Tag: եկամտային հարկ

Հաշվետվությունը չի գրանցվում

Աննա․

Բարև Ձեզ: Հարցս հետևյալն է: Աշխատողը, որը գրանցված էր որպես ծառայություն մատուցող (քաղաքացիաիրավական պայմանագրով) մահացել է հունվարին և մահվան օրը ազարվել աշխատանքից: Հունվար ամսվա աշխատավարձի հաշվետվության մեջ լրացրել եմ այդ աշխատողի աշխատավարձի չափը, բայց հաշվետվությունը չի գրանցում սխալի պատճառով: Գրում է, որ հնարավոր չէ այդ անձի համար ներկայացնել անձնավորված հաշվարկ, պետք է դադարեցնել իրավահարաբերությունը այդ ֆիզ անձի հետ: Խնդրում եմ հուշեք՝ ո՞նց վարվեմ: Կանխավ շնորհակալություն:

Гербовый сбор

Екатерина.

Добрый день! Подскажите, пожалуйста, правильно ли я понимаю, что если у сотрудника зарплата к начислению 102 000 драма, то гербовый сбор за него платит организация – работодатель в размере 3 000 драм? Так как 102 000 – 20 400 (НДФЛ)-5 100 (соцвзнос) – 3 000 (предполагаемый гербовый)=73 500, что меньше минимальной зарплаты в 75 000 драм?

Եկամտային հարկի հաշվարկ միկրոյի դեպքում

Հասմիկ․

Բարև ձեզ։ Ա/Ձ աշխատում է միկրոյի դաշտում, միկրոյի հայտարարությունը տրվել է փետրվարի 04-ին, իսկ աշխատողի համար եկամտային հարկի հաշվարկ հունվար ամսվա համար լրացնելիս գրում է՝ միկրոյի հայտարարություն չեք տվել, միգուցե որ փետրվարին է տրվել, դա՞ է պատճառը, ի՞նչ խորհուրդ կտաք, ի՞նչ անեմ։

Եկամտային հարկի հաշվետվության լրացման կարգ

Արթուր․

Եթե աշխատողի համար հաշվարկվել և վճարվել է արձակուրդային հունվար ամսվա մեջ, բայց փետրվար ամսվա համար, ապա ո՞ր ամսվա հաշվետվության մեջ պետք է ներկայացնեք։

Պասիվ եկամտի եկամտային հարկ

Աննա․

Հարգելի հաշվապահներ, կասե՞ք՝ ՀՀ Օրենսգրքի 150-րդ հոդվածի 14-րդ մասի փոփոխությունը. ֆիզիկական անձանց հարկային գործակալի կողմից վճարվող պասիվ եկամուտների նկատմամբ, դրանց ստացման իրավունքը ձեռք բերելու հարկային տարվան հաջորդող 12 ամիսների ընթացքում չվճարվելու դեպքում, եկամտային հարկը հաշվարկվում է 20 տոկոս դրույքաչափով և ներառվում է 12-րդ ամսվա համար ներկայացվող եկամտային հարկի հաշվարկում:

Այսինքն, նկատի ունի, ֆիզ անձին պարտավորությունը չմարելու դեպքու՞մ է դառնում եկամտային հարկը 20 տոկոս։

Մայրության նպաստի հաշվարկ

Marta.

Հարգելի հաշվապահներ, իմ աշխատավարձը շատ զգալի բարձր է նավազագույն աշխատավարձի 15 պատիկից (մոտ 21 պատիկն է), այդպես է եղել վերջին 15 ամիսների ընթացքում, և ես ոչ մի կերպ չեմ կարողանում հասկանալ, թե արդյո՞ք որքան գումար եմ ստանալու 155 օր մայության նպաստի համար 2023 թվականին (155 օր, քանի որ արդեն գիտեմ, որ կեսարյան հատում է լինելու): Խնդրում եմ կօգնե՞ք հաշվել, թե որքան եմ ստանալու՝ հաշվի առնելով նաև եկամտային հարկի նվազումը:

Մայրության նպաստի ձևակերպումներ

Էլինա․

Հաշվապահներ ջան, խնդրում եմ ստուգեք ձևակերպումները․

Մայրության նպաստ է ձևակերպվել և վճարվել։ Վճարված ամսվա եկամտայինի հաշվարկում նպաստը գերաանցել է հաշվարկված եկամտային հարկի գումարը, համապատասխանաբար գերազանցող մասը ստացվել է պետությունից։ Նպաստի գումարը հարկը ներառյալ 2,831,808.00, որից՝ եկամտայինի հաշվին 1,065,066.00, ստացված լրացումը 1,766,742.00 ՀԾ-ն ինքնաշխատ աշխատավարձի հաշվարկում լրացրեց դտ- 5242 կտ -5271 – 2,831,808.00։

Ճի՞շտ եմ հասկանում՝ ես ձեռքով պիտի ուղղեմ դտ- 5242 կտ -5271 – 1,065,066.00 և դտ- 2252 կտ – 5271 1,766,742.00 ։ Վերջին թղթակցությունը չկա հաշվային պլանում, խնդրում եմ ուղղեք, եթե սխալ եմ։ Կանխավ շնորհակալ եմ։

Ավանդից ստացված տոկոսներ

Դիանա․

Բարև Ձեզ, հարգելի գործընկերներ: Եթե կազմակերպությունը ռեզիդենտ շահութահարկ վճարող է, ավանդից ստացված տոկոսային եկամուտները ամսական եկամտային հարկով 10% հարկվելու՞ են, թե՞ հարկվելու են շահութահարկով, որպես այլ եկամուտ 18 %: Կանխավ շնորհակալություն:

ԱՁ-ն աշխատել է ԱԱՀ-ով

Անահիտ․

Բարև Ձեզ, հարգելի գործընկերներ։ ԱՁ-ն 2022թ.-ին աշխատել է ԱԱՀ-ով, բացի եկամտային հարկի և սոց. վճարի և ավելացված արժեքի հարկի ամսական հաշվետվություններից էլ ի՞նչ հաշվետվություններ պետք է ներկայացնեմ և մինչև ե՞րբ:

Վարձավճարի նվազեցում

Կարինե․

Բարև ձեզ։ Ես կարո՞ղ եմ ընկերության տարածքի վարձակալության վճարը շրջանառության հարկի նվազեցումների մեջ ներառել, ավելացնեմ, որ ամսական 10% եկամտային հարկը վճարում եմ, կանխավ շնորհակալություն։

Աշխատակցի ուսման վարձի փոխհատուցում

Աննա․

Բարև ձեզ, հարգելի հաշվապահներ։ Եթե շրջ․ հարկով աշխատող ՍՊԸ փոխանցել է իր աշխատակցի ուսման վարձը Պետ համալսարանին, բայց համալսարանը հարկային հաշիվ չի տալիս, ինչպե՞ս ձևակերպել գործարքը: Կանխավ շնորհակալ եմ:

Դայակ պետության աջակցությամբ

Ալլա․

Բարև ձեզ, հարգելի հաշվապահներ, խնդրում եմ ասել․ որպես դայակ “Աշխատավարձի 50% պետության կողմից փոխհատուցման ծրագրով” աշխատելու համար 1975թ. ծնված անձը դիմել և ստացել է ՀՎՀՀ 2022թ.՝ որպես ֆիզիկական անձ, բացի եկամտային հարկից նա սոց․ վճար է՞լ պետք է կատարի 2022թ. համար։ Տարեկան եկամտային ու սոց․ վճարի հաշվետվության վերջում լրացվում է որպես ինքնազբաղված գործունեությունից սոց․ վճարի տեղը։ Ինքնազբաղված անձ համարվու՞մ է նա։

ԱՁ-ն շահագործում է իր մեքենան

Հռիփսիմե․

Բարև Ձեզ, եթե Ֆիզ. անձին պատկանում է մեքենա և նույն ֆիզ. անձը ունի նաև ԱՁ, ինչպե՞ս կարող է իր մեքենան օգտագործել ԱՁ գործունեության մեջ: Արդյո՞ք կառաջանա եկամտային հարկ, եթե ինքն իրենից վարձակալի մեքենան:

Եկամտային հարկի պարտավորություն

Աննա․

Բարև Ձեզ։ Խնդրում եմ պարզաբանել՝ պարտավո՞ր է արդյոք վճարովի սոցիոլոգիական հարցմանը մասնակցած անձը վճարել եկամտային հարկ` այդ ճանապարհով ստացած եկամուտներից, եթե հարցում անցկացնող կազմակերպությունը հարկային գործակալ չի համարվում։ Կա՞ն արդյոք բացառություններ։ Կոնկրետ ո՞ր օրենքի, ո՞ր հոդվածի ո՞ր կետում են տրված այս հարցերի պատասխանները։

Շրջանառության հարկի նվազեցում

Կարեն․

Բարև Ձեզ։ Շրջ․ հարկով աշխատող ԱՁ-ն ֆիզ․ անձից ձեռք է բերել սարքավորում, որը հետո արտահանել է։ Որպես հարկային գործակալ ֆիզ․ անձի փոխարեն վճարել է եկամտային հարկ։ Շրջանառության հարկի հաշվարկի ժամանակ կարո՞ղ եմ նվազեցնել ձեռքբերման գնի 4%-ը, և ո՞ր հոդվածով է դա հիմնավորվելու։

Հիփոթեք և եկամտային հարկ

Արամ․

Բարև ձեզ, ես օգտվում եմ հիփոթեքի տոկոսների հետ վճարման օրենքից և աշխատանքից դուրս եմ գալիս դեկտեմբերի 30-ին սեփական դիմումիս համաձայն, կուզենայի իմանալ՝ վերջնահաշվարկիս եկամտային հարկը վճարվելու է դեկտեմբերի՞, թե՞ հունվարի համար, ու կարո՞ղ եմ հետ ստանալ մյուս տարվա առաջին եռամսյակի հիփոթեքիս տոկոսները։

Միկրոձեռնարկատիրություն 2023

Արման․

Հարգելի գործընկերներ, փաստորեն ճի՞շտ եմ հասկանում, որ 2023թ-ի հունվարի 1-ից միկրոձեռնարկատիրության սուբյեկտները խնդիր են ունենալու իրենց հաճախորդների հետ՝ կապված միկրոյի կողմից դուրս գրված հաշիվները որպես ծախս ճանաչելու սահմանափակման հետ։

Եվ փոփոխությունների հետ կապված, նաև՝ միկրոձեռնարկատիրության սուբյեկտի աշխատակիցների աշխատավարձը հաշվարկվելու է նու՞յն կարգով, ինչ մնացած հարկային դաշտերում աշխատողներինը, այսինքն՝ եկամտային հարկը լինելու է 20 տոկո՞ս, ոչ թե 5 000 դրամ։

Իսկ էլ ի՞նչ փոփոխություններ կան միկրոձեռնարկատիրության համար։

Ձեռքբերում ֆիզ․ անձից

Արա․

Բարև ձեզ, հարգելի հաշվապահներ։ Երբ շինարարական գործունեությամբ զբաղվող ընկերությունը ֆիզիկական անձից ձեռք է բերում հիմնական միջոց, որի համար կողմերի միջև կնքվում է պայմանագիր, գնման ակտ և կատարվում է հանձնում ընդունում, ապա ինչպիսի՞ ձևակերպումներ պետք է տրվեն, և արդյո՞ք առաջացած 10 % եկամտային հարկը (քանի որ ընկերությունը աշխատում է ԱԱՀ դաշտում ) ենթակա է հիմնական միջոցի արժեքի ավելացմանը և հետագա ամորտիզացմանը, թե՞ ոչ։ Կանխավ շնորհակալություն։

Կազմակերպությունը հայտարարել է ակցիա

Անի Աբրահամյան․

Բարև։ Կազմակերպությունը հայտարարել է ակցիա, որին մասնակցելու ու պայմաններին համապատասխանելու դեպքում դրամական պարգև է տալիս ֆիզիկական անձանց։ Բացի եկամտային հարկից ի՞նչ հարկ է պահվում։ Դու՞րս է գրվում արդյոք ինքնահաշիվ ։ Ու նման ակցիայի դեպքում բավակա՞ն է բաց օֆերտան, թե՞ անհրաժեշտ է պայմանագիր մասնակիցների հետ։

Ձեռքբերում գնման ակտով

Gegham Bagrazyan.

Կարո՞ղ եք ասել՝ գնման ակտերով ձեռք բերումները, երբ նրանք եկամտային հարկով հարկվել են, կարելի՞ է շահութահարկից նվազեցնել ինչպես մայր գումարը, այնպես էլ եկամտային հարկը։

Ֆիզ․ անձի հարկեր

Անի․

Բարև ձեզ: Եթե ֆիզ. անձը աշխատելու է ՀՀ-ից, բայց Կիպրոսում գտնվող ընկերության հետ, փոխանցումն արվելու է եվրոյով, ի՞նչ հարկային պարտավորություններ են առաջանալու ֆիզ. անձի մոտ։

Հաշվարկված օգնության թղթակցություններ

Գրիգոր․

Կազմակերպությունը օգնություն է տրամադրում աշխատակիցներին: Համախառն եկամտի 0,25 տոկոս շեմն արդեն անցել ենք: Խնդրում եմ տալ հաշվարկված օգնության և պահված եկամտային հարկի հաշվապահական թղթակցությունները:

Շահաբաժին

Արեգա․

Հարգելի փորձառու հաշվապահներ, ունեմ այսպիսի հարց, որի համար ակնկալում եմ ձեր ճիշտ պատասխանները.

ՀՀ ՌԵԶԻԴԵՆՏ ՀԱՆԴԻՍԱՑՈՂ ՍՊԸ-ն (որն ունի մեկ մասնակից) 2018-2021թ գործունեության արդյունքներով չբաշխված շահութը կազմել է 155 մլն դրամ: 2022թ․ կազմակերպությունը ընդունել է որոշում բախշման ենթակա շահույթի գումարը վճարի միակ մասնակցին: Ընկերությունը կարողացել է վճարել 103 500 000 դրամ միակ մասնակցին և դրա 5%-ը՝ 5 175 000 դրամ եկամտային հարկ բյուջե:

Հարց 1. Կարո՞ղ է ընկերությունը 2022թ․ արդյունքներով մնացած գումարը ճանաչի որպես հիմնադրին պարտք.

Հարց. 2 Կարո՞ղ է ընկերությունը շահաբաժնի վճարումից առաջացած և վճարված եկամտային հարկը՝ 5 175 000 դրամը բյուջեից ետ ստանա 2022թ. դեկտեմբեր ամսին: Ինչպե՞ս է դա կատարվում: Խնդրում եմ արձագանքեք։

Ոչ ռեզիդենտի շահութահարկ

Սուրեն․

ՀՀ ռեզիդենտ կազմակերպությունը ՀՀ ոչ ռեզիդենտ, ՀՀ-ում մշտական հաստատություն չունեցող ֆիրմայից ՀՀ տարածքում գնել է ապրանքներ 10 միլիոն ՀՀ դրամ արժողությամբ, որի վճարումը միանգամից կատարել է։ Գույքի գնման մասին վաճառողը փաստաթուղթ չի տվել։ Որքա՞ն շահութահարկի պարտավորություն է ինձ մոտ առաջանում ոչ ռեզիդենտին վճարված եկամուտների մասով։ Նախապես շնորհակալություն։ Եթե օրենքի հղում տաք, շատ ավելի լավ։

ԱՁ աշխատում է շրջ․ հարկով

Սվետա․

Բարև Ձեզ։ Խնդրում եմ օգնել ինձ։ ԱՁ -ն աշխատում շրջ. հարկով մայիս ամսվանից: Չունի գրանցվաց աշխատող և չի վճարում սոց վճար: Հարցեր.

1․ Եթե ցանկանա ժամանակավոր դադարեցում տալ, ինչպե՞ս է դա արվում

2․ Եթե ամսական կտրվածքով չի վճարել եկամտային հարկ, ապա դա պիտի անի մինչև ապրիլի 20-ը, թե՞ դադար ձևակերպելուց հետո

3․ Նաև տարեկան հաշվետվությունները․ խնդրում եմ ասել հաշվետվության ձևերը, որը պիտի լրացնել (շրջանառության հարկը վճարվել է ժամանակին):

Շնորհակալ եմ:

Եկամտային հարկի հաշվարկ

Աննա․

Բարև Ձեզ, այսպիսի մի հարց ունեմ: ԱՁ-ն 2022թ նոյեմբեր ամսին դիմել է «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագիր ստանալու համար:

Ըստ ՀՀ հարկային օրենսդրության 445 հոդվածի 5) կետի (Հոդված 445. Օրենսգիրքն ուժի մեջ մտնելու կապակցությամբ Հայաստանի Հանրապետության որոշ օրենքների ուժը կորցրած ճանաչելը_ 5) «Եկամտային հարկի մասին» Հայաստանի Հանրապետության 2010 թվականի դեկտեմբերի 22-ի ՀՕ-246-Ն օրենքը, բացառությամբ այդ օրենքի 10-րդ հոդվածի 1.1-ին մասով «Տեղեկատվական տեխնոլոգիաների ոլորտի պետական աջակցության մասին» Հայաստանի Հանրապետության օրենքով սահմանված կարգով հավաստագրված հարկային գործակալներին վերաբերող դրույթների, որոնք գործում են հավաստագրի տրամադրման օրվանից մինչև 2022 թվականի դեկտեմբերի 31-ը) ԱՁ-ն որպես հարկային գործակալ կարող է այդ հավաստագրով տրված արտոնությունից օգտվել մինչև 2022թ դեկտեմբերի 31-ը:

Այսինքն՝ 2023թ հունվարի 1-ից աշխատողների աշխատավարձից պետք է եկամտային հարկը հաշվարկվի 20% տոկոսադրույքո՞վ՝ 10%-ի փոխարեն։ Կանխավ շնորհակալություն:

Շահաբաժնի հարկում

Էլինա․

Խնդրում եմ օգնեք․ շրջհարկով աշխատող ՍՊԸ-ի համար շահաբաժնի հարկման բազան որոշելուց արդյո՞ք նվազեցվում են վճարված աշխատավարձերը։ Խնդրում եմ տալ ՀՕ հոդվածի հղում։ Կանխավ շնորհակալ եմ։

Գերավճար միասնական հաշվին

Լիկա.

Հարգելի գործընկերներ, հարցս հետևայն է. ՀՈԱԿ-ը հարկային տեսչությունում ունի գերավճար միասնական հաշվում /եկամտային հարկի գծով/, որը ՀԾ-ում ժամանակին որպես մնացորդ չի մուտքագրվել։ Խնդրում եմ ասեք՝ ի՞նչ ձևակերպում պետք է տալ՝ 1․ սխալն ուղելու համար, 2․ դ-տ պարտքի հաշվին կ-տ պարտքի մարում հաջորդ ամսվա աշխատավարձի եկամտային հարկից։ Նախապես շնորհակալություն։

Վարձակալություն ֆիզ. անձից

Բարև ձեզ։ Եթե ֆիզ. անձից ունենք վարձակալություն, ԱԱՀ-ի հարկման բազայի մեջ ամբողջ գումարն է արտացոլվում, թե՞ եկամտային հարկը հանած թիվը։ Խնդրում եմ հղում տալ։ Շնորհակալություն։

Շենքի վարձակալություն

Սերգեյ․

Բարև Ձեզ, հարգելի հաշվապահներ։ ԱԱՀ-ով աշխատող ՍՊԸ-ն ֆիզ․ անձից վարձակալել է շենք հյուրանոցային ծառայություններ մատուցելու համար ամսական 800․000 վարձավճարով։

Հարց 1․ ՀԾ հաշվապահ ծրագրով ի՞նչ ձևակերպումներ եմ տալու

Հարց 2․ Վարձավճարի լրիվ գումարը կարո՞ղ եմ նվազեցնել շահութահարկից, թե՞ մենակ 10% եկամտային հարկի գումարն եմ նվազեցնելու՝ 80 000-ը։

Նպաստն ավել է եկամտային հարկից

Մարգարիտա.

Բարև Ձեզ։ Մայրության նպաստն ավել է քան տվյալ ամսվա եկամտային հարկը։ Ինչպե՞ս պետք է ստանալ տարբերությունը։

Շինարարական կազմակերպություն

Մարիաննա․

Բարև Ձեզ, հարգելի հաշվապահներ։

Շինարարական կազմակերպությունը զբաղվում է և՛ արտադրանք տալով, և՛ վաճառքով։

1.Չունի ՀԴՄ, եկամուտը ստանում է բանկային հաշվի վրա, արդյո՞ք պետք է այդ եկամուտները գրել դրամարկղի գրքում։

2.Ի՞նչ հաշվետվություն պետք է հանձնի տարվա կտրվածքով, եթե աշխատում է ԱԱՀ-ով։ Ունի նաև գրանցված աշխատողներ, դա գիտեմ Ձև 189 է։

3.ՀԴՄ ունենալը պարտադի՞ր է, թե՞ ոչ։

2023 թվականի հարկեր

Անի.

Հարգելի հաշվապահներ, կասե՞ք, 2023թ.-ին եկամտային հարկ, սոց. վճար և դրոշմանիշ քանի՞ տոկոս ենք պահելու։ Աշխատակիցս արձակուրդ է վերցնում, որի մի մասը 2023թ.-ին է ընկնում։

Նախորդ տարիների շահաբաժին

Աստղիկ․

Հարգելի հաշվապահներ, Ձեր օգնության կարիքն ունեմ: ՍՊԸ-ն 2019, 2020, 2021թ. համար շահաբաժին է տվել 2022թ. հունիսին և վճարել է 5 տոկոս հարկ։ Հիմա ուզում եմ շահաբաժին տալ նաև մինչև 2019թ. տարիների համար, ես պե՞տք է ցույց տամ եկամտային հարկի հաշվարկում և արդյո՞ք նորից հարկ պիտի վճարեմ։ Կանխավ շնորհակալություն։

Աշխատավարձը կրկնակի է փոխանցվել

Բարև Ձեզ։ Եթե օգոստոս ամսին աշխատավարձը պատահական կրկնակի է գնացել՝ ողջ անձնակազմինը, ի՞նչ իրավական և հարկային գործողություններ պիտի արվի։ Կգրեք կարծիք։ 1․ Եկամտային հարկը ամբողջը գրվի օգոստոսում, թե՞ մասնատվի ըստ նախատեսվածի։

Դեկրետ գնալու դեպքում

Գոհար.

Բարև ձեզ, հարգելի հաշվապահներ։ Խնդրումեմ օգնեք, եթե աշխատողը գնում է ֆիզ, ապա դրանից հետո եկամտային հարկի 0-ական պե՞տք է ներկայացնեմ միջև 140 օր լրանալը։ Նաև լրանալուց հետո պետք է գրանցման հայտով ներկայացնե՞մ՝ խնամքի արձակուրդը։

Տրանսպորտային միջոցի վարձակալություն

Աննա.

Հարգելի հաշվապահներ, շրջհարկով աշխատող ՍՊԸ ֆիզ. անձից վարձակալել է տրանսպորտային միջոց, գործատուն պետք է ֆիզ. անձից պահի՞ 10% և վճարի եկամտային հարկ։ Կանխավ շնորհակալ եմ:

Շրջհարկով աշխատող Ա/Ձ հարկեր

Մարի.

Բարև Ձեզ։ Եթե սեպտեմբերի 1-ից աշպատողի աշխատաժամը 1 ժամով կրճատել ենք, կարո՞ղ եմ արդյոք հայտը ուղարկել մինչև հոկտեմբերի 20-ը:
2. Եթե գրանցվել եմ Ա/Ձ՝ շրջանառության հարկով աշխատող, և դեռ օգոստոսից ոչ մի գործունեություն չեմ իրականացրել, պե՞տք է արդյոք 5 000 եկամտայինն ու սոցը ամսական վճարել, թե՞ տարեկան էլ կարող եմ վճարել։ Պարզապես գործունեություն չիրականացրած ամիսների համար չվճարեմ: Եվ պե՞տք է արդյոք նոյեմբերի 20-ին ուղարկեմ զրոյական հաշվետվություն:
Կանխավ շնորհակալություն

Եկամտային հարկի պարտավորություն

Արմի․

Բարև բոլորին։ Եթե կարող եք՝ հարցին պատասխանեք օրենքի հղումով։ Շրջանառության հարկի դաշտում աշխատող ընկերությունը գնման ակտով ֆիզ. անձից ապրանք ձեռք բերելու դեպքում ի՞նչ պարտավորություններ են առաջանում իր համար (հասկանալի է՝ չի կարող պակասեցնել 4%-ով, քանի որ չհիմնավորված է, իսկ եկամտային հարկով ունի՞ պարտավորություն։

Ձեռքբերմած ՀՄ ինքնարժեք

Արտյոմ.

Բարև Ձեզ։ ԱԱՀ-ով աշխատող կազմակերպությունը ֆիզ. անձից գնել է մեքենա։ Մեքենան որպես հիմնական միջոց ճանաչելուց ֆիզ. անձի փոխարեն մուծված 10% հարկը նույնպես համարվու՞մ է մեքենայի ինքնարժեք և արդյո՞ք որպես հիմնական միջոց պետք է ճանաչել մեքենայի գումար + հարկ թիվը։

Եկամտային հարկի հաշվարկ

Լիլիթ.

Բարև Ձեզ։ Մայրության նպաստը փոխանցելուց հետո հաջորդ ամիս եկամտային հարկի հաշվետվության մեջ ի՞նչ ենք լրացնում այդ աշխատողի բաժնում և ի՞նչ թուղթ պետք է ներկայացնենք սոցապ։

ՀԴՄ կտրոն ՀՎՀՀ-ով

Վիգեն.

Բարև ձեզ, հարգելի հաշվապահներ: ՀՀ Հարկային օրսենսգրքում նշված է, որ քաղիրավական պայմանագրի շրջանակներում ծառայություն մատուցող ֆիզիկական անձանց վարձատրության վճարը հաշվառման դրամարկղային մեթոդով է, այսինքն՝ եթե սեպտեմբեր ամսվա վճարը տրվում է հոկտեմբերին, ապա պետք է հոկտեմբերի եկամտային հաշվարկի մեջ ներառե՞լ։ Ճի՞շտ է։
2. Ըստ ՀՕ 386 հոդվածի 3-րդ մասի 2-րդ կետի՝ կանխիկ դրամով վճարում չի համարվում այն վճարումը, որի մասով դուրս է գրվել գնորդի հվհհ-ով կտրոն: Հարց՝ արդյո՞ք 2022 թվականի հուլիսի 1-ից հետո կարելի է տալ հվհհ-ով հդմ կտրոն։

Աշխատանքի տեսչությունն արձանագրել է խախտումներ

Արսեն.

Ողջույն։ Հարգելի հաշվապահներ, աշխատանքի տեսչական մարմինը արձանագրել է խախտումներ և կազմվել է ակտ, ըստ որի 2018-ից 2021 թվականներին տարբեր ամիսներում աշխատակիցներին չի հաշվարկվել և չի վճարվել որոշակի գումարներ։ Պրակտիկորեն հնարավոր չէ ճշգրտել այդ ամիսների հաշվետվությունները, որովհետև դա մեկ ամիս չէ, մոտ 100 աշխատող է, և հետո դա իր հերթին կբերի շահութահարկի հաշվարկների փոփոխության։ Եթե հիմա ենք անում հետհաշվարկները (տեսչությունը հաշվել է մաքուր վճարվելիք գումարները), արդյո՞ք յուրաքանչյուր տարվա համար եկամտային և սոց. վճարները պետք է հաշվել համապատասխան տարվա համար սահմանված դրույքներով։ Դրանից բացի պետք է հաշվարկել և վճարել 0,15 տոկոս տույժերը, իսկ տույժերի համար նույնպե՞ս պետք է հաշվարկել եկամտային և սոց. վճարներ, քանի որ եկամտային և սոցի մասով չգտա նվազեցում։ Նաև հաշվետվության մասով հարց է առաջանում, ինչպե՞ս ցույց տալ։ Կարծում եմ եկամտային հաշվետվության մեջ 1,1 կետում՝ դատարանի վճռով կամ ՀՀ օրենսդրությամբ սահմանված այլ դեպքերում կետի տակ հատ-հատ պետք է լրացվի և անկախ տվյալ անձը ներկայումս աշխատում է, թե ոչ, ընտրվի ավարտված պայմանագրով վճարման կետը։ Խնդրում եմ օգնել, որքան հնարավոր է արագ և հիմնավոր։ Շնորհակալություն։

Նվազեցում շրջանառության հարկից

Գոհար.

Բարև ձեզ, հարգելի հաշվապահներ։
1. Կարո՞ղ եմ հիմնադիր տնօրենի աշխատավարձը եկամտայինի հաշվետվության մեջ լրացնեմ 68 000դր և քանի՞ ժամ լրացնեմ շաբաթական աշխատանքային ժամը։
2. Հարգելի հաշվապահներ, արդյո՞ք միկրոձեռնարկատիրոջ կողմից դուրս գրվող հաշվարկային փաստաթուղթը հիմա կարո՞ղ եմ շրջհարկով գործող բանջարեղենի խանութի ծախսերում ընդգրկեմ։

Եկամտային հարկի հաշվարկ

Գայանե.

Բարև ձեզ: Վերջնահաշվարկից սոց. վճար չի պահվում, սակայն ինչպե՞ս եկամտային հարկի ամսական հաշվետվության մեջ գրանցեմ վերջնահաշվարկը, որ ավտոմատ սոց. չհաշվի։

Եկամտային հարկի վերադարձի վերաբերյալ

Վահե.

Բարև Ձեզ։
Հիփոթեքային վարկի գծով վճարված տոկոսի չափով եկամտային հարկի հետ վարադարձմանն է վերաբերում։
Եթե դատարանի վճռով կազմակերպությունը, որում այլևս կողմը չի աշխատում և չի վերականգնվել նախկին աշխատատեղում, վճարում է անցած ժամանակաշրջանների համար աշխատավարձը, ապա եկամտային հարկի հաշվետվության մեջ արդյո՞ք վճարված գումարի և եկամտային հարկին վերաբերող տեղեկատվությունը պե՞տք է նշվի հաշվետվության բաժին 1․1-ում, և արդյո՞ք այդ դեպքում վճարված եկամտային հարկից հնարավոր կլինի ունենալ հետ վերադարձ հաշվետվության ներկայացման ժամանակաշրջանի համար։
Շնորհակալություն։

Եկամտային հարկի վերադարձ

Գոհար.

Բարև Ձեզ: Եկամտային հարկի հետվերադարձի մասին օրենքը դեռ գործու՞մ է, եթե հիփոթեքով տուն են ձեռքբերում կամ զրոյից տուն են կառուցում: Կխնդրեմ պայմաններին էլ ծանոթացնել: Շնորհակալություն:

Հաշվետվությունների վերաբերյալ

Անուշ.

Բարև Ձեզ։ ՍՊԸ-ն բացվել է օգոստոսին։ Այս պահին եկամուտներ չունենք։ Ի՞նչ հաճախականությամբ է պետք հանձնել շրջանառության հարկի և եկամտային հարկի հաշվետվությունները։ Եկամտային հարկի հաշվետվությունների ո՞ր ձևերը պետք է հանձնել։ Ընկերությունը այլ աշխատողներ բացի տնօրենը չունի։ Եթե տնօրենը գնա ադմինիստրատիվ չվճարվող արձակուրդ, այս դեպքում պե՞տք է եկամտային հարկի հաշվետվություն հանձնել։ Այլ հաշվետվություններ պե՞տք է հանձնել բացի շրջանառության հարկի և եկամտային հարկի հաշվետվությունները։

Շահաբաժնի վճարում

Ռուբ.

Բարև ձեզ։ Ընկերությունը ցանկանում է հայտարարել շահաբաժին։ Ընկերությունը ունի 2 000 000 շահույթ, այդ գումարը պետք է հարկե՞լ 5%-ով և հիմնադրին վճարել 1 900 000, թե՞ պետք է վճարել 2 000 000-ը և հարկային պարտավությունները ընկնեն ՍՊԸ-ի վրա։

Միակողմանի գնման ակտով ձեռքբերում

Սուրեն․

Բարև Ձեզ։ Ունեմ նման հարց։ Եթե ֆիրման միակողմանի գնման ակտով կատարել է ձեռքբերում շուկայից, բնական է 20% եկամտային հարկ պիտի վճարի։ Կասե՞ք ինձ՝ կա՞ դեպք, որի դեպքում հնարավոր լինի չվճարել այդ եկամտային հարկը։ Խնդրում եմ օրենքի հղումը ևս տալ։ Շնորհակալ եմ։