Տալ հաշվապահական ձևակերպումներ
Հովհաննես.
Բարր Ձեզ։ 10.01.2021թ.-ին հիմնադրվել է Սիգմա ՍՊԸ, հիմնադիրը կանոնադրական կապիտալում ներդրում է արել 50 000 դրամ կանխիկ գումար։ Ո՞ր հաշիվներն են ԴՏ ԿՏ-ում: Ընդհանուրի հաշիվները կասե՞ք:
Աշխատաժամանակի հաշվարկ
Anahit.
Հատուկ կատեգորիայի աշխատակիցների ցանկում ներառված հրաձիգների հետ կնքել ենք աշխատանքային պայմանագիր, որտեղ նշել ենք՝ աշխատավարձը դրույքաչափով, և դրանից ելնելով աշխատավարձի չափը։ Յուրաքանչյուրն աշխատում է 24 ժամ և 2 օր հանգստանում։ Բնականաբար գիշերային աշխատանքը պետք է վարձատրվի 30% հավելավճարով, իսկ արտաժամյա աշխատանքը՝ 50%։ Հարցս հետևյալն է. ինչքա՞ն կկազմի նրանց մայիս ամսվա նորմա-ժամը, եթե Աշխ․ Օ-քի 139 հ. 4 կետում նշված է, որ 24 ժամյա աշխատաժամանակի դեպքում շաբաթական 48 ժամը չպետք է գերազանցի։ Բայց այս դեպքում ամեն 3-րդ օրը հաշվելիս ստացվում է 72 ժամ։ Նախապես շնորհակալ եմ օգնության համար։
Պայմանագրի գործողության ժամկետը լրացել է
Լիանա.
Բարև Ձեզ: Խնդրում եմ պատասխանել հետևյալ հարցին: Աշխ. Օ-ի 111 հոդվածում ասվում է, որ որոշակի ժամկետով կնքված պայմանագիրը լուծելիս կողմերից մեկը պետք է ծանուցի մյուսին առնվազն տասն օր առաջ: Պայմանագրի գործողության ժամկետը լրացել է և կողմերից ոչ մեկ մյուսին չի ծանուցել: Այս դեպքում ինչպե՞ս է լուծվում պայմանագիրը: Շնորհակալություն!
Պարտավորագրի օրինակ
Հասմիկ.
Բարև Ձեզ: Կասեք՝ որտեղի՞ց կարող եմ գտնել պարտավորագրի օրինակ աշխատանքների կատարման համար: Շատ շնորհակալ կլինեմ, եթե օգնեք ինձ:
Կարո՞ղ է արդյոք աշխատողը վերադառնալ աշխատանքի դիմումի համաձայն
Լաուրա.
Բարև ձեզ: Եթե աշխատողը գտնվում է մինչև երեք տարեկան երեխայի խամքի համար տրամադրվող արձակուրդի մեջ, բայց երկու տարին լրանալուց հետո ցանկանում է վերադառնալ աշխատանքի, կարելի՞ է աշխատողին հետ վերադարձնել աշխատանքի դիմումի համաձայն:
Աշխատողը գնացել է ամենամյա արձակուրդ
Անի.
Բարև Ձեզ: Եթե աշխատողը գնացել է ամենամյա արձակուրդ, կարելի՞ է նրա պաշտոնում ընդունել այլ աշխատողի, և եթե այո, ապա ինչպիսի՞ պայմանագիր պետք է կնքել նրա հետ:
Արդյո՞ք հնարավոր է ԱԱՀ հաշվանցել մարդատար ավտոմեքենայի ձեռքբերման դեպքում
Թամարա.
Բարև Ձեզ, հարգելի հաշվապահներ: Ասացեք խնդրեմ՝ եթե ԱԱՀ-ով աշխատող ՍՊԸ-ը մարդատար ավտոմեքենա գնի կազմակերպությունից կամ լիզինգով, գնի մեջ մտնող ԱԱՀ հաշվանցվու՞մ է, թե՞ ոչ: Պատասխանը խնդրում եմ ուղարկել tamaragasparyan շնիկ yahoo.com հասցեով:
Կանխավ շնորհակալություն:
Ո՞ր գործունեություններն են իրականացվում արտոնագրային և հաստատագրված վճարներով
Դիանա.
Բարև Ձեզ: Ներեցե՛ք, խնդրում եմ ներկայացնել ՀՀ օրենքը հաստատագրված վճարի և արտոնագրային վճարի մասին, ո՞ր գործունեություններն են իրականացվում արտոնագրով և հաստատագրված վճարով:
Նախապես շնորհակալություն:
Սուրճի ապարատ տեղադրելու համար
Ալիսա.
Բարև Ձեզ։ Սուրճի ավտոմատ ապարատ տեղադրելու համար ի՞նչ փաստաթղթեր են անհրաժեշտ, և ի՞նչ հարկեր պետք է վճարել։
Անհատական հաշվապահական դասընթացներ
Աննա.
Բարև Ձեզ: Կա՞ն հաշվապահներ, ովքեր անհատական հաշվապահական դասընթացներ են անցկացնում:
Գնումների համակարգողի գումարը ո՞ր ամսվա հաշվետվության մեջ պետք է ներառել
Հարգելի հաշվապահներ, գնումների համակարգողի գումարը ո՞ր ամսին վճարել եմ այդ ամսվա հաշվետվության մեջ պետք է արտացոլել։
Չվճարվող փորձաշրջան անցնելու պայմանագրի ձև
Անի.
Որտե՞ղ կարող եմ գտնել չվճարվող փորձաշրջան անցնելու պայմանագրի ձև: Նաև ի՞նչ օրենքի հիման վրա մանկական զարգացման կենտրոնը կարող է սոց. ցանցերում հրապարակել երեխաների նկարներ եւ հոլովակներ:
Արդյո՞ք հաշվարկային փաստաթղթերը և հարկային հաշիվները հիմք են նվազեցում կատարելու համար
Կազմակերպությունը 2020 թվականին գործել է միկրո դաշտում, սակայն դեկտեմբեր ամսին գերազանցվել է շրջանառությունը և ընկել էր ԱԱՀ դաշտ։ Շահութահարկի հաշվետվությունը չի ուղղարկվել։ Կխնդրեի ասել՝ շահութահարկի հաշվետվության մեջ պիտի ներառվի միայն ԱԱՀ դաշտ ընկնելուց հետո կատարված գործարքնե՞րը, և կարո՞ղ եմ արդյոք նվազեցումներ անել՝ հիմնվելով 2020թ-ի ընթացքում հաշվարկային փաստաթղթերով և հարկային հաշիվներով կատարված ձեռքբերումների վրա։ Նշեմ, որ ԱԱՀ գումարների հաշվանցում չի կատարվել։
Ինչպե՞ս է ծախս ճանաչվում արձակուրդայինը
Ռազ․
Բարև ձեզ, սիրելի հաշվապահներ, հարցս հետևյալն է․ Աշխատողը գնում է արձակուրդ, որը ընկած է ապրիլի 15-ից մայիսի 10-ը։ Ամեն ամսվա պահումները կատարվում է տվյալ ամսվա եկամտային հարկի հաշվետվության մեջ։ Իսկ արձակուրդայինի գումարը ծախս է ճանաչվում առաջի՞ն ամսում, թե՞ ամեն ամսվան համամասնորեն։
Կամավոր աշխատանքի մասին պայմանագրի ձև
Անի.
Կամավորական հիմքով կնքվող աշխատանքային պայմանագրի ձև չեմ կարող գտնել: Կա՞:
Կազմակերպությունը ԵՏՄ-ից ներմուծել է ալյուր
Աննա.
Կազմակերպությունը ԵՏՄ-ից ներմուծել է ալյուր, վերմիշել: Արդյո՞ք այդ ապրանքները ենթական են դրոշմապիտակներով դրոշմավորման:
Մանկական ժամանցի կենտրոն բացելու համար
Ոսկի.
Բարև Ձեզ: Կասեք՝ ի՞նչ փաստաթղթեր են հարկավոր մանկական զարգացման և ժամանցի կենտրոն բացելու համար:
ՀԾ գաղտնաբառ
Էմիլի.
Հարգելի հաշվապահներ, խնդրում եմ օգնեք՝ ՀԾ ծրագիր եմ քաշել, բայց չեմ կարողանում գաղտնաբառ դնեմ և օգտագործեմ: Կօգնեք՝ ինչպե՞ս անեմ:
Ե՞րբ պետք է ներկայացնել մայրության նպաստի համար անհրաժեշտ փաստաթղթերը
Մելինե.
Բարև ձեզ: Մայրության նպաստի համար անհրաժեշտ փաստաթղթերը մինչև ե՞րբ կարող ենք ներկայացնել սոցապ, ի՞նչ ժամկետում: Եվ սոցապից հետո տարվու՞մ է հարկային որ փոխանցեն գումարը:
Ինչպե՞ս հաշվել միջին օրական աշխատավարձը
Նաիրա Մարտիրոսյան.
եթե աշխատողը ազատվում է աշխատանքից, ունի նախորդ տարիներից վաստակած արձակուրդային օրեր, բայց չունի նախորդ 12 ամսվա համար վաստակած գումար, ապա ինչպե՞ս հաշվել միջին օրականը:
Ի՞նչ հարկեր և հաշվետվություններ պետք է կատարի շրջհարկով աշխատող Ա/Ձ
Լուսինե.
Բարև Ձեզ:
2021թ. ապրիլին գրանցված շրջհարկով աշխատող Ա/Ձ է, որ տեղային շուկայից գնում և վերավաճառում է հագուստ: Սոց. դաշտում է:
Խնդրում եմ Ձեր պարզաբանումները, արդյո՞ք ճիշտ եմ հասկացել այս ոլորտի հարկեր-հաշվետվությունները:
Սահմանված հաշվետվություններ ե՞ն.
1. Շրջ. հարկ – եռամսյակային
2. Շահութահարկ /240 ձև/ – տարեկան
3. Եկամտային հարկ/սոց. վճար /244 ձև/ – տարեկան:
Բնապահպանական/բնօգտագործման հաշվետվություն, եթե ներմուծում չկա, չե՞մ տալիս:
Վճարումները համապատասխանաբար.
1. Ձևավորված շրջ.հարկ – եռամսյակ
2. Շահութահարկ – 8*5000 տարեկան, թե՞ ամսական
3. Եկամտային հարկ/սոց. հարկ – 8*5000 – տարեկան, թե՞ ամսական
4. Դրոշմանիշային վճա՞ր – 8*1300
Եվ խփված ՀԴՄ կտրոնների մասով որևէ հաշվետվություն կա՞, բացի շրջհարկի գումարի հաշվարկը:
Կանխավ շնորհակալություն:
Միջին աշխատավարձի հաշվարկ
Հայկ
Բարև Ձեզ, հարգելի մասնագետներ: Եթե աշխատողի համար հաշվարկում եմ միջին աշխատավարձ, ապա պարգևատրման գումարները ներառե՞մ ամբողջությամբ, թե՞ 1/12-ի չափով: Շնորհակալություն:
ԵՏՄ-ից ապրանքների ներմուծման դեպքում
Անի.
Բարև ձեզ: ԵՏՄ-ից ապրանք ենք ստանալու: Ցանկանում եմ իմանալ հերթական քայլերը, հաշվետվությունները, վճարումները:
Կանխավ շնորհակալ եմ:
Մանկավարժն աշխատանքի է ընդունվել համայնքապետարանում
Մարիա.
Բարև ձեզ: Մանկավարժը աշխատանքի է ընդունվել համայնքապետարանում որպես աշխատակազմի քարտուղար: Համայնքապետարան գալիս է շաբաթական 4 լիարժեք օր 8 ժամ աշխատանքի, մեկ օր՝ 4 ժամ: Խնդրում եմ, ասեք՝ ինչպե՞ս է ձևակերպվելու հաշվապահությունում համայնքապետարանի աշխատավարձը, պահումները, տեղեկագիրը, արձակուրդը: Ավելացնեմ, որ մանկավարժը աշխատում է դպրոցում:
Կարո՞ղ է արդյոք հետին թվով հրաման տրվել
Սաթենիկ.
Բարև ձեզ: Եթե հրաման ենք բաց թողել, ինչպե՞ս կարող ենք հետին ամսաթվով գրել։
Վարձատրությունը քաղաքացիաիրավական պայմանագրի դեպքում
Մելինե.
Բարև ձեզ: Նվազագույն աշխատավարձը /68 000/ վերաբերու՞մ է քաղիրավական պայմանագրով ընդունված աշխատողին, թե՞ միայն աշխատանքային պայմանագրով: Եթե հնարավոր է, օրենքի հղում նշեք:
Ինչպե՞ս հաշվել աշխատողի կուտակած արձակուրդի օրերը
Անի.
Բարև ձեզ: Ասացեք, խնդրում եմ, օրենքի կետով՝ ինչպե՞ս հաշվեմ աշխատողին հասանելի արձակուրդային օրերը վեցօրյա գրաֆիկով աշխատող։
Որքա՞ն կկազմի տարվա ընթացքում գնված սարքավորման արժեքը
Ելենա.
Տարվա սկզբի դրությամբ սարքավորումի հաշվեկշռային արժեքը կազմում էր 150 000 դրամ։ Տարվա ընթացքում սարքավորումը վաճառվել էր 26 000 դրամով, և օտարումից եկամուտը կազմել է 2 000 դրամ։ Մաշվածությունը հաշվարկվում է տարվա սկզբի հաշվեկշռային արժեքի 10 % դրույքաչափով։ Տարվա վերջի դրությամբ հաշվեկշռային արժեքը կազմել է 145 000 դրամ։ Որքա՞ն կկազմի տարվա ընթացքում գնված սարքավորումը: Շնորհակալություն։
Աշխատակիցը ցանկանում է ազատվել աշխատանքից արձակուրդում գտնվելու ժամանակահատվածում
Լիլիթ.
Բարև ձեզ: Խնդրում եմ, կօգնե՞ք հետևյալ հարցում. աշխատակիցը արձակուրդի մեջ ուզում է ազատվել աշխատանքից, ինչպե՞ս վարվել, պե՞տք է գումար վերադարձնել: