Հաշվապահություն ԵՎ ավելին
Լուիզա.
Բարև Ձեզ, խնդրում եմ օգնեք ինձ: Ֆիզ. անձը մեքենաներ է վաճառում առանց հարկային գրանցման: Որպեսզի չտուգանվի, ի՞նչ հարկ է վճարելու իր վաճառքից և ինչպե՞ս է հաշվարկվելու այդ հարկը: Ֆիզ. անձը չի ցանկանում գրանցվել հարկային դաշտում: Կանխավ շնորհակալություն:
Լուիզա.
Հարգելի կոլեգաներ, եթե ԱՁ գործունեությունը դադարեցում եմ ուզում տալ, պարտադիր ամեն ամիս պե՞տք է սոց. վճարը մուծեմ: Ասացեք խնդրեմ, այս փոփոխությունը վերաբերու՞մ է նախորդ դադարեցումներին: Շնորհակալություն:
Վոլոդյա.
Բարև Ձեզ, ու՞մ կողմից են տրամադրվում դեղատնային գործունեության լիցենզիայի ստացման համար անհրաժեշտ օրենքով նախատեսված ձևաթղթերը` մասնավորապես տարածքի հագեցվածությանը վերաբերող ձևաթուղթը:
Mushegh.
ՀՀ ռեզիդենտ կազմակերպությունը, որը ազատված է ԱԱՀ-ից, քանի որ ԱԱՀ շեմը չի անցնում, արտասահմանում ծառայություն է մատուցում և դրանից ստացված եկամտից վճարում է ԱԱՀ: Դրա համար ի՞նչ ձևակերպում է տրվում: Շնորահակալություն:
LILIT.
Բարև Ձեզ: Ես՝ Լ.Նազանյանս, աշխատում եմ դպրոցում որպես գործավար: Իմ աշխատանքի մեջ է մտնում նաև գործավարությունը: Ցանկանում եմ սովորել կադրային գործերին ու ավելի հմտանալ: Խնդրում եմ խորհուրդ տվեք` որտեղ կարող եմ ես դասընթացների գնալ և հմտանալ կադրային աշխատանքում: Կանխավ շնորհակալ եմ:
Սաթեն.
Կարո՞ղ եք օգնել: Ապրանքի գնման համար երկու աշխատակից մեկնել են ՌԴ: Տոմսի արժեքը և գործուղման ու օրապահիկի գումարը ներառվու՞մ են ապրանքի ինքնարժեքի մեջ:
Էդգար.
Բարև Ձեզ: խնդրում եմ օգնել մի հարցում. կազմակերպության հիմնադիր-տնօրենը կարո՞ղ է 1.000.000 դրամ փոխառությունը միանգամից մուտք անել դրամարկղ: Շնորհակալություն:
Նաիրա.
Խնդրում եմ պատասխանեք. ԱԱՀ վճարող ընկերությունը էլեկտրոնային e-invoicing ծրագրով կարո՞ղ է արդյոք հաշիվ դուրս գրել ԱԱՀ վճարող չհամարվող կազմակերպությանը, թե՞ պետք է օգտագործել հարկային մարմնից ստացված հարկային հաշիվների ձևը: Եթե հնարավոր է, շտապ պատասխանեք: Շնորհակալություն:
Նաիրա.
Բարև: Հարգելի հաշվապահներ, խնդրում եմ պատասխանեք. եթե ընկերության աշխատողներից մեկի վրա երկկողմանի համաձայնությամբ դրվում են նաև գանձապահի պարտականություններ, ապա արդյո՞ք պետք է համաձայանագրում նշել նաև հավելյալ վարձատրության մասին, և ո՞ր իրավական ակտի համաձայն է դա արվում: Կանխավ շնորհակալություն:
Lika.
Հարգելի հաշվապահներ, խնդրում եմ օգնեք հետևյալ հարցերում: Երկու օր է, ինչ գրանցվել եմ որպես անհատ ձեռնարկատեր, ցանկանում եմ զբաղվել ծաղկի մանրածախ վաճառքով բացօթյա տարածքում և ունեմ թուլատվություն, ունեմ ՀԴՄ, աշխատող չունեմ: Հարցերս հետևյալն են.
1. ի՞նչ հարկով եմ հարկվելու
2. ի՞նչ պարտադիր վճարներ եմ կատարելու
3. հդմ կտրոնները ի՞նչ եմ անելու
4. հաշվապահական ի՞նչ գիրք պետք է ունենամ
Խնդրում եմ հնարավոր դեպքում շուտ արձագանքել: Նախապես շատ շնորհակալ եմ:
Samo.
Ինձ տարածքի վարձակալության պայմանագրի ձև է պետք, ո՞վ կարող է օգնել:
Gayane.
Հարգելի հաշվապահներ, լսել եմ, որ արդեն կա աշխատավարձի հաշվարկի նոր ձևը, որը գործելու է 2013թ-ից excel ֆայլով: Որպեսզի կարողանանք հաշվարկել գալիք տարվա աշխատավարձի ֆոնդի բարձրացումը, խնդրում եմ, եթե որևէ մեկը ունի, ուղարկեք ghakobyan2003 շնիկ yahoo.com, կամ եթե կա, ասեք որտեղից կարող եմ բեռնել այն:
Նախապես շնորհակալ եմ:
Գոռ.
Հարգելի գործընկերներ, խնդրում եմ ինձ ասեք, թե Ա/Ձ ե՞րբ և ինչպե՞ս է համարվում վիճ. հաշվետվություն ներկայացնող, և ի՞նչ պատասխանատվություն կա չգրանցվելու և հաշվետվություն չներկայացնելու դեպքում:
Շնորհակալություն:
Tatevik.
Բարև Ձեզ:
Խնդրում եմ ինձ օգնել հետևյալ հարաբերակցությունների հայերեն թարգմանությունը գտնել`
1. Analysis of management performance
-Return on shareholders’ equity
-Return on capital employed
-Return on total assets
-Operating profit as % of sales (revenue)
-Gross profit percentage
-Total assets usage
-Fixed assets (non-current assets) usage
2. Liquidity and working capital
-Current ratio
-Acid test
-Stock holding period (inventories holding period)
-Customers (trade debtors) collection period
-Suppliers (trade creditors) payment period
-Working capital cycle
3. Gearing
-Debt/equity ratio
-Interest cover
Աննա.
Բարև Ձեզ:
Խնդրում եմ պատասխանեք հետևյալ հարցիս: Կազմակերպության տնօրենը կատարում է նաև հաշվապահի և գանձապահի պարտականությունները (կազմակերպության աշխատողները 3 հոգուց ավել չեն): Տնօրենի աշխատավարձը համաձայն աշխատանքային պայմանագրի սահմանված է 40000 դրամ: Արդյո՞ք աշխատանքային պայմանգրում կամ համաձայնագրով պետք է առանձին ըստ պարտականությունների նշել, թե 40000–ի մեջ որքան է կազմում հաշվապահի և գանձապահի պարտականությունները կատարելու համար հասանելիք աշխատավարձների չափերը, և գանձապահի պարտականությունները կատարելու համար հասանելիք աշխատավարձից 30% հավելավճարի չափը:
Շնորհակալություն:
Մարի.
Հարգելի հաշվապահներ, խնդրում եմ օգնեք ինձ հասկանալու օրենքի “տառը”: 3 ամսից լրանալու է իմ` որոշակի ժամկետով կնքված աշխատանքային պայմանագիրը: Եթե ես ներկայացնեմ հղիության մասին տեղեկանք, արդյո՞ք պայմանագրի ժամկետն ավարտվելուց հետո պայմանագիրս կխզվի, և ես նպաստ չեմ ստանա, քանի որ անաշխատունակությունս կծագի պայմանագրի ավարտից հետո: Թե՞ պայմանագիրս կերկարացվի մինչև անաշխատունակության ժամանակահատվածի ավարտը: Շնորհակալություն:
G.K.
Խնդրում եմ օգնեք հետևյալ հարցում. կարելի՞ է արդյոք աշխատակցին փոխադարձ համաձայնությամբ արձակուրդ տալ մինչև 6 ամիս լրանալը: Շնորհակալություն:
Raz.
Բարև ձեզ, հարգելի հաշվապահներ: Խնդրում եմ ձեզ ուղարկել մի հղում, որտեղ նշվում է եկամտային հարկի բացատրությունը, դրույքաչափերը, հաշվարկի ձևերը: Նախապես շնորհակալություն:
Վարդ.
Հարգելի հաշվապահներ, կարո՞ղ եք ասել` 2010թ.-ին ինչպես էր հաշվարկվում արձակուրդային վեցօրյա աշխատանքային շաբաթվա դեպքում: Շնորհակալություն:
Սիրանուշ.
Ունեմ հաշմանդամության 3-րդ կարգ: Աշխատում եմ և ստանում եմ բարձր աշխատավարձ: Աշխատավարձ ստանալը կարող է անդրադառնալ հաշմանդամության նպաստի ստացման վրա:
Արամ.
Հարգելի հաշվապահներ, եթե կարող եք, պատասխանեք հետևյալ հարցին.
ոչ ռեզիդենտ կազմակերպությունը ծառայություն է մատուցել մեր կազմակերպությանը Երևանում՝ 120 հազ. դրամ արժեքով: Որպես հարկային գործակալ ես պետք է նրանցից 20 հազ. դրամ ԱԱՀ պահեմ և 10 հազ. դրամ շահութահարկ և նրանց վճարեմ 90 հազ. դրամ: Խնդրում եմ ասեք` ի՞նչ հաշվապահական ձևակերպումներ պետք է տամ: Նախապես շնորհակալություն:
Կարինա.
Բարև ձեզ: Խնդրում եմ պատասխանեք` հրամանագիրք պե՞տք է վարել, թե՞ ոչ, կամ եթե ոչ, ապա ի՞նչ մատյանում և ինչպե՞ս ենք գրանցելու հրամանները, արձանագրությունները, համաձայնագրերը: Շնորհակալություն:
Ռուզաննա.
Բարև Ձեզ: Եթե ՀԴՄ կտրոնը ծառայության դիմաց չի տրվել, արդյունքում ակտի հիման վրա ՍՊԸ-ն տուգանվել է համապատասխան ձևով, գումարը հարկային տեսուչը մուտքագրել է ՀԴՄ-ով և հանել Z հաշվետվություն: Այդ գումարը հետ է վերադարձվել տեսուչին, ինչը նշված է արձանագրության մեջ: Եթե այդ ծառայությունը չի մատուցվել և գումարը վերադարձվել է, ապա այդ գումարը համարվու՞մ է եկամուտ և դրամարկղային գրքում գրանցվելու՞ է, թե՞ ոչ: Եթե այո, ու՞մ անունից պետք է գրանցվի մուտքի օրդերը:
Hayk.
Հարգելի հաշվապահներ, խնդրում եմ ասեք` ինչքան գումար պետք է ստանա աշխատողը հոկտեմբեր ամսին, եթե նա աշխատանքի է ընդունվել 01.06.12-ին, հիվանդության թերթիկ է բերել 02.10-ից մինչև 05.10-ը, աշխատավարձը կազմում է 190000 դրամ, իսկ նախորդ գործատուի մոտ աշխատավարձը կազմել է 150000 դրամ: Խնդրում եմ մանրամասն բացատրեք և նշեք, թե ինչպես է պահվում եկամտահարկը: Նախապես շնորհակալ եմ:
В бухгалтерию приходит посетитель:
— Мне сказали, что вы сейчас заняты, но у меня небольшой вопрос. Но очень срочный. Мне только накладную оформить.
— Какую накладную? На что?
— На отчётный период. На квартал. В налоговую инспекцию.
— Так это квартальный отчёт!?!
— Да-да, точно! Это я спутал. В голове сидит «Как всё это накладно!», вот и спутал.
— А вы представляете, сколько это работы? Մանրամասն
Աստղիկ.
Եթե աշխատողը աշխատանքի է ընդունվել 9 ամսով, և աշխատանքային պայմանագրում նշված է, որ աշխատելու է մինչև 01.11.2012, այդ դեպքում աշխատողը պայմանագիրը լրանալուց հետո պե՞տք է դիմում գրի աշխատանքից ազատվելու համար, թե՞ աշխատանքային պայմանագիրը ավտոմատ համարվելու է լուծարված: Եվ ազատման հրաման գրելուց ինչպե՞ս պետք է ձևակերպենք` համաձայն իր դիմումի, թե՞ աշխատանքային պայմանագրի օրինակ 4 կետի համաձայն: Շնորհակալություն:
Изабела.
Հարգելի հաշվապահներ, խնդրում եմ ասել` կարո՞ղ է արդյոք գլխավոր հաշվապահի դրույքը բարձր լինել տնօրենի դրույքից:
Ժաննա.
Բարև Ձեզ: Խնդրում եմ ինձ օգնեք հետևյալ հարցում: Ես բացել եմ տաքսի ծառայություն և գրանցել եմ ընդամենը մեկ մեքենա: Եթե խնդրեմ ինձ կասե՞ք` եռամսյակային ինչ հաշվետվություններ պետք է ներկայացնեմ հարկային: Ասեմ, որ գրասենյակի տարածքը իմ սեփականն է: Նախապես շնորհակալություն:
ՍԵՎԱԿ.
Հարգելի գործընկերներ, խնդրում եմ պատասխանել հետևյալ հարցին.
Զբաղվածության ծառայությունը կազմակերպություն է ուղարկել անձանց պրակտիկա անցնելու նպատակով, պրակտիկայի համար ծառայությունը յուրաքանչյուր ամիս գումար է փոխանցել կազմակերպությանը վերջիններիս աշխատավարձ վճարելու համար: Պրակտիկայի ավարտից հետո վերը նշված անձանցից մեկին կազմակերպությունն ընդունել է աշխատանքի: Տվյալ աշխատողի անհատական հաշիվ բացելու մասին հայտը սոց. ապ. կազմակերպությու՞նն է պարտավոր ներկայացնել, թե՞ զբաղվածության ծառայությունը (ի դեպ, խոսքն այն ամիսների մասին է, որոնց ընթացքում աշխատողը պրակտիկա է անցել տվյալ կազմակերպությունում):
Հարկավ շնորհակալություն:
Աշոտ.
1996թ. նոյեմբերից աշխատել եմ համայնքի ղեկավար, այդ ընթացքում արձակուրդից օգտվել եմ 2 անգամ` 2003 թվականին և 12 օր 2011 թվականին: Նոյեմբերին կատարվելու է վերջնահաշվարկ: Ուզում եմ իմանալ` կարո՞ղ եմ ստանալ չօգտագօրծված ամենամյա արձակուրդի համար դրամական հատուցում բոլոր տարիների համար, այսինքն` 14 ու կես տարվա համար:
Հաշվապահական ծառայություններ
091 088 349
