Accountant.am

Գոհար Վարդանյան.

Հարգելի գործընկերներ,
խնդրում եմ ինձ օգնել արձակուրդայինի հաշվարկի հարցում:
Աշխատողի ամսական աշխատավարձը կազմում է 126 000 դրամ: Նա օգտվում է իր հերթական 2013 թվականի արձակուրդից, 01.04.2013 թվականից, 20 աշխատանքային և 4 լրացուցիչ օր տևողությամբ: Ինչպե՞ս է կատարվում արձակուրդայինի հաշվարկը հնգօրյա աշխատանքային շաբաթվա դեպքում:

Նախապես շնորհակալություն:
Արմավիրի մարզի Նոր Արտագերսի գյուղապետարանի գլխավոր մասնագետ
Գոհար Վարդանյան

Ժաննա.

Բարև բոլորին: Իմ հարցը վերաբերվում է ներքին համատեղությանը: Մեր կազմակերպությունում (այն բյուջետային է) կան 2 աշխատակիցներ, ովքեր շատ ծանրաբեռնված չեն և կարող են ներքին համատեղությամբ այլ աշխատանք ևս կատարել օրվա ընթացքում: Նրանք մեր հիմնական աշխատողներն են: Հարցս հետևյալն է` բյուջետային կազմակերպության աշխատողը իրավունք ունի՞ զբաղեցնելու 2 տարբեր հաստիքներ երկու աշխատանքային պայմանագրերով` հիմնական և համատեղությամբ:
Հարգանքով

Արմինե.

Բարև ձեզ, հարգելի հաշվապահներ, խնդրում եմ ինձ օգնեք: Ըստ ՀՀ ԱՕ-ի 147-րդ հոդվածի ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ և ոչ լրիվ աշխատանքային ժամանակի պայմաններով աշխատող աշխատողների: Փաստորեն, եթե մարտի 8-ը տոնական օր է, ապա մարտի 7-ին տաբելում պետք է նշվի ոչ թե 8, այլ 7 ժամ, և եթե շարժվենք այս տրամաբանությամբ, ստացվում է, որ մարտ ամիսն ունի 20 աշխատանքային օր և 159 աշխատանքային ժամ, իսկ ապրիլ ամիսն ունի 21 աշխատանաքային օր և 167 աշխատանքային ժամ: Խնդրում եմ ինձ ասացեք` ես ճի՞շտ եմ ամեն ինչ հասկացել:

Սաթեն.

Խնդրում եմ օգնեք:
Կազմակերպությունը ինվոյսի հիման վրա բանկային փոխանցում է կատարել Չինաստան ապրանք գնելու նպատակով: Ապրանքը ստանալուց պարզվել է, որ չկա օրիգինալ իվոյսը, և բեռնագրում նշված չէ ստացող կազմակերպության անունը, գրված է միայն ստացող կազմակերպության տնօրենի անունը: Մաքսազերծումը կատարվել է ֆիզ. անձի անունով: Ի՞նչ պետք է անել փոխանցված գումարի հետ:

Վարդուհի.

Հարգելի գործընկերներ, խնդրում եմ օգնել ինձ հասկանալու` աշխատանքից ազատման հրամանում կադրերի տեսուչի կողմից գրվու՞մ է, թե քանի օրվա համար պետք է վերջնահաշվարկ կատարել, թե՞ դա հաշվապահության պարտականությունն է:

Հարություն.

Հարգելի գործընկերներ, “Արտոնագրային վճարների մասին” օրենքում օգտագործվում է “սպառողների սահմանափակ քանակակազմ” հասկացությունը: Խնդրում եմ պարզաբանել` ի՞նչ է այն նշանակում:

Sona.

Բարև Ձեզ:
Կազմակերպությունը զբաղվում է շինարարությամբ և ունի X քանակի շինարարական հրապարակներ: Ինչ-որ շինարարական հրապարակից ավելացած շինանյութը տեղափոխում է մեկ այլ շինարարական հրապարակ: Կազմակերպությունը պարտավո՞ր է վարել առաքման գիրք այն առաքման վայրի համար, որտեղից տեղափոխում է կատարում միայն մեկ անգամ: Ինչպիսի՞ վավերապայմաններով լրացված ուղեկցող փաստաթուղթ է անհրաժեշտ այս դեպքում:

Հունան.

Բարև բոլորին: Խնդրում եմ պատասխանեք. արդյո՞ք անհատ ձեռներեցը կարող է գրանցել ֆիրմային կամ այլ տիպի անուն: Օրինակ, համակարգչային մանրածախ խանութին հնարավոր է փակցնել ասենք xxx-computers կամ նման մի անուն: Եթե այո, ու՞ր պետք է դիմել դրա համար:

Մարինա.

Խնդրում եմ իմ էլեկտոոնային հասցեին ուղարկեք մարդատար և բեռնատար ավտոմեքենաների ուղեգրերը (Путевой лист): Նախապես շնորհակալ եմ:

Nona.

Բարև բոլորին: Ցանկանում եմ ՀԿ բացել, սակայն չգիտեմ կարգը. ի՞նչ փաստաթղթեր են հարկավոր, և որտե՞ղ եմ ներկայացնելու դրանք: Խնդրում եմ օգնել, նախապես անչափ շնորհակալ եմ:

Արամ.

Հարգելի հաշվապաներ, խնդրում եմ պատասխանել հարցիս. ՍՊԸ-ն, որն ազատված է ԱԱՀ-ից, վաճառել է իր տրանսպորտային միջոցը: Ի՞նչ ձևակերպում է տրվում ու ի՞նչ հարկեր է վճարվում: Մեքենան գնվել է 2010թ. 200 000 ՀՀ դրամով:

Վարդան.

Հարգելի մասնագետներ, ինձ մի այսպիսի հարց է հետաքրքրում. ֆիզիկական անձի կատարած գործարքներից հաշվարվել է ԱԱՀ (երկրորդ և հաջորդ գործարքից` տարվա ընթացքում, 2011թ.): Ինձ հետաքրքրում է` կա՞ որևէ արտոնություն ֆիզանձի վերաբերյալ ԱԱՀ հետ կապված, կարո՞ղ ենք այդ անձին օգնել որևէ կերպ: Կանխավ շնորհակալ եմ:

Ani.

Բարև Ձեզ, հարգելի հաշվապահներ: Ես Ձեր օգնությանն եմ դիմում հետևյալ հարցով: Վարսավիրանոցի համար ինչպե՞ս է հաշվարկվում արտոնագրային վճարը եռամսյակի համար: Կանխավ շնորհակալ եմ:

Արման.

Արտադրական նշանակության անշարժ գույքի վաճառքի դեպքում ֆիզիկական անձի կողմից ԱԱՀ վճարվու՞մ է, թե՞ ոչ: Կապ ունի՞ արդյոք անշարժ գույքի պայմանանագրային կամ կադաստրային արժեքի չափը: Կանխավ շնորհակալություն:

Տաթև.

Բարև Ձեզ: Խնդրում եմ մի քանի ցուցումներ, պարզաբանումներ տալ ինձ հետևյալի առնչությամբ. գրանցել եմ ԱՁ, զբաղվելու եմ թարգմանչական գործունեությամբ: Աշխատող չունեմ: Աշխատելու եմ հսկիչ-դրամարկղային մեքենայով: Ինձ տեղեկացրեցին հարկային տեսչությունում, որ աշխատելու եմ 5 տոկոսով, եթե անհատույց օգտագործման պայմանագիր կնքեմ, էլեկտրոնային հաշվետվություններ վարել անհրաժեշտ չէ, պետք է ընդամենը յուրաքանչյուր ամիս վճարել 5000-ական դրամ ԱՁ-ի եկամտային հարկ և տարեկան շրջանառության հարկ՝ եռամսյակային կտրվածքով: Ինձ անհասկանալի է, եթե ես նոր եմ գործունեություն իրականացնում, ինչպես հասկանամ տարեկան կտրվածով իմ հասույթը, որ բաժանեմ եռամսյակների ու վճարեմ, ինչպես նաև տարեկան հաշվետվությունը, իմ պարագայում, ինչպիսին պետք է լինի և ինչ կարգով պետք է վարեմ: Խնդրում եմ, ընդհանուր առմամբ, ինձ բացատրել, թե ինչպես, ինչ կարգով և ինչ վճարումներ ու հաշվետվություններ պետք է ներկայացնեմ: Կանխավ շնորհակալ եմ:

Արսինե.

Հարգելի հաշվապահներ, խնդրում եմ օգնեք.
Աշխատողին աշխատանքից ազատելու դեպքում հաշվետվությունների ներկայացման էլեկտրոնային համակարգում 79 ձև՞ն է լրացվում: Կանխավ շնորհակալություն:

Սարգիս.

Բարև Ձեզ:

Ես նոր գրանցված Ա/Ձ եմ, հանդիսանում են արտոնագրային վճար վճարող, քանի որ ունեմ ստոմատոլոգիա: Աշխատում են սկսած ապրիլ ամսից, և առայժմ չունեմ աշխատող: Խնդրում եմ ուղղորդեք` այս մեկ ամսվա համար ես բացի արտոնագրային վճարից, որն արդեն վճարել եմ, էլ ի՞նչ հարկատեսակներ պետք է վճարեմ և ի՞նչ էլեկտրոնային հաշվետվություն եմ ներկայացնելու: Կանխավ շնորհակալություն:

astxik.

Բարև ձեզ, հարգելի կադրերի աշխատակիցներ և հաշվապահներ: Հաշվետվություններում ինչպե՞ս ենք ներկայացնում արձակուրդային հաշվարկները:

Ինձ թյուրիմացության մեջ է գցել պ-ն Գ.Խաչատրյանի 2013թ. հունվարի 11-ի թիվ 1 պարզաբանումը.

2012թ. արձակուրդայինը ներկայացնել 2012թ. 4 եռ. հաշվետվությամբ, իսկ 2013 այս տարվա հաշվետվությամբ: Ի՞նչ եք կարծում` սա ինչպե՞ս կարելի է բացատրել (աշխատողին ապրիլին տալիս եմ արձակուրդ 2012-2013թթ համար):

Հակոբ Համբարյան.

Բարև ձեզ: 1 մլրդ դրամից ավել շրջանառություն ունեցող կազմակերպությունները հաշվառում կիրականացնեն համակարգչային ծրագրերով: Ես խնդրում եմ ինձ ասեք, թե որ համակարգչային ծրագրով պետք է իրականացնել հաշվառումը: Նախօրոք շնորհակալություն:

Լիանա.

Հաշվապահական փաստաթղթերը, դրամարկղի գիրքը, առաքման գրքերը և այլն, քանի՞ տարի պետք է գրասենյակում պահպանվեն ըստ օրենքի:

Ռիտա.

Հարգելի կոլեգաներ, մեր արտադրությունը գտնվում է փորձարկման փուլում: Այն տևել է մի քանի ամիս հոսքային գծի թերությունների պատճառով: Կուտակվել է խոտան: Խնդրում եմ պատասխանեք` ինչպե՞ս վարվենք խոտանի հետ, ի՞նչ նորմաներից ելնելով` ծախս ճանաչենք, և ինչպե՞ս ակտավորենք: Նախապես շնորհակալություն:

Mayis.

Բարև ձեզ, հարգելի հաշվահաներ: Մի հարց ունեմ, խնդրում եմ պատասխանեք` արդյո՞ք իրավունք ունի գյուղի բնակիչը Երևան քաղաքում խանութ բացելու:

Lusin.

ՍՊԸ-ն ամեն օր ՀԴՄ ֆիսկալ է հանում: Դրամարկղի գիրքն վերջացել էր, և ինչ-ինչ պատճառներով նորը չէր վերցվել: 22 օր է արդեն գումարները մուտք չեն արվում դրամարկղ: Եթե հարկայինի կողմից կնքվելուց հետո այդ քսաներկու օրվանն միանգամից մուտք անեմ դրամարկղ, որքա՞ն տուգանք կարող է հասնել դրա համար:

Շուշանիկ.

Հարգելի հաշվապահներ,

խնդրում եմ ինձ հուշել` ինչպե՞ս պետք է հաշվարկել աշխատողի միջին աշխատավարձը, եթե նա նախկինում աշխատել է 5-օրյա աշխատանքային շաբաթով, իսկ վերջին 7 ամիսների ընթացքում` 6-օրյա աշխատանքային շաբաթով:

Կանխավ շնորհակալ եմ:

Ներսես.

Բարև Ձեզ, խնդրում եմ օգնել ինձ հետևյալ հարցում. հիմնադրամն իր կանոնադրությամբ կարող է նաև ձեռնարկատիրական գործունեություն ծավալել և աշխատում է ԱԱՀ-ով: Հարցս հետևյալն է` ԱԱՀ-ի հաշվանցում կատարելիս արդյո՞ք հաշվի է առնվում միայն ձեռնարկատիրական գործունեությամբ կատարված ծախսերի ԱԱՀ-ն: Եվ մյուս հարցս` եթե ՀԴՄ կտրոնի վրա նշվում է ԱԱՀ, դա կարելի՞ է հաշվանցել: Կանխավ շնորհակալ եմ:

Garnik.

Հարգելի կոլեգաներ, խնդրում եմ օգնեք ինձ: Գրեք հղում, որտեղից կարող եմ գտնել ԱԱՀ հաշվարկի լրացման հրահանգ կամ կարգ (մասնավորապես հաշվանցման տեսակարար կշիռը դեբետային մասը, 26, 27 հոդվածները) 2013թ. փոփոխություններով: Կանխավ շնորհակալություն:

Harutyun.

Եթե կազմակերպության աշխատակիցն իր հաշվին կատարել է գնումներ, և տվյալ պահին դրամարկղում չկա անհրաժեշտ գումար ծախսը փոխհատուցելու համար, կարո՞ղ ենք արդյոք ձևակերպել այսպես`

դտ 7139 կտ 5281,

այնուհետև`
դտ 5281, կտ 2511:

Կանխավ շնորհակալ եմ: