Tag: միկրոձեռնարկատիրություն

Yandex առաքումներ

Հասմիկ․

Բարև ձեզ, խնդրում եմ շտապ է, անձը յանդեքսի պատվերները առաքում է հասցեներով, իր ստանալիք վճարը այդ առաքման դիմաց վճարվող գումարն է։ Յանդեքսը պարտադրում է առաքողին ա/ձ բացել, ամեն ամիս առաքումից առաջացած գումարի չափով յանդեքսի հաշիվ դուրս գրի, որպեսզի փոխանցվի իր հաշվին, հարցս է՝ կարո՞ղ է ա/ձ- ն միկրոյով աշխատի։

ԱԱՀ դեբետային գումար

Ռոզա․

Հարգելի գործընկերներ, ԱՁ ունի ԱԱՀ դեբետային գումար, հարցս հետևյալն է՝ կարո՞ղ է այդ գումարից հաշվանցել շահութահարկի և դրոշմանիշային վճարները: 2023թ-ին աշխատում է միկրոյի դաշտում:

ԱՁ դրոշմանիշային վճար

Գևորգ․

Բարև ձեզ: Կխնդրեմ օգնեք՝ ԱՁ-ն աշխատում է որպես միկրոձեռնարկատիրություն։ 2022 թվականին տարեկան շրջանառությունը կազմել է 18 381 750 դրամ: Ինչքա՞ն պետք է դրոշմանիշային վճար վճարեմ 2023 թվականին տարեկան, և արդյո՞ք դրա համար տարեկան հաշվետվություն պետք է ուղարկեմ: Շնորհակալ եմ:

Եկամտային հարկ առաջանու՞մ է

Lilia.

Բարև բոլորին, ինձ ո՞վ կարող է ասել՝ միկրոձեռնարկատիրության սուբյեկտը եթե չփաստաթղթավորված ձեռքբերում ունի, 20 տոկոս եկամտային հարկ առաջանու՞մ է։

Բեռնափոխադրումը՝ միկրոձեռնարկատիրություն

Անահիտ․

Բարև բոլորիդ։ Խնդրում եմ պատասխանել․ Երևան քաղաքում և Հայաստանի տարածքում բեռնափոխադրում իրականացնող Ա/Ձ-ն կարո՞ղ է աշխատել միկրոյով։ Շնորհակալություն սպասվելիք պատասխանների համար։

Դրոշմանիշային վճարի վերաբերյալ

Մերի․

Ողջույն, հարգելիներս։ Միկրոձեռնարկատիրական գործունեության իրացման շրջանառությունը հանձնելուց հետո կողմերը չեղարկել են դուրս գրված հաշիվը, ծառայությունները մատուցված չհամարելու հետևանքով նաև ճշտվել է հաշվետվությունը։ Նշեմ, որ դա եղել է կազմակերպության միակ գործարքը, հաշվետվությունը ներկայացնելուց հետո առաջացած դրոշմանիշային վճարը նստել է անհատական հաշվին։ Հարգելիներս, առաջացած դրոշմանիշային վճարի պարտավորությունը ճշտումից հետո ելքագրվու՞մ է, թե՞ ոչ։ Կանխավ շնորհակալ եմ։

Հիշեցում

Հարգելի գործընկերներ,

2023թ. փետրվարի 20-ը շրջանառության հարկով աշխատելու համար դիմելու, ինչպես նաև միկրոձեռնարկատիրության սուբյեկտ համարվելու համար դիմում ներկայացնելու վերջնաժամկետն է: Պետք է հանձնել.

Ձև N 201. Շրջանառության հարկ վճարող համարվելու վերաբերյալ հայտարարություն – 2023թ-ին շրջանառության հարկ վճարող համարվելու համար

Ձև N 257. Միկրոձեռնարկատիրության սուբյեկտ համարվելու վերաբերյալ հայտարարություն – 2023թ-ին միկրոձեռնարկատիրության սուբյեկտ համարվելու համար

ԱՁ-ն կանաչի է արտադրում

Մարիամ․

Բարև ձեզ։ Կարող է մի քիչ շատ լինեն հարցերս, բայց կխնդրեյի պատասխանեյիք․ ԱՁ-ն կանաչի է արտադրում և աշխատում է միկրոյի դաշտում, մարտի 1 ից ուզում է անցնել շրջ. հարկի: Շրջ․ հարկի հայտը տալուց հետո ի՞նչ հաշվետվություններ պետք է լրացվեն։ Աշխատող չունի, սոց․ վճարող չէ, և կա վարձակալած տարածք։ 189 ձևը պե՞տք է լրացնեմ վարձավճարի համար: Ներմուծումը և այլ ծախսերը կարո՞ղ եմ նվազեցնել հարկից: Նախապես շնորհակալ եմ։

ԱԱՀ վճարողի հայտարարություն

Դավիթ․

Բարև Ձեզ։ Միկրոյով աշխատող ԱՁ-ն հյուրատուն է, ցանկանում է նաև զբաղվել մեքենաների ներմուծմամբ և արտահանմամբ, այսինքն առևտուր է և չի կարող միկրոյով շարունակել: Հարցս հետևյալն է՝ ե՞րբ պետք է տալ ԱԱՀ-ի հայտարարություն։ Երբ որ առաջին մեքենան կմտնի Հայաստան և մաքսազերծում կիրականացվի՞։ Թե՞ պետք է մինչ համաձայնագիր, ինվոյս, կանխավճար փոխանցելը տալ հայտարարություն:

Հացի փուռը որպես միկրո

Sofa.

Բարև Ձեզ։ Եթե ԱՁ -ն հաց է արտադրում և իր արտադրածը վաճառում, ՀԴՄ ունի, կարո՞ղ է արդյոք միկրո համարվելու դիմում տալ։ Շնորհակալ եմ նախապես։

Եկամտային հարկի հաշվարկ միկրոյի դեպքում

Հասմիկ․

Բարև ձեզ։ Ա/Ձ աշխատում է միկրոյի դաշտում, միկրոյի հայտարարությունը տրվել է փետրվարի 04-ին, իսկ աշխատողի համար եկամտային հարկի հաշվարկ հունվար ամսվա համար լրացնելիս գրում է՝ միկրոյի հայտարարություն չեք տվել, միգուցե որ փետրվարին է տրվել, դա՞ է պատճառը, ի՞նչ խորհուրդ կտաք, ի՞նչ անեմ։

Ռեստորանը որպես միկրոձեռնարկատիրություն

Zhua.

Բարև Ձեզ, հարգելի հաշվապահներ։ Խնդրում եմ օգնեք. նորաբաց ռեստորանը կարո՞ղ է աշխատել միկրոյով։ Մարզում է, ԱՁ։

Քարի մշակման գործունեություն

Դավիթ․

Միկրոձեռնարկատիրությամբ գործող ԱՁ -ն զբաղվում է քարի սղոցում, մշակում և հարդարում գործունեությամբ: Դա համարվու՞մ է արդյոք արտադրություն այն դեպքում, երբ մշակումից հետո վաճառվում են քարերը, և կարո՞ղ է կազմակերպությանը հաշիվ գրել։ Շնորհակալություն։

Եթե ԱՁ-ն հարկային գործակալ չի հանդիսանում

Zhua.

Խնդրում եմ օգնեք. եթե ֆիզ անձը տարածքը տվել է վարձակալության հավանաբար միկրոյով ԱՁ-ի, ինչպե՞ս պիտի հարկ տա պետությանը։ Խնդրում եմ մանրամասն ասեք։ Շնորհակալություն։

Նվազագույն աշխատավարձ

Լուսինե.

Բարև Ձեզ,հարգելի հաշվապահներ։ Մինիմալ աշխատավարձի բարձրացումը՝ 75 000 դրամ, հունվարի 1-ից վերաբերվու՞մ է նաև միկրոձեռնարկատիրության սուբյեկտ համարվող աշխատողներին։

Պահնորդային ծառայությունը որպես միկրո

Նունե.

Բարև Ձեզ։ Խնդրեմ կասե՞ք՝ պահնորդային ծառայությունը կարո՞ղ է չէ միկրոձեռնարկատեր լինի։ Օրենքով նայում եմ՝ կարծես լինում է, մեկ էլ լիցենզիայի վճարը, եթե լիցենզիա չտրամադրեն վերադարձվու՞մ է։

Դերասանի վարպետության դասընթացներ

Մարիամ․

Բարև ձեզ, ինչպե՞ս պետք է լրացնեմ 256 ձևը: Հիմնարկը կատարում է դերասանի վարպետության դասընթացներ:

Դեկտեմբերի հաշիվը դուրս է գրվել հունվարին

Տաթև․

Բարև Ձեզ, հարգելի հաշվապահներ: Միկրոյով աշխատող ՍՊԸ-ն, եթե հաշիվ վավերագիրը գրել 2023թ.-ի հունվարին, բայց ծառայությունը մատուցվել և վճարվել է դեկտեմբերին, այս դեպքում վճարված գումարի չափը ներառվու՞մ է 2022թ-ի իրացման շրջանառության մեջ:

Օտարերկրյա քաղաքացին որպես ԱՁ

Վահագն․

Բարև Ձեզ։ ՀՀ ում ապրող օտարերկրյա քաղաքացին կարո՞ղ է այստեղ բացել ԱՁ և համարվել միկրոձեռնարկատեր, և կա՞ հարկման տարբերություն ՀՀ քաղաքացու և օտարերկրյա քաղաքացու համար։

Միկրոձեռնարկատերը տարածք է վարձակալել

Մարիամ․

Բարև ձեզ, կխնդրեի օգնել: ԱՁ-ն միկրո է և տարածք է վարձակալել ֆիզ անձից: Այս դեպքում ի՞նչ հարկային պարտավորություն ունի ԱՁ-ն:

Ծրագրային ապահովման ծառայություններ

Լիդա․

Բարև ձեզ, ծրագրային ապահովման ծառայություններ իրականացնող ընկերությունը կարո՞ղ է հանդիսանալ է միկրոձեռնարկատիրության սուբյեկտ։

Շրջ․ հարկից անցում միկրո

Արթուր․

Շրջանառության հարկից հնարավո՞ր է անցում միկրոձեռնարկատիրության համակարգ, եթե զբաղվում է ժամացույցների նորոգումով։

Միկրոձեռնարկատերը կարո՞ղ է հաշիվ գրել

Գայանե․

Միկրոձեռնարկատիրությամբ գործող ԱՁ -ն գրենական խանութ է, կարո՞ղ է կազմակերպությանը հաշիվ գրել։ Շնորհակալություն։

Դասապատրաստումը՝ միկրոձեռնարկատիրություն

Գայանե․

Բարև Ձեզ, հարգելի հաշվապահներ։ Մի այսպիսի հարց․ ԱՁ գործունեությունը նկարչական խմբակ է, միկոյով է աշխատում, մարզում է։ Այդ նույն ԱՁ -ում դասապատրաստման խմբակ ենք ուզում բացել։ Հիմա հարց․ կարո՞ղ է չէ միկրոյով շարունակել։

2-րդ հարցս․ այս դեպքում հարկային դիմու՞մ եմ երկրորդ գործունեության համար, թե՞ տարվա վերջ դասակարգիչով եմ միայն ցույց տալու երկրորդ գործունեության շրջանառությունը: Ասեմ, որ ՀԴՄ չունենք, երկու գործունեության համար հաշիվ պիտի գրեմ: Կանխավ շնորհակալություն։

Միկրոյից անցում շրջ․ հարկի

Լուսինե․

Բարև ձեզ, Երևան քաղաքում գործող գեղեցկության սրահ է, աշխատում է միկրոհամակարգում, պլանավորում է 2-3 ամսից նյութերի ներմուծում և վաճառք։ Կարո՞ղ եմ հունվարին տալ միկրոձեռնարկատիրություն համարվելու դիմում, իսկ հետո անցնել շրջհարկի։

Ֆրիլանս լրագրող

Նարինե․

Բարև ձեզ։

ԱՁ-ն լրագրող է, ով ֆրիլանս տարբերակով աշխատում է այլ պետության հետ, նյութեր է մշակում և փոխանցում։ ԱՁ-ն կարո՞ղ է աշխատել միկրոձեռնարկատիրության համակարգում, թե՞ ոչ ։

Մետաղադրամով շահագործվող սարք

Սուսաննա․

Բարև ձեզ, հարգելի հաշվապահներ։ Խնդրում եմ պարզաբանել արդյո՞ք մետաղադրամով շահագործվող ապարատով սուրճի վաճառքը համարվում է միկրոձեռնարկատիրությամբ հարկվող սուբյեկտ։ Եթե այո, կարո՞ղ եք տալ հղում օրենքին։

ԱՁ-ն հոգեբանական խորհրդատվությամբ է զբաղվում

Գոհար․

Հարգելի գործընկերներ, խնդրում եմ օգնել․ արդյո՞ք Ա/Ձ-ն, ով հոգեբանական խորհրդատվությամբ է զբաղվում, կարող է համարվել միկրոձեռնարկատիրության սուբյեկտ։

Երկրորդ գործունեություն

Աստղիկ․

Մերը վարսավիրանոց է, ուզում ենք սկսել երկրորդ գործ՝ բանկային քարտերի պատրաստում։ Խնդրում եմ ասեք՝ կարո՞ղ եմ որպես միկրոձեռնարկություն աշխատել ու նույն ՀԴՄ -ով, կանխավ շնորհակալություն։

Իրական շահառուների հայտարարագիր միկրոձեռնարկատիրության դեպքում

Տաթև․

Բարև ձեզ, հարգելիներս: ՍՊԸ-ն աշխատում է միկրոյի դաշտում, հիմնադիրը (սեփականատերը) և տնօրենը նույն անձն է: Այս դեպքում Իրական շահառուների մասին հայտարարագիրը նույնպե՞ս պետք է ներկայացնել: Կանխավ շնորհակալ եմ:

Միկրոձեռնարկատիրության հաշվետվություն

Մարի․

Հարգելիներս, նախ շնորհակալություն հարցերին արագ և հստակ պատասխան տալու համար:

Հիմա հարցս` ՍՊԸ-ն համարվում է միկրոձեռնարկատիրության սուբյեկտ, գրանցված է միայն տնօրենը, այլ գրանցված աշխատող չունի, նշեմ նաև, որ գործունեությունը իրականացնում է մարզում, 79.11.0 դասակարգչի տակ է աշխատում, 257 ձևը հանձնել ենք 2023թ․ համար, կարելի է ասել 2022թ․ եկամուտ չի ունեցել, տնօրենի 189 ձևը 0-ական է լրացվել, միայն դեկտեմբերին կատարել է մեկ աշխատանք, որի համար հաշիվ է դուրս գրել, որպես հաշվարկային փաստաթուղթ: Դա է եղել միակ արված գործը:

Հիմա 256 ձևի մեջ այդ դուրս գրված հաշվի թիվը պե՞տք է գրենք։ Նաև խնդրում եմ ասեք՝ ՍՊԸ-ն տարեկան դրոշմանիշային վճար 18 000 վճարու՞մ է, թե՞ ոչ:

Մի բան էլ ավելացնեմ, որ տարածք է վարձակալել, որպես աշխատանքային սենյակ, վարձատու կողմը հաշիվ է դուրս գրել, մենք ամեն ամիս անկախ այն բանից, որ եկամուտ չենք ունեցել, այդ վարձը վճարել ենք:

Թանկարժեք քարերի մշակում

Ռուզաննա․

Հարգելի հաշվապահներ, C32122՝ այլ թանկարժեք քարերի (բացի ադամանդներից) և կիսաթանկարժեք քարերի մշակում, տնտեսական գործունեության դասակարգիչով գործունեությունը կարո՞ղ է աշխատել միկրոհամակարգով։

ԱՁ-ն միկրոձեռնարկատիրության դիմում չի ներկայացրել

Mari.

Բարև Ձեզ, մի հարց ունեմ։ Եթե ԱՁ-ն միկրոձեռնարկատիրության դիմում չի ներկայացրել, ավտոմատ ԱԱՀ-ի դաշտում է հայտնվել, տարվա ընթացքում ոչ մի գործարք չի արել, նաև հաշվետվություն չի ներկայացրել։ Հիմա նախորդ տարվա 12 ամիսների ԱԱՀ-ները 0-ական ներկայացնե՞մ։

Արդյո՞ք դիմացի կողմը միկրոբիզնես է

Արամ․

Բարև Ձեզ, կոլեգաներ։ Ինչպե՞ս պարզել՝ դիմացի կողմը միկրոձեռնարկատիրության սուբյեկտ է, թե՞ ոչ, և կարո՞ղ ենք արդյոք նրա կողմից դուրս գրված հաշիվը ծախս ճանաչել։

Միկրոձեռնարկատիրության հաշվետվություններ

Արտյոմ․

Բարև ձեզ, խնդրում եմ ասեք․ միկրոյի դաշտում աշխատող ԱՁ-ն բացի 256 ձևից, 240-ը և 244 ձևերն է՞լ է լրացելու։ Շնորհակալություն։

Հանրային սնունդ մարզում

Մանե․

Բարև ձեզ։ Հանրային սնունդ իրականացնող ԱՁ մարզերում միկրոյի դաշտում կարո՞ղ է աշխատել։

Միկրոն գերազանցել է 24 մլն շեմը

Լուսինե․

Խնդրում եմ ասել, եթե միկրոյի տարեկան շրջանառությունը 2022թ․ համար 24 մլն անցել է 957 000 դրամով, ի՞նչ պետք է անեմ։

Նվազագույն ժամավարձ

Դիանա․

Բարև ձեզ, հարգելիներս, խնդրում եմ ասել՝ արդյո՞ք փոխվել է ժամավարձով վարձատրության նվազագույն ժամավարձի չափը։ Եթե այո՝ երբվանի՞ց և որքա՞ն է դարձել։ Մի հարց էլ՝ խնդրում եմ ասել, եթե գործունեությունը դադարեցրած է, միկրոյի հայտարարությունը տալու՞ է վերսկսման ժամանակ։ Նախապես շնորհակալ եմ, և շնորհավորում եմ բոլորի Ամանորը և Սուրբ ծնունդը։

Վարձակալությունը որպես միկրո

Արմեն․

Բարև Ձեզ։ 2023թ-ից վարձակալությունը կարո՞ղ է միկրոձեռնակատիրության հարկման դաշտում գործել։

Սոց․ վճար միկրոյի դեպքում

Քրիստինե․

Բարև ձեզ։ Միկրոձեռնարկատերերը կուտակային վճար կատարու՞մ են, կամ սոցիալական վճար։

Վարձակալության պայմանագիր չկա

Lilia.

Բարև ձեզ։ Վարձակալության հետ է կապված հարցս․ եթե մարզում աշխատող խանութը միկրոձեռնարկատիրություն է, վարձով է տարածք վերցրել, բայց պայմանագիր չկա, մեր համար դա խնդի՞ր է, թե՞ պետք է վարձատուն մտածի, ու երկրորդ՝ եթե անհատույց պայմանագիր է կնքում ԱՁ-ն ֆիզ անձի հետ, հարկ չի առաջանում, չէ՞։

Անշարժ գույքի բրոքերային ծառայություն

Գուրգեն․

Բարև Ձեզ, ճի՞շտ եմ հասկանում, որ այս տարվա հունվարի 1-ից անշարժ գույքի վարձակալության միջնորդական գործունեությունը միկրոձեռնարկատիրություն չի համարվելու: Եթե այո, ապա ո՞ր հարկատեսակով է հարկվելու։ Ի՞նչ խորհուրդ կտաք։

Շահաբաժնի վճարում

Սյուզի․

Բարև Ձեզ: Խնդրում եմ ասացեք՝ նշվածներից ո՞ր դեպքում է ՍՊԸ-ն վճարում շահաբաժին, եթե այն գործում է ՝ 1. Ընդհանուր հարկման 2. Շրջհարկի 3. Միկրոձեռնարկատիրության հարկման դաշտում:

Իմ իմացությամբ նշվածներից միայն 1. Ընդհանուր հարկման դեպքում է ՍՊԸ-ն վճարում շահաբաժին: Խնդրում եմ գրեք Ձեր կարծիքը:

Միկրոձեռնարկատիրություն 2023

Արման․

Հարգելի գործընկերներ, փաստորեն ճի՞շտ եմ հասկանում, որ 2023թ-ի հունվարի 1-ից միկրոձեռնարկատիրության սուբյեկտները խնդիր են ունենալու իրենց հաճախորդների հետ՝ կապված միկրոյի կողմից դուրս գրված հաշիվները որպես ծախս ճանաչելու սահմանափակման հետ։

Եվ փոփոխությունների հետ կապված, նաև՝ միկրոձեռնարկատիրության սուբյեկտի աշխատակիցների աշխատավարձը հաշվարկվելու է նու՞յն կարգով, ինչ մնացած հարկային դաշտերում աշխատողներինը, այսինքն՝ եկամտային հարկը լինելու է 20 տոկո՞ս, ոչ թե 5 000 դրամ։

Իսկ էլ ի՞նչ փոփոխություններ կան միկրոձեռնարկատիրության համար։

Մայրության նպաստ միկրոյի դեպքում

Մանե․

Բարև Ձեզ։ Անհատ ձեռնարկատերը, ով հղի է, աշխատում է միկրոյով և ունի 1 վարձու աշխատող։ Կստանա՞ արդյոք պետբյուջեից ժամանակավոր անաշխատունակության և մայրության նպաստ։ Ինչպես նաև՝ Ա/Ձ֊ն պե՞տք է դադարեցվի։

Եթե օրենքն ընդունվել է առաջին ընթերցմամբ

Կարեն․

402-11.10.2022-ՏՀ-011/1 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՕՐԵՆՍԳՐՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. Հայաստանի Հանրապետության 2016 թվականի հոկտեմբերի 4-ի հարկային օրենսգրքի (այսուհետ՝ Օրենսգիրք) 113-րդ հոդվածի 1-ին մասում լրացնել հետևյալ բովանդակությամբ 8-րդ կետ.

«8) Օրենսգրքով սահմանված կարգով միկրոձեռնարկատիրության սուբյեկտ համարվող հարկ վճարողներից ձեռք բերված ապրանքների, ստացված ծառայությունների, ընդունված աշխատանքների գծով կատարվող ծախսերը, ինչպես նաև Օրենսգրքով սահմանված կարգով միկրոձեռնարկատիրության սուբյեկտ համարվող հարկ վճարողներից անհատույց օգտագործման վերցված շենքերի, շինությունների (այդ թվում` անավարտ, կիսակառույց), բնակելի կամ այլ տարածքների, հողամասերի գծով սույն բաժնով սահմանված կարգով հաշվարկվող ծախսերը:»:

Սա սպասվող օրենսդրական փոփոխություն է, գրված է՝ առաջին ընթերցում։

Հարց։ 1․ Այսինքն արդեն ընդունվե՞լ է, ո՞նց հասկանամ։ Ո՞նց ա ընթացակարգը՝ պե՞տք է էլի ընթերցում լինի, որ վերջնական ընդունեն։

Հարց։ 2 Նման փոփոխությունները առաջինը ո՞ր կայքում են հրապարակվում:

Հաշվի դուրս գրում միկրոյի դեպքում

Մարի․

Բարրև Ձեզ: Հարգելիներս, խնդրում եմ պատասխանեք․ մարզում աշխատող ԱՁ-ն, որը զբաղվում է մանրածախ առևտրով` խաղալիքներ, ծննդյան տոնի պարագաներ, գրենական պիտույքներ, համարվում է միկրոձեռնարկատիրության սուբյեկտ, կարո՞ղ է արդյոք ֆակտուրա դուրս գրել: Թե՞ պետք է հարկայիրն դաշտը փոխի, օրինակ՝ շրջ հարկով աշխատի, որ կարողանա ֆակտուրայով ապրանք վաճառել, օրինակ, դպրոցներին:

Օնլայն առևտուրը որպես միկրոձեռնարկատիրություն

Դավիթ․

Բարև ձեզ։ Ես արդեն մի 10 օր է որպես Ա/Ձ եմ գրանցվել։ Զբաղվելու եմ շարֆերի և գլխարկների արտադրությամբ։ Արտադրանքը վաճառելու եմ Instagram, Facebook, և Liooli.am հարթակներում միայն անկանխիկ եղանակով։ Խնդրում եմ ասեք՝ կարո՞ղ եմ ես միկրոձեռնարկություն լինել, և ՀԴՄ սարք պե՞տք է, թե՞ ոչ։ Իսկ եթե ՀԴՄ սարք պետք չի, ի՞նչ էլեկտրոնային համակարգով է իմ շրջանառությունը տեսնելու հարկայինը։

ՏՏ ոլորտի գործունեություն

Մարինե․

Բարև ձեզ, հարգելի հաշվապահներ։ Նախապես ներողություն եմ խնդրում շատ հարցեր հղելու համար։ Գործող ԱՁ-ն ուզում է դադարեցնել գործունեությունը և բացել ՍՊԸ ու դիմել հավաստագրի համար։ Զբաղվելու է ֆրիլանս ծրագրավորմամբ։ ԱՁ-ն 1 տարի է ինչ գործում է որպես միկրոձեռնարկատիրություն։ Դասավանդում է։ Ունի մեկ աշխատող։ Նախկինում ցավոք չի դիմել հավաստագրի համար։

1․ Կարո՞ղ է ՍՊԸ-ի հիմնադիրը լինել մեկ ուրիշ մարդ։ Հաճախորդները փոխանցելիս կարո՞ղ են պատճառաբանել, որ հիմնադիրը այլ մարդ է, և չեն կատարի փոխանցում։ Թե՞ ՍՊԸ-ի դեպքում փոխանցումը չի սուբյեկտիվացվում։

2. Կարո՞ղ է ԱՁ-ի հիմնադիրը դառնալ ՍՊԸ-ի տնօրեն այն դեպքում, երբ գրանցված աշխատող է հանդիսանում այլ ընկերությունում։

3. Այս դեպքում ՍՊԸ-ն կարո՞ղ է դիմել հավաստագրի համար։ Աշխատող ունենալ / չունենալու խնդիր կարո՞ղ է լինել։

4․ Եթե ԱՁ-ով շարունակի, ապա պե՞տք է փոխել գործունեության տեսակը – շրջանառության հարկ։ Այդ դեպքում որքա՞ն տարեկան տոկոս պետք է ԱՁ-ն վճարի

5․ ԱՁ-ն մեկ տարի գործելուց հետո կարո՞ղ է դիմել հավաստագրի համար։