Tag: առցանց

Տաթև․

Հարգելի հաշվապահներ, կազմակերպությունը ունի օնլայն առևտրի հարթակ։ Այժմ հաճախորդներ ներգրավելու նպատակով որոշում է կայացվել ներդնել referral-ների գաղափարը։ Էությունը կայանում է հետևյալում․ Հաճախորդ 1-ը հրավիրում է Հաճախորդ 2-ին և Հաճախորդի 2-ի յուրաքանչյուր գնումից Հաճախորդ 1-ը ստանում է որոշակի միավորներ, որոնցով կարող է հարթակի շրջանակներում իր գնումների դիմաց կատարել վճարումներ։ Օգնեք հասկանալ, թե ի՞նչ հարկային պարտավորություններ են առաջանում, և ինչպե՞ս ճիշտ կազմակերպել հաշվապահությունը, որպեսզի խնդիրներ չլինեն։

Գայանե․

Բարև Ձեզ, խնդրում եմ օգնեք այս հարցում. Կազմակերպության քարտից վճարումներ ենք արել AMAZON-ին (200$-600$) և և ձեռք ենք բերել նյութեր և փոքր սարքավորում արտադրության համար, ես այդ ծախսերը կարո՞ղ եմ որպես ծախս ճանաչել շահութահարկի հաշվարկի ժամանակ: Շնորհակալ կլինեմ արձագանքելու համար։

Հայկ․

Բարև ձեզ, ընկերներ։ ԱՁ-ն աշխատում է շրջհարկով, վաճառում է ապրանքներ Օզոն հարթակում։ Կարո՞ղ եք խորհուրդ տալ պարտաճանաչ հաշվապահ կամ ընկերություն, որը կվարի սույն ԱՁ-ի հաշվապահությունը մատչելի գնով։ Շրջանառությունը շատ փոքր է։ Շնորհակալ կլինեմ բոլոր խորհուրդների համար։

Արմեն․

Բարև Ձեզ։ Մատուցում ենք օնլայն խորհրդատվական ծառայություններ (և իրավաբանական անձանց, և ֆիզ․ անձանց)։ Երբեմն ֆիզ․ անձ հաճախորդները չեն ցանկանում տրամադրել անձնագրային տվյալները՝ հաշիվ դուրս գրելու համար։ Այս դեպքում պե՞տք է ՀԴՄ կիրառել։ Եթե այո՝ ֆիզիկական ՀԴՄ սարք, թե՞ օնլայն ՀԴՄ։ Անկանխիկի օրենքում նշվում է, որ խորհրդատվական ծառայությունների վճարները կատարվում են անկանխիկ ձևով։ Այսինքն՝ եթե վճարումը կատարվում է քարտով կամ այլ վճարային համակարգով, կարո՞ղ ենք ՀԴՄ կիրառել, թե՞ ոչ։ Շնորհակալ եմ նախապես։

Մերի․

Բարև ձեզ, խնդրում եմ ասեք՝ Wildberries վաճառողի տնտեսական գործունեության դասակարգիչը ո՞րն է։

Հայկ․

Բարև Ձեզ, հարգելի մասնագետներ։ Շրջհարկով աշխատող ԱՁ եմ։ Առաջին անգամ Ozon-ից ստացել եմ Отчет о реализации դեկտեմբեր ամսվա համար, ունեմ միայն մեկ վաճառք։ Վաճառքի ամսաթիվը 12․12․2025թ է, գումարն էլ ռուբլիով։ Ունեմ մի քանի հարց․

1․ Այդ վաճառքի համար պե՞տք է դուրս գրեմ հաշիվ վավերագիր, և եթե այո, ապա ու՞մ անունով, և ո՞ր ամսաթվով։

2․ Ապրանքների մատակարարման վայրը և նշանակման վայրը որ՞ հասցեները պետք է գրել։

3․ Գինը հաշվել ո՞ր օրվա ռուբլու կուրսով։

4․ Բացի շրջհարկի հաշվետվությունից, որևէ այլ հաշվետվություն ներկայացնելու կարիք կա՞։

Անչափ շնորհակալ կլինեմ օգնելու համար։

Անուշ․

Բարև Ձեզ, հարգելի հաշվապահներ։ Եթե ապրանքը գնում եմ ու վերավաճառում եմ Wildberries – ում, QR կոդ հարկավո՞ր է, ակցիզ հարկավո՞ր է։ Վրան կա նշված “ներմուծված”։

Գայա․

Բարև ձեզ, հարգելի հաշվապահներ։ Մի հարց ունեմ՝ եթե օնլայն վաճառքներ եմ կատարում և ապրանքս վերավաճառում եմ, իսկ ես շրջանառության հարկ վճարող եմ, հարցս հետևյալն է՝ ինչպե՞ս և որտե՞ղ պետք է նշվի ապրանքի ԱՏԳԱԱ կոդը։

Հայկ․

Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.

Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել

Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա

Հարց 3. Տեղափոխության բեռնագրում նշված գումարները ենթակա՞ են հարկման շրջհարկով

Շնորհակալություն։

Սոնա․

Բարև ՁԵզ։ Մեր կազմակերպությունն ունի ՎԵԲ կայք, որը գրանցված է ՌԴ ինտերնետային տիրույթում։ Պատրաստում ենք մասնագիտական վիդեոդասընթացներ և կայքի միջոցով վաճառում ենք առցանց դասընթացներին մուտք գործելու հնարավորություն։ Կայքում առկա է Հրապարակային առաջարկի պայմանագիր տեղեկատվական և ուսումնական ծառայությունների մատուցման և ծառայության պարբերաբար երկարաձգման (բաժանաորդագրության) վերաբերյալ։ Առաջանում են մի շարք հարցեր․

1․ Ինչպե՞ս որոշենք մեր գործունեության կարգավիճակը, այն համարվում է ծառայություն, արտադրություն, թե՞ վաճառք

2․ Արդյո՞ք այն կհամարվի գործունեություն ՏՏ ոլորտում

3․ Տնտեսական գործունեության ո՞ր դասակարգիչը կհամապատասխանի դրան

4․ Եթե կայքը գտնվում է ռուսական ինտերնետային տիրույթում, իսկ կայքի սեփականատերը ՀՀ ռեզիդենտ կազմակերպությունն է, որը հանդիսանում է Հրապարակային առաջարկի համաձայնագրի կատարող կողմ, ապա որտե՞ղ է համարվում եկամուտը ստացված

5․ Հրապարակային առաջարկի պայմանագիրը ո՞ր երկրի օրենսդրության համաձայն պիտի կնքվի

Անահիտ․

Բարև ձեզ, ցանկանում եմ օնլայն վաճառքով զբաղվել Ինստագրամում։ Խնդրում եմ նշել՝ արդյո՞ք պետք է հարկեր վճարեմ կամ ԱՁ ունենամ։ Ինչպե՞ս է կատարվում այդ գործընթացը։

Հայկ․

Բարև Ձեզ։ ԱՁ-ն առցանց ապրանքներ է վաճառում 3-րդ երկրներում գտնվող ֆիզ անձանց։ Կասե՞ք՝ թաքսերվիսով օնլայն հաշիվ գրելը պարտադի՞ր է, թե՞ կարող ենք հաշիվ չգրել, միայն շրջանառության հարկի հաշվարկում ցույց տալը բավարար է։ Կխնդրեմ նաև այս հարցի վերաբերյալ օրենքի հղում տաք։

Նարեկ․

Բարև Ձեզ: Ցանկանում եմ ապրանք վաճառել Wildberries-ում, բայց ապրանքը գնելու եմ Չինաստանից և ուղարկեմ ՌԴ պահեստ: Ինձ հետաքրքրում է՝ արդյո՞ք կարողանալու եմ Չինական կազմակերպության տրված ինվոյսի հիման վրա կատարել նվազեցումներ, որպես ապրանքի ինքնարժեք։

Բարև Ձեզ, կազմակերպությունը զբաղվում է օնլայն առևտրով (Վայլդբերիս)։ Ապրանքները վաճառվում են և ՀՀ պահեստից և ՌԴ պահեստից։ Խնդրում եմ օգնել` ապրանքի մատակարարման հաշիվները պետք է դուրս գրեմ ըստ դետալիզացիայի վաճառքներ թվի՞ և ապրանքացանկո՞վ։ Երկու պահետներից վաճառքի դեպքում էլ նույն կազմակերպությանը պիտի՞ հաշիվ գրեմ։

Աշոտ․

Բարև ձեզ, ես օնլայն ծաղկեփնջերի վաճառքով եմ ցանկանում զբաղվել, և պատրաստվում եմ օգտվել կայքում vPOS-ի օգնությամբ առցանց վճարումներ թույլատրել։ Դրա համար գրանցել եմ էլեկտրոնային ՀԴՄ։ Հարցերս հետևյալն են.

1. Արդյո՞ք էլեկտրոնային ՀԴՄ-ն փոխարինում է ֆիզիկական ՀԴՄ սարքին և կարո՞ղ է օգտագործվել կանխիկ վճարումների համար

2. է-ՀԴՄ օգտագործելիս արդյո՞ք պարտադիր է կտրոն տպելիս ներկայացնել ապրանքացուցակ գնից բացի, քանի որ խոսքը գնում է ծաղկեփնջերի մասին, դժվար կլինի ապրանքացանկ նշել, կամ միգուցե ստանդարդ “ծաղկեփունջ” անվանմամբ մեկ ապրանք կարելի է գրել կտրոնում։

Անի․

Բարև Ձեզ։ Ես գտնվում եմ դեկրետում, դեկրետս վերջանում է 2026 թ. ապրիլին։ Հիմա ես նորից դեկրետ եմ գնալու և գտնվում եմ Ռուսաստանում։ Կարո՞ղ եմ օնլայն դիմում ուղարկել Հայաստան՝ մայրության նպաստ ստանալու համար։

Անի․

Օզոնով վաճառք իրականացնելու հետ կապված 2 հարց ունեմ․
1․ հաշիվը ու՞մ պետք է դուրս գրվի ՝ ՕՄԱՐՄ ՍՊԸ ին, թե՞ յուրաքանչյուր գնորդի անունով
2․ եթե յուրաքանչյուր վաճառքի համար գնորդի անունով պետք է գրվի, ապա ինչպե՞ս լրացնել անձնագրային տվյալները

Գոռ․

Բարև Ձեզ,
Հարգելի հաշվապահներ, ինձ անհրաժեշտ է բացել ԱՁ Youtube adsense-ից վաստակած գումարը օրինական կերպով ստանալու և հարկ վճարելու համար։
Ի՞նչ դասակարգիչ է պետք կիրառել այս պարագայում։
Շնորհակալություն։

Էլմիրա․

Բարև ձեզ, խնդրում եմ հաշվապահներ ջան, ասեք՝ արդյո՞ք հարկային պարտավորություններ կառաջանան, եթե ես օնլայն տարբերակով վաճառեմ նոր կամ օգտագործված իմ ապրանքները, որոնք ձեռք եմ բերել օնլայն մարկետփլեյսերից մեծաքանակ։

Մարինե․

Բարև ձեզ։ Ես բացել եմ ԱՁ՝ Wildberries հարթակում վաճառք իրականացնելու համար։ Ապրանքները Չինաստանից միանգամից գնալու են Ռուսաստանի պահեստ, ՀՀ չեն մտնելու։ Նշեմ նաև, որ հաշվապահի մեղքով 20 օրյա ժամկետում չեմ ներկայացրել շրջանառության հարկ վճարող համարվելու հայտարարությունը և ԱԱՀ դաշտում եմ շարունակելու գործունեությունս։ Խնդրում եմ նշել՝ արդյոք պե՞տք է հաշիվ դուրս գրեմ, ո՞ր գումարն եմ նշելու և ի՞նչ հաշվետվություններ ունեմ հանձնելու։ Շնորհակալություն։

Տաթև․

Բարև Ձեզ, խնդրում եմ ասեք՝ ի՞նչ է հարկավոր էլեկտրոնային ՀԴՄ ձեռք բերելու համար, օնլայն ծաղիկի խանութի համար։

Սոնա․

Բարև ձեզ։ Կասե՞ք խնդրեմ՝ եթե ես աշխատում եմ հեռահար, դասավանդում եմ, այժմ ցանկանում եմ գրանցվել որպես ԱՁ, և ամեն ամիս գումարը տարբեր է, ինչպե՞ս է հաշվարկվելու հարկը։

Սերինե․

Բարև ձեզ։ Կա՞ որևէ հարթակ, որտեղ կարող եմ տեսնել իմ աշխատանքային ստաժը։

Սուրեն․

Բարև Ձեզ։ Ցանկանում եմ զբաղվել վաճառքով Wildberries հարթակի միջոցով։ Գրանցել եմ ԱՁ։ Պետք է 20 օրվա մեջ շրջանառության հարկ վճարող համարվելու վերաբերյալ հայտարարություն ներկայացնեմ, սակայն չեմ կարողանում https://file-online.taxservice.am կայքում գրանցվեմ որպես լիազոր, քանի որ ստորագրությունը mId է տրամադրված Վիվա- ի կողմից։ Արդյոք որևէ այլ տարբերակ կա՞ գրանցվելու։ Սկզբնական շատ քիչ քանակով ապրանքներ եմ ունենալու, արդյոք կա՞ կարիք հաշվապահի դիմելու։

Նարինե․

Բարև Ձեզ։ Եթե ես օնլայն հարթակով լեզվի ուսուցում եմ իրականացնում, ներառյալ՝ օտարերկրյա քաղաքացիներին, և վճարվում եմ այդ հարթակի միջոցով (որտեղից վճարս փոխանցում եմ իմ՝ հայկական բանկի քարտին)։ Այս դեպքում կարո՞ղ եմ գրանցվել որպես միկրոձեռնարկատեր։

Աննա․

Բարև Ձեզ։ Կազմակերպությունն իրականացնում է մանրածախ վաճառք և աշխատում է ընհանուր հարկման դաշտում՝ ԱԱՀ վճարող է, վաճառքներ է իրականացնում նաև Wildberries հարթակով: Խնդրում եմ կասե՞ք ինչպես ցույց տալ Wildberries-ով կատարված վաճառքները: Կանխավ շնորհակալություն:

Զառա․

Բարև ձեզ։ Մեր ընկերությունը զբաղվում է վաճառքով Ozon հարթակում և հանդիսանում է ԱԱՀ վճարող։ Հարցս հետևյալն է․ եթե Ozon-ը Ռուսաստանում գանձում է ԱԱՀ մեր ապրանքների վաճառքից՝ ապրանքի գնին ավելացնելով 20% և վճարում է տեղի հարկային մարմիններին, արդյո՞ք մենք պարտավոր ենք Հայաստանում ևս վճարել ԱԱՀ այդ նույն վաճառքների համար։ Կամ, արդյո՞ք կա որևէ կանոնակարգում կրկնակի հարկումից խուսափելու վերաբերյալ նմանատիպ դեպքերում։ Նախապես շնորհակալ եմ ձեր պատասխանների և մեկնաբանությունների համար:

Աննա․

Բարև Ձեզ, հարգելի հաշվապահներ։ ԱՁ-ն բիզնես քարտով դոմեյն էր գնել 2023-ի Նոյեմբեր ամսին ԱՄՆ կայքից: Ծառայությունն վավեր է երկու տարով: Անցած տարի ընդհանուր հարկման դաշտում էր մնացել ու գրեթե գործունեություն չի ծավալել, հիմա շրջանառության հարկի համակարգում է: Ճի՞շտ եմ հասկանում, որ ըստ ՀՕ Հ40-ի երկու տարին լրանալու օրն է ծառայության մատուցման պահն: Այսինքն, որպես շրջանառության հարկ վճարող ինքնահաշիվ դուրս գրել պետք չի, պետք է միայն ոչ ռեզիդենտի շահութահա՞րկ վճարել 20%:

Իսկ այն որ 2023-ի շահութահարկի տարեկան հաշվետվության մեջ ծառայության գումարն “Վարչական ծախսերը / Տեղեկատվական ծառայությունների գծով ծախսերը” տողում եմ լրացրել, խնդիր չի՞ այս պարագայում:

Պարզապես նոր եմ իմանում ոչ ռեզիդենտի շահութահարկի մասին: Շատ եմ վախենում որ 10$-անոց ծառայության համար կարող է լուրջ տուգանք առաջանալ:

Էրիկ․

Հարգելի հաշվապահներ, եթե Wildberries-ը տվյալ օրվա կամ տվյալ շաբաթվա վաճառքների մասով դետալիզացիան տրամադրում է հաջորդ օրը կամ ամեն երկուշաբթի շաբաթականի դեպքում, հաշվի մատակարարման ամսաթիվը ի՞նչ պիտի նշվի՝ դուրս գրման օրվա՞նը, թե՞ վաճառքի օրը (օրականի դեպքում) և շաբաթվա վերջին օրը (շաբաթականի դեպքում)։ Խնդրում եմ նաև նշել օրենքը, որոշումը կամ հիմք հանդիսացող այլ փաստաթղթի համապատասխան հոդվածը, որովհետև հարկային օրենսգրքի հ․ 56 4-րդ մասի և 2017-ի 1257 որոշման մեջ հաշիվների դուրսգրման մասով բացառություններ չեն ընդգրկում։

Շարունակություն․ Եթե հոկտեմբերից ԱՁ-ը վաճառք է կատարում հարթակում, բայց հաշիվներ դուրս չեն գրվել, խնդրում եմ նշել՝ հաշիվները դուրս գրվեն շաբաթակա՞ն վաճառքներով, թե՞ մինչև հիմա արված վաճառքների մասով դուրս գրել մեկ հաշիվ։

Կարեն Գալստյան․

Իրավաբաններ ջան, հարցս կապված է հարկային օրենսգրքի նոր փոփոխությունների հետ, որով 2025 թվականի համար ֆիզ. անձինք ներկայացնելու են հայտարարագիր։ Ես 2025 թվականի ընթացքում, որ ամեն որ լիցքավորում կատարեմ իմ գումարը աջարաբեթ ու նույն գումարը նույն օրը կանխիկացնեմ, էդ ձև ողջ տարին։ Էս ամեն ինչի արդյունքում բոնուսներով շահում եմ ստանում ու ամեն ամիս կանխիկացնում մինչև ասենք 50 000 գումար։ Հայտարարագրի մեջ ի՞նչ եմ նշելու, ո՞նց եմ նշելու, արդյո՞ք հարկ տալու եմ էդ լիցքավորումների, կանխիկացումների ու շահումների մասով։ Կամ ինչ-որ խնդիր հնարավո՞ր է ունենամ։ Խնդրում եմ օգնեք՝ մանրամասն ծանոթանալով հարցերին ու լրիվ պատասխանեք։ Կանխավ՝ շատ շնորհակալ եմ։