հայտարարագիր

Նարինե․

Բարև Ձեզ: Իրական շահառուն օտարերկրացի է: Չի ստացվում ներբեռնել իր անձնագրի պատճենը, որ հայտարարագրի հետ հանձնեմ: Ֆայլը սեղմված է: Ո՞վ ինձ կօգնի։ Շնորհակալություն:

Սաթեն․

Խնդրում եմ պատասխանեք: Կազմակերպությունն ունի 2 հիմնադիր 90% և10%: 10%ի սեփականատերը մահացել է 2011թ-ին, և անհնար է գտնել հարազատներին: Իրական շահառուի հայտարարագրի համար ի՞նչ անեմ, միայն մեկի՞ն ներկայացնեմ։

Աննա․

Հարգելի հաշվապահներ, իրական շահառուների հետ կապված մի հարց․ տեղադրում եմ նույնականացման քարտը, մուտք գործում, որից հետո նշում եմ ընդերքօգտագործող և պետ ռեգիստրի համար, բերում է կազմակերպության անունը, և գրանցման համարը։ Նշեմ՝ ՍՊԸ բացվել է 2022թ մայիսին, ուրիշ ոչ մի բան չի բերում, որ ավելացնեմ իրական շահառուին: Կանխավ շնորհակալ եմ։

Կցված նկար

Կարեն․

Բարև ձեզ, ի՞նչ է ԵՏՄ համապատասխանության հայտարագիրը, ի՞նչ է իրենից ներկայացնում։

Ալվարդ․

Բարև Ձեզ: ժամանակավորապես կասեցված ՍՊԸ-ն ԻՇ հայտարարագիր պիտի ներկայացնի՞, թե՞ ոչ:

Կարեն․

Բարև Ձեզ։ ԱԱՀ-ի հարկատեսակով աշխատող ՍՊԸ-ն կատարել է ներմուծում 31․01․2023 թվականին։ Ներմուծման մաքսային հայտարարագիրը գրանցվել է այդ ամսաթվով, սակայն հարկային մարմիններից ասում են, որ իրենց մոտ դա գրանցվել է 01․02․2023 թվականինին, և չենք կարող հունվար ամսվա ԱԱՀ-ի հաշվարկի մեջ դեբետագրենք, այլ պետք է պակասեցում տանք, իսկ փետրվար ամսվա հաշվարկի մեջ ավելացում տանք։ Կասե՞ք՝ ո՞ր հոդվածով է այս դեպքը կարգավորվում։

Արմեն․

Հարգելի հաշվապահներ, իրական շահառուների վերաբերյալ հայտարարագիրը ո՞վ է ստորագրում՝ հիմնադի՞րը, թե՞ տնօրենը։ Շնորհակալություն։

Արտյոմ․

Խնդրում եմ օգնել, իրական շահառուների հայտարարագիրը լրացնելիս պետռեգիստրի համարը նշում եմ, որից հետո համակարգը տեղեկացնում է, որ այդպիսի կազմակերպություն գոյություն չունի։ Փորձել եմ տարբեր կազմակերպություններով, տարբեր ֆորմատներով։ Ի՞նչ խնդիր կարող է լինել։

Աննա․

Հարգելի հաշվապահներ, ՍՊԸ, որ գրանցվել է 2022թ-ին, գործունեության տեսակը Կրաքարի և գիպսի արդյունահանում, բայց դեռ գործունեություն չի ծավալել, ներկայացնում է 0-ական հաշվետվություններ: Հիմա իրական շահառուների վերաբերյալ հայտարարագիրը լրացնելիս պետք է ընտրի ընդերքի օգտագործմա՞ն, թե՞ ընդանուր տիպի: Կանխավ շնորհակալ եմ:

Տիրուհի․

Բարև Ձեզ։ ԵՏՄ արտահանման դեպքում արտահանման հարկային հայտարարագիրը ի՞նչ ժամկետներում է պետք ներկայացնե՞լ։ Իսկ trade gov վիճակագրական հաշվետվությու՞նը։ Կանխավ շնորհակալ եմ։

Վլադ․

Բարև բոլորին։ Ես Ֆիզ. անձ եմ, և առաջին անգամ եմ առնչվում հարկայինի հետ։ Կարգո-ի բեռը մաքսազերծելու համար ինձնից ինքնուրույն հարկ վճարողի կոդ են ուզել, որը չունեմ, ինչպես նաև ներմուծման հայտարարագիր։ Կօգնե՞ք հասկանամ՝ ինչպե՞ս դա պետք է արվի։ Շնորհակալություն։

Տաթև․

Բարև ձեզ, հարգելիներս: ՍՊԸ-ն աշխատում է միկրոյի դաշտում, հիմնադիրը (սեփականատերը) և տնօրենը նույն անձն է: Այս դեպքում Իրական շահառուների մասին հայտարարագիրը նույնպե՞ս պետք է ներկայացնել: Կանխավ շնորհակալ եմ:

Ռոման․

Բարև ձեզ, հարգելի հաշվապահներ: Կազմակերպությունը ԵԱՏՄ-ից ներմուծել է ապրանք: 500 հատ մեքենայի շարժիչային յուղ: Հաշիվ ապրանքագրի մեջ ապրանքը նշված է հատով, իսկ դեկլարացիայի մեջ նշված է կգ-ով:

Հարց 1. ապրանքի ինքնարժեք հաշվարկելիս պետք է ամբողջ բեռնափոխադրման թիվը բաժանել ամբողջ քանակի, այսինքն՝ հատ, թե՞ ամբողջ քաշի, եթե քաշի, ապա նետտո՞, թե՞ բրուտտո

Հարց 2․ Մաքսային վիճ հաշվետվության մեջ լրացուցիչ միավոր դաշտում ի՞նչ թիվ պետք է գրել և մաքսային վիճակագրական արժեք դաշտում ի՞նչ թիվ գրել:

Հարց 3․ Ներմուծման հարկային հայտարարագիրը պետք է հատո՞վ, թե՞ կգով լրացնել։

Լիանա․

Բարև Ձեզ։ Ցանկանում եմ իրական շահառուի հայտարարագիրը ներկայացնել, գրում եմ պետ․ ռեգիստրի գրանցման համարը, նշվում է, որ տվյալ կազմակերպությունը չի գտնվել։ Ինչից՞ կարող է լինել։

Կարեն.

Բարև Ձեզ։ Սպը-ն ԵՏՄ-ից կատարել է ներմուծում, “транзитная декларация” փաստաթղթի մեջ վերևի աջ անկյունում գրված է 29․11.2022, բայց մաքսայինի կողմից կնիք է դրվել ինվոյսի վրա, որտեղ նշված է 01․12․2022։ ԵՏՄ հաշվետվություն ներկայացնելիս որպես ներմուծման ամսաթիվ ո՞ր ամսաթիվը պետք է նշեմ: Կասե՞ք՝ “транзитная декларация” փաստաթղթի մեջ վերևի աջ անկյունում գրված 29․11.2022 ի՞նչ ամսաթիվ է։

Նարեկ․

Բարև Ձեզ։ ԱԱՀ-ով աշխատող ընկերությունը ապրանք է ներմուծել, “транзитная декларация”-ի մեջ ընդհանուր 1 000 000 ռուբլի արժեք է ֆիքսվել։ Ապրանքը տանելով պահեստ՝ որոշ ժամանակ հետո պարզվել է, որ մեծ մասը խոտան է։ Մատակարարը համաձայնվել է ինվոյսը ճշգրտի, որից հետո կդառնա 450 000 ռուբլի ընդհանուր արժեքը։ Ինվոյսը ստանալուց հետո կարո՞ղ եմ արդյոք ԵՏՄ հայտարագիրը և հայտարարությունը ճշգրտեմ և ԱԱՀ հարկման բազա ընդունեմ 450 000 ռուբլիին համարժեք ՀՀ դրամ։ “Транзитная декларация” – ն պե՞տք է փոփոխվի մաքսայինի կողմից և ի՞նչ ընթացակարգով։

Սոֆյա․

Հարգելի հաշվապահներ, ասացեք խնդրեմ, թե ե՞րբ պետք է ներկայացնենք իրական շահառուների վերաբերյալ հայտարարագիրը, ովքե՞ր պետք է ներկայացնեն հայտարարագիր, և եթե կազմակերպությունը գտնվում է գործունեության ժամանակավոր դադարի մեջ, պե՞տք է արդյոք ներկայացնի հայտարարագիր: Շնորհակալություն։

Արմեն․

Բարև Ձեզ։ ՍՊԸ-ն ՌԴ-ից կատարել է ներմուծում , “транзитная декларация” փաստաթղթի վերևի աջ անկյունում գրված է 04․11․2022, իսկ ներքևում ՊԵԿ արևելյան մաքսային կնիքում նշված է 10․11․2022։

Հարց 1․ ԵՏՄ հայտարարության մեջ պետք է ներկայացնեմ ապրանքի հաշվառման ամսաթիվ 04․11․2022, թե՞ 10․11․2022, և հետևաբար պետք է վերցնեմ 04․11․2022, թե՞ 10․11․2022 ամսաթվերի նախորդ օրվա ԿԲ-ի կուրսը։

Հարց 2․ Հաշվապահական ծրագիր մուտք անելիս ինքնարժեքը ո՞ր ամսաթվի ԿԲ-ի կուրսով պետք է հաշվառվի։ Եթե հնարավոր է՝ այս հարցերիս հետ կապված նշեք, թե որ հոդվածը կարդամ։

Նարեկ․

Բարև Ձեզ։ ԱԱՀ-ով աշխատող կազմակերպությունը զբաղվում է ավտոմեքենաների ներմուծմամբ և վաճառքով։ Կազմակերպությունը ՌԴ քաղաքացում վաճառել է ավտոմեքենան, որը որպես արտահանում է ձևակերպվել, իսկ “транзитная декларация” փաստաթղթի մեջ գործարքի գումարը նշվել է ՀՀ դրամով։

Հարց 1․ Դա նորմա՞լ է

Հարց 2․ Ներմուծման ժամանակ, եթե բնապահպանական հարկ է վճարվել, պե՞տք է բնապահպանական հաշվետվություն ներկայացնեմ։

Լիլիթ.

Շրջանառության հարկով աշխատելու պարագայում, ապրանքի ձեռքբերման արժեք պետք է նշել մաքսային հայտարարագրի 22 կետի, թե՞ 12 կետում նշված արժեքը։

Անահիտ․

Բարև ձեզ հարգելի հաշվապահներ։ ԱԱՀ-ով աշխատող ընկերությունը դեպի Ռուսաստան ծրագիր է վաճառել (արտահանել) ֆիզ անձին, քանի որ այն իրականացվել է էլեկտրոնային եղանակով, հայտարարագիր չկա, միայն հաշիվ ապրանքագիր և պայմանագիր է կազմվել։
Հարցս հետևյալն է՝
1․ Արտահանման հայտարարգիրը կազմելու համար որպես արտահանման ամսաթիվ ո՞րը կարող եմ հիմք ընդունել
2․ արդյո՞ք այդ փաստաթղթերը բավարար են արտահանում ձևակերպելու համար
3․ և եթե այդ ֆիզ անձը հարկեր չի վճարելու, առանց իր հարկերի վճարման ծանուցումը մեզ ուղարկելու, ես կարո՞ղ եմ այն ամեն դեպքում ձևակերպել որպես 0% դրույքաչափով հարկվող գործարք

Եթե արտահանումը կատարվել է էլեկտրոնային եղանակով, ծրագրային ապահովում է, այդ դեպքում ինչպես պետք է ձևակերպել արտահանումը և լրացնել հայտարարագիրը արտահանման, եթե չկա ապրանքային հայտարարագիր կամ ավիաբեռնագիր։

Արփինե.

Բարև Ձեզ, սիրելի հաշվապահներ։ ԵԱՏՄ ներմուծման հայտարարագիր/հայտարարության հետ կապված ո՞վ կարող է օգնել ճիշտ լրացնենք։

Ռոման.

Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում՝ գյուղմթերքի արտադրությամբ, ազատված է ԱԱՀ-ից և շահութահարկից: Իրականացրել է ԵԱՏՄ արտահանման գործարք 2022 թվականի հունվար ամսին, սակայն արտահանման հայտարարագիր չի ներկայացվել: Ի՞նչ խնդիրներ կարող են առաջանալ։ Եթե կազմակերպությունը ԵԱՏՄ երկիր է արտահանել ապրանք, թղթային հաշիվ ապրանքագրից բացի արդյո՞ք պարտադիր է էլէեկտրոնային հ/ա դուրս գրել։

Անի.

Բարև Ձեզ։ Խնդրում եմ ասեք՝ ինչպե՞ս են լրացնում ներմուծման հարկային հայտարարագիրը, դա լրացվում է հարկային ծրագրով, թե՞ բրոքերներն են լրացնում ձեռքով։ Եթե հարկային ծրագրով, խնդրում եմ ասեք՝ ի՞նչ հաշվետվության ձև է։

Կարեն․

Բարև Ձեզ։ Դժվա՞ր է արդյոք առանց մաքսային բրոքերի ապրանքի հայտարարագիր լրացնելը։

Անահիտ.

Հարգելի կոլեգաներ, Ռուսաստանից գնել եմ ապրանք: Մարտին Ռուսաստանից mail-ով ուղարկել են հաշիվ-ապրանքագիր (счет-фактура) 100 000 ռուբլու (համարժեք՝ 600 000 ՀՀ դրամ): Եվ ես վճարել եմ նույն ամսում 600 000 ՀՀ դրամ: Ապրանքս հատել է սահմանը 03.05.22-ին: Ներմուծման հայտարարագրում հարկային բազան կազմել է 800 000 ՀՀ դրամ, ԱԱՀ-ն՝ 160 000 դրամ: Ունեմ նաև 200 000 դրամ տրանսպորտային ծախս: Հարց. որքա՞ն է իմ ապրանքի ինքնարժեքը (600 000-ն եմ դիտարկելու, թե՞ 800 000-ը):

Ալբերտ.

Ֆինանսատնտեսական ոլորտի, հարգելի մասնագետներ.
մաքսային հայտարարագրի էլեկտրոնային տարբերակը կազմելու ՀՍՏԱԿ ՈՒՂԵՑՈՒՅՑ, ցավոք, գոյություն չունի: Առկա է, ԱՊՐԱՆՔՆԵՐԻ ՄԱՍԻՆ ՀԱՅՏԱՐԱՐԱԳՐԻ
ԼՐԱՑՄԱՆ ԿԱՐԳԻ ՄԱՍԻՆ ՀՐԱՀԱՆԳ, որը որոշակիորեն բացահայտում է էլեկտրոնային հայտարարագիր լրացնելու ձևը, սակայն ոչ ամբողջական և լիարժեք: Առկա են որոշակի տարբերություններ, ԼՐԱՑՄԱՆ ԿԱՐԳԻ ՄԱՍԻՆ ՀՐԱՀԱՆԳԻ և Մաքսային հայտարարագրի էլեկտրոնային տարբերակի ձևի միջև, որը որոշակի անորոշություն է ստեղծում:
Կարո՞ղ եք օգնել մաքսային հայտարարագրի էլեկտրոնային տարբերակ կազմել:
Նույն խնդիրն առկա է ԲՏԱ Նախարարությունից կապի միջոցի ներմուծման համար անհրաժեշտ լիցենզիա ստանալու համար, հայտի էլեկտրոնային տարբերակի և այդ հայտի լրացման ուղեցույցում առկա տեղեկատվության միջև։