Հերթափոխով ծառայողի շաբաթական ծառայության տևողությունը
Վահրամ.
Բարև ձեզ: Խնդրում եմ, ինձ ասեք՝ 24 ժամ հերթափոխով ծառայողին կարելի՞ է շաբաթական 72 ժամ ներգրավել ծառայության։
Նախապես շնորհակալ եմ:
Մայրության նպաստ ժամանակավոր աշխատողին
Աննա.
Բարև ձեզ: Ես աշխատում եմ ժամանակավոր՝ որպես ֆիզ. արձակուրդում գտնվողի փոխարինող։ Եվ հիմա ես բալիկի եմ սպասում: Հնարավո՞ր է՝ ինձ դեկրետի գումար չվճարեն, ինձ ասել են, որ իմ պայմանագիրը լուծարվելու է, և գումարը ինձ չի վճարվելու։ Խնդրում եմ, պատասխանեք:
Նախապես շնորհակալություն:
Ե՞րբ է կատարվում արտոնագրային հարկի վճարումը
Գարիկ.
Բարի օր: Չէի՞ք կարող ասել, թե արտոնագրային վճարները երբ պետք է մուծել տվյալ ամսվա համար՝ ամիսը չսկսվա՞ծ, թե՞ ամիսը լրանալուց հետո:
Շնորհակալություն:
Աշխատանքային ստաժի վերաբերյալ
Անի.
Բարև ձեզ, հարգելի հաշվապահներ:
Հարցս վերաբերում է աշխատանքային ստաժին:
1. Քանի՞ տարվա ստաժ են հաշվարկվում բակալավրն ու մագիստրատուրան, եթե ուսումն ավարտելուց 3 ամիս անց անցել եմ աշխատանքի: Դրա համար պե՞տք է բուհի կողմից լրացվեր գրքույկը:
2. Երեխայի խնամքի արձակուրդի շրջանը և՞ս ստաժ է համարվում և որքա՞ն է հաշվարկվում:
3. Ա/Ձ-ով եմ գործունեություն ծավալել նախքան երեխայի խնամքի արձակուրդի մեջ գտնվելը, այժմ Ա/Ձ-ն դադարեցված է: Ե՞րբ կարող եմ լուծարել:
Անձը դեռ գրանցված է որպես աշխատող
Էմիլյա.
Բարև ձեզ: Ես գրանցված աշխատող եմ եղել, բայց դիմում եմ ներկայացրել, որ հունիսի 1-ից դուրս գամ, բայց ազատվել եմ ամսի 15-ից: Հիմա ուզում եմ աշխատել, բայց իմ անվան տակ ցույց է տալիս, որ գրանցված աշխատող եմ, իսկ նոր աշխատատեղից չեն կարող գրանցել դրա պատճառով: Իրենք էլ ասում են, թե ազատել են, բայց 3 ամիս հետո նոր կմաքրվի իմ անունից: Կօգնե՞ք ինձ:
Ի՞նչ հաշվապահական ձևակերպում պետք է տալ
Լիլիթ.
Բարև ձեզ: Խնդրում եմ պատասախանել: Ստացել ենք անվճար դեղորայք՝ մարդասիրական, ինչպե՞ս կարելի է տալ հաշվապահական ձևակերպումները:
Եթե գործատուն կրճատում է աշխատողին
Հարգելի գործընկերներ,
եթե գործատուն կրճատում է աշխատողին (կազմակերպության գործունեության ծավալի նվազման պատճառով), ապա ի՞նչ վճարումներ է տալիս աշխատողին, եթե համատեղությամբ աշխատանք էր: Պարապուրդ ուղարկելուց առաջ արդյո՞ք իրավունք ունի ազատման հրաման տալ և պարապուրդից վերադառնալուց անմիջապես հետո արձակել աշխատողին առանց արձակման նպաստի:
Շնորհակալություն:
Ի՞նչ ձևակերպում պետք է տալ
Անահիտ.
Մեքենան տրվել է վարձակալության, կասե՞ք՝ ինչպես պետք է տամ ձևակերպումը:
Շնորհակալություն:
Արտոնագրային հարկով աշխատելու դեպքում
Գարիկ.
Չէի՞ք ասի, թե արդյոք հաշիվ-ապրանքագիրը կարող է փոխարինել ՀԴՄ կտրոնին, նկատի ունեմ արտոնագրային հարկով աշխատելու դեպքում (ավտոտեխսպասարկում), երբ ՀԴՄ չի տրամադրվել, և հնարավորություն չկա կտրոն տպելու, կարելի՞ է միայն հաշիվ-ապրանքագիր տրամադրելով աշխատել մինչև ՀԴՄ ստանալը: Բանկում ունեմ բացված հաշվեհամար: Կարո՞ղ եք նշել նաև, թե արտոնագրային վճարով աշխատելու դեպքում ինչ տեսակի հաշվետվություններ են հարկավոր օնլայն տարբերակով ուղարկել Հարկային տեսչություն, նկատի ունեմ ամսական, եռամսյակային և տարեկան կտրվածքով:
Բոլորից կանխավ շնորհակալ եմ:
ԱՁ-ն դադարեցրել է իր գործունեությունը
Արմեն.
Բարև ձեզ: Ես 2018 թվականի հունվարի 17-ին հաշվառումից հանել եմ իմ ԱՁ-ն, 2017 թվականի տարեկան հաշվետություն չներկայացնելու համար 20 000 տուգանք է եկել, և գործն ուղարկել են ՀՀ ԴԱՀԿ: Ի՞նչ խորհուրդ կտաք:
Ի՞նչ պայմանագիր պետք է կնքել
Ռուզան.
ՀԿ-ն ցանկանում է իրեն պատկանող տրակտորները փոխանցել իր կողմից հիմնադրված ՍՊԸ-ին՝ նրան փոխանցելով սեփականության իրավունքը։ Ի՞նչ տիպի պայմանագրով պետք է կատարվի փոխանցումը և արդյո՞ք այդ փոխանցումը կառաջացնի հարկային պարտավորություններ։
Շնորհակալություն։
Շահաբաժնի վերաբերյալ
Արմեն.
Հարգելի գործընկերներ, կարո՞ղ է արդյոք կազմակերպությունը 2019թ.-ին հայտարարել և վճարել շահաբաժին 2016-2017թթ. արդյունքներով, և այդ դեպքում ճի՞շտ եմ արդյոք, որ չի առաջանա 5 տոկոս եկամտային հարկի պարտավորություն ՀՀ քաղաքացի մասնակցի համար:
Անձը մեկնել է արտերկիր չվճարվող արձակուրդի ընթացքում
Ռոզա.
Անձը իր հաշվին գնացել է արձակուրդ երկրից դուրս անհայտ ժամկետով: Հարկայինով իր հաշվին արձակուրդ գնալու վերաբերյալ հայտ չի ներկայացվել՝ հստակ ժամկետ չիմանալու պատճառով, դա որևէ խնդիր կարո՞ղ է առաջացնել:
Կարո՞ղ է աշխատողը հրաժարվել հղիության և ծննդաբերության արձակուրդից
Սոնա.
Բարև ձեզ:
Խնդրում եմ, ասեք՝ կարո՞ղ է արդյոք աշխատողը հրաժարվել հղիության և ծննդաբերության արձակուրդից:
Կանխավ շնորհակալություն:
Շրջանառության հարկի հաշվարկ
Արփեն.
Բարև ձեզ: ԱՁ-ի շրջանառության հարկի հաշվարկը կատարելիս աշխատողների աշխատավարձերն է՞լ են հաշվվում, թե՞ հանվում են, միայն մնացած եկամուտն է հարկվում:
Անձը մատուցել է վճարովի ծառայություններ
Աննա.
Բարև ձեզ: Խնդրում եմ օգնել խորհրդի կարգով: Ես մատուցել եմ վճարովի ծառայություններ, սակայն դեռ պայմանագիր չի կնքվել: Հարց` պայմանագիրը կնքվում է աշխատանքի ավարտից հետո՞, թե՞ նախապես, և ի՞նչ սկզբունքով է հարկվում:
Նորաբաց ԱՁ-ն տարածք է վարձակալել
Մարիամ.
Հարգելի հաշվապահներ, խնդրում եմ, օգնեք: Նորաբաց ԱՁ-ն վարձակալությամբ տարածք է վերցրել իր գործունեությունը իրականացնելու համար: Վարձակալական պայմանագիրը ո՞ր կարգի համաձայն պետք է կնքվի: Արդյո՞ք նոտարի միջամտությունը պարտադիր է, և դա որպես ԱՁ-ի ծախս երևալու՞ է հաշվետվությունում: Եվ եթե այո, ապա նորաբաց ԱՁ-ն, եթե չի հասցնում 20 օրվա ընթացքում կնքել պայմանագիրը, պե՞տք է տուգանք վճարի: Պե՞տք է արդյոք գրանցել վարձատուին, որ իրեն վճարված ամսավճարները երևան: Վարձավճարների գծով ի՞նչ հաշվետվություն պետք է ներկայացնել:
Նախապես շնորհակալություն:
Կարո՞ղ է աշխատողը հինգ օր առաջ ներկայացնել ազատման դիմումը
Վարդուհի.
Բարև ձեզ: Եթե այլ աշխատանքի վայրում աշխատանքի է անցնում աշխատողը, կարո՞ղ է այդ դեպքում 5 աշխատանքային օր առաջ գրել դիմում դուրս գալուց առաջ: Եվ արդյո՞ք խախտումներ չեն լինի աշխատավարձից վերջնահաշվարկի ժամանակ։
Պե՞տք է արդյոք կնիք
Տաթևիկ.
Բարև ձեզ։ Ծրագրավորման ուսումնական կենտրոն որպես ԱՁ գրանցելուց հետո կնիք պե՞տք է:
Աշխատանքային գրքույկների թվայնացման հանձնման գործընթացը սկսվել է
Լուսինե․
Հարգելի հաշվապահներ, աշխատանքային գրքույկների թվայնացման հանձնման գործընթացը սկսվել է։ Ինչպե՞ս պետք է իրականացվի տվյալ գործընթացը։
Կազմակերպությունը ձեռք է բերել գույք
Արմեն.
Հարգելի գործընկերներ, կազմակերպությունը (հյուրանոցային գործունեություն) ձեռք է բերել հեռուստացույցներ, սառնարաններ, կահույք և դռներ հյուրանոցի համար: Արդյո՞ք դրանք ավելացվում են հիմնական միջոցի արժեքին, թե՞ միանգամից դիտարկվում են ծախս:
Շնորհակալություն:
Մաշվածության հաշվարկ ՀՄ վերագնահատման դեպքում
Մելինե Պ.
Բարև ձեզ: Հիմնական միջոցի առաջին վերագնահատումից հետո երկրորդ վերագնահատման ժամանակ մաշվածություն հաշվարկվում է ըստ սկզբնակա՞ն արժեքի, թե՞ վերագնահատված արժեքի: Այսինքն` եթե հիմնական միջոցի սկզբնական արժեքը եղել է 300 հազ. դրամ, առաջին վերագնահատումից հետո սկզբնական արժեքը դարձել է 407 հազ. դրամ, երկրորդ վերագնահատման ժամանակ մաշվածություն հաշվելու եմ ըստ 300-ի՞, թե՞ 407-ի:
Շահութահարկի հաշվետվության վերաբերյալ
Գևորգ.
Բարև ձեզ: Հաշմանդամի համար հաշվարկված աշխատավարձի և դրան հավասարեցված այլ վճարումների, ինչպես նաև քաղաքացիաիրավական պայմանագրից ստացվող եկամուտների հանրագումարի 150 %-ը, լսել եմ, որ հանել են, բայց ոչ մի տեղ չեմ հանդիպել, և այս պահին էլ շահութահարկի ձևը բացելուց այն դեռ երևում է 78-րդ կետով: Խնդրում եմ, եթե իրականում այն դադարեցրել են, ասեք՝ որտե՞ղ կարող եմ որոշումը տեսնել, և արդյո՞ք 2018թ. շահութահարկի հաշվետվությունը պետք է ներկայացվեր առանց նշված հոդվածով ծախսերը նվազեցնելու:
Կանխավ շնորհակալություն:
Ինչպե՞ս են ձևակերպվում ֆակտորինգային գործարքները
Հռիփսիմե.
Հարգելի փորձառու հաշվապահներ, ինչպե՞ս են ձևակերպվում ֆակտորինգային գործարքները:
ԱՁ մայրության նպաստ
Հասմիկ.
Ես անհատ ձեռնարկատեր եմ, ուզում եմ իմանալ՝ եթե ֆիզ. ես գնում, որքա՞ն գումար են տալիս:
Աշխատավարձի չափի մասին տեղեկանքի ի՞նչ ձև է սահմանված
Մարինե.
Բարև ձեզ:
Քաղաքացիաիրավական պայմանագրով աշխատող աշխատակիցներին աշխատավարձի չափի մասին տեղեկանքի ի՞նչ ձև է սահմանված՝ հաշվարկային թերթի՞կ, թե՞ աշխատանքների կատարման հանձնման-ընդունման ակտ: Հղում օրենքին կարո՞ղ եք տալ:
Պետությունը մասնակիորեն փոխհատուցում է բնակարանի վարձը
Տաթև.
Ամուսինս ծառայում է ՀՀՊՆ հատուկ ջոկատում։ Պետությունը մասնակիորեն փոխհատուցում է բնակարանի վարձը: Հարցս այսպիսին է՝
ի՞նչ փաստաթղթեր, ի՞նչ վճարներ, հարկեր/տուրքեր են գանձվելու վարձակալությունը փաստաթղթային դարձնելու համար։
Նախապես շնորհակալություն:
Կարո՞ղ է արդյոք կազմակերպությունը ծախս ճանաչել վճարված գումարը
Հ.
Ցանկանում եմ իմանալ՝ Yandex, GG և նմանատիպ ծառայություններից օգտվելու դեպքում կազմակերպությունը կարո՞ղ է վճարված գումարը ծախս ճանաչել, և կան օրենսդրական կարգավորումներ այս հարցի վերաբերյալ։
