ԱՁ զբաղվում է մանրածախ առևտրով
Արտաշես.
Բարև ձեզ: Ես աձ եմ և զբաղվում եմ մարածախ առևտրով: Աշխատող չունեմ: Կարո՞ղ է արդյոք ընտանիքիս անդամը փոխարինել ինձ` խանութում ապրանք վաճառել, եթե ես տեղում չեմ:
Վերջնահաշվարկի վճարման ժամկետներ
Տաթևիկ.
Բարև ձեզ: Ինձ հետաքրքրում է վերջնահաշվարկի տրամադրման ժամկետը: Ես աշխատանքից դուրս եմ եկել հունիսի 14-ին և մինչև հիմա չեմ ստացել մայիս ամսվա աշխատավարձը և վերջնահաշվարկը: Ըստ մեր աշխատանքային պայմանագրի՝ գործատուն պարտավոր է աշխատողի հետ կատարել վերջնահաշվարկ կողմերի փոխադարձ համաձայնությամբ որոշված օրը, բայց ոչ ուշ, քան երկու ամսվա ընթացքում: Մենք աշխատավարձ ենք ստանում ամեն ամսվա 15-ին, իսկ նրանք ասում են, որ աշխատավարձի հաշվարկ իրենք անում են 15-ից շուտ, և այս դեպքում իմ 2 ամիսը լրացած չի լինում: Ես կուզեի իմանալ` արդյո՞ք իրավունք ունեն իրենք այդպիսի քայլի: Կանխավ շնորհակալություն:
Առաքման գրքի լրացման հետ կապված
Lus.
Հարգելի հաշվապահներ, խնդրում եմ ասեք` կարո՞ղ եմ ես առաքման և տեղափոխման գրքում լրացնել և առաքումը, և տեղափոխումը , եթե 2 էլ կատարվում են նույն հասցեից:
ՀԿ կանոնադրության ձև
Ջավահիր.
Բարև Ջեզ, ես Ջավահիրն եմ, ապրում եմ Արմավիրի մարզում: Ցանկանում եմ բացել հասարակական կազմակերպություն, խնդրում եմ, եթե հնարավոր է, ինձ ուղարկեք ՀԿ կանոնադրության ունիվերսալ ձև, եթե այդպիսին կա: Կանխավ շնորհակալություն:
Ինչպե՞ս դադարեցնել ԱՁ գործունեությունը
Միքայել.
Բարև ձեզ: Ես մոտ 2 ամիս է արդեն գրանցել եմ ԱՁ, սակայն ոչինչ չեմ արել, ոչ մի գործողություն ԱՁ-ն գրանցելուց հետո, միայն վճարել եմ 3 200 դրամ, եթե ճիշտ եմ հիշում, գրանցման համար: Ինձ ասացին, որ եթե գործունեություն չի լինելու դեռ, ավելի լավ է կասեցնել, որպեսզի ավելորդ խնդիրներ չլինեն: Կարո՞ղ եք ասել` ինչպես կասեցնել ԱՁ-ն, և արդյո՞ք ինչ-որ հաշվետվություն պետք է ներկայացնել կամ վճարում կատարել: Նախապես շնորհակալություն:
Աշխատանքային պայմանագրի լուծում
Hamest.
Խնդրում եմ ինչքան հնարավոր է արագ պատասխանեք հարցիս. մենք ժամանակավոր դադարեցրել ենք կազմակերպության գործունեությունը, և պետք է աշխատողներին տեղափոխել նույն կազմակերպության տնօրենի անունով բացված ԱՁ մոտ աշխատելու համար: Ինչպե՞ս լուծել հին պայմանագիրը և նոր ԱՁ հետ կնքել նորը: Եթե կա լուծման հատուկ ձև, խնդրում եմ ուղարկել էլ. փոստիս hak-05 շնիկ mail.ru
Հաշվային պլանում կատարված փոփոխություններ
Tsovinar.
Խնդրում եմ շտապ պատասխանեք` եթե ես ունեմ 2009թ. հրատարակված հաշվային պլանի գրքույկն իր պարզաբանումներով և ձևակերպումներով, արդյո՞ք կարող եմ այն օգտագործել հիմա, և ի՞նչ փոփոխություններ են կատարվել դրանում ՀՀ ֆինանսների նախարարության 2012թ ապրիլի 17-ի թիվ 353-Ն որոշումով: Շնորհակալություն:
Արդյո՞ք գրականությունը համարվում է ՀՄ
Քնարիկ.
Հարգելի հաշվապահներ, խնդրում եմ ասեք` գեղարվեստական գրականությունր համարվու՞մ է հիմնական միջոց, թե՞ ոչ:
Հաշվարկային հաշվի մնացորդի նկատմամբ տոկոսների հաշվարկ
Նարինե.
Կազմակերպությունը ՊՈԱԿ է, նրա միակ ֆինանսական աղբյուրը պետությունից ստացված սուբսիդիան է, ամսվա ընթացքում կատարված ծախսերից հետո մնում է մնացորդ: Բանկը, որտեղ մեր հաշվարկային հաշիվն է, այդ գումարի վրա տոկոս է աշխատացնում` 0,05: Արդյո՞ք այդ գումարը համարվում է եկամուտ, և պե՞տք է ցույց տամ եկամտահարկի հաշվետվության մեջ և հարկեմ 10 տոկոսով որպես տոկոսներ: Կանխավ շնորհակալություն:
Կարո՞ղ է արդյոք աշխատողը երկարացնել արձակուրդը
Նարինե.
Խնդրում եմ պատասխանեք հարցիս: Եթե աշխատողը գտնվում է ֆիզ. արձակուրդի մեջ, և 3 տարին լրացել է, բայց երեխան ունի առողջական խնդիրներ, սակայն ներկայացրել է բժշկական փաստաթուղթ, կարո՞ղ է արդյոք աշխատողը երկարացնել իր ֆիզ. արձակուրդը:
Աշխատանքային պայմանագրի կնքում հիմնադիրների հետ
Armine.
Բարև, հարգելի կոլեգաներ: Հարցս հետևյալն է` 2 անհատ հիմնել են ՍՊԸ (50-50%), և հիմա անհրաժեշտ է աշխատանքային պայմանագրեր կնքել նրանց հետ` մեկը որպես տնօրենի, մյուսը` որպես ֆինանսական տնօրենի հետ: Կասեք խնդրեմ, եթե երկուսն էլ հանդիսանում են հիմանադիրներ, ինչպե՞ս են կնքելու աշխատանքային պայմանագիր, եթե կարելի է, ուղարկեք պայմանագրի օրինակելի ձև իմ հասցեին khachatryan20 շնիկ rambler.ru
Կազմակերպության գործունեության հասցեում փակցնելու ենթակա փաստաթղթեր
Sweet.
Բարև ձեզ, սիրելի հաշվապահներ: Ես սկսնակ հաշվապահ եմ, խնդրում եմ օգնել հետևյալ հարցում: Ի՞նչ պարտադիր փաստաթղթեր է հարկավոր փակցնել ՍՊԸ-ի գործունեության հասցեում, որոնք ենթակա են հարկային տեսչության մարմինների կողմից ստուգման: Արդեն փակցրված են “Օրինակելի ձև հարկ վճարողի կողմից տեղեկություններ փակցնելու հայտարարությունը” և “Ոգելից/ալկոհոլային խմիչք և ծխախոտ վաճառելու թույլտվությունները”: Խնդրում եմ օգնեք ինձ լրացնել այլ անհրաժեշտ փաստաթղթեր, եթե դրանք կան: Նախապես շնորհակալ եմ:
Ի՞նչ գրություն պետք է ներկայացնել ՀՏ
Աննա.
Բարև ձեզ: Ես ունեմ նոր բացված ՍՊԸ, բայց դեռ չենք աշխատում: Ի՞նչ գրություն պետք է ներկայացնենք հարկային տեսչություն:
Պարտավորությունների մարման նախապատվություններ
Arman.
Բարև ձեզ: Խնդրում եմ շտապ պատասխանեք` ամենաառաջնայինը պետք է վճարել փոխառությա՞ն, թե՞ հիմնադիրների շահաբաժինների գումարը: Շնորհակալություն:
Սահմանափակումներ վառելիքի ծախսի նկատմամբ
Արամ.
Կազմակերպությունը վարձակալել է մարդատար ավտոմեքենա, ձեռք է բերել վառելիք, ավելի ճիշտ` վառելիքի կտրոններ, և ծախս է ճանաչում այդ վառելիքը` կազմելով երթուղային թերթիկ և նշելով մեքենայի վազքն ու վառելիքի համապատասխան ծախսը: Հարցը հետևյալն է` մի՞թե չկա որևէ սահմանափակում, նորմա, ինչպես օրինակ օրապահիկի դեպքում (որոշում N 2335-Ն) վառելիքի ծախսի համար: Այդ դեպքում երևի ծախս պետք է ճանաչել ողջամտությա՞ն սահմաններում: Չէ՞ որ կազմակերպության տնօրենը կարող է մեքենան վարել անձնական նպատակներով` դուրս գրելով հարկվող շահույթի հաշվին վառելիք:
Դաջվածքի և մարմնի մերսման ծառայություններ
Սոս.
Հարգելի հաշվապահներ, արդյո՞ք դաջվածքի և մարմնի մերսման ծառայությունները հարկվում են արտոնագրային վճարով:
Միջին աշխատավարձի հաշվարկ
Arevik.
Բարև Ձեզ:
Հարգելի հաշվապահներ, այսպիսի մի հարց ունեմ: Արդյո՞ք տարվա կտրվածքով միջին աշխատավարձը հաշվելիս պետք է հանել այն 20 օրվա դիմաց ստացած գումարը, որ աշխատողը եղել է հերթական արձակուրդում:
Կանխավ շնորհակալություն:
ԱՁ և ՍՊԸ տարբերություններ
Ռազ.
Բարև ձեզ, հարգելի հաշվապահներ: Խնդրում եմ, օգնեք ինձ մի հարցով: Ցանկանում եմ խանութ բացել` տնտեսական ապրանքներ, բանջարեղեն ու միրգ վաճառելու նպատակով: ԱԱՀ-ով չեմ աշխատելու: Ցանկանում եմ իմանալ` ի՞նչ հարկատեսակներ եմ վճարելու: Որպես ԱՁ գրանցվե՞մ, թե՞ ՍՊԸ հիմնադրեմ: Այսինքն` որո՞վ է ձեռնտու աշխատել՝ հարկեր քիչ վճարելու առումով: Խնդրում եմ, պարզաբանեք ԱՁ-ի և ՍՊԸ-ի տարբերությունը:
Ապրանքի գնում ինտերնետով
Արմեն.
Բարև ձեզ: 29.05.2012-ին ինտերնետով (ebay) գնեցի պրոյեկտոր և մաքսազերծեցի: Հիմա ես նույն կերպ մի քանի ապրանքներ եմ գնել, որոնց ընդհանուր գումարը կազմում է 20 000 – 25 000 դրամ: Խնդրում եմ ասել, արդյո՞ք այդ ապրանքները ենթակա են մաքսազերծման: Կանխավ շնորհակալություն:
Դպրոցների և մանկապարտեզների հաշվապահական հաշվառման առանձնահատկություններ
Աննա.
Հարգելի հաշվապահներ, խնդրում եմ, ուղղություն տվեք՝ ո՞ր օրենքներով առաջնորդվեմ դպրոցի և մանկապարտեզի հաշվապահություն վարելիս: Խնդրում եմ, պարզաբանեք առանձնահատկությունները, ինչպես նաև փաստաթղթավորման հետ կապված հարցերը:
Շնորհակալություն:
Հայաստանի հաշվապահների և աուդիտորների ասոցիացիա
Lusin.
Հարգելի հաշվապահներ, ի՞նչ գիտեք Հայաստանի հաշվապահների և աուդիտորների ասոցիացիայի մասին: Ի՞նչ կարող է տալ գործող հաշվապահին վերջինիս անդամագրվելը: Շնորհակալ կլինեմ արձագանքների համար:
Աշխատողը ցանկանում է լուծել աշխատանքային պայմանագիրը
Մնաց.
Բարև ձեզ:
Մեկ շաբաթից ավելի է ընդունվել եմ աշխատանքի կազմակերպությունում, սակայն աշխատանքային պայմանները ինձ համար անընդունելի են, և ցանկանում եմ լուծել իմ աշխատանքային պայմանագիրը: Վերջինիս օրինակը ինձ չի տրամադրվել: Դեռևս չեմ ստացել աշխատավարձ: Խնդրում եմ ասեք` ի՞նչ է պետք անել պայմանագրի լուծման համար: Ի՞նչ խնդիրներ կարող են ծագել: Նաև կխնդրեի պարզաբանել աշխատավարձի և վերջնահաշվարկի հետ կապված հարցերը:
Արդյո՞ք պետք է արձակուրդայինի վերահաշվարկ կատարել
Հասմիկ.
Եթե աշխատողը աշխատել է 6 ամիս, ապա գնացել է 20 օր արձակուրդ` 1 տարվա համար նախատեսված, այնուհետև արձակուրդից վերադառնալուց հետո ազատվել է աշխատանքից, արդյո՞ք արձակուրդայինի վերահաշվարկը պարտադիր է, և եթե չկատարվի վերահաշվարկ, ապա ի՞նչ կլինի: Կանխավ շնորհակալ եմ:
Ուսուցիչը ներկայացրել է հիվանդաթերթիկ
Lilu.
Եթե ուսուցիչը ներկայացրել է ծննդաբերության թերթիկ, կարո՞ղ եմ 140 օրը լրանալուց հետո վճարել իր հերթական արձակուրդը:
Նպաստի հաշվարկ
Մարինե.
ԱՁ եմ, աշխատողս ներկայացրել է ֆիզ. արձակուրդի անաշխատունակության թերթիկ: Խնդրում եմ պատասխանել` ի՞նչ և որտե՞ղ պետք է լրացնել և ու՞ր ուղարկել: Աշխատողը ընդունվել է աշխատանքի 01.01.2012թ. և ամսական աշխատավարձը 40 000 դրամ է: Ֆիզ. արձակուրդում է 01.08.2012թ.-ից: Աշխատանքային շաբաթը հնգօրյա է:
Առաքման գրքի լրացման վերաբերյալ
Հասմիկ.
Բարև ձեզ: Ինչպե՞ս է ճիշտ վարվել, երբ առաքման գիրքը օրենքը փոխվելուց հետո չի փոխվել և շարունակվել է լրացվել մինչ օրս:
ԱԱՀ հաշվանցման հետ կապված
Ա.Մ..
Խնդրում եմ պատասխանեք հետևյալ հարցին.
Եթե կազմակերպությունը 2010թ-ին եղել է ԱԱՀ չվճարող, այդ ԱԱՀ վճարող չհամարվելու ժամանակահատվածում ունեցել է ձեռք բերումներ, 2012թ-ից արդեն համարվում է ԱԱՀ վճարող, արդյո՞ք ես կարող եմ այդ 2010թ-ի ձեռք բերված ԱԱՀ-ները հաշվանցեմ 2012 թ-ին:
Փոխառության ստացում արտարժույթով
Հայկ.
Հարգելի գործընկերներ, արդյո՞ք կազմակերպությունը կարող է փոխառություն ստանալ արտարժույթով: Գումարը մուտք է լինելու կազմակերպության արտարժութային հաշիվ անմիջապես փոխառություն տրամադրողից: Նախապես շնորհակալություն պատասխանի համար:
Ինչպե՞ս հաշվարկել անաշխատունակության նպաստը
Ռոման.
Հարգելի մասնագետներ, խնդրում եմ ինձ ասեք` եթե իմ աշխատողը հուլիսի 6-ից գտնվում է հիվանդանոցում, ու նրա բուժումը մինչև օգոստոս շարունակվելու է, ինչպե՞ս հաշվարկեմ անաշխատունակության նպաստը: Կանխավ շնորհակալություն:
Կազմակերպությունը ֆիզ. անձից գույք է գնել
Hayk.
Հարգելի հաշվապահներ, եթե կազմակերպությունը ֆիզ. անձից գույք է գնում պայմանագրով և վճարում նրան հունիս ամսին, իսկ եկամտահարկը վճարվում է հուլիսին, հաշվետվության մեջ ո՞ր ամսով պետք է երևա գործարքի գումարը և ո՞ր հաշվով պետք է փոխանցվի եկամտահարկը: