Աշխատավարձի հաշվարկ
Աննա.
Բարև ձեզ։ Կօգնե՞ք խնդրում եմ՝ արձակուրդայինի հետ կապված։ Ինչպե՞ս հաշվեմ մանկապարտեզի տնօրենի արձակուրդայինը, այս ամիս ինչքա՞ն աշխատավարձ պետք է ստանա, եթե 27.07.2022 մինչև 16.08.2022 գնացել է արձակուրդ։ Ամսական աշխատավարձը կազմում է 150 000, 5 օրյա է։
Փորձաշրջանի վերաբերյալ
Փորձաշրջանի ընթացքում աշխատողի անհարգալից անաշխատունակության հետևանքով գործատուն իրավունք ունի՞ չվճարի աշխատած օրերի համար։
Ենթադրենք՝ աշխատողն աշխատել է ամբողջ ամիսը, եկող ամսվա 15 օրը չի աշխատել ու չի ներկայացրել բյուլետեն և այդ եկող ամսվա 15-ին չի ստացել անցած ամսվա աշխատավարձը, որից հետո դադարեցվել է (լուծարվել) է փորձաշրջանը, իսկ գործատուն չի ցանկանում վճարել աշխատած ամսվա աշխատավարձը։ Արդյո՞ք գործատուն իրավունք ունի չվճարի աշխատավարձը։
Վերջնահաշվարկ
Արմինե.
Բարև Ձեզ։ Ինձ կարո՞ղ եք ասել՝ ինչպե՞ս է տրամադրվում վերջնահաշվարկ, եթե ես հանդիսանում եմ տվյալ կազմակերպության աշխատակից 2011թ.-ից՝ փաստացի գրանցված աշխատող։ Կխնդեմ օգնել ինձ այս հարցում՝ արդյո՞ք ինձ հասնում է վերջնահաշվարկ ասվածը, և եթե այո, ապա ինչպե՞ս է հաշվվում այն, ի դեպ ես տարիների ընթացքում հաստիքներ եմ փոխել։ Եվ ևս մեկ հարց. վերջնահաշվարկ կատարվու՞մ է սպասարկման ոլորտի աշխատակազմին, եթե օրենքով գրանցված աշխատող ենք և մասնակցում ենք և՛ թոշակային ֆոնդին, և՛ եկամտային հարկին։ Նախապես շնորակալություն։
Սոցիալական վճար
Լիլի.
Բարև բոլորին։ Միկրոյով աշխատող Ա/Ձ-ն 1997 թիվ է, ունի՞ վճարելու սոց. վճար։
Ազատման հրամանի ձև
Ալվարդ.
Աշխատանքից ազատելու հրամանի քաղվածքի ձև կարո՞ղ եք ասել։
Միկրոձեռնարկատիրության սուբյեկտ
Մարիաննա.
Բարև ձեզ, հարգելի հարշվապահներ: Եթե վարսավիրանոցը՝ Ա/Ձ, գտնվում է Երևանում, կարո՞ղ է աշխատել միկրոյով: Միկրոյով աշխատելու դեպքում, եթե ունի 3 աշխատող, պե՞տք է Ձև 189 հաշվետվությունը ամեն ամիս վճարի:
Անկանխիկ գործառնությունների վերաբերյալ
Դավիթ.
Հաշվի առնելով անկանխիկ գործառնությունների մասին նոր օրենքի 4-րդ հոդվածը՝ աշխատանքների կատարման, ծառայությունների մատուցման պայմանագրի շրջանակներում 1 գործարքը ո՞րն է համարվում, եթե ամսվա ընթացքում այդ պայմանագրի շրջանակներում մի քանի անգամ մատուցվում է ծառայություն, առանձին ամսաթվերով, առանձին ակտերով ակտավորվում է և ամեն առանձին ընդունման-հանձնման ակտի համաձայն վճարումը կատարվում է աշխատանքը կատարելուց անմիապես հետո։
P.S. Պայմանագրի մեջ գործարքի գումար նշված չէ, պայմանագիրը 1 տարի ժամկետով է կնքված։
Դրոշմանիշային վճար
Արդյո՞ք արձակուրդային հաշվարկելիս պահվում է դրոշմանիշային վճարը։ Բերեմ օրինակ. օգոստոս ամսվա 18-31 նախատեսվում է արձակուրդ (10օր): ՏՏ ոլորտի արտոնագրով աշխատող կազմակերպությունում աշխատակիցը վերջին 12 ամիսներին ստացել է 250 000 գրանցված աշխատավարձ, աշխատանքը 5-օրյա գրաֆիկով։ Խնդրում եմ ստուգել՝ արդյոք ճի՞շտ եմ հաշվարկում արձակուրդայինն ու աշխատավարձը։
Արձակուրդային՝
250000/21=11904.7
10 x 11904.7= 119047
119047-11905-5357-3000=98785
Աշխատավարձ
2022 Օգոստոսն ունի 23 աշխ. օր, այսինքն՝ վարձատրվելու է 13 աշխատած օրվա համար։
250000/23=10869.5
13 x 10869.5= 141304
141304-14130-6359-3000=117815
Փաստացի ստացվում է, որ դրոշմանիշային վճարը գանձվում է 2 անգամ 3 000-ական դրամ, այնինչ այդ 2-ի գումարայինի դեպքում պետք է պահվեր 5500 դրամ։
Խնդրում եմ օգնել հասկանալ՝ արդյո՞ք ճիշտ եմ կատարել հաշվարկները։
Փոխառության վերադարձի ակտի ձև
Արեգա.
խնդրում եմ՝ ինձ ուղարկեք փոխառության հետ վերադարձի ակտի տիպային ձևը: Կանխավ շնորհակալություն։
Փոխարժեքի ամսաթիվ
Կարինե.
Բարև Զեզ։ Հնարավորության դեպքում խնդրում եմ պատասխանեք. կազմակերպությունը ոչ ռեզիդենտ կազմակերպությունից (ֆրանսիա) ծառայություն է ստացել (ծրագրային ապահովման և նոր մշակումների տեխնիկական աջակցություն), գումարը ըստ պայմանագրի փոխանցել եմ՝ կանխավճար EUR-ով, այդ օրվա կուրսով: Ծառայությունը մատուցվել է 26.07.2022-ով, ընդունման-հանձնման ակտը առկա է, պետք է դուրս գրեմ ինքնահաշիվ: Ինքնահաշիվը ո՞ր կուրսով դուրս գրեմ՝ ակտի ամսաթվով, թե՞ հաշիվ դուրս գրելու ամսաթվով։ նախապես շնորհակալ եմ:
Հաշվապահի արձակուրդի հետ կապված
Անի.
Հաշվապահները քանի՞ օր են արձակուրդ գնում։
Հարկեր ներմուծման ժամանակ
Մայա.
ՀՕ հոդված 269
2. Միկրոձեռնարկատիրության սուբյեկտները չեն ազատվում`
1) Հայաստանի Հանրապետություն ներմուծվող (այդ թվում` ԵՏՄ անդամ պետություններից) ապրանքների մասով Օրենսգրքով սահմանված կարգով հարկերի հաշվարկման և պետական բյուջե վճարման պարտավորությունից։
Հարգելի հաշվապահներ, խնդրում եմ ասացեք, ելնելով վերոգրյալ հոդվածից, ի՞նչ հարկեր է վճարում միկրոձեռնարկատերը ՀՀ ներկրում կատարելիս:
Արձակուրդի ձևակերպում
Սեյրան.
Բարև ձեզ։ Ա/Ձ-ն գործում է որպես միկրոձեռնարկատիրություն, ունի երկու աշխատող, ուզում եմ մեկին ուղարկել 10-օրյա արձակուրդ։ Ինչպե՞ս դա փաստաղթավորեմ։
Հաշվետվության ձևը չի երևում
Նունե.
Բարև Ձեզ։ Իմ մոտ 274 հաշվետվությունը չի երևում, ի՞նչ պիտի անեմ։
Պարտքեր շահաբաժինների գծով
Թամարա.
Հարգելի հաշվապահներ, բալանսի 529 հաշվում ունեմ կրեդիտորական մնացորդ, խնդրում եմ պարզաբանել՝ ի՞նչ պետք է անեմ հետագայում հարկայինի տույժ-տուգանքից: Կանխավ շնորհակալություն:
Շահաբաժնի վճարում
ՍԵդա Հախվերդյան.
Բարև Ձեզ։ Մեր ընկերությունն աշխատում է ԱԱՀ-ով, հիմնադրին երբեք շահաբաժին չենք վճարել, հիմա որոշում ենք կայացրել վճարել մինչև 2018թ. շահույթի ազատ մնացորդի մի մասը: Խնդրում եմ ասեք՝ ես դա պետք է ներառեմ եկամտային հարկի հաշվետվության մեջ, թե՞ ոչ, քանի որ եկամտային հարկ չի պահվում, և ուրիշ որտե՞ղ պետք է այն ներառեմ և ցույց տամ:
Միկրոձեռնարկատիրության սուբյեկտ
Գոհար.
Բարև Ձեզ, հարգելի հաշվապահներ։ Անձը ցանկանում է բացել ՍՊԸ, որ զբաղվի մեքենաների վարձատվությամբ։ Կասե՞ք՝ արդյոք կարո՞ղ է գործել միկրոյով և ի՞նչ հարկային պարտավորություն ունի իր և աշխատողի համար։ ՍՊԸ ունենալու է դեռևս միայն տնօրեն։
Կազմակերպությունն ազատված է ԱԱՀ-ից
Շուշանիկ.
Բարև ձեզ, հարգելի կոլեգաններ: Եթե ԱԱՀ-ով աշխատող ընկերությունը ապրանքներ է մատուցում մի ընկերության, որը ԱԱՀ-ից ազատված է, դուրս ենք գրում հաշվարկային փաստաթուղթ առաց ԱԱՀ: Ինչպիսի՞ տեղեկենք պետք է ներկայացնի դիմացի կողմը այդ արտոնեությունից օգտվելու պարագայում: Էկոնոմիկայի նախարաության տեղեկանքը բավարա՞ր է։ Կնախավ շնորհակալություն
Մաշվածություն
Մանան.
Բարև ձեզ։ Մաշվածություն չի հաշվարկվել 3 տարի, կարո՞ղ եմ հաշվարկել այս տարի 3 տարվա համար, թ՞ե պետք էր ամեն տարի արվեր:
Հարկային դաշտի փոփոխություն
Էդգար.
Բարև Ձեզ, սիրելի հաշվապահներ։ Խնդրում եմ ասեք՝ շրջանառության հարկի հարկման համակարգից ԱԱՀ-ի հարկման անցնելու դեպքում ապրանքների մնացորդների վերաբերյալ տեղեկություն ըստ արպանքատեսակների մնացորդների վերաբերյալ հարկային մարմին պետք է ներկայացվի, թե՞ ոչ։ Կանխավ շնորհակալություն։
Ինչպե՞ս վճարել պահակին
Սաթենիկ.
Բարև Ձեզ։ Խնդրում եմ օգնեք հասկանալ՝ ինչպե՞ս վարվել, եթե դպրոցը կառուցում են և տեղափոխվել ենք այս պահին ուրիշ դպրոց, պահակներին ինչպե՞ս վճարել։ Շինարարական կազմակերպությունը ունի իր պահակը, իսկ տեղափոխված դպրոցը իր պահակները։
Վաճառքի գին
Աննա.
Բարև Ձեզ, հարգելի հաշվապահներ։ ԱԱՀ-ով աշխատող ՍՊԸ իրականացնում է սեղմված բնական գազի վաճառք, կարո՞ղ է ՍՊԸ մի այլ կազմակերպության վաճառի գազը, օրինակ՝ 306 դրամ, մեկին 340 դրամով, ի՞նչ որ խնդիր կառաջանա, թե՞ ճիշտ է կիրառի զեղչի տարբերակը։ Կանխավ շնորհակալ եմ:
Վճարում Իդրամով
Արթուր.
Բարև Ձեզ։ Վաճառքի կետում վճարումը իդրամով ստանալու դեպքում ի՞նչ հդմ կտրոն պետք է տրամադրել հաճախորդին։ Նշեմ, որ իդրամը այդ գումարները մեր բանկային հաշվին է փոխանցում։
Կանխավճարի հետ կապված
Ռիտա.
Բարև Ձեզ։ Ապրանքի վաճառքի դեպքում կարո՞ղ եմ կանխավճար ընդունել անկանխիկ և վաճառքի դեպքում ՀԴՄ խփել, վճարումը նշելով՝ մարում անկանխիկ կանխավճարից։ Նշեմ, որ ապրանքի գինը 1 մլն դրամից ավել է:
Գործունեության տեսակների դասակարգիչ
Մարի.
Բարի աշխատանքային օր բոլորին: Հարգելիներս, խնդրում եմ Ձեր պարզաբանումը հետևյալ հարցերին. ՍՊԸ-ն նոր է բացվել, դեռ հարկային դաշտի ընտրության համար հայտ չի ներկայացվել: Հնարավո՞ր է երկու տնտեսական դասակարգչով աշխատել` N79.12.0 և N81.30.0… Վերջիններս կարո՞ղ են միկրոյի դաշտում գործել, եթե չգերազանցենք տարեկան սահմանված շեմը: Եվ, քանի դեռ գործունեություն չի իրականացնում ՍՊԸ-ն, տնօրենին չվճարել կարո՞ղ է։ Այսինքն՝ ամսական հաշվետվության մեջ 0 գրել, հետևաբար հարկերը ևս 0 լինեն։ Շնորհակալ կլինեմ արձագանքների համար։
Ապրանքի փոխանակման ակտի ձև
Անահիտ.
Բարև ձեզ, կոլեգաններ։ Երաշխիքային սպասարկման պայմաններում ապրանքի փոխարինման ակտի հատուկ ձև կա՞, և ի՞նչ նախապայմաններ կան նման ակտ կազմելու և ապրանքը դուրս գրելու։ Շնորհակալություն։
Հաշվապահը գնում է արձակուրդ
Անի.
Հարգելի դպրոցի հաշվապահներ, հաշվապահի արձակուրդի ժամանակ փոխարինում անում եք։
Էլեկտրոնային դիմում ներկայացնելու հետ կապված
Անի.
Բարև Ձեզ, հարգելի հաշվապահներ։ Ա/Ձ բացվել է 2014 թվականից, բայց գործունեություն չի ձեռնարկվել, իսկ 01.08.2022թ. որոշել ենք աշխատենք, հիմա բացել ենք e-invoicing և օնլայն հաշվետվությունը, բայց չեմ կարողանում հայտարարություն տամ, որ աշխատելու ենք շրջհարկով և ՀԴՄ գրանցեն, ֆայլերը ակտիվ չեն: Կարո՞ղ եք ուղղություն ցույց տալ՝ ի՞նչ անեմ։ Նախապես շնորհակալություն։
Ներմուծում Վրաստանից
Մարիաննա.
Բարև ձեզ, հարգելի հաշվապահներ։ Եթե ՍՊԸ-ն ցանկանում է Վրաստանից բազմոց գնել ատամնաբուժարանի համար, որպես ֆիզիկական անձ է ճիշտ գնելը, թե՞ ՍՊԸ։ Ինչպե՞ս նաև մաքսազերծման ժամանակ ինչքա՞ն է պետք վճարեն գույքի համար և ի՞նչ որ փաստաթուղթ անհրաժեշտ է ներկայացնել։ Կանխավ շնորհակալություն։
Pos տերմինալի հետ կապված
Ասյա.
Բարև Ձեզ։ Տանից հագուստի վաճառքով զբաղվող ՍՊԸ-ն, որ վաճառքը իրականացնում է նոր սերնդի ՀԴՄ սարքով՝ առաքումով միայն, նույնպես պե՞տք է pos տերմինալի համար բանկին դիմի, քանի որ տուն մարդ չի գալիս, քարտով վճարում չի իրականացվում, վճարումը իրականացնում են կանխիկ՝ ՀԴՄ կտրոնով՝ առաքիչին տալով կամ անկանխիկ ՍՊԸ-ի քարտային հաշվեհամարին փոխանցելով՝ նշելով հդմ սարքում անկանխիկ և այլ վճարային տերմինալ։ Հիմա Ամերիաբանկը ասում է, եթե 300 000 դրամը pos-ի ակտիվացումից հետո չեք ապահովում, ապա տուգանք է 10 000 դրամ։ Իսկ ինչպե՞ս ապահովենք, եթե տուն հաճախորդ չի մոտենում և հետևաբար քարտով վճարում չի լինում pos-ի միջոցով։ Կխնդրեմ, եթե տեղյակ է որևէ մեկը՝ գրեք։ Նախապես շնորհակալ եմ։