Tag: հիմնադիր

Շահաբաժինը ե՞րբ են վճարում

Հեղինե․

Բարև ձեզ։ Խնդրում եմ ասեք՝ շահաբաժինը ե՞րբ իրավունք ունենք վճարելու։ Հաջորդ տարվա ո՞ր ամսին։

Հիմնադիրը՝ որպես աշխատող

Լիանա․

Բարև Ձեզ։ Կարո՞ղ է արդյոք ՍՊԸ-ի 100 % բաժնեմաս ունեցող հիմնադիրը գրանցվել որպես աշխատող։ Նշեմ, որ մանրածախ առևտուր իրականացնող կազմակերպություն է։ Շնորհակալություն։

Հաշվարկային հաշվի համալրում

Լիանա.

Բարև ձեզ։ ՍՊԸ-ն աշխատում է ԱԱՀ-ի դաշտում։ Հիմնադիր-տնօրենը ՍՊԸ-ի հաշվարկային հաշվին ինչպե՞ս կարող է գումար մուտք անել։ 1․ Որպես ներդրու՞մ։ 2․ Անտոկոս փոխառությու՞ն։ 3․ Դրամարկղի գիրք և կանխիկ գործարքներ չունի, կարո՞ղ է համալրում անել։

Հաշիվ ֆիզ. անձի անունով

Տաթև.

Բարև ձեզ։ ՍՊԸ-ի հիմնադիրը տնօրենը (այս ՍՊԸ-ն աշխատում է միկրոյի դաշտում) մատուցել է գովազդային ծառայություն մեկ այլ ՍՊԸ-ի որպես ֆիզ. անձ: Այս դեպքում տվյալ ՍՊԸ-ն ցանկանում է հաշիվ դուրս գրել այս ֆիզ. անձին անձնագրի տվյալներով և փոխանցել վճարը տվյալ անձի աշխատավարձի քարտին: Միկրոյով աշխատող ՍՊԸ-ն խնդիր կունենա՞, քանի որ հիմնադիր տնօրենն է ծառայություն մատուցել լրիվ ուրիշ ոլորտում:

Վարկն օգտագործվել է այլ նպատակով

Մելինե.

Հարգելի փորձառու հաշվապահներ, խիստ օգնության կարիք ունեմ։ Եթե ՍՊԸ հիմնադիրները վարկ են վերցրել տվյալ ՍՊԸ-ով, սակայն օգտագործել են լրիվ այլ առանձին ՍՊԸ-ի հիմնադրման համար։ Հիմա ես ինչպե՞ս հիմնավորեմ այդ վարկի ծախսը։ Եվ ՍՊԸ տնօրենին տրված փոխառությունը կարո՞ղ է մարվել տնօրենի աշխատավարձից պահելով։ Շնորհակալություն։

Փոխառության ձևակերպում

Անուշ.

Բարև ձեզ։ Կազմակերպության հիմնադիրը (տնօրենը) իրավունք ունի՞ կազմակերպության դրամարկղ մուտքագրել գումար՝ աշխատավարձ վճարելու նպատակով։

Եվ կազմակերպության տնօրենի կողմից հաշվին մուտքագրված փոխառությունը ինչպե՞ս է ձևակերպվում։

Բաժնեմասի վաճառքից հարկեր

Suren Tumanyan.

Բարև Ձեզ, ունեմ նման հարց։ Հիմնադիրը իրեն պատկանող ֆիրմայի 100 տոկոս բաժնեմասն ուզում է իրացնել անվանական արժեքով։ Ի՞նչ հարկեր է դրանից առաջանում։

Գույքի տրամադրում հիմնադրին

Սուրեն․

Բարև Ձեզ, նման հարց ունեմ։ Ֆիրման ԱԱՀ վճարող է։ Հիմնադիրը ներդրում է արել կանոնադրական կապիտալում անշարժ գույքի տեսքով։ Հիմա ֆիրման ուզում է այդ գույքը անհատույց տրամադրի հիմնադրին։ Կասե՞ք՝ ի՞նչ հարկեր են առաջանում այս դեպքում, հոդված էլ կասե՞ք՝ նայեմ։

Փոխառության տրամադրում

Աննա․

Հարգելի հաշվապահներ, ֆիզ․ անձը կարո՞ղ է մինչև 8 000 000 մլն անտոկոս փոխառություն տրամադրի ՍՊԸ -ին, նշեմ, որ ֆիզ անձը տվյալ ՍՊԸ չի հանդիսանում հիմնադիր:

Անտոկոս փոխառություն

Նաիրա․

Բարև Ձեզ։ ՍՊԸ-ն կարո՞ղ է անտոկոս փոխառություն տրամադրել իր միակ մասնակցին։

ՍՊԸ բացելու հետ կապված

Անի.

Բարի լույս ձեզ։ Ինձ կասեք՝ ես ճի՞շտ եմ հասկանում. ՀՕ 254 և 255 հոդվածները, շրջհարկով աշխատող մի ՍՊԸ-ի հիմնադիրը կարո՞ղ է ուրիշ ՍՊԸ բացել և աշխատել նորից շրջհարկով, եթե շեմը չի անցնում՝ 115մլն դրամը։

Շահաբաժնի վճարում

Ռուբ.

Բարև ձեզ, հարգելի հաշվապահներ։ Ընկերությունը հիմնադրվել է 2020-ին և մինչև այժմ շահաբաժին չի վճարել ընկերության հիմնադրին։ Կարո՞ղ է արդյոք հիմնադիրների որոշման հիման վրա 2020 և 2021 թվականների շահույթից հայտարարվել շահաբաժին, թե՞ ոչ։ Նշեմ նաև, որ 2020-ին ընկերությունը գործել է միկրո դաշտում, իսկ 2021-ից մինչև այժմ գործում է շրջ․ հարկի դաշտում։ Եթե հնարավոր է հայտարարել շահաբաժին, ապա երկու տարիների համար էլ պետք է հաշվարկվի 5%-ը, թե՞ ոչ։ Շնորհակալություն։

Փոխառություն

Լյուդմիլա.

Բարի երեկո։ Խնդրում եմ պատասխանել․ եթե կազմակերպության/միկրոբիզնեսով աշխատող/ հիմնադիրը տոկոսով փոխառություն է տրամադրում կազմակերպությանը, հարկային հաշվետվություններում դա արտացոլվու՞մ է և առաջանու՞մ է արդյոք որևէ հարկային պարտավորություն հետ վերադարձի ժամանակ։ Նախապես շնորհակալություն։

ՍՊԸ հիմնադիրը նաև տնօրեն է

Գոհար.

Բարև ձեզ, հարգելի հաշվապահներ։ Հարցս հետևյալն է․ եթե ՍՊԸ-ի հիմնադիրը նաև տնօրեն է, ապա ի՞նչ հարկային պարտավորություն կառաջանա։ ՍՊԸ-Ն գործում է միկրոյով, ունի 1 գրանցված աշխատող։

Նվազագույն աշխատավարձ

Նարե.

Բարև, հարգելի հաշվապահներ։ ՍՊԸ-ի հիմնադիր-տնօրենին, ում գրանցել ենք շաբաթական 8 ժամ աշխատաժամանակով, նվազագույն որքա՞ն կարող եմ աշխատավարձ գրել եկամտայինի հաշվետվության մեջ: 94 000/5 կարո՞ղ եմ նշել, թե՞ կա կոնկրետ նվազագույն չափ տնօրենի աշխատավարձի մասով: Աշխ. օրենսգրքում չկա նման բան:

ՍՊԸ հիմնադիրների ժողով

Անի.

Բարև Ձեզ։ ՍՊԸ հիմնադիրների ժողովի ժամանակ ո՞վ կարող է հանդիսանալ ժողովի քարտուղար։

Դիվիդենդ

Հեղինե.

Բարև ձեզ։ Խնդրում եմ պատասխանեք՝ կազմակերպության միակ սեփականատերը տարվա մեջ ցանկացած ժամանակ դիվիդենդ ստանալու իրավունք ունի, թե՞ տարեկան մեկ անգամ։ Ինչպե՞ս է դա կազմակերպվում։

Վարձակալության պայմանագրի հետ կապված

Մաշա․

Հարգելի հաշվապահներ, ֆիզ․ անձը նույն հասցեում գտնվող երկու տաղավար վարձակալության է հանձնել երկու տարբեր կազմակերպությունների։ Նշեմ, որ Ֆիզ․ անձը բացի տվյալ տարածքի սեփականատերը լինելուց նաև նույն տարածքում իրականացվող առևտրային գործունեության (սուպերմարկետ) հիմնադիր տնօրենն է (կազմակերպաիրավական տեսակը ՍՊԸ, գործում է հարկման ընդհանուր համակարգում)։ Արդյո՞ք ճիշտ էր պայմանագրերը կնքել ֆիզ. անձով։ Կանխավ շնորհակալություն։

Բաժնետերը փոխառություն է տրամադրել

Արսեն․

Բարև Ձեզ, հարգելի հաշվապահներ։ Եթե ընկերությանը փոխառություն տրամադրում է միակ բաժնետեր տնօրենը, ապա պայմանագրում որպես փոխատու նա հանդես պետք է գա որպես ՀՀ քաղաքացի ֆիզիկական ա՞նձ։ Նախապես շնորհակալ եմ։

Մայրության նպաստ

Անուշ.

Բարև Ձեզ։ Հարգելի հաշվապահներ, աշխատում եմ կազմակերպությունում որպես տնօրեն (նշեմ, որ նաև կազմակերպության հիմնադիրն եմ), որը հանդիսանում է միկրոձեռնարկություն։ Շուտով պետք է ֆիզ․ գնամ։ Եթե հնարավոր է՝ կարո՞ղ եք նշել տվյալ պարագայում ես համարվում եմ վարձու աշխատող, թե՞ ինքնազբաղ անձ։ Ինչպես պետք է հաշվարկվի ֆիզ․-ի գումարը։
Եվ 1-ից ավելի երեխաներ ունենալու պարագայում՝ պե՞տք է միանվագ ստանամ 180 օրվա ֆիզ․-ի գումար, թե՞ նախ ստանում եմ 140 օրվա, իսկ բալիկներիս ծնվելուց հետո ևս 40 օրվա։
Շնորհակալ եմ արձագանքի համար։

Հաշվապահական խորհրդատվություն

Երվանդ.

ՍՊԸ հիմնադիրը իրավունք ունի՞ արդյոք այդ ընկերությանը մատուցել հաշվապահական հաշվառման գծով խորհրդատվություն, թե՞ ոչ, և այդ խորհրդատվությունը լիցենզավորված գործունեություն է, թե՞ ոչ: ՍՊԸ-ի կողմից անհատույց իրացվող ապրանքների արժեքը արդյո՞ք ամբողջությամբ համարվում է եկամուտ։

Հիմնադիրները գումար են ծախսել

Արմեն․

Հարգարժան փորձառու հաշվապահներ, մի այսպիսի խնդիր ունեմ։ Խնդրում եմ օգնել։ ՍՊԸ-ի հիմնադրումից երկու ամիս անց, արդեն դրամարկղում եղել է 3 մլն հասույթ, որը հիմնադիրները ծախսել են անձնական։ Այսինքն, հասույթը ՀԴՄ-ով կա, փաստացի գումարը չկա։ Ինչպե՞ս վարվել, ո՞նց ծախսագրել էտ գումարը, եթե իրենք նպատակ էլ չունեն գումարը ետ վերադարձնելու դրամարկղ։

Բաժնեմասի վաճառք

Թ․

Ես ՍՊԸ-ում փայատեր եմ, հիմա վաճառում եմ իմ մասը, մյուս անդամին առաջարկվել է, բայց նա ևս ցանկանում է վաճառել։ Իմ քայլե՞րը։

Փոխառության վերադարձ

Հայկ․

Բարև Ձեզ: Խնդրեմ կասե՞ք՝ 2021թ. ընթացքում ՍՊԸ-ն իր հիմնադրին կանխիկ եղանակով դրամարկղից անտոկոս փոխառություն է տվել՝ մոտ 5 մլն դրամ՝ երկու տարի ժամկետով: Հիմա, եթե հիմնադիրը վերադարձնի հուլիս ամսից հետո, պարտադի՞ր է, որ փոխանցումով լինի: Ի՞նչ ուրիշ տարբերակներ կան: Կխնդրեմ օգնեք։

Անտոկոս փոխառություն

Հայարփի.

Բարև ձեզ, հարգելի հաշվապահներ։ Եթե հիմնադիրը անտոկոս փոխառություններ է տալիս իր կազմակերպությանը (շրջհարկով աշխատող) և վերջում չի կարողանում մարել, արդյո՞ք հարկային պարտավորություններ է առաջանում և ինչպիսի՞։

Փոխառություն հիմնադրին

Արմեն․

Բաչև Ձեզ։ ՍՊԸ-ն հիմնադրին տալիս է փոխառություն, հետո տարվա արդյունքում շահույթ է գոյանում, կարո՞ղ եմ արդյոք շահաբաժինը մարել փոխառությունով՝ փոխադարձ ակտով։

Գործուղման հրամանի ձև

Անի.

Հարգելի՛ հաշվապահներ, 1. ինձ կարո՞ղ եք ՀՀ տարածքում գործուղման հրամանի ձև և վերադարձի հաշվետվության ձև ուղարկել կամ հղում տալ: 2. Եթե ՍՊԸ-ի տնօրենը նույն ինքը հիմնադիրն է, այլ աշխատակից չունի, ինչպե՞ս տեղեկանք գրել եկամուտների մասով բանկ ներկայացնելու համար: Ինչ-որ հատուկ ձև կա՞: Շնորհակալ եմ։

Փոխառություն հիմնադրի կողմից

Մելինե.

Բարև ձեզ։ Չէի՞ք ասի՝ հիմադիրն ինչքա՞ն փոխառության պարտք կարող է տալ իր ՍՊԸ-ին, կա՞ն արդյոք սահմանափակումներ: Երաշխիքի համար է պետք և ՍՊԸ-ի հաշվին չեմ կարող գցել, արգելանք կա ՊԵԿ-ից: Կարո՞ղ է հիմնդիրը ֆիզ. անձով առանձին հաշիվ բացել և դրանով փոխանցել երաշխիքը և ինչպե՞ս նշել դրամարկղային գրքում։

Անտոկոս փոխառություն

Երվանդ.

ՍՊԸ-ի հիմնադիրը այդ ընկերությանը տրամադրել է անտոկոս փոխառություն: Եթե այդ փոխառությունը` կրեդիտորական պարտքը դուրս գրվի, ապա կառաջանա՞ շահութահարկով հարկվող եկամուտ, թե՞ ոչ: Խոսքը հիմնադրի կողմից պարտքի զիջման մասին է: Նշված ՍՊԸ-ն աշխատում է շրջհարկով:

Ներմուծում 3-րդ երկրից

Անահիտ․

ՍՊԸ-ի հիմնադիրը օտարերկրյա քաղաքացի է, բայց Սպը-ն գրանցված է պետռեգիստրում, առայժմ չունի կացության քարտ, կարո՞ղ է ներմուծում անել 3-րդ երկրից։

Հիմնադրին տրված փոխառություն

Նելլի.

Բարև ձեզ: Կազմ-ը հիմնադրին փոխառություն է տվել, կարո՞ղ է դա դիտվել շահաբաժնի վճարում և հարկվի տրման պահին։ Շնորհակալություն։

Փոխառության պայմանագիր

Տիգրան․

Հարգելի հաշվապահներ, հարցս հետևյալն է: ՍՊԸ-ի հիմնադիրը և տնօրենը հանդիսանում է նույն անձը, վերջինս ցանկանում է կազմակերպության բանկային դոլարային հաշվին գումար մուտքագրել, որպես փոխառություն։ Արդյո՞ք այդ դեպքում անհրաժեշտ է փոխառության պայմանագիր և եթե այո, ապա ու՞մ միջև է կնքվելու պայմանագիրը, եթե և՛ հիմնադիրը, և՛ տնօրենը նույն անձն է:

Շահաբաժնի արտացոլում հաշվետվության մեջ

Լիլիթ․

Բարև ձեզ: Միկրոյի դաշտում աշխատող ՍՊԸ-ի հիմնադիր տնօրենին տրվող շահաբաժինը ո՞ր հաշվետվությամբ պետք է ցույց տրվի՝ 163, թե՞ 165։

Ա/Ձ ցանկանում է ՍՊԸ բացել

Բարև, հարգելի հաշվապահներ։ Մի հարց․ ԱՁ-ն, որը միկրոյով է աշխատում, կարո՞ղ է բացել ՍՊԸ, էս դեպքում ԱԱՀ-ի դա՞շտ է անցնում, ու մեկ էլ չի կարո՞ղ անձը 2 ՍՊԸ-ի հիմնադիր լինի: Այս մասին եթե ինչ որ հղում տաք կարդամ շատ շնորհակալ կլինեմ:

Հիմնադիրը ներդրում է կատարել

Ռոման.

Բարև ձեզ: Եթե կազմակերպությունը հիմնադրվելիս հիմնադիրը ներդրում է անում 1 000 000 դրամ, հետո ցանկանում է 900 000 հետ վերադարձնել` ինչպե՞ս կարելի է հաշվապահորեն ձևակերպել: Այդ դեպքում կդիտվի բաշխու՞մ և 5 տոկոս հարկ կառաջանա:

Փոխառության վերադարձ

Անահիտ.

Բարև Ձեզ: ՍՊԸ-ն գործունեություն է սկսում և հիմնադիրներից մեկը գումար է փոխառությունով տրամադրում, արդյո՞ք պարտադիր պետք է այն տոկոսներով հետ վերադարձնի ՍՊԸ-ն:

Շահույթի բաշխում

Քրիստինե․

Հարցս վերաբերվում է շահույթի բաշխմանը: ՍՊԸ-ների մասին օրենքում գրված է, որ շահույթը բաշխվում է տարին մեկ անգամ: Ինձ հետաքրքրում է` շրջանառության հարկի հետ կապված արդյո՞ք կարող ենք շահույթը բաշխել եռամսյակը մեկ անգամ` հարկերը վճարելուց հետո։

Կրեդիտորական պարտքերի մարում փոխառության հաշվին

Արա․

Բարև Ձեզ, հարգելի հաշվապահներ։

Եթե կազմակերպությունը հիմնադրի տվել է փոխառություն, հիմնադիրը կարո՞ղ է կազմակերպության անունից մարել վերջինիս կրեդիտորական պարտքերը, թե՞ ոչ։

Նոր տնօրենի նշանակում

Արա․

Բարև Ձեզ, հարգելի հաշվապահներ։

Եթե կազմակերպության ընթացիկ գործունեությունը մինչ այժմ վարել է հիմնադիր տնօրենը, սակայն հիմա ցանկանում է նոր տնօրեն նշանակել և լինել միայն հիմնադիր, դա ինչպիսի՞ քայլերի հաջորդականությամբ պետք է իրականացվի։

Արդյո՞ք գումարը կդիտվի որպես շահաբաժին

Արմինե․

Բարև ձեզ: Կխնդրեմ օգնել հետեւյալ հարցում: Կազմակերպությունն ՏՏ ոլորտ է: Տնօրենը միակ հիմնադիրն է, փոխառության կարգով կազմակերպությունից վերցնում է գումար (դոլլարով), հետո դա կարո՞ղ է դիտվել որպես շահաբաժին։

Տնօրենի կողմից կատարված ծախսեր

Արմինե.

Բարև ձեզ: Կխնդրեմ օգնել հետևյալ հարցում. կազմակերպությունը ՏՏ ոլորտ է, ՍՊԸ: Տնօրենը, որը միակ հիմնադիրն է, քարտային հաշվից գումարներ է ծախսում: Այդ գործարքներն ինչպե՞ս պետք է ձևակերպել:

ՍՊԸ գործունեության դադարեցում

Կատարինե.

Բարև Ձեզ: Եթե ՍՊԸ նոր է բացվել և ունի երկու հիմնադիր (50-50), բայց հիմնադիրներից մեկը հանրապետությունում չի, մյուս հիմնադիրը ցանկանում է գործունեությունը դադարեցնել: Կնշե՞ք քալյլերը:

Փոխկապակցվածություն

Անի․

Բարև Ձեզ, խնդրում եմ պատասխանել այս հարցին. եթե հայրս ունի շրջանառության հարկով աշխատող ՍՊԸ, որտեղ համահիմնադիր տնօրեն է, և կա դադարի մեջ գտնվող մեկ այլ ՍՊԸ, որտեղ համահիմնադիր է մայրս, իսկ հայրս՝ գործադիր տնօրեն, բայց առանց 20 տոկոս մասնակցության, հիմա այս դեպքը համարվու՞մ է փոխկապվածություն, և եթե հայրս ազատվի գործադիր տնօրենի պաշտոնից, և գործադիր տնօրեն դառնամ ես, էլի 2 ՍՊԸ-ները կհամարվե՞ն փոխկապակցված։

ՍՊԸ շահաբաժին

Նարեկ.

Արդյոք պարտադի՞ր է “ՍՊԸ” հիմնադիրներին շահաբաժին հայտարարելը և վճարելը:

Կուտակված շահույթ

Հայկ.

Բարև Ձեզ, հարգելի մասնագետներ: Եթե ՍՊԸ հիմնադիրը իր երկու տարիների կուտակված շահույթը ուզում է ներդնել կանոնադրական կապիտալում, ապա ի՞նչ ընթացակարգով է արվում: Այս դեպքում այլևս չի՞ առաջանում շահաբաժնի վճարումից եկամտային հարկ վճարելու պարտավորություն:
Շնորհակալություն:

Փոխկապակցված կազմակերպություններ

Արփինե․

Բարև Ձեզ։
Արդյո՞ք բաժնետերերի՝ ամուսիններ լինելու դեպքում կազմակերպությունները կհամարվեն փոխկապակցված։ Նշեմ՝ գործունեությունները տարբեր են։

Միկրոձեռնարկատիրություն 2022թ.-ին

Արփինե․

Բարև ձեզ։ Խնդրում եմ օգնել մի հարցում։ եթե ԱՁ-ն 2021թ. ապրիլին միկրոհամակարգից անցել է ԱԱՀ դաշտ, քանի որ այլ ՍՊԸ-ում ունեցել է 25 % բաժնեմաս, այնուհետև դադարի հայտարարություն է տվել, կարո՞ղ է արդյոք 2022թ.-ից վերսկսել և միկրոյի հայտարարություն տալ, եթե հիմա հրաժարվի այդ 25 %-ից։

Կանխիկով վճարումների նկատմամբ սահմանափակումներ

Հայկ.

Բարև Ձեզ հարգելի մասնագետներ: Կարո՞ղ եք օգնել` հասկանալ 2022թ.-ից ուժի մեջ մտնող կանխիկի սահմանափակումների հետ կապված.
1. արդյո՞ք այլևս չենք կարող ՍՊԸ հիմնադրին կանխիկ վճարել շահաբաժին:
Եվ 2-րդ հարցս. արդյո՞ք շուկայից միակողմանի գնման ակտով ձեռքբերումները այլևս չենք կարող առհաշիվ անձի միջոցով կատարել:
Շնորհակալություն:

Անտոկոս փոխառություն

Արփի․

Բարև ձեզ։ Հնարավո՞ր է՝ հիմնադիր տնօրենը տրամադրի իր կազմակերպությանը անտոկոս և 5 տարով փոխառություն։

Փոխկապակցված կազմակերպություններ

Արուսիկ.

Բարև Ձեզ, հարգելի հաշվապահներ:
Կազմակերպությունները ճանաչվել են փոխկապակցված: Հիմա ցանկանում ենք մի կազմակերպությունից հիմնադիրներից մեկի փոփոխություն կատարել, որպեսզի հաջորդ տարվանից անցեն շրջ․ հարկի ոլորտ։ Ստացվում է, որ պետք է ձևակերպենք անյպես, իբր ֆիզ. անձը (հիմնադիր) վաճառում է իր փայաբաժինը մեկ այլ ֆիզ. անձի, արդյունքում առաջանալու՞ է եկամտային հարկ, և ո՞րն է լինելու հարկման բազան ու ի՞նչ դրույքաչափով։