Անի.

Խնդրում եմ օգնել հաշվելու Ա/Ձ-ի տարեկան եկամտահարկը, եթե Ա/Ձ-ն փաստացի մուծել է 100000 գումար, իսկ եռամսյակային հաշվետվություններում աշխատավարձի և առանց հիմնավորող փաստաթղթերի (11%) հաշվարկված եկամտահարկի գումարը կազմում է 40000, տարեկան հաշվետվությունում (տող 36) որպես մուծված գումար գրվելու՞ է 60000, կամ այդ 40000-ը որտե՞ղ է երևալու:

Աստղիկ.

Ես ինչպե՞ս կարող եմ ստանալ ԱՁ-ի վկայական Երևան քաղաքում, եթե գրանցված եմ հանրապետության որևէ մարզում:

Ժաննա Գ.

Խնդրում եմ պատասխանեք, եթե Ա/Ձ-ը ապրանք է ձեռք բերում, փոխարենը տալիս են հդմ և ոչ հ/ֆ, ես կարո՞ղ եմ չեկը ընդունել որպես հիմք և կազմել միակողմանի հ/ֆ: Նախապես շնորհակալություն:

Լևոն.

Արդյո՞ք հնարավոր է Ա/Ձ-ին անուն դնել և ինչպե՞ս:

Հայկուշ.

Հարգելի հաշվապահներ, խնդրում եմ ինձ օգնել հետևյալ հարցում: Ա/Ձ -ն կնքել է վարձակալության պայմանագիր ֆիզ. անձի հետ նոտարով: Որոշ ժամանակ անց նրանք կարող՞ են առանց նոտարի պայմանագրի վարձավճարի կետի վերաբերյալ փոփոխություն անել գրավոր, երկու կողմի ստորագրությամբ և կցել պայմանագրին որպես նրա անբաժան մաս: Կանխավ շնորհակալություն:

Alina.

Բարև ձեզ,
ես սկսնակ հաշվապահ եմ, և իմ առջև դրված է հետևյալ խնդիրը` ես պետք է սկսեմ բիժուտերիայի խանութի գրանցում և հաշվապահական հաշվառման վարում, խնդրում եմ օգնեք, թե որտեղից պետք է սկսեմ: Ի՞նչ փաստաթղթեր և պայմաններ են անհրաժեշտ կազմակերպությունը գրանցելու համար: Կարծում եմ` ավելի հարմար և խելամիտ է ԱՁ գրանցել, շատ կարևոր է նաև ձեր կարծիքը:
Շատ շնորհակալ կլինեմ, եթե կոնկրետ հղում անեք, թե որտեղից մանրամասն կարող եմ հարցերիս պատասխանը գտնեմ:

Էդգար.

Բարև ձեզ, հարգելի հաշվապահներ: Խնդրում եմ օգնել հետևյալ հարցում. Ա/Ձ-ն գործում է 2010թ. հոկտեմբեր ամսից, աշխատում եմ միջնորդավճարով, ստանում եմ միջնորդավճար, փոխանցել եմ միայն սոց. վճարները (5 000 դրամ ամսական), բայց հարկային փոխանցումներ չեմ կատարել: Խնդրում եմ ինձ ասել` միջնորդավճարի քանի՞ տոկոսը ես պետք է փոխանցեմ հարկային և ի՞նչ ժամանակահատվածում:

Մարինե.

ԱՁ-ն ԱԱՀ-ով չի հարկվում, ՓՄՁ է: Խնդրում եմ, ով կարող է ինձ ուղարկել տարեկան հաշվետվությունների ձևերը և ասել հանձնման ժամկետները, rita142 շնիկ yandex.ru

Գայանե.

Խնդրում եմ ասեք ինձ` ինչ հաշվետվություն է ներկայացնում ինտերնետ ակումբ ունեցող Ա/Ձ, եթե նա աշխատող չունի:

Լևոն.

Բարև ձեզ: Խնդրում եմ ինձ ասեք` Ա/Ձ աշխատողի սոց. վճարը ինչքան կլինի, եթե աշխատավարձը 35000դ. է:

Hasmik.

Եթե Ա/Ձ-ն ունի գրանցված երեք աշխատող, որոնց համար հաշվարկել ու վճարել է աշխատավարձ, փոխանցել սոց. վճար, ներկայացրել հաշվետվություններ, ներառվու՞մ են արդյոք այդ հաշվարկները ֆիզ. անձի տարեկան եկամուտների հաշվարկի 15 և սոց. ապահովագրության վճարի տարեկան եկամուտների հայտարարագրի 22 տողերում:

Մանուշ.

Բարև Ձեզ, ես ուզում եմ իմանամ, եթե աշխատողը գրանցված աշխատում է, ու նրա համար փոխանցվում է ամենամսյա սոցվճարը ու եկամտահարկը, ու նույն աշխատողը գրանցվում է մի ուրիշ հիմնարկում, օրինակ ԱՁ-ում, ապա անպայման ԱՁ-ն նույպե՞ս պետք է սոց. ու եկամտարակ փոխանցի: Ես լսել եմ, որ եթե մի հիմնարկում փոխանցվում է սոցվճար, ապա երկրորդ աշխատավայրում չի փոխանցվում սոցվճար:
Կանխավ շնորհակալություն:

Անժելա.

Հարգելի մասնագետներ, խնդրում եմ օգնեք հետևյալ հարցում.
ես Ա/Ձ եմ, հարկերի վճարման ի՞նչ տարբերություն կա վաճառող ունենալու և չունենալու դեպքում:

Mariam.

Ո՞ր դեպքում է Ա/Ձ-ն համարվում ՓՄՁ, կամ համարվու՞մ է, թե՞ ոչ:

Մանե.

Խնդրում եմ պատասխանեք իմ մի հարցին` ԱՁ-ն զբաղվում է համակարգչային սպասարկման ծառայությամբ, պե՞տք է ունենա ծառայությունների մատուցման գիրք հարկայինի կողմից հաստատված, և տարեկան ի՞նչ հաշվետվություններ պետք է հանձնել: Նախապես շնորհակալ եմ:

Վանա.

Հարգելի հաշվապահներ, հարցս հետևյալն է: Արդյո՞ք պարտադիր է լրացնել Ա/Ձ-ի տարեկան եկամուտների հայտարարագրի 36-րդ տողը,և եթե այո, ապա ի՞նչ է գրվում համապատասխան տողում:

Արթուր.

Բարև Ձեզ, խնդրում եմ օգնեք ինձ լրացնել տարեկան հաշվետվությունները:

Ես Պետ. ռեգիստրում գրանցվել եմ որպես Ա/Ձ 15.07.2010թ, գրանցվել եմ որպես հարկ վճարող 15.07.2010թ: Գործունեությունս սկսել եմ օգոստոս ամսին: Աշխատում եմ վարձակալած տարածքում Կարդալ ավելին “Հաշվետվության լրացում” →

Աննա.

Հարգելի հաշվապահներ, խնդրում եմ օգնեք ինձ հաշվել անհատ ձեռնարկատիրոջ սոցիալական վճարները մեկ տարվա կտրվածքով:
Խնդիրը հետևյալում է.
Անհատ ձեռնարկատերը զբաղվում է անասնապահությամբ և չունի վարձու աշխատողներ, և նրա տարեկան եկամուտները կազմել են 1 150 000 ՀՀ դրամ, որից 560 000 դրամ կազմել են ծախսերը:
1.Տվյալ դեպքում սոցիալական վճարը կկազմի 88 500 դրամ (1 150 000-560 000=590000
590000*15%=88500 դրամ)
2.Դրա հետ մեկտեղ ամեն ամիս պետք է վճարել 5 000 դրամ ամսական:
Այսինքն՝ մեկ տարվա կտրվածքով սոցապը կկազմի 5000*12+88500=148500 դրամ:
Ճի՞շտ եմ կատարել հաշվարկները:

Մարգարիտա.

Հարգելի հաշվապահներ, խնդրում եմ ինձ ասել, Ա/Ձ -ն տարվա վերջում ի՞նչ հաշվետվություններ է ներկայացնում, բացի եկամտահարկից և սոցից, և ի՞նչ ժամկետներում: Նախորոք շնորհակալություն: megi.torosyan շնիկ mail.ru :

Տիգրան.

Բարև բոլորին: Ճի՞շտ է արդյոք, որ Ա/Ձ-ի տարեկան եկամուտների մասին հայտարարագրի լրացման ձևը փոխվել է (նախկինը չէ), և եթե այո, ապա որտեղի՞ց կարող եմ այն ձեռք բերել:

Աստղիկ.

Եթե Ա/Ձ-ն լուծարվել է մոտ 5 ամիս առաջ, դրա մասին վկայող որևէ հաշվետվություն անհրաժե՞շտ է ներկայացնել: Եթե այո, խնդրում եմ, նշեք, թե ուր պետք է ներկայացնեմ հաշվետվությունը և ինչ ժամկետում:

Կանխավ շնորհակալություն:

Լուիզա.

Բարև Ձեզ: Խնդրում եմ պատասխանեք իմ հարցին, եթե հնարավոր է: Նախօրոք շնորհակալություն: Հնարավո՞ր է արդյոք Ա/Ձ հանել 2 հոգու անունով:

Գրիգոր.

Բարև ձեզ, խնդրում եմ ասեք, հաստատագրված վճար վճարող Ա/Ձ եմ, ամեն ամիս 5000 դրամ վճարել եմ սոց վճար, տարվա վերջում տարեկան սոցը ինչպե՞ս պետք է լրացնեմ, որ ավելորդ գումար չմուծեմ:

Մարինե.

Բարև Ձեզ։ Խնդրում եմ պատասխանել հետևյսլ հարցիս՝ կա՞ արդյոք օրենք ինտերնետ-խանութների վերաբերյալ: Ես ունեմ Ա/Ձ, սակայն չեմ պատկերացնում, ինչպես պետք է վճարեմ հարկեր։ Առևտուրը չի կատարվելու քարտերի օգնությամբ, այլ միայն կանխիկ՝ առաքման պահին գումար վերցնելով, քանի որ կայքը զբաղված մարդկանց համար է։ Ինչպե՞ս է պետք դա անել, որովհետև չկա շրջանցիկ ՀԴՄ ապարատ։ Իսկ եթե տպել և տանել ՀԴՄ կտրոնը, իսկ հաճախորդը չցանկանա ապրանքը գնել: Խնդրում եմ օգնել ինձ։

Վանա.

Հարգելի կոլեգաներ, կարո՞ղ է արդյոք օտարերկրյա քաղաքացին գրանցվել որպես Ա/Ձ: Եվ ի՞նչ է անհրաժեշտ դրա համար,արդյո՞ք նա կարող է սոց քարտ ունենալ: Նախապես շնորհակալություն:

Մանե.

Պետական հաստատությունում աշխատող անձը կարո՞ղ է դառնալ անհատ ձեռներեց:

Դավիթ.

Ողջույն ձեզ: Ինձ հետաքրքրում է այսպիսի հարց. ունեմ անհատ ձեռներեց, աշխատող չեմ ընդունել, ուզում եմ իմանալˋ եռամսյակային հաշվետվություն պե՞տք է ներկայացնեմ, թե՞ ոչ:

Ալիկ Աղաբաբյան.

Կխնդրեի օգնել ինձ մի հարցում:
Անհատ Ձեռնարկատիրոջ կանոնադրության նմուշ որտեղի՞ց կարող եմ գտնել: Արդյոք կա՞ նման հասկացություն: Ի՞նչ փաստաթղթեր են ներկայացում և որտե՞ղ:
Կանխավ շնորհակալ եմ:

Arman.

Բարև ձեզ, հարգելի հաշվապահներ: Կխնդրեի ինձ օգնել 1 հարցում: Ա/Ձ-ի համար տարեկան ի՞նչ հաշվետվություններ են հանձնվում: Եվ իհարկե, եթե դժվար չի, ուղարկեք իմ էլեկտրոնային հասցեինˋ astxer-86 շնիկ mail.ru
Կանխավ շնորհակալ եմ:

Արտակ.

2010թ. ինչպե՞ս հաշվարկել անհատ ձեռներեցների եկամտահարկը։

Պարույր.

300.0 հազար դրամ սահմանափակումը տարածվու՞մ է արդյոք անհատ ձեռնարկատերերի կողմից կատարվող ձեռքբերումներին:

Անուշ.

Հարգելի կոլեգաներ, շնորհավորում եմ ձեր Նոր տարին և Սուրբ Ծնունդը:

Խնդրում եմ օգնել ինձ մի հարցում: Կարո՞ղ է Ա/Ձ հանդիսացող անձը ընդունվել աշխատանքի (օրինակ՝ ՍՊԸ-ում)՝ որպես հիմնական աշխատող: Արդյո՞ք նույն գործընթացն է իրականացվում, ինչ սովորական աշխատող ընդունելու դեպքում:

Արթուր.

Բարև Ձեզ:
Խնդրում եմ պատասխանեք հետևյալ հարցիս, նախապես շնորհակալություն.
Ես գրանցված եմ որպես Ա/Ձ, չեմ համարվում ԱԱՀ վճարող: Երրորդ եռամսյակում ունեցել եմ ապրանքի ձեռքբերման ֆակտուրաներ (կանխիկ ԴՄՕ-ով), որոնց գումարը գերազանցում է 100000-ը, բայց ոչ 300000-ը, և տրված է կլազմակերպություններից, որոնք աշխատում են ԱԱՀ-ով (փաստաթղթում նշված է ԱԱՀ-ն):
Հարկայինից նամակ եմ ստացել որ երրորդ եռամսյակում ունեցել եմ գործարքներ, որոնց համար ԱԱՀ-ի մասին օրենքի 20-րդ հոդվածով պետք է տեղեկություն ներկայացնեմ հարկային:
Հարցս հետևյալն է. պե՞տք է արդյոք ես տեղեկություն ներկայացնեմ հարկային այդ ձեռքբերումների վերաբերյալ, թե՞ դա ուղղակի անճշտություն է ՀՏ-ի կողմից:

Ծովինար.

Խնդրում եմ, ինձ օգնեք: Ես վարում եմ Ա/Ձ-ի հաշվապահություն: Եվ ստացվել է այնպես, որ իմ ծախսերը ավելի շատ են, քան եկամուտը: Ի՞նչ կարող եմ անել այս դեպքում:

Հասմիկ.

Բարև ձեզ, ես սկսնակ եմ և ուզում եմ մի քանի բան իմանալ: Ա/Ձ-ն իր հայտը նույնպե՞ս պետք է ներկայացնի սոց. ու վճարի եկամտահարկ, բացի 5000-ից, և ի՞նչ հաշվետվություններ պետք է ներկայացնեմ, Ա/Ձ-ն հաստատագրված վճար վճարող է:

Մարինա.

Բարև Ձեզ: Խնդրում եմ օգնել ինձ մի հարցում: Կարո՞ղ է արդյոք ԱՁ-ն որևէ կերպ ձևակերպել իր անվամբ /ոչ ԱՁ-ով/ ինտերնետ կայքի դոմենի ձեռքբերման ծախսը, կնքվու՞մ է վարձակալության պայմանագիր, թե՞ ի սկզբանե պետք էր ձեռք բերել ԱՁ-ով: Նախապես շնորհակալ եմ:

Մարգարիտա.

Ես անհատ ձեռներեց եմ և ուզում եմ դադարեցնել իմ գործունեությունը: Բացի հարկային մարմիններից ուրիշ ու՞մ պետք է տեղեկացնեմ այդ մասին: Եվ գործունեության ավարտի ժամանակ ի՞նչ հաշվետվություններ պետք է ներկայացնեմ և որտե՞ղ:
Նախապես շատ շնորհակալ եմ:

Մարգարիտա.

Բարև Ձեզ,
ես անհատ ձեռներեց եմ և հաշվապահ չունեմ: Խնդրում եմ ինձ օգնել վարել հաշվապահությունը:

Grisha.

Բարև ձեզ, խնդրում եմ ասեք, եթե Ա/Ձ-ը հաստատագրված վճարով է հարկվում, ապա տարեկան եկամուտների մասին հայտարարագիր պե՞տք է հանձնեմ, թե՞ ոչ: Նախապես շնորհակալ եմ:

Վահագ.

Ի՞նչ է նշանակում սոց. վճարների օրենքի հօ 179 –ի 5 րդ կետի փոփոխությունը: Դա նշանակու՞մ է, որ, օրինակ, սոց վճար պետք է վճարի նաև Ա/Ձ-ն իր համար, եթե նա օտարերկրյա քաղաքացի է:

Անահիտ.

Խնդրում եմ պարզաբանել: Առաջին անգամ ԱՁ եմ բացել նոյեմբեր ամսին: Սակայն դեռ գործունեություն չեմ իրականացնում, քանի որ հարկայինում ՀԴՄ-ն դեռ չեմ գրանցել: Արդյո՞ք պետք է սոց. վճարում կատարեմ նոյեմբեր ամսվա համար:

Վահագ.

Մի հարց, եթե եկամտահարկի հաշվարկման ժամանակ Ա/Ձ-ն, որը չի հարկվում ԱԱՀ-ով, կարող է առանց հիմնավորող փաստաթղթի ձեռք բերումները նվազեցնել համախառն եկամտից, եթե վճարվել է դրա համար 11%, ապա ի՞նչ կասեք Ա/Ձ-ի տարեկան սոց վճարի հաշվարկման մասին, կարո՞ղ ենք նաև սոց վճարի հաշվարկման ժամանակ, առանց հիմնավորող փաստաթղթի ձեռք բերումները նվազեցնել:

Վահագ.

Բարև ձեզ,
խնդրում եմ պատասխանեք մի հարցի կամ ասել, ճի՞շտ եմ, թե՞ ոչ, Ա/Ձ-ն համարվու՞մ է եկամտահարկի կանխավճար վճարող, եթե նա չի հանդիսացել և չի հանդիսանում ԱԱՀ վճարող, բայց Ա/Ձ-ի նախորդ տարվա փաստացի եկամտահարկը գերազանցել է 500000 դրամը: Եվ 2010թ-ի համար վճարման ենթակա եկամտահարկը պե՞տք է արդյոք գերազանցի կամ հավասար լինի հաշվարկված համախառն եկամտի 2%-ին:

Սիրանուշ.

Խնդրում եմ պարզաբանել, ինչպե՞ս է հաշվարկվում ՓՄՁ-ի տարեկան եկամտահարկը, եթե նա հանդիսանում է ԱՁ:

Gayane.

Բարև հարգելի կոլեգաներ, խնդրում եմ ինձ օգնեք մի հարցում, կազմակերպությունը կնքել է պայմանագիր Ա/Ձ -ի հետ 3 ամիս ժամանակով, պայմանագրում նշված է, որ գումարը պետք է վճարվի ընդունման-հանձնման ակտը ստորագրելուց հետո, ես ինչպե՞ս եմ վճարումˋ միանվագ, թե ամեն ամսվա համար, նախապես շնորհակալ եմ:

Անուշիկ.

Հարգելի հաշվապահներ, ասացեք խնդրեմ, եթե ֆիզ անձի, որը ԱՁ չէ, բանկային հաշվին որոշակի մեծ գումար է փոխանցվում, ի՞նչ հարկային պարտավորություններ են առաջանում: Շնորհակալություն:

Կարինե.

Բարև Ձեզ: Խնդրում եմ ինձ օգնեք: Ա/Ձ-ն վարու՞մ է հասույթի գիրք: Ու նաև ինչպիսի՞ գիրք է նա վարում: Շնորհակալություն կանխավ:

Յաննա.

Հարգելիներս, հարցս հետևյալն է: Ա/ձ-ը խանութում վաճառում է միայն պտուղ բանջարեղեն: Չգիտեմ, դրա հ/ֆ ները ինչպես պետք է արվի, եթե ապրանքների մեծ մասը գնում է գյուղացուց: Բացի դրանից ի՞նչ հարկեր պետք է մուծի:

Tatev.

Բարև ձեզ:
Ա/Ձ-ն զբաղվում է հագուստի առևտրով, նա չի համարվում ԱԱՀ վճարող, ունի 1 աշխատող, որի աշխատավարձը 60000 ՀՀ դրամ է:
Ուզում եմ իմանալ, թե ինչ վճարումներ պետք է կատարի և որքան, ինչ ժամկետով:

ANNA.

Անհատ ձեռնարկատերը 2009թվ 4-րդ եռ. հանդիսացել է ԱԱՀ վճարող սուբյեկտ, 2010 թվ. հունվարին դարձել է ԱԱՀ չվճարող սուբյեկտ, բայց միևնույն ժամանակ 2010 թվ փետրվար ամսին մի այլ կազմակերպությունում` ՍՊԸ-ում նույն անհատ ձեռնարկատերը արդեն որպես ֆիզիկական անձ հանդիսանում է հիմնադիր, և նրան է պատկանում տվյալ կազմակերպության` ՍՊԸ-ի 25% բաժնեմասը:

Խնդրում եմ պարզաբանել, արդյոք տվյալ անհատ ձեռնարկատերը չի խախտում ԱԱՀ մասին օրենքի 3-րդ հոդվածըˋ շարունակելով մնալ 2010 թվ որպես ԱԱՀ չվճարող սուբյեկտ, թե 2010թվ փետրվար ամսից պետք է դիմում ներկայացնի տարածքային ՀՏ ԱԱՀ վճարող հանդիսանալու մասին կամ ներկայացնելով իրեն պատկանող մի այլ կազմակերպության 25% բաժնեմասը արդյոք ինքնաբերաբար առանց դիմումի չի անցնում ընդհանուր հարկմանˋ ԱԱՀ դաշտ: Կանխավ շնորհակալություն: