Կայք հաշվապահների համար և ոչ միայն…
Սաթենիկ.
Հարգելի մասնագետներ, խնդրում եմ ինձ բացատրեք. եթե ես աշխատանքի եմ ընդունվել, և գործատուն ինձ հետ աշխատանքային պայմանագրի փոխարեն կնքել է ծառայությունների մատուցման պայմանագիր, ապա ես կարո՞ղ եմ պահանջել, որ աշխատանքային գրքույկումս կատարվի գրառում կատարվող աշխատանքի մասին, և արդյո՞ք այդ ժամանակահատվածը հաշվարկվելու է իմ աշխատանքային ստաժում:
Կանխավ շնորհակալություն:
Աննա.
Բարև Ձեզ, հարգելի հաշվապահներ: Ինձ մի հարց է հետաքրքրում: Եթե ուսուցիչը դպրոցում աշխատել է ընդամենը 2 ամիս և հղիացել, նա իրավունք ունի՞ օգտվելու ֆիզարձակուրդից: Նա մինչև դպրոց մտնելը աշխատել է ինչ-որ այլ կազմակերպությունում: Որքա՞ն է ֆիզից օգտվելու անհրաժեշտ ստաժը տվյալ հիմնարկում: Նախապես շնորհակալ եմ:
Սյուզի.
Ա/Ձ-ն հաշվառվել է 1997թ.-ին: Մեկ տարի գործունեություն անելուց հետո դադարեցվել է: 2012թ.-ին նորից վերահաշվառվել է: Արդյո՞ք պետք է անհատական հաշիվ բացելու և ստաժի վերաբերյալ տեղեկություն ուղարկել սոցին: Եվ մեկ հարց էլ. եթե ֆիզ. անձը կատարում է կազմակերպության համար թարգմանություն մոտ մեկ ամիս ու կես տևողությամբ, քաղաքացիաիրավական պայմանագիր պե՞տք է կազմել այդ անձի հետ: Այդ դեպքում դարձյա՞լ պետք է հայտ ներկայացվի սոցապին: Չէ՞ որ նա կազմակերպության աշխատողը չի, աշխատավարձ չէ, այլ աշխատանքի դիմաց վարձատրություն, ենթադրենք՝ 100 000 դրամ: Գործատուի սոց. վճար և եկամտահարկ է փոխանցվել: Եվ արդյո՞ք անհրաժեշտ է այդ ամսվա համար եկամտահարկի եռամսյակային հաշվետվություն ներկայացվի, եթե Ա/Ձ է: Խնդրում եմ, եթե հնարավոր է, բոլոր հարցերին պատասխանեք: Կանխավ շնորհակալ եմ:
Յուրի.
Բարև ձեզ: 2009 թվականից աշխատում եմ Երևան քաղաքում, ԱՁ մոտ: Նա ասել է, որ ինձ գրանցել է որպես աշխատող և ամեն ամիս սոց. վճարումներ է կատարում: Ես լուրջ կասկածներ ունեմ, որ նա ստում է: Խնդրում եմ ասացեք, ես ինչպե՞ս և որտեղի՞ց կարող եմ ճշտել` արդյոք նա մուծումներ կատարում է, արդյոք իմ ստաժը ավելանում է: Աշխատում եմ Երևանում, բայց գրանցված եմ ՀՀ այլ քաղաքում: Նախապես շնորհակալություն:
Խաչատուր.
Հարգելի հաշվապահներ, եթե Ա/Ձ 1995թ.-ից գրանցված է հարկային տեսչությունում, ինչի մասին փաստում է հարկային տեսչությունից տրված տեղեկանքը, սակայն չգիտես ինչու մուծումների մասին 1995-ից մինչև 2005թ.-ը տեղեկատվություն չեն տրամադրում` պատճառաբանելով, որ տեղեկատվություն չունեն: Այժմ Ա/Ձ-ն անցնում է թոշակի, և տարածքային կենսաթոշակային հիմնադրամը պահանջում է 1995թ.-ից մինչ թոշակի անցնելու օրը Ա/Ձ-ի կողմից մուծած կտրոնները:
Հարց. Ա/Ձ-ի վկայականը, որը գրանցված է հարկային տարածքային մարմնում, արդյո՞ք չի կարող հիմք հանդիսանալ աշխատանքային ստաժը 1995թ-ից հաշվարկելու համար:
Գայանե.
Հարգելի գործընկերներ, նոր աշխատողին տրամադրվել է աշխատանքային գրքույկ: Նա միջին մասնագիտական կրթություն ստանալուց հետո ընդունվել է մեզ մոտ: Այլ տեղ չի աշխատել: Գրքույկում լրացվել է ուսման տարիները (դիպլոմի համարը) և անմիջապես հետո մեր ընկերությունում ընդունումը: Գրառում, որ մինչ մեզ մոտ աշխատելը աշխատանքային ստաժ չունի, չի կատարվել, քանի որ ուսման տարիները համարվում են ստաժ: Արդյո՞ք դա սխալ է: Շնորհակալություն:
Khatchatur Melqonyan.
Հարգելի հաշվապահներ, ԱՁ-ն գրանցվել է 1995թ.-ից և աշխատել հաստատագրված վճարով, բարեխիխճ վճարել է վճարները, ինչի մասին փաստում է տարածքային հարկային տեսչության կողմից տրված տեղեկությունը մուծումների մասին: Նշեմ, որ ԱՁ-ի թոշակային տարիքը լրացել է մի քանի օր առաջ, սակայն տարածքային կենսաթոշակային հիմնադրամը պահանջում է ներկայացնել 1995թ.-ից սկսված կենսաթոշակի մասով մուծումների անդորրագրերը, որպեսզի կենսաթոշակի հաշվարկման հիմք հանդիսանա 1995թ.-ը, հակառակ դեպքում տարածքային կենսաթոշակային հիմնադրամը հաշվարկում է թոշակը և հետևաբար աշխատանքային ստաժը 2002թ.-ից` մեկնաբանելով, որ իրենց բազան 2002-ից է: Խնդրում եմ ասել` արդյո՞ք տարածքային կենսաթոշակային հիմնադրամը գործում է օրենքի սահմանում:
Վալյա.
Բարև ձեզ: Քաղաքացիաիրավական պայմանագրերով կատարված աշխատանքի ժամանակահատվածը աշխատանքային ստաժ համարվու՞մ է, աշխատանքային գրքույկում լրացում կարելի՞ է կատարել, թե՞ ոչ:
Arsen.
Ես աշխատանքից ազատվել եմ բանակ զորակոչվելու պատճառով: Իմ աշխատանքային գրքույկում պատճառը նշված չէ: Խնդրում եմ ասեք` իմ ծառայությունը որպես աշխատանքային ստաժ հաշվարկվելու՞ է, թե՞ ոչ:
Կարեն.
Հարգելի հաշվապահներ, մի քանի հարց ԱՁ – ների վերաբերյալ:
ԱՁ – ն գրանցվել է և միակ աշխատողը հանդիասում է ԱՁ – ն:
Գրանցվելու համար պե՞տք է անհատական հաշվի բացման հայտ ներկայացնել և ստաժի հաշվետվություն: ԱՁ – ն գրանցվելով` արդեն իսկ չի՞ համարվի գրանցված աշխատող:
ԱՁ – ի եկամատահարկի և սոցի հաշվետվությունը եռամսյակայի՞ն է ներկայացվում, թե՞ տարեկան միայն:
Gohar.
Կարո՞ղ է արդյոք Ա/Ձ-ն հրաժարվել ամսական սոց. վճարները կատարելուց: Եթե այո, ապա ի՞նչ պետք անի Ա/Ձ դրա համար: Եվ արդյո՞ք տվյալ պարագայում խնդիրներ են առաջանում ստաժի հետ կապված: Շնորհակալություն:
Armine.
Հարգելի հաշվապահներ, ինձ կհուշե՞ք, թե որտեղ (այսինքն որ սոց-ում) պետք է հանձնել աշխատողի ստաժի հաշվետվությունը, եթե կազմակերպությունը գրանցված է Նոր-Նորքի ՀՏ-ում: Նախապես շնորհակալություն:
Էմմա.
Խնդրում եմ պատասխանել իմ հարցին: Ես աշխատել եմ հագուստի խանութում մոտ 5 տարի (11.09.2007 – 31.05.2008թթ. և 01.09.2008 – 15.03.2011թթ.) և միայն 16 օր եմ արձակուրդ գնացել, որի համար էլ, ցավոք, չի վճարվել արձակուրդային վճար: Աշխատանքից իմ կամքով ազատվելուց հետո պարզվեց, որ իմ աշխատանքային գրքույկում նշված է, որ տվյալ խանութում աշխատել եմ ընդամենը 4 ամիս: Այս պահին, բնականաբար, չեմ աշխատում այդ խանութում, արդեն 1 տարուց ավել է: Խնդրեմ, ասեք, ի՞նչ կարող եմ անել:
Հասմիկ.
Ներկայացնու՞մ է արդյոք ԱՁ-ն որպես տնօրեն իր մասին հաշվետվություն կամ տիտղոսաթերթ, ստաժի մասին հաշվետվություն: Ունի նաև մեկ աշխատող: Խնդրում եմ պատասխանեք` ինչպես է արվում դա:
Արտակ.
Հարգելի կոլեգաներ, ֆիզիկական անձը քաղաքացիաիրավական պայմանագրով աշխատում է որևէ կազմակերպությունում, և այդ կազմակերությունը տվյալ անձի համար անհատական սոցապ և եկամտահարկ է հաշվարկում ու վճարում:
Հարց`
1) այդ աշխատած տարիների համար ստաժ հաշվարկվու՞մ է, թե ոչ
2) ինչու՞ կազմակերպությունը այդ աշխատողի համար չի ցանկանում աշխատանքային գրքույկ լրացնել, արդյո՞ք դա օրենքի սահմաններում է
Կանխավ շնորհակալ եմ:
Liana.
Կազմակերպությունը ամեն նոր աշխատող ընդունելիս սոցապ բաժնի (մարզային) պահանջով ներկայացնում է ստաժի տեղեկանք, սակայն Երևանում նման բան վաղուց էլ չեն պահանջում: Խնդրում եմ ասել հրամանի համար և տարեթիվ, ըստ որի այլևս անհրաժեշտություն չկա ներկայացնել ստաժի տեղեկանք: Կանխավ շնորհակալ եմ:
Նիկա.
Ողջույն բոլորին: Մի խնդրանք ունեմ: Երեք ամիս է` այս հարցին լիարժեք պատասխան չեմ գտնում: Կա՞ արդյոք օրենքով սահմանված հատուկ ժամանակահատված մի կազմակերպությունում աշխատելու և դեկրետ դուրս դալու` համապատասխանաբար դեկրետային և երեխայի խնամքի նպաստ ստանալու համար: Խնդրում եմ օգնել հիմնավորված պատասխան գտնելու: Շնորհակալություն:
Անգելինա.
Բարև Ձեզ: Խնդրում եմ ինձ ասեք` նոր աշխատողներ ընդունելուց ստաժի մասին տեղեկություն սոցապին տրամադրելը պարտադի՞ր է, թե՞ ոչ: Կանխավ շնորհակալություն:
Ամալյա.
Հարգելի հաշվապահներ, խնդրում եմ կարո՞ղ եք ասել` ժամանակավոր անաշխատունակության ժամանակ հաշվարկված նպաստը աշխատանքային ստաժից կախվա՞ծ է, թե ոչ: Ես գիտեմ, որ կախված է, բայց օրենքում չեմ կարողանում գտնել այդ կետը:
Վիկտորյա.
Հարգելի գործընկերներ, եթե աշխատողը ժամանակավոր անաշխատունակությունից հետո գնում է մինչև 3 տարեկան երեխայի խնամքի համար արձակուրդի, արդյո՞ք այդ ժամանակահատվածը մտնում է իր ամենամյա արձակուրդի հաշվարկի մեջ: Քանի որ ՀՀ Աշխ. օր.-ի 20-րդ հոդվածում ասվում է`”Աշխատանքային ստաժը այն ժամանակահատվածն է, որի ընթացքում քաղաքացին եղել է սույն օրենսգրքով կարգավորվող աշխատանքային հարաբերությունների մեջ, ինչպես նաև այլ ժամանակահատվածներ, որոնք, նորմատիվ իրավական ակտերին կամ կոլեկտիվ պայմանագրերին համապատասխան, կարող են հաշվարկվել աշխատանքային ստաժում…:”
Իսկ 165 հոդվածի համաձայն` “Աշխատանքային տարում, որի համար տրամադրվում է ամենամյա արձակուրդ, ներառվում են`
…
2) այն ժամանակահատվածը, որի ընթացքում, օրենսդրությանը համապատասխան, պահպանվում են աշխատողի աշխատատեղը (պաշտոնը) և աշխատավարձը` ամբողջությամբ կամ մասամբ.”
Դեկրետի ժամանակ պահպանվում է աշխատողի աշխատավարձը և պաշտոնը և նույնիսկ այդ ժամանակահատվածում ինքը շարունակում է մնալ կազմակերպության աշխատակից, հետևաբար նա լինում է “սույն օրենսգրքով կարգավորվող աշխատանքային հարաբերությունների մեջ”:
Կարեն.
Հարգելի կոլեգաներ, հարցս վերաբերում է մինչև պարտադիր կենսաթոշակային ապահովագրության համակարգում հաշվառվելը աշխատողների ձեռք բերած ստաժի ձևաթղթի լրացմանը և հանձնմանը սոց. բաժին: Ո՞ր ամսաթվից հետո է, որ աշխատանքի ընդունված լինելու դեպքում այդ ձևաթուղթը պետք է ներկայացներ այդ կազմակերպությունը, այլ ոչ թե տվյալ` մեր կազմակերպությունը:
Տաթև.
Հարգելի կոլեգաներ, ես կանգնել եմ մի խնդրի առաջ և ունեմ Ձեր օգնության կարիքը: Տարվա սկզբից մինչ հիմա աշխատանքի եմ ընդունել 3 հիմնական աշխատողի, որոնց համար աշխատանքի պետական տեսչություն չեմ ներկայացրել ստաժի մասին ձևաթուղթը: Ի՞նչ տույժի կամ տուգանքի պետք է ենթարկվեմ, և 3 բացթողման համար ինչքա՞ն է տուգանքը, եռապատի՞կ:
ԱՐՄԻՆԱ.
Բարև ձեզ: Խնդրում եմ ինձ պատասխանել հետևյալ հարցիս: Մասնագիտությամբ հաշվապահ եմ, սակայն մասնագիտական ստաժ չունեմ: Ցանկանում եմ ձեռք բերել հաշվապահական լիցենզիա: Այդ լիցենզիան ունենալու համար արդյո՞ք անհրաժեշտ է ունենալ հաշվապահական ստաժ, և սկսնակ հաշվապահների համար կա՞ն արդյոք որևէ դասընթացներ` հետագայում հաշվապահական լիցենզիա ձեռք բերելու համար: Եթե հնարավոր է, տվեք ստույգ ինֆորմացիա: Կանխավ շնորհակալ եմ:
Լիլու.
Եթե աշխատողի անաշխատունակության թերթիկի միջին եկամուտը եղել է 130 000 դր, նախկինում 100 000 դր. գերազանցող մասը վճարվում էր 30%, այժմ այդ օրենքը կա՞, թե՞ ոչ, և եթե աշխատողը ունի 5 տարվա ստաժ, քանի՞ %-ով ենք հաշվարկում:
tatev.
Սիրելի հաշվապահներ, խնդրում եմ ինձ ասել, բարձրագույն հաստատությունում ուսման տարիները համարվում են փորձ, աշխատանքային գրքույկում գործատու՞ն է նշումներ անում փորձի վերաբերյալ, թե՞ տվյալ բուհը, որտեղ ավարտել եմ: Նախապես շնորհակալություն:
|
|
“Փաստաթղթեր” բաժնում ավելացվել է հետևյալ փաստաթուղթը.
|
Անահիտ.
Հարգելի հաշվապահներ, խնդրում եմ պատասխանել: Ի՞նչ է գրառվում առաջին անգամ աշխատողի գրքույկում համալսարանը ավարտելուց հետո:
Աննա.
Երբ անձը նույն հիմնարկում աշխատել է հունվարի 1-ից, ստացել է 16250 կեղտոտ աշխատավարձ, իսկ մարտի 31-ից – ապրիլի 15 ներկայացրել է հիվանդության վերաբերյալ անաշխատունակության թերթիկ, ինչքա՞ն է կազմում նրա աշխատավարձը: Երբ նրա ընդհանուր ստաժը 1տարի 10 ամիս է:
Susanna.
2010թ. դեկտեմբերի 30-ին 10 աշխատողներ աշխատանքից ազատվեցին պայմանագրի ժամկետը լրանալու պատճառով: Մայիսի 1-ից նորից նույն աշխատողներին պետք է ընդունենք աշխատանքի, ասացեք խնդրեմ, նրանց համար ձևաթուղթ պե՞տք է ներկայացվի սոցապ:
Մարինա.
Բարև ձեզ: Ունեմ 22 տարվա աշխատանքային ստաժ: 2010 թ. սեպտեմբեր ամսից չեմ աշխատում: Հիմա հղի եմ: Ասացեք խնդրեմ, արդյո՞ք ինձ հասնում է նվազագույն աշխատավարձի հնգապատիկը և երեխայի խնամքի նպաստ, թե՞ դրանք միայն ասեկոսներն են: Կանխավ շնրհակալ կլինեմ պատասխանի համար:
Դիանա.
Ես սկսնակ հաշվապահ եմ: Խնդրում եմ ասեք, թե որ դեպքում և ինչ ժամկետում է պետք ներկայացնել ձև 5 (ստաժի մասին) հաշվետվությունը:
Հելեն.
Բարև ձեզ, խնդրում եմ պատասխանել հարցիս, համալսարանում առկա սովորելու տարիները լրացվու՞մ են աշխատանքային գրքույկում, թե՞ ոչ, եթե այո, ապա ո՞վ է լրացնում: Շնորհակալություն:
Հասմիկ.
Խնդրում եմ օգնել պարզելու, ե՞րբ ուսուցիչը կարող է ստանալ մասնագիտական կենսաթոշակ, այսինքն, որ տարիքից և քանի տարվա ստաժ ունենալու դեպքում:
Մարիամ.
Հարգելի հաշվապահ,
Հարցս հետևյալն է.
Ցանկանում եմ երեք ամսով մեկնել իմ աշխատանքի հետ չկապված դասընթացների, կարո՞ղ եմ արդյոք պահպանել իմ աշխատատեղը, կհաշվարկվի՞ արդյոք այդ ժամանակամիջոցը որպես աշխատանքային ստաժ, ինչպե՞ս պետք է ձևակերպվի արձակուրդը: Խնդրում եմ նշել իրավունքի աղբյուրը:
Մարգարիտա.
Բարև Ձեզ, խնդրում եմ օգնել:
Վերջին գործատուն կորցրել է իմ աշխատանքային գրքույկը, իսկ նախորդ ընկերությունը, որտեղ ես աշխատել եմ մինչ այսօր, այլևս գոյություն չունի, և ես չունեմ ոչ մի ինֆորմացիա նրանց վերաբերյալ, չգիտեմ, ինչպես պետք է վերականգնեմ այդ տարիների աշխատանքային ստաժը: Բայց ունեմ հին աշխատանքային գրքույկի պատճեˋ 1 օրինակ: Ցավալի կլինի, եթե այդ տարիների աշխատանքն այդպես էլ վերականգնել չլինի, հնարավո՞ր է օգնել:
Հարգանքով,
Մարգարիտա:
Դիանա.
Բարև Ձեզ, ինձ մի հարց է մտահոգում, խնդրում եմ օգնել: Ես Կազախստանի քաղաքացի եմ, աշխատում և բնակվում եմ Երևանում, ունեմ աշխատանքային գրքույկ: Քանի որ Հայաստանի քաղաքացի չեմ, իմ աշխատանքը ստաժ կհամարե՞ն, թե ոչ: Նախապես շնորակալություն:
Armine.
Խնդրում եմ ինձ ասեք, բյուլետենի հաշվարկի ժամանակ, եթե ունի 5 տարվա ստաժ, ինչպե՞ս եմ պահում եկամտահարկ:
Աննա.
Հարգելի հաշվապահներ, ասացեք խնդրեմ, մեր հիմնարկի գործավարը ազատվել է աշխատանքից համաձայն իր դիմումի և գնում է: Նա ունի 35 տարվա ստաժ և 2010թ-ին արձակուրդ չի գնացել: Ասացեք խնդրեմ, ինչպե՞ս հաշվեմ նրա վերջնահաշվարկը:
Tatevik.
Մի հարց ունեմ , խնդրում եմ օգնեք
Ներկայացնում ենք արդյոք ստաժի ձևաթուղթը համատեղությամբ աշխատող աշխատակիցների համար:
Կանխավ շնորհակալ եմ….
Արմեն.
Բարև բոլորին…..երբ անհրաժեշտություն է առաջանում հաշվարկել աշխատողի անընդհատ աշխատանքային ստաժը արդյոք հաշվարկում են նրա` անընդհատ համարվող աշխատանքային ստաժերի հանրագումարը ,թե ամենամեծ տևողություն ունեցողը…նախապես շնորհակալություն
Աննա.
Բարև Ձեզ,հարգելի հաշվապահներ,խնդրում եմ օգնեք ինձ 3 հարցով.
1.Քաղաքացիաիրավական պայմանագրեր կազմելիս բացի հայտից նաև պետք է ստաժի ձևաթուղթ լրացնել?(Չնայած,որ աշխատանքային գրքույկում ոչինչ չենք գանցում)
2.Եթե կազմաերպությունը բացվելէ փետրվարին,իսկ ունի ծախսեր հիմնավորող ՀԴՄ կտրոններ հունվարին,ինչպես եմ գրելու դրամարկղային գրքի մեջ,դրամարկղային գրքի գրանցման ամսաթվով?
3.Եթե կազմակերպությունը ցանկանում է ավտոմեքենա վարձակալել,ինչպես սահմանել վարձավճարը և այդ գումարը վարձակալողի համար համարվում է ծախս,այն կարելի է հանել համախառն եկամտից???
Կանխավ շնորհակալ եմ պատասխանների համար
“Փաստաթղթեր” բաժնում ավելացվել են հետևյալ փաստաթղթերը.
Վերջին մեկնաբանություններ