզում եմ տվյալ համակարգից օգտվել։

Հերմինե․

Բարև Ձեզ, խնդրում եմ պատասխանել մի քանի հարցի․

1․ Եթե գործուղվող աշխատակիցը ձեռք է բերել ավիատոմս, որի համար հաշիվ չի գրվել կազմակերպությանը, գումարը ենթակա՞ է շահութահարկից նվազեցման

2․ Եվ, եթե կազմակերպությունը օնլայն ավիատոմս է պատվիրում ոչ ռեզիդենտից և ինվոյս է վերցնում, գումարը ենթակա՞ է ոչ ռեզիդենտի շահութահարկով հարկման և շահութահարկից նվազեցման

Աննա․

Հարգելի հաշվապահներ, եթե ՍՊԸ, որն աշխատում է շրջ․ հարկի դաշտում, այս պահի դրությամբ շրջանառության շեմը անցնի 115 000 000 մլն, 2024թ․ կարող է դիմում տալ և նորից աշխատել շրջանառության հարկով։

Սյուզի․

Բարև Ձեզ: Մարզում ալկոհոլային խմիչքների մանրածախ վաճառքով զբաղվող ԱՁ-ն կարո՞ղ է արդյոք միկրոձեռնարկատիրության սուբյեկտ համարվել: Եվ բացի տարեկան շրջանառության վերաբերյալ հաշվետվությունից ի՞նչ հաշվետվության ձևեր պետք է լրացնի աշխատողի բացակայության դեպքում։

Lili.

ՀՀ քաղաքացին, որը բնակվում է ԱՄՆ-ում արդեն 2 տարուց ավելի, ստացել է աշխատանքի առաջարկ այլ երկրում (ոչ ՀՀ-ում) սկսած սույն թվականի հոկտեմբեր ամսից։ ՀՀ-ում լինում է ոչ ավել, քան տարեկան մոտավոր 60 օր։ Քաղաքացին ունի սեփական բնակարան ՀՀ-ում։ Հաշվի առնելով այս տեղեկությունները, խնդրում եմ պարզաբանել հետևյալ հարցերը․

1․ Արդյո՞ք քաղաքացին հանդիսանում է ՀՀ-ի ռեզիդենտ և հետևաբար հարկ վճարող, եթե այո, ապա

2․ ի՞նչ հարկեր են առաջանում, ի՞նչ չափով և ի՞նչ է անհրաժեշտ անել օրենքի շրջանակներում առաջացած հարկերը վճարելու համար

Կանխավ շնորհակալություն։

Աննա․

Բարև ձեզ, հարգելի հաշվապահներ։ ՍՊԸ աշխատում է շրջանառության հարկով, ֆիզ․ անձից վարձակալել է տրանսպորտային միջոց, այս դեպքում․

1․ ՍՊԸ հանդիսանու՞մ է հարկային գործակալ

2․ Որպես հարկային գործակալ պե՞տք է ֆիզ․ անձից պահի գումարի 10% և վճարի բյուջե

Արամ․

Բարև Ձեզ, ես գրանցված աշխատող եմ, սակայն ցանկանում եմ լրացուցիչ աշխատանքի անցնել, որն ազատ գրաֆիկով է, իսկ այդտեղից պահանջում են բացել ԱՁ: Ի՞նչ հարկեր պետք է վճարեմ այդ դեպքում:

Շուշանիկ․

Բարև ձեզ, հարգելի գործընկերներ: Խնդրում եմ պատասխանել հարցիս: Խնդիրը հետևյալն է` ընկերությունը մի անձի համար գնում է լողավազանի աբոնեմենտ, որը նրա աշխատակիցը չէ: Այսպես ասած՝ ընկերության կողմից ինչ որ նվեր: Ի՞նչ օրենքով է կարգավորվելու այդ աբոնենտի գումարը տվյալ ընկերությունը: Արդյո՞ք կարող է եկամտային հարկ առաջանա, և արդյո՞ք կարող է շահութահարկի գծով ծախս ճանաչվել ընկերության կողմից: Կանխավ շնորհակալ կլինեմ պատասխանի համար։

Ֆելիքս․

Բարև Ձեզ։ Aliexpress -ից ցանկանում եմ կանացի պայուսակներ պատվիրել: Կասե՞ք խնդրեմ՝ ինչպե՞ս պատվիրեմ առանց հարկվելու, կա՞ արդյոք քանակի կամ արժեքի շեմ, որը չգերազանցելով չեմ հարկվի: Եվ իհարկե եթե կան արժեքային կամ քանակային շեմեր, արդյո՞ք դրանք վերաբերվում են կոնկրետ ժամանակահատվածի, թե՞ օրինակ կարող եմ տարվա կտրվածքով պատվիրել որքան ցանկանամ՝ ուղղակի չգերազանցելով հարկվելու շեմը: Նախապես շնորհակալ եմ:

Nora.

Բարև Ձեզ։ ՀՀ ռեզիդենտ կազմակերպությունը (ԱԱՀ վճարող) ՌԴ ռեզիդենտ կազմակերպությունում ցանկանում է բաժնեմաս կամ այլ ալտիվներ գնել: ՀՀ կազմակերպությունում ինչ որ հարկային պարտավորութուններ առաջանու՞մ են։

Արմինե․

Բարև Ձեզ, հարցս հետևյալն է․ աշխատանքային գործունեության հիմքով ժամանակավոր կացության կարգավիճակ ստանալու համար 105 000 դրամ պետ․ տուրքի վճարումը ու՞մ կողմից է կատարվելու, գործատուի՞, թե՞ օտարերկրացու:

Գևորգ․

Բարև Ձեզ, ասացեք խնդրեմ՝ մետաղադրամով սուրճի ապարատները շրջհարկով կարո՞ղ են աշխատել։ Եթե այո՝ ինչպե՞ս հականամ, թե ինչքան հարկ պիտի վճարեմ։ Շնորհակալ եմ։

Մանե․

Բարև ձեզ: ՍՊԸ-ն աշխատում է շրջհարկով և ունի մեկ բաժնետեր: Բաժնետերը ցանկանում է բացել ՀԿ՝ հանդիսանալով դրա հիմնադիրը: Տվյալ դեպքում հնարավո՞ր է ՍՊԸ-ն անցնի ԱԱՀ-ի դաշտ՝ համարվելով փոխկապակցված ՀԿ-ի հետ։

Ժաննա․

Բարև Ձեզ, հարգելի հաշվապահներ։ Ասացեք խնդրեմ՝ եթե հայկական ՍՊԸ-ն ծառայությունների մատուցման պայմանագիր է կնքում Բրիտանիայի քաղաքացու հետ (բրիտանացին մեզ մատուցելու է խորհրդատվական ծառայություններ), ապա ինչպե՞ս պետք է կատարեմ վճարումը, և ինչպիսի՞ հարկեր են առաջանում։ Շնորհակալություն։

Անի․

Բարև ձեզ, հարգելի մասնագետներ։ Խնդրում եմ օգնել. մեր կազմակերպությունը ԱԱՀ վճարող է, 2023թ. ապրիլին ծառայության ձեռքբերում է ունեցել ոչ ռեզիդենտ կազմակերպությունից: ԱԱՀ-ի ապրիլ ամսվա ԱԱՀ-ի հաշվարկի մեջ ցույց եմ տվել “այլ հարկային պարտավորություն” տողում և վճարել եմ բյուջե, ինքնահաշիվ եմ դուրս գրել մայիսին: Հարցը․ հարկի հաշվանցումը արդյո՞ք կատարվում է մայիս ամսում։

Արեն․

Բարև ձեզ: Կազմակերպությունը աշխատում է ընդհանուր հարկման դաշտում: Ունի գրանցված ավտոմեքենա: ԱՊՊԱ պատահարի գծով ստացել է փոխհատուցում ապահովագրական ընկերությունից 350 000 դրամ: Հարցս հետևյալն է՝ 350 000 դրամը արդյո՞ք պետք է հարկվի և շահութահարկով և ԱԱՀ-ով։

Արամ Առաքելյան․

ՍՊԸ-ն ունի անշարժ գույք 280 մլն ՀՀ դրամ կադաստրայի արժեքով: Խնդրում եմ ասեք՝ ինչպիսի՞ հարկային պարտավորություններ ունեն հիմնադիրները ՍՊԸ-ի լուծարման արդյունքում ԱԱՀ-ի և շահութահարկի առումներով: Շնորհակալություն:

Արա․

Խնդրում եմ պատասխանել՝ ԱՁ, որը պիտի զբաղվի ավտոմեքենաների ներմուծմամբ ու վաճառքով, ի՞նչ հարկատեդակով է շահավետ աշխատելը, ի՞նչ հարկային պարտավորություն կառաջանա այդ դեպքում։

Խաչատուր․

Ծրագրավորող եմ, գրանցվել եմ որպես ԱՁ։ Դրանից դեռ մի քանի օր է անցել։ Ե՞րբ, որտե՞ղ ու ի՞նչ հարկեր պետք է վճարեմ։ Շնորհակալություն։

Հովիկ․

Բարև Ձեզ: Ինձ ասեք խնդրում եմ՝ եթե ես կազմակերպությունում աշխատում եմ քաղաքացիաիրավական պայմանագրով, իմ ստացած աշխատավարձից եկամտային հարկ առաջանու՞մ է արդյոք, որը կկարողանամ օգտագործել հիփոթեքային վարկ վերցնելիս, եթե այո, ապա քանի՞ տոկոսն է կազմում աշխատավարձի։ Շնորհակալություն։

Հովհաննես․

ՀՀ քաղաքացու, ՄԱԿ – ի աշխատակցի, կենսաթոշակը՝ 4- 5 հազ. ԱՄՆ դոլար, եկամտային հարկով հարկվու՞մ է արդյոք: