Մելինե․

Հարգելի գործընկերներ, խնդրում եմ օգնել: Եթե ԱՁ-ն շրջհարկով է հարկվում, սակայն որևէ գործունեություն չի իրականացրել: Տարեվերջին ի՞նչ հաշվետվություններ և հարկային պարտավորություններ են առաջանում։ Նշեմ, որ ԱՁ-ն բացվել է 22.11.2022թ.-ին: Կանխավ շնորհակալություն։

Էլինա․

Խնդրում եմ օգնեք․ շրջհարկով աշխատող ՍՊԸ-ի համար շահաբաժնի հարկման բազան որոշելուց արդյո՞ք նվազեցվում են վճարված աշխատավարձերը։ Խնդրում եմ տալ ՀՕ հոդվածի հղում։ Կանխավ շնորհակալ եմ։

Էրիկ․

Բաևր ձեզ, հաշվապահներ, հարցս հետևյալն է․ բացել եմ ՍՊԸ, ուզում եմ շրջ. հարկով աշխատել, հանդիսանում եմ միջնորդ, invoicing-ով պետք է հաշիվ գրել միջնորդավճա՞րի համար։

Աննա․

ԵՏՄ արտահանելու համար ի՞նչ ընթացակարգ է, եթե կարելի մանրամասն: Շրջանառության հարկով է աշխատում ընկերությունը:

1.Արտահանելուց գրվու՞մ է հաշիվ, որի գումարը պետք է արտացոլվի շրջհարկի հաշվետվության մեջ

2. Պայմանագիրը միայն ռուսերեն լեզվով խնդիր չի՞ առաջացնի արտահանելուց

3. Մինչ արտահանելը պե՞տք է գրություն ուղարկել ՊԵԿ։ Եվ եթե այո, կա՞ ինչ-որ ձև, կարո՞ղ եք տրամադրել

Հայկ․

Բարև Ձեզ: Օրենքով սահմանված է, որ շրջանառության հարկի համակարգում գործող ԱՁ-ները դրոշմանիշային վճարը կատարելու համար հիմք են ընդունում շահութահարկի հաշվարկում գործունեության այդ տեսակների մասով շահութահարկ հաշվարկված լինելու հանգամանքը: Սա արդյո՞ք նշանակում է, որ 2022թ. հաշվառված ԱՁ-ն պետք է դրոշմանիշայինի վճարումը կատարի մինչև 2023թ. ապրիլի 20-ը տարեկան հաշվետվությունները ներկայացնելուց հետո:

Անա.

Բարև ձեզ, սիրելի հաշվապահներ։ Կխնդրեյի օգնել ինձ այս հարցերում։ 1․ Հարկային դաշտում ինչպե՞ս են հաշվում եռամսյակը (4-րդ եռամսյակը ներառու՞մ է նոյեմբեր, դեկտեմբեր, հունվար ամիսները)։ 2․ Եթե Ա/Ձ ՏՏ ոլորտում բացվել է հոկտեմբերի 26-ին, նոյեմբերի 10-ին ուղարկել եմ շրջհարկով աշխատելու դիմում, կարո՞ղ եք ասել՝ այս պարագայում պետք է 3-րդ եռամսյակի համար հաշվետվություն ուղարկել։ Շնորհակալություն

Белла.

Добрый день! Подскажите, пожалуйста, я собираюсь готовить кондитерские изделия на заказ на домашней кухне при статусе ИП. Я так понимаю – это входит в понятие общественное питание, мне будет необходимо платить налоги с оборота в конце года? И будет необходимо приобрести кассовый аппарат? И я собираюсь нанять одного работника, какой процент от его зарплаты нужно будет платить в качестве налога?

Անի.

Բարև Ձեզ, հարգելի կոլեգաներ։ Բժշկական սարքավորումների ներմուծմամբ և արտահանմամբ զբաղվող ՍՊԸ-ն կարո՞ղ է արդյոք աշխատել շրջանառության հարկի դաշտում, եթե իհարկե շրջանառությունը չի գերազանցում սահմանված 115.մլն.

Աննա.

Հարգելի հաշվապահներ, կանոնավոր ուղևորափոխադրում իրականացնող կազմակերպությունը, որն աշխատում է շրջհարկով, ցանկանում է ներմուծել ավտոբուս՝ 23 նստատեղ ունեցող՝ Վրաստանից։ Կասեք՝ ԱԱՀ -ից ազատվա՞ծ է։ Կանխավ շնորհակալ եմ։

Նարե․

Բարև Ձեզ, հարգելի հաշվապահներ։ ԱՁ–ն վերսկսել է իր գործունեությունը նոր հասցեում։ Լրացվել է ՀԴՄ–ի գրանցման 101 ձևը՝ գործունության տեսակը նշելով հանրային սնունդ։ Այժմ նույն հասցեում պետք է մատուցվի նաև հյուրանոցային ծառայություն։ Արդյո՞ք պետք է նորից ՀԴՄ–ի գրանցում տալ, թե՞ բավական է միայն շրջ․ հարկի հաշվետվության մեջ գործունեության տեսակների առանձնացումը։

Արմիդա․

Բարև ձեզ։ Եթե ՍՊԸ- ն հոկտեմբեր ամսին աշխատել է միկրոյի դաշտում, նոյեմբերից անցել է շրջհարկի, աշխատողի հոկտեմբերի աշխատավարձի հաշվարկը ո՞ր համակարգով պետք է հաշվել։ Կանխավ շնորհակալ եմ։

Տիգրան.

Ասացեք խնդրեմ՝ գազալցակայանը շրջհարկով աշխատելու դեպքում ակցիզային հարկը հանվու՞մ նոր է հարկվում շրջհարկով։

Երվանդ.

Բարև ձեզ: ՈՒնեմ երկու հարցեր.

1) Եթե շրջ. հարկով աշխատող ՍՊԸ-ի համար գնումներ է կատարում այդ ընկերության տնօրենը (գնորդ չկա), ապա նրա աշխատավարձը ներառվու՞մ է արդյոք շրջ. հարկի հաշվետվությունում՝ նշվող ձեռք բերումների գումարում։

2) Շրջ. հարկով աշխատող ՍՊԸ-ի գնված ապրանքների ներքին սպառումը ծախս համարվու՞մ է, թե` ոչ:

Նախապես շնորհակալ եմ:

Արա․

Շրջանառության հարկ վճարող եմ, սակայն սխալմամբ ներկայացրել եմ ավելացված արժեքի և ակզիզային հարկի միասնական հաշվարկ (թիվ 260 ձև), որի պարտավորությունը ես չունեմ: Ինչպե՞ս ես ուղղեմ սխալը, քանի որ ես շրջանառության հարկ վճարող լինելու ժամանակ չունեմ պարտավորություն 260 ձևը ներկայացնելու համար: Անհրաժե՞շտ է նույն հաշվարկը զրոյական տողերով ներկայացնեմ, թե ՞ դիմեմ ՊԵԿ՝ հաշվետվությունը չեղյալ համարելու համար:

Մերի․

Բարև ձեզ, մի հարց գործող հաշվապահներին.

Եթե շրջհարկով աշխատող ԱՁ-ն պետք է ինվոյս ուղարկի արտասահմանյան ընկերության, որի համար թարգմանչության ծառայություն է մատուցում, բացի հիմնական մաքուր ծառայության գումարից շրջհարկի 5%-ը պե՞տք է ներառվի այդ գումարի մեջ, այսինքն ո՞վ է այս դեպքում ԱՁ-ի հարկեր վճարողը լինելու` ԱՁ-ն, թե՞ այդ ընկերությունը։

Եվ 2-րդ հարցս. E- invoicing-ով հաշվի մեջ ինչպե՞ս պետք է գումարը գրվի` շրջհարկով, թե՞ առանց։

Մարիաննա.

Բարև ձեզ, հարգելի հաշվապահներ։ Ա/Ձ բացել եմ 2022-ի սեպտեմբերի 30-ին և գործունեությունը դրսի հետ է՝ ՏՏ ոլորտ։ Այս ամիս աշխատավարձը հաշվին կնստի և եռամսյակային շրջհարկ հունվարին կտամ։ Կարո՞ղ եմ նոյեմբերի 1-ով Ա/Ձ-ի ժամանակավոր կասեցում տալ։ Եվ եթե այդպես անեմ, 2023-ին մինչև ապրիլ 240 և 244 ձևերը միայն հոկտեմբեր ամսվա համար կլինի տա՞մ։ Կանխավ շնորհակալություն։

Մարի.

Բարև Ձեզ։ Եթե Ա/Ձ վարձակալած տարածքում է գործունեություն իրականցնում, կարո՞ղ է այդ վարձակալած տարածքի համար վճարած գումարները շրջանառության հարկից նվազեցնել:

Կարինե.

Ողջույն, բոլոր մասնակիցներին։ Ես կուզենայի ճշտել. այսօրվա դրությամբ ինչպիսի՞ գրանցամատյաններ են օգտագործում հաշվապահության մեջ, եթե կազմակերպությունը նորաբաց է, զբաղվում է զբոսաշրջությամբ (ավիատոմսեր, տուր․ փաթեթներ, թարգմանություն, գրին քարտի խաղ․ գրանցում,)։ ՍՊԸ է, հանդիսանում է շրջ․հարկատու և ունենք միայն դրամարկղի գիրք։ Գիտեմ, որ բավականին գրանցամատյաններ այլևս չեն օգտագործում։ Խնդրում եմ արձագանքել։ Կանխավ շնորհակալություն։

Հասմիկ․

Բարի երեկո, հարգելի կոլեգաներ։ Ա/Ձ, որը աշխատում է շրջանառության հարկով և J 62.01.0 դասակարգիչով: Աշխատում է ամերիկյան կազմակերպության հետ և ուղարկել է ինվոյսը, որ ստանա գումարը: Կարո՞ղ եք հուշել՝ ի՞նչ պետք է անել: Ծառայության մատուցման վայրը ՀՀ -ից դուրս է, գումարը ստանալու ենք դոլարով: Պե՞տք է ինքնահաշիվ գրել, որից կհաշվարկվի հարկը: Եթե ինչ որ բան թերի եմ գրել, խնդրում եմ ներողամիտ լինել: Ոլորտին ծանոթ չեմ: Կանխավ շնորհակալություն:

Շուշանիկ.

Բարև Ձեզ, հարգելի հաշվապահներ: Հարցս վերաբերվում է հիմնական միջոցի օտարման և ձեռք բերմանը: Եթե շրջ. հարկով աշխատող ՍՊԸ-ն վաճառում է տրանսպորտային միջոց, այնուհետև ձեռք է բերում այլ տրանսպորտային միջոց, ի՞նչ տեսակի հարկային պարտավորություններ են առաջանում ՍՊԸ-ի համար, և ի՞նչ հաշվետվություններ և հաշիվներ պետք է ներկայացնի ՍՊԸ-ն հարկային մարմին։ Նշեմ նաև, որ առք ու վաճառքը կատարվում է ֆիզիկական անձի հետ:

Մարի.

Բարև Ձեզ։ Եթե սեպտեմբերի 1-ից աշպատողի աշխատաժամը 1 ժամով կրճատել ենք, կարո՞ղ եմ արդյոք հայտը ուղարկել մինչև հոկտեմբերի 20-ը:
2. Եթե գրանցվել եմ Ա/Ձ՝ շրջանառության հարկով աշխատող, և դեռ օգոստոսից ոչ մի գործունեություն չեմ իրականացրել, պե՞տք է արդյոք 5 000 եկամտայինն ու սոցը ամսական վճարել, թե՞ տարեկան էլ կարող եմ վճարել։ Պարզապես գործունեություն չիրականացրած ամիսների համար չվճարեմ: Եվ պե՞տք է արդյոք նոյեմբերի 20-ին ուղարկեմ զրոյական հաշվետվություն:
Կանխավ շնորհակալություն

Նարեկ.

Բարև Ձեզ։ Շրջանառության հարկի դաշտում գործող Ա/Ձ-ն ավտոմեքենա է ներմուծել, որը խոտանված է և մաքսային թղթերի մեջ նշված է խոտանված: Արդյո՞ք պետք է շրջանառության հարկից որպես ծախս նվազեցվի դա։ Կխնդրեի նաև, դրա հետ կապված, ասեք ո՞ր հոդվածը կարդամ։

Արամ.

Բարև ձեզ: Ա/Ձ աշխատում է շրջանառության հարկով: Հանրային սննդի գործունեություն է իրականացնում: Ունի 3 գրանցված աշխատող, որոնց աշխատավարձերը կազմում են 100 000-ական դրամ, ներառյալ՝ հարկերը: Հարց 1. արդյո՞ք ծախսերի մեջ կարող է ներառվել ամբողջ 300 000 դրամ աշխատավարձը, որի մեջ ներառված է նաև դրոշմանիշային վճարը: Հարց 2. Ա/Ձ շահութահարկը և սոցի 5 000 դրամները կարո՞ղ է ներառվել, թե՞ ոչ։ Խնդրում եմ հստակ պատասխանել հարցին, հոդվածը copy paste չանել))
Կանխավ շնորհակալ եմ)))

Արմի․

Բարև բոլորին։ Եթե կարող եք՝ հարցին պատասխանեք օրենքի հղումով։ Շրջանառության հարկի դաշտում աշխատող ընկերությունը գնման ակտով ֆիզ. անձից ապրանք ձեռք բերելու դեպքում ի՞նչ պարտավորություններ են առաջանում իր համար (հասկանալի է՝ չի կարող պակասեցնել 4%-ով, քանի որ չհիմնավորված է, իսկ եկամտային հարկով ունի՞ պարտավորություն։

Հրանուշ.

Բարև Ձեզ: Խնդրում եմ պատասխանել հետևյալ հարցիս. ՍՊԸ-ն մատուցելու է մաքսային բրոքերային ծառայություններ, սկզբնական շրջանում աշխատելու է շրջ․ հարկով և ունենալու է 2 աշխատող։ Կտրամադրե՞ք տվյալ ոլորտի առանձնահատկությունների մասին տեղեկատվություն (հաշվետվություններ, հարկման դաշտ և այլն)։ Շնորհակաություն։

Լիլիթ.

Շրջանառության հարկման բազայով աշխատելու դեպքում հնարավո՞ր է տարեկան հաշվետվությունների հանձնումից հետո ձևավորվի շահութահարկ։

Նառա.

Բարև Ձեզ։ Կխնդրեմ օգնել հետևյալ հարցերում։
Կազմակերպություն է ուզում ստեղծվել, որը գործունեություն է ծավալելու հանրային սննդի ոլորտում, խոսքը մասնավորապես փոքր սրճարան բացելու մասին է։ Ի՞նչ քայլեր պետք է կատարվի հաշվապահի կողմից։
Փոքր-ինչ տեղյակ լինելով՝ ենթադրում եմ, որ պետք է գրանցվի ֆիրման, էլեկտրոնային ակտիվացումները կատարվի 20 օրվա ընթացքում, նաև առանձին ստանա լիցենզիա տարածքի հարկայինից, պետք է ձեռք բերի հդմ սարք…
(Եթե վերոնշյալում կան ճշգրտումներ խնդրում եմ նշել կամ հաստատել գրածս ինֆորմացիան)։
1. Ի՞նչ հարկեր է վճարվում ամսական և տարեկան։
1.1 վճարու՞մ է հաստատագրված վճար։
1.2 Հանրային սննդի դեպքում միկրո լինել ըստ օրենսդրության չի կարող և պետք է դիմել որպես շրջհարկ վճարո՞ղ։
2. Ի՞նչ հաշվետվություններ է ներկայացվում ամսական և տարեկան։
3. Որպես կանոն մինիմում ինչպիսի՞ աշխատավարձ է ունենում փոքր սրճարանի հաշվապահությամբ զբաղվող հաշվապահը:

Գոհար.

Բարև ձեզ, հարգելի հաշվապահներ։
1. Կարո՞ղ եմ հիմնադիր տնօրենի աշխատավարձը եկամտայինի հաշվետվության մեջ լրացնեմ 68 000դր և քանի՞ ժամ լրացնեմ շաբաթական աշխատանքային ժամը։
2. Հարգելի հաշվապահներ, արդյո՞ք միկրոձեռնարկատիրոջ կողմից դուրս գրվող հաշվարկային փաստաթուղթը հիմա կարո՞ղ եմ շրջհարկով գործող բանջարեղենի խանութի ծախսերում ընդգրկեմ։

Գայանե.

Ա/Ձ թարգմանչի համար չենք հասցրել ուղարկել շրջհարկով աշխատանքի դիմում, սակայն դեռևս որևէ գործունեությամբ չենք զբաղվել։ Ի՞նչ ձևով կարող ենք բողոքարկել հարկային դաշտի փոփոխության համար։ Ի՞նչ պատճառների դեպքում դիմումը կբավարարվի։ Ա/Ձ-ն գրանցվել է սեպտ 2-ին 2022թ․։

Սիմոն.

Հանրային սննդի ոլորտում է ԱՁ-ն գործունեությունը ծավալելու։ Շրջանառության հարկի հայտ պետք է տամ 201 դիմումով, ամսաթիվը նշում եմ այսօրվանը, ասում ա՝ “Հայտարարությունը կարող եք ներկայացնել մինչև ընթացիկ տարվա փետրվարի 20-ը”։ Ինչպե՞ս պետք ա հայտը ճիշտ ուղարկեմ, խնդրում եմ օգնեք։

Անուշ.

Բարև Ձեզ։ ՍՊԸ-ն բացվել է օգոստոսին։ Այս պահին եկամուտներ չունենք։ Ի՞նչ հաճախականությամբ է պետք հանձնել շրջանառության հարկի և եկամտային հարկի հաշվետվությունները։ Եկամտային հարկի հաշվետվությունների ո՞ր ձևերը պետք է հանձնել։ Ընկերությունը այլ աշխատողներ բացի տնօրենը չունի։ Եթե տնօրենը գնա ադմինիստրատիվ չվճարվող արձակուրդ, այս դեպքում պե՞տք է եկամտային հարկի հաշվետվություն հանձնել։ Այլ հաշվետվություններ պե՞տք է հանձնել բացի շրջանառության հարկի և եկամտային հարկի հաշվետվությունները։

Արփի.

Բարև Ձեզ։ Մեր կազմակերպությունը հունիս ամսին ձեռք է բերել ավտոմեքենա, իսկ հիմա ցանկանում ենք վաճառել ՌԴ քաղաքացու, պայմանագիրը կնքվել է, բայց ոչ նոտարական հաստատմամբ։ Ցանկանում էի իմանալ, հիմա պե՞տք է հաշվարկային հաշիվ դուրս գրել, թե՞ ուղղակի որպես օտարում ցույց տալ շրջ․ հարկի հաշվարկի մեջ։

Անուշ.

Բարև Ձեզ։ ՍՊԸ-ն բացվել է 2022թ. օգոստոսի 22-ին։ Գրանցվել ենք որպես շրջանառության հարկ վճարող, բայց տվյալ պահին ակտիվ գործունեություն չենք ծավալում, եկամուտներ չունենք։ Ի՞նչ հաշվետվություններ ենք պարտավոր հանձնել հարկային ծառայություն այս դեպքում։ Եվ առաջին անգամ ե՞րբ պիտի հանձնենք։

Հայկ․

Բարև Ձեզ, հարգելի մասնագետներ: Այսպիսի հարց ունեմ. ծառայությունների ոլորտի ընկերություն է, աշխատում ենք շրջհարկով, սակայն կանխատեսում եմ հոկտեմբեր ամսից անցնել ԱԱՀ համակարգ: Ծառայությունների մատուցման նպատակով կատարում ենք ձեռքբերումներ՝ նյութեր, վառելիք և այլն, որոնց ԱԱՀ-ն ներառել եմ ինքնարժեքի մեջ և ծախսագրել: Հիմա ունենք նյութական արժեքների մնացորդ: ԱԱՀ դաշտ անցնելու հետո այդ մնացորդ նյութական արժեքների ԱԱՀ-ն չե՞մ կարող հաշվանցել: Օրենքի ո՞ր հոդվածը նայեմ այս իրավիճակի հետ կապված:

Անահիտ.

Բարև Ձեզ։
Հանրային սննդի գործունեություն իրականացնող կազմակերպությունը շրջանառության հարկից կարո՞ղ է նվազեցնել՝
1.ՀԴՄ ամսական սպասարկման գումարը,
2.սփռոցների վարձույթ, լվացք, արդուկի գումարը,
3.հանրային սննդի և ոգելից խմիչքի վաճառքի թույլտվության, արտաքին գովազդի վճարները,
4. SMM-ի համար ստացված հաշվի և ֆեյսբուքին գովազդի համար վճարված գումարները:
Նախապես շնորհակալություն:

Ալինա.

Բարև Ձեզ։ Խնդրում եմ մի հարցում ինձ օգնեք։ Եթե շրջհարկով աշխատող կազմակերպությունը տվյալ պահին ունի 80մլ դրամ շրջանառություն՝ 28․09․2022թ., կկատարի 50մլ դրամի միանվագ գործարք (անշարժ գույքի վաճարք) և դուրս կգրվի հաշիվ վավերագիր, որը կներառվի 3 եռ. շրջհարկի հաշվարկի մեջ, հարկը կհաշվարկվի 10% և կփոխանցվի օրենքով սահմանված կարգով։ Խնդրում եմ ասեք՝ թե ո՞ր պահից կփոխվի կազմակերպության հարկման դաշտը, սեպտեմբերի 28․09․2022թ-ից, թե՞ 01․10․2022թ.-ից։ Եթե կարող եք՝ հղումը գրեք։
Շնորհակալություն

Թամ.

Շրջանառության հարկի համակարգից հարկման ընդհանուր համակարգ անցնելիս՝ ծախսերի գծով չնվազեցված մասը ինչպե՞ս է ներառվում շահութահարկի հաշվարկում։

Անի.

Բարի լույս ձեզ։ Ինձ կասեք՝ ես ճի՞շտ եմ հասկանում. ՀՕ 254 և 255 հոդվածները, շրջհարկով աշխատող մի ՍՊԸ-ի հիմնադիրը կարո՞ղ է ուրիշ ՍՊԸ բացել և աշխատել նորից շրջհարկով, եթե շեմը չի անցնում՝ 115մլն դրամը։

Լիլիթ.

Սպը-ն աշխատում է շրջ․ հարկի դաշտում, նախագծերի վաճառաքից ստացված եկամուտը կարո՞ղ ենք հարկերը հանել մնացած մասը աշխատավարձ տալ, թե՞ կարող ենք որոշ մասը թողնել հետո որպես շահաբաժին վճարել։ Հարցս հենց շահաբաժնին է վերաբերվում՝ արդյո՞ք շրջհարկով աշխատելու դեպքում կարող ենք հիմնադրին շահաբաժին վճարել։ Նախապես շնորհակալ եմ։

Գրիգոր.

Կազմակերպությունը աշխատում է շրջանառության հարկով: Վաճառում է մեկ անվանում հիմնական միջոց (անշարժ գույք), որի արժեքը 120 մլն. դրամ է, այսինքն՝ գերազանցում է 115 մլն.: Ինչպե՞ս կկատարվի հարկումը, ո՞ր մասով կդառնա ԱԱՀ վճարող:

Գոհար.

Բարև ձեզ, հարգելի հաշվապահներ։ Խնդրում եմ օգնեք․ Ա/Ձ-Ն ցանկանում է զբաղվել բանջարեղենի օնլայն վաճառքով, ունի կայք՝ բացած, կարո՞ղ է գործել շրջհարկով, հդմ պե՞տք է ունենա, գրանցված աշխատող պիտի՞ լինի։ Նաև խնդրում եմ ասեք այդ օնլայն հդմ-ն ինչպե՞ս է գործածվում։

Ալլա.

Բարև Ձեզ։ ՍՊԸ աշխատում է շրջհարկով, դրամարկղի գումարից ուզում է իր բանկի հաշիվը համալրի հարկեր մուծելու նպատակով, անպայման պետք է բանկում համալրում անի՞։ Եթե տնօրենն իր անձնական իդրամի հաշվից համալրի ՍՊԸ-ի հաշիվը, ի՞նչ խնդիրներ կարող են առաջանալ։
Եվս մեկ հարց. ՍՊԸ աշխատում է շրջհարկով, անշարժ գույքի օտարումից առաջացած գումարը կանխիկացնում է և մուտք անում դրամարկղ, ի՞նչ գործողություններ պետք է արվեն դրանից հետո՝ վերադարձ որպես շահաբաժին՝ ի՞նչ չափով, հարկում 5%…

Արա.

Հարգելի հաշվապահներ, մի հարց ունեմ կապված համատեղ գործունեության հետ։ ԱԱՀ վճարող և շրջ․ հարկ վճարող ընկերությունները ցանկանում են համատեղ մասնակցել պետական տենդերի։ Ըստ էության աշխատանքների կատարումը կատարվելու է շրջ․ հարկ վճարող ընկերության կողմից, իսկ ԱԱՀ վճարողը միայն պայմանագրով սահմանված %-ի դիմաց տալու է իր լիցենզիան։ Ըստ 32-րդ հոդվածի 3-րդ մասի հարկայինում հաշվետու անձ լինելու առավելությունը տրվում է ԱԱՀ վճարողին, բայց այս պարագայում ինչպե՞ս է կատարվելու հարկերի վճարումը և՛ շրջ․ հարկ վճարող ֆիրմայի դեպքում, և՛ ԱԱՀ վճարողի դեպքում։ Նշեմ նաև, որ գործերը ըստ պայմանագրի վարվելու են շրջ․ հարկ վճարող ընկերության կողմից։ Կխնդրեի տալ մանրամասն պատասխան։ Նախապես շնորհակալություն։

Հայկ.

Բարև Ձեզ: Շրջհարկով աշխատող ՍՊԸ-ն ֆիզ. անձին ենթավարձակալության է տալիս տարածք, այս դեպքում ի՞նչ հարկեր կառաջանան: Եվ արդյո՞ք կա նվազագույն գին, որից պակաս չի կարող պայմանագիրը կնքվել: Կնդրեմ օգնեք:
Շնորհակալություն։

Կարմեն.

Բարև Ձեզ, հարգելի ընկերներ։ Զբաղվում ենք ավիատոմսերի վաճառքով։ Աշխատում ենք շրջ. հարկով, ՀԴՄ ենք խփել, ճիշտ այն գումարը, որը տոմսի արժեքն էր, բայց մեզ մոտ շփոթություն է առաջացել։ Մեր շահույթը դրանից 5000 ՀՀ դրամ է, սակայն ՀԴՄ ենք խփել ու ուզում ենք իմանալ, մենք հարկ վճարելու ենք մեր շահութահարկից, թե՞ տոմսի արժեքից։

Անի.

Բարև Ձեզ, հարգելի հաշվապահներ։ Ա/Ձ բացվել է 2014 թվականից, բայց գործունեություն չի ձեռնարկվել, իսկ 01.08.2022թ. որոշել ենք աշխատենք, հիմա բացել ենք e-invoicing և օնլայն հաշվետվությունը, բայց չեմ կարողանում հայտարարություն տամ, որ աշխատելու ենք շրջհարկով և ՀԴՄ գրանցեն, ֆայլերը ակտիվ չեն: Կարո՞ղ եք ուղղություն ցույց տալ՝ ի՞նչ անեմ։ Նախապես շնորհակալություն։

Աննա.

Եթե ընկերությունը, որն աշխատաում է շրջանառության հարկով, կատարելու է մարդատար տրանսպորտային միջոցներով միջպետական ոչ կանոնավոր ուղևորափոխադրումների միջնորդական գործունեություն, ապա այդ դեպքում ինչպե՞ս է ցույց տրվելու միջնորդի շրջանառությունը։

Ռոման.

Բարև ձեզ: Կազմակերպությունը զբաղվում է առևտրի առք ու վաճառքի գործունեությամբ՝ շրջանառության հարկի դաշտում: 2022 թվականի 1 եռամսյակում ստացել է ապրանքի հաշիվ 50 000 դրամ, 2022 թ. 2 եռամսյակում տվյալ հաշվից 20 000 դրամի ապրանքը ետ է վերադարձվել: Տվյալ դեպքում 20 000 դրամը պե՞տք է նվազեցնել 2-րդ եռամսյակի ձեռքբերման գումարից, թե՞ պետք է 1-ին եռամսյակի հաշվետվությունը ճշգրտել։

Գայանե.

Հարգելի հաշվապահներ, կխնդրեմ օգնել այս հարցում. ընկերությունն աշխատում է շրջանառության հարկով, դրամարկղի այս օրենքը վերաբերվու՞մ է շուկայից արված առևտրին, և արդյո՞ք գնման ակտում նշվելու դեպքում սպասվում է տուգանք։ Շնորհակալություն

Ռոման․

Բարև ձեզ: Առևտրական առք ու վաճառքով զբաղվող ԱՁ-ն աշխատում է շրջանառության հարկի դաշտում: Արդյո՞ք վարձու աշխատողի աշխատավարձը կարող է ներառել ծախեսրի մեջ և հարկի գումարից նվազեցնել։