Tag: վարձակալություն

Վարձակալած տարածք

Մարի.

Հարգելիներս, ՍՊԸ-ն գրանցված է հարկայինի դաշտում որպես միկրոձեռնարկատեր: Գրանցված աշխատողներ չունի, դեռ գործունեություն չի իրականացնում, տնօրենն էլ դեռ գրանցված չէ: Բայց ունի վարձակալած տարածք որպես աշխատանքային սենյակ: Վարձավճարի համար ուզում են ֆակտուրա դուրս գրեն, որ վարձը անկանխիկ վճարենք: Դա ինչպե?ս է լինելու, խնդրում եմ փորձառուները օգնեն հասկանամ:

Վարձակալությամբ տարածքների տրամադրում

Nora.

Բարև Ձեզ, բիզնես կենտրոնը վարձակալությամբ տարածքներ է տրամադրում: ԱԱՀ հաշվարկելիս արդյո՞ք պետք է առաջնորդվել 62 հոդվածի 9 կետի “կադաստրային շուկայական արժեքին մոտարկված կադաստրային արժեքի 80 տոկոսի”, թե՞ “անշարժ գույքի ընդհանուր մակերեսում վարձակալության կամ անհատույց օգտագործման հանձնված տարածքի մակերեսի տեսակարար կշռին համապատասխանող կադաստրային արժեքի 2.5 տոկոսի չափով”։

Վարձակալություն ֆիզ․ անձից

Բարև Ձեզ, հարգելի հաշվապահներ։ Եթե ԱՁ-ն վարձակալում է ֆիզիկական անձից տարածք, ապա 10% եկամտային հարկը արդյո՞ք վճարում է հենց Ա/Ձ-ն։

Ենթավարձակալություն

Հայկ.

Բարև Ձեզ: Շրջհարկով աշխատող ՍՊԸ-ն ֆիզ. անձին ենթավարձակալության է տալիս տարածք, այս դեպքում ի՞նչ հարկեր կառաջանան: Եվ արդյո՞ք կա նվազագույն գին, որից պակաս չի կարող պայմանագիրը կնքվել: Կնդրեմ օգնեք:
Շնորհակալություն։

Միկրոձեռնարկատիրության սուբյեկտ

Գոհար.

Բարև Ձեզ, հարգելի հաշվապահներ։ Անձը ցանկանում է բացել ՍՊԸ, որ զբաղվի մեքենաների վարձատվությամբ։ Կասե՞ք՝ արդյոք կարո՞ղ է գործել միկրոյով և ի՞նչ հարկային պարտավորություն ունի իր և աշխատողի համար։ ՍՊԸ ունենալու է դեռևս միայն տնօրեն։

Հարկային դաշտի ընտրություն

Անուշ.

Եթե ԱՁ-ն զբաղում է հեծանիվների վարձույթով/վարձակալությամբ: Արդյո՞ք կարող է համարվել միկրոձեռնարկատիրության սուբյեկտ:

Վարձակալությամբ տրված ՀՄ մաշվածություն

Ալլա.

Բարև ձեզ։ Խնդրում եմ օգնել՝ արդյո՞ք առևտրով զբաղվող կազմակերպությունը կարող է ամորտիզացնել վարձակալությամբ տրված սեփական հիմնական միջոցը, որը ոչ մի կերպ չի մասնակցում տվյալ կազմակերպության հիմնական գործունեությանը:

Եկամտային հարկի հաշվարկ

Մաշա.

Բարև Ձեզ, հարգելի հաշվապահներ։ Եթե Ֆիզ. անձը 30.05 տարածքի վարձակալության պայմանագիր է կնքել ՍՊԸ-ի հետ, տարածքը հանձման ընդունման ակտով ՍՊԸ-ն ընդունել է հունիսի 4-ին։ Կարող եմ արդյո՞ք ես հունիսի հաշվետվությամբ ցույց տալ վարձավճարից առաջացած եկամտային հարկը՝ հիմք ընդունելով հանձման ընդունման ակտի ամսաթիվը։ Կանխավ շնորհակալություն։

Վարձակալության պայմանագրի հետ կապված

Մաշա․

Հարգելի հաշվապահներ, ֆիզ․ անձը նույն հասցեում գտնվող երկու տաղավար վարձակալության է հանձնել երկու տարբեր կազմակերպությունների։ Նշեմ, որ Ֆիզ․ անձը բացի տվյալ տարածքի սեփականատերը լինելուց նաև նույն տարածքում իրականացվող առևտրային գործունեության (սուպերմարկետ) հիմնադիր տնօրենն է (կազմակերպաիրավական տեսակը ՍՊԸ, գործում է հարկման ընդհանուր համակարգում)։ Արդյո՞ք ճիշտ էր պայմանագրերը կնքել ֆիզ. անձով։ Կանխավ շնորհակալություն։

Վարձավճարի կանխիկ վճարում

Արտյոմ․

Ողջույն, խնդրում եմ օգնել․ կազմակերպությունը ֆիզ․ անձից վարձակալում է տարածք, վճարում է կանխիկ՝ եկամտային հարկը պահելուց հետո։ Ասացեք խնդրեմ՝ հուլիսի 1-ից հետո կարո՞ղ է շարունակել վճարել կանխիկ, թե՞ ոչ։ Շնորհակալություն։

Տարածք վարձակալությամբ

Անի.

Կասե՞ք, եթե սառցե սենյակ ունեմ, որը ցանկանում եմ վարձով տալ հարևաններիս, որ իրենց միրգը էնտեղ պահեստավորեն: Ա/Ձ պե՞տք է բացել և ի՞նչ հարկատեսակով եմ հարկվելու, քանի՞ տոկոս ու ի՞նչ վճարներ եմ տալու:
Շնորհակալություն

Վարձակալություն ֆիզ. անձից

Արմեն.

Հարգելի հաշվապահներ, եթե ՍՊԸ֊ն վարձակալել է տարածք ֆիզ. անձից, կա վարձակալական պայմանագիր, գիտեմ 10% եկամատային հարկ պետք է հաշվարկել և վճարել, իսկ գումարը վարձակալին կանխիկ վճարելիս` ինչ որ այլ փաստաթուղթ (ակտ) կա՞ ստորագրելու։

Հաշիվ վարձակալության համար

Մաշա․

Ողջույն, հարգելի հաշվապահներ։ Երբ մանրածախ առևտրային գործունեություն իրականացնող սուպերմարկետը, որը գործում է հարկման ընդհանուր համակարգում, վարձակալությամբ է հանձնում տաղավարներ, ԱՁ համարվող կազմակերպությունների ( բանջարեղենի , առևտուր , դեղատուն ), ճի՞շտ եմ հասկանում, որ տվյալ դեպքում սուպերմարկետի կողմից պետք է դուրս գրվի հարկային հաշիվ և հարկվի 20% ԱԱՀ։

Վերավարձակալության պայմանագրի ձև

Արթուր.

Բարև Ձեզ։ Վերավարձակալության պայմանագրի ձև ԿՈՒՂԱՐԿԵ՞Ք։

Չրի արտադրությամբ զբաղվելու դեպքում

Անահիտ․

Բարև Ձեզ։
Ցանկանում եմ ք. Աբովյանում տարածք վարձակալել և շոկոլադագործությամբ և չրի արտադրությամբ զբաղվել: Կասե՞ք՝ կհամարվի դա միկրոձեռնարկություն: Եթե ոչ, ապա ի՞նչ հարկատեսակով կհարկվի և քանի՞ տոկոս:

Ենթավարձակալությամբ վերցրած տարածք

Ալլա.

Բարև Ձեզ: Խնդրում եմ օգնե. կազմակերպությունը ենթավարձակալությամբ վերցրած տարածքի վրա կատարել է շինարարական աշխատանքներ, իսկ ավելի կոնկրետ տարածքի ներսում ձևափոխություն, որը թույլատրված է նաև ենթավարձակալության պայմանագրով: Հարցս հետևյալն է՝ ինչպե՞ս վարվել կատարված ծախսերի հետ, և արդյո՞ք դա ծախս է համարվում, թե՞ պետք է դիտարկել որպես ակտիվ և ամորտիզացնել: Շնորհակալություն:

Ենթավարձակալություն

Հայարփի․

Բարև ձեզ: Խնդրում եմ օգնեք․ շրջհարկով աշխատող ՍՊԸ-ն, որը իր գործունեությունը ծավալում է ֆիզ. անձից վարձակալած տարածում, ունի պայմանագիր և ամեն ամիս վճարում է 10 % եկամտային հարկ, և պայմանագրով ամրագրված է, որ կարող տալ ենթավարձակալության: Հիմա ամսով ցանկանում ենք տալ, սակայն շաբաթական 2 օր, մեկ այլ ՍՊԸ-ի, միկրոյի դաշտում գործող: Հարցս հետևյալն է․ կարո՞ղ ենք կնքել ծառայության մատուցման պայմանագիր առանց նոտար և կադաստրի գրանցման՝ օրավարձով հանձնելով որպես ստանդարտ գործարք, թե՞ պարտադիր կնքենք ենթավարձակալության պայմանագիր։ Շնորհակալություն

Շրջհարկի հաշվետվություն

Անի.

Հարգելի՛ հաշվապահներ, շրջհարկի հաշվետվության 232 ձևի մեջ հանրային սննդի հետ կապված 6 բաժնում 6.4 կետում լրացվում է միայն e-invoicing-ով ստացված հաշիվների մասով, թե՞ կարելի է նաև ֆիզ. անձից վարձակալությունն էլ ներառել:

Բնակարանը տրվել է վարձակալության

Մարի․

Բարև ձեզ, հարգելի հաշվապահներ։ Կխնդրեմ օգնեք կողմնորոշվել․ իմ բնակարանը հանձնում եմ վարձակալությամբ այլ ֆիզ. անձի: Չունեմ պայմանագիր: Կասե՞ք՝ այս դեպքում ի՞նչ խնդիրեր կարող են առաջանալ: Եվ եթե կնքեմ պայմանագիր՝ ինչպիսի՞ ընթացակարգ է, ի՞նչ պարտավություններ կունենամ: Շնորհակալ կլինեմ, եթե արձագանքեք:

Ծախսի հիմնավորում

Անահիտ․

Բարև ձեզ, հարգելի հաշվապահներ։ Վարձակալության և չհիմնավորված ծախսերի համար վճարված եկատմտային հարկը շահութահարկի հարկման բազայից որպես ծախս նվազեցվու՞մ են, թե՞ ոչ։ Դա համարվու՞մ է չփոխհատուցվող հարկ։

Արդյո՞ք տարածքի վարձավճարը ծախս է

Վարդուհի.

Բարև Ձեզ: Եթե ԱՁ-ն զբաղվում է ստոմատոլոգիական գործունեությամբ, աշխատում է շրջհարկով (5 տոկոս) և տարածք է վարձակալում: Դա իր համար որպես ծա՞խս է և որևէ կերպ չի՞ երևում:

Եկամտային հարկի հաշվարկ

Սոֆա.

Բարև Ձեզ: Մի հարց. 2021թ. վարձավճարը 150 000դ., 2021թ. եկամտայինի հաշվարկում հունվար, փետրվար, մարտ ցույց եմ տվել, իսկ մնացած 9 ամիսները մոռացել եմ: Հիմա ես կարո՞ղ եմ այդ ամիսների գումարները 2022թ. եկամտայինում 150 000 գումարեմ ներառեմ: Ի՞նչ խորհուրդ կտաք խնդիրներից խուսափելու համար: Նշեմ, որ վարձ. պայմանագիրը նոտարով հաստատված է և ֆիզ. անձից է վարձակալած: Շնորհակալ եմ նախապես:

Շահութահարկի հաշվարկ

Նանո․

Բարև Ձեզ, հարգելի գիտակ հաշվապահներ, խնդրում եմ օգնել, առաջին անգամ եմ հաշվարկելու ՍՊԸ-ի շահութահարկը, փորձեմ տալ մաքսիմալ շատ ինֆո․ կազմակերպությունն ԱԱՀ-ով աշխատող է, 2021 թ. դուրս է գրել 13 մլն հաշիվ, ստացել է 7 մլնի, ինչպես նաև պարզեցվածով աշխատող կազմակերպությունից 3 մլն ծառայության հաշիվ, ունի երկու ամսվա վարձակալության վճար 500 000, աշխատողներ 2 հոգի, ուզում եմ հասկանալ՝ այսքան ինֆորմացիայով կարո՞ղ եք օգնել, եթե պետք լինի՝ այլ ինֆո էլ կտրամադրեմ։

Տալ հաշվապահական ձևակերպումներ

Մելանյա.

Հարգելի հաշվապահներ, ՍՊԸ-ին պատկանող անշարժ գույքը կադաստրի կոմիտեում սեփականության վկայականով գրանցված է 2006թ.-ից: Քանի որ գործունեությունը դադարեցված է եղել կամ աշխատել է ոչ լրիվ տարի, հիմնական միջոցի համար մաշվածություն չի հաշվարկվել: Նշեմ, որ գույքը միշտ տրվել է վարձակալության: Խնդրում եմ` օգնեք տալ ճիշտ ձևակերպում 31.12.2021թ.-ի դրությամբ:

Բնակարանը տրվել է վարձով

Սոնա.

Բարև Ձեզ, հարգելի հաշվապահներ։ Հարցս հետևյալն է. ֆիզ. անձը, հանդես գալով որպես վարձատու, բնակարանը տվել է վարձով 2021թ.` օրենքի սահմաններում պայմանագիր կազմելով։ Շուրջ 1 տարի ստացել է եկամուտ։ Մինչ օրս չի ստացել որևէ ծանուցում հարկ չվճարելու հետ կապված։ Հիմա ուզում եմ հասկանալ` արդյո՞ք որևէ խնդիր կառաջանա այս առումով։ Վարձատուն պարտավո՞ր է հետաքրքրվել և իմանալ, թե ինչ հարկ պետք է վճարի, թե՞ պետք է ծանուցվի համապատասխանաբար։ Եթե այո, ապա տարածքային հարկային մարմի՞ն պետք է դիմել։ Եթե հնարավոր է` տեղադրեք օրենքից հղում, թե ինչքան հարկ է առաջանալու և վճարման կանոնների հետ կապված։

Արդյո՞ք ՓԲԸ-ն կհամարվի միկրոբիզնես

Հասմիկ․

Բարև Ձեզ։ ՓԲԸ-ն Երևան քաղաքում տարածքը որևէ ՍՊԸ-ի վարձակալությամբ տրամադրելու դեպքում կարո՞ղ է աշխատել միկրոձեռնարկության դաշտում։ Որևէ սահմանափակում օրենքում կարծես թե չկար, նախապես շնորհակալություն պատասխանի համար։

Ի՞նչ հարկեր պետք է վճարել

Միլենա.

Բարև Ձեզ, հարգելի հաշվապահներ: Ուզում եմ ԱՁ բացել` միկրոձեռնարկատիրությամբ զբաղվող: Տարացք եմ վարձակալելու, աշխատելու է որպես գեղեցկության սրահ, գրանցելու եմ 2 աշխատող: Ի՞նչ հարկեր է վճարվում և ի՞նչ հաշվետվություն ներկայացվում: Իմ առաջին հաշվախահական փորձն է: Կանխավ շնորհակալություն:

Եկամտային հարկ վարձավճարից

Անահիտ Ալեքսանյան.

Բարև ձեզ: Մշտապես ապրում եմ արտասահմանում, Հայաստանի քաղաքացի եմ, ունեմ բնակարան Երևանում, որը պատրաստվում եմ վարձակալության տալ ֆիզիկական անձի: Պե՞տք է արդյոք մուծեմ եկամտային հարկ վարձավճարից և ի՞նչ չափով և ինչպե՞ս( ID չունեմ ): Շնորհակալություն:

Վարձավճարի արտացոլում հաշվետության մեջ

Մաշա.

Բարև Ձեզ, հարգելի հաշվապահներ: Ուզում եմ հասկանալ` արդյոք P85.59.9 (կրոնական ուսուցում) կիրակնօրյա դպրոցը կարո՞ղ է գործել որպես միկրոձեռնարկատեր, ուսուցումը լինելու է բարեգործական սկզբունքով, այսինք` սաները չեն վճարելու, Առաքելական եկեղեցու ուսուցիչներն են դասավանդելու, որի դիմաց ԱՁ-ն սիմվոլիկ գումար է վճարելու, ևև ԱՁ-ն վարձակալելու է տարածք: Հարցերս հետևյալն են` սույն դասակարգչով հնարավո՞ր է աշխատել որպես միկրոձեռնարկատեր և վարձակալած տարածքի դեպքում եկամտային հարկի հաշվետվության մեջ վարձավճարից առաջացած հարկը արտացոլվում է, թե՞ ոչ:

Վարձակալության պայմանագիր

Լիանա.

Բարև Ձեզ։ Ես հանդիսանում եմ ԱՁ, սակայն մոտ մեկ ամիս է, ինչ գործունեությունը ժամանակավորապես դադարեցրել եմ՝ ֆիզ. արձակուրդ գնալու կապակցությամբ։ Ունեմ տարածք, որն այժմ ցանականում եմ տալ վարձակալությամբ։ Խնդրում եմ պատասխանել՝ կարո՞ղ եմ վարձակալության պայմանագիրը կնքել ֆիզ. անձով՝ առանց ԱՁ գործունեությունը վերսկսելու, և եթե այո, ապա այդ դեպքում ինձ կհատկացվի՞ արդյոք նախածննդյան մայրության նպաստը։ Կանխավ շնորհակալություն։

Տալ հաշվապահական ձևակերպումներ

Իրինա.

Հանրային հատվածի հաշվապահություն. տալ ձևակերպում կազմակերպությունը վարձակալության է տվել հողատարածք, դուրս է գրել հարկային հաշիվ:

Ա/Ձ տարածք է վարձակալել

Լուսի.

Բարև ձեզ: Միկրոյով աշխատող ԱՁ-ն վարձակալած տարածք ունի, և վճարումը կախիկ է անում: Ի՞նչ փաստաթուղթ տամ, որ ստորագրի ամեն ամիս գումարը վճարելիս:

Ի՞նչ հաշվետվություն պետք է հանձնել

Մարինա.

Հարգելի գործընկերներ, համատիրությունը 2021թ.-ի ընթացքում իր տարածքներից մեկը տվել է վարձակալության, վճարը ստանալու համար ամեն ամիս դուրս է գրել հաշիվ-վավերագիր։ Խնդրում եմ հուշել` ի՞նչ հաշվետվություններ պետք է ուղարկել և ի՞նչ հարկեր վճարել։ Շնորհակալություն:

Տալ հաշվապահական ձևակերպումներ

Լուսինե.

Կազմակերպությունը տարածքը վարձակալել և կատարել է վերանորոգման աշխատանքներ: Ինչպե՞ս կատարել ձևակերպումներ:

Տալ հաշվապահական ձևակերպումներ

Լիլիթ.

Ողջույն բոլորին: Խնդրում եմ օգնել ձևակերպել հետևյալ գործառնությունները.
1. Առաքվել է արտադրանք գնորդին 1800դրամ: Գնորդը պարտավորվել է վճարել 30 օրվա ընթացքում 2700.0 դրամ:
2. Պատրաստի արտադրանքը բեռնաթափող բանվորներին հաշվարկվել է աշխատավարձ:
3. Որոշել իրացումից ստացված շահույթը կամ վնասը:
4. Հաշվարկային հաշվում ստացվել է գնորդներից 250.0 դրամ:
5. Հաշվարկված աշխատավարձից պահվել է պակասորդի դիմաց 50.0 դրամ:
6. Լուծարվել է մաշված տնտեսական գույքը: Գույքի սկզբնական արժեքը 200.0 դրամ է, կուտակված մաշվածությունը 180.0 դրամ:
7. Պահեստ է մուտքգրվել գույքի լուծարքից ստացված վառելանյութը:
Եվս մի քանիսը.
1. Հիմնական արտադրությունից ստացված պատրաստի արտադրանքը մուտքագրվել է պահեստ փաստացի ինքնարժեքով:
2. Հաշվարկային հաշվից վճարվել է վարձատուին վարձավճարը գործառնական վարձակալությամբ ստացված շենքի համար:
3. Չօգտագործվող սարքավորումը հանվել է շահագործումից և վերադասակարգվում է որպես վաճառքի համար պահվող: Սարքավորման սկզբնական արժեքը 220.0 դրամ է, կուտակված մաշվածությունը 160.0 դրամ:

Ծախսի հիմնավորում

Աննա.

Հարգելի գործընկերներ, տնօրենի անձնական մեքենան տրված է վարձակալության կազմակերպությանը: Այն ծառայում է ինչպես կազմակերպության կարիքների համար, այնպես էլ տնօրենի անձնական կարիքների համար: Ի՞նչ խնդիրներ կարող են առաջանալ այս դեպքում` կապված բենզինի ծախս ճանաչելու հետ: Արդյո՞ք երթուղային թերթիկների կազմումը բավարար է ծախսի հիմնավորման համար: Շնորհակալություն:

Վարձավճարի արտացոլում հաշվետվության մեջ

Լուսի.

Բարև Ձեզ: ԱՁ-ն աշխատում է միկրոյով, ունի վարձակալած սալոն ֆիզ. անձից, 189 ձևի մեջ պե՞տք է նշեմ Վարձավճար, ծրագիրը թույլ չի տալիս միկրոյի պտիչկայի դեպքում:

Եկամտային հարկի հաշվետվություն

Վիկա․

Մի այսպիսի հարց․ ՊՆ-ում աշխատող անձը բնակարան է վարձել նոտարով կադաստրով հաստատված, բայց վարձատուի հետ պայմանավորվել է՝ վարձավճարի հարկը և հաշվետվությունը ինքն է տալու, որ խնդրեմ՝ կասե՞ք, հաշվետվությունը ո՞նց պետք է հանձնել։

Տնօրենի մեքենայի վարձակալություն

Արմեն․

Հարգելի գործընկերներ, տնօրենի անձնական մեքենան տրված է վարձակալության կազմակերպությանը: Այն ծառայում է ինչպես կազմակերպության կարիքների համար, այնպես էլ տնօրենի անձնական կարիքների համար: Ի՞նչ խնդիրներ կարող են առաջանալ այս դեպքում` կապված բենզինի ծախս ճանաչելու հետ: Արդյո՞ք երթուղային թերթիկների կազմումը բավարար է ծախսի հիմնավորման համար: Շնորհակալություն:

Վարձակալություն ոչ ռեզիդենտ ֆիզ. անձից

Լիաննա.

Հարգելի հաշվապահներ, եթե վարձակալելու ենք գրասենյակային տարածք, և տարածքի սեփականատերը ոչ ռեզիդենտ ֆիզ. անձ է, որն ուղարկել է լիազորագիր: Հիմա վարձակալական պայմանագիր կազմելիս, լիազորվող անձի տվյալնե՞րը պետք է լրացնել պայմանագրում, թե՞ սեփականատիրոջ տվյալներըը։
Շնորհակալ եմ նախապես:

Վարձակալության պայմանագիր կնքելու համար

Անի.

Ողջույն բոլորին։ Անշարժ գույքի վարձակալության պայմանագիր կնքելու համար անմիջապես գնում ենք կադաստր, թե՞ մենք կնքում ենք, իրենք հաստատում, և նոտարական վավերացումը պարտադի՞ր է, թե՞ ոչ:

Դպրոցում նկարչության դասեր անցկացնելու վերաբերյալ

Գոհար.

Բարև Ձեզ, հարգելի հաշվապահներ։ Դպրոցում նկարչության ուսուցչուհին ունի գործող խմբակ։ Տնօրենն ասել է, որ պետք է վարձակալությամբ վերցնի դասասենյակը (ուսուցչուհին այն վերանորոգել է և իր տրամադրության տակ է): Ուզում եմ իմանալ` ի՞նչ պետք է անի` ԱՁ բացելու՞ է, ի՞նչ պայմանագիր պետք է կնքի, ի՞նչ հարկատեսակով պետք է աշխատի ու ի՞նչ հարկեր պետք է վճարի։ Կխնդրեի մանրամասնել:

Անհատույց վարձակալություն

Անի.

Հարգելի հաշվապահներ, ՍՊԸ-ն ունի շենք, որը ցանկանում է տալ անհատույց վարձակալության (ՍՊԸ-ի հիմնադիրի կնոջը)։ Կինն էլ իր հերթին տալու է վարձակալության (գումարով) այլ ընկերության։ Այս գործարքը ի՞նչ նրբություններ ունի (գիտեմ, որ պետք է գրանցվի կադաստրում, նաև նոտարով կարելի է հաստատել): Կառաջանա նաև եկամտային հարկ 10% վարձակալի համար։ Եթե կան այլ նրբություններ, խնդրում եմ հուշել:

Վարձակալության պայմանագիր

Սուսաննա.

Բարև ձեզ: Վարձակալության պայմանագրի օրենքի հոդվածի համարն եմ ուզում իմանալ:

Շրջանառության հարկի հաշվարկ

Անի.

Շրջանառության հարկի հաշվարկում արդյո՞ք վարձակալական վճարները և տոկոսագումարները ներառվում են իրացման շրջանառության մեջ։ Կանխավ շնորհակալ եմ պատասխանների համար։

Անհատույց վարձակալություն

Իգոր․

Բարև։ Հարցս հետևյալն է՝ ՍՊԸ-ն կարո՞ղ է արդյոք իրեն պատկանող գույքը՝ տվյալ դեպքում բեռնատար ավտոմեքենան, անհատույց տրամադրել այլ անհատ ձեռնարկատիրոջ (ԱՁ): Ի՞նչ պարտավորություններ կարող են առաջանալ։

Տարածք վարձակալությամբ

Քրիստինե.

Ընկերներ, բարև Ձեզ: Մի հարց. կարո՞ղ է արդյոք միկրոձեռնարկատիրության սուբյեկտ հանդիսացող ԱՁ-ն իր տարածքը վարձակալությամբ տալ այլ իրավաբանական անձի և դրա համար հաշիվ դուրս գրել։ Եվ ի՞նչ հարկային պարտավորություններ դա կառաջացնի։
Կանխավ շնորհակալություն:

Միկրոձեռնարկատիրության դաշտում աշխատելու համար

Մելինե.

Բարև ձեզ։ Եթե ԱՁ-ն ցանկանում է զբաղվել մատնահարդարմամբ, հետագայում նաև վարսավիր ընդունի և մատնահարդարման դասեր անցկացնի: Կարո՞ղ է միկրոյով աշխատել։ Պարտադիր պետք է ՀԴՄ ունենա՞, և եթե տարածքը վարձով է, նա ցույց չի տալիս չէ՞ եկամտայինում և 10% հարկվում։

Ա/Ձ հարկեր

Հարգելի հաշվապահներ, ԱՁ-ն նոր է բացվելու, կասե՞ք՝ ի՞նչ հարկատեսակով պետք է աշխատի, ամսական ի՞նչ վճարներ պետք է անի, և՛ ամսական, և՛ տարեկան ի՞նչ հաշվետվություն պետք է ուղարկի:
1. Առեվտուր, այսինքն՝ ծննդյան պարագաներ է վաճառելու:
2. Տիկնիկներ է կարելու և տալու է վարձակալության։
Եվ տարածքը վարձակալելու է 100 000։ Այդ 10% ամսական հաշվետվության մեջ երևու՞մ է։