Tag: ուսուցում

Հաշվետարի գիտելիքներ

Շուշան․

Բարև ձեզ։ Հաշվետարը աշխատանքային և հարկային օրենսգիրքը ամբողջությամբ պե՞տք է իմանա։ Եվ որտեղ խորհուրդ կտաք սովորել հաշվետար աշխատելու համար։

Ուսանողական արձակուրդ

Աննա․

Բարև Ձեզ: Ունենք աշխատող, որը ուսանող է։ Քանի որ սկսվում են քննությունները, նրան պետք է տրամադրենք ուսանողական արձակուրդ իր տեղեկանքի հիման վրա: Այս դեպքում պե՞տք է ուղարկել հարկային հայտ չվճարվող արձակուրդի վերաբերյալ, և տաբելում բացակա՞ է դրվելու, թե՞ չվճարվող արձակուրդ: Կանխավ շնորհակալություն:

Մասնագիտական ուսուցում անցնող անձի գրանցման հայտ

Մարի․

Բարև, բոլորին, շնորհավոր Ամանոր։ ԱԱՀ-ով աշխատող կազմակերպությունը մասնագիտական ուսուցում է կազմակերպում անձի հետ, հետագայում աշխատանքային պայմանագիր կնքելու նպատակով, 5 ամիս տևողությամբ։ Անձը կազմակերպությանը վճարում է ուսման վարձ, որի համար ֆիզ․ անձի անունով դուրս է գրվում հարկային հաշիվ։ Աշխատանքային օրենսգրքի 201․1 հոդվածով Գործատուն նախքան անձին աշխատանքի ընդունելը կարող է իր մոտ կամ այլ վայրում (այդ թվում՝ այլ կազմակերպությունում) կազմակերպել աշխատանքի ընդունվող անձի (այսուհետ՝ աշակերտ) մասնագիտական ուսուցումը մինչև հինգ ամիս տևողությամբ՝ ուսուցման ընթացքում աշակերտին վճարելով վարձատրություն՝ առնվազն օրենքով սահմանված նվազագույն ամսական աշխատավարձի չափով։

Իսկ մեր դեպքում ոչ թե կազմակերպությունն է վճարում անձին, այլ անձն է վճարում կազմակերպությանը մասնագիտական ուսուցում անցնելու համար, այսինքն մատուցում է ծառայություն։

2023 թ-ի դեկտեմբերի 1-ից մասնագիտական ուսուցում անցնող անձանց համար պետք է ներկայացնել գրանցման հայտ։ Հարցս հետևյալն է՝ արդյո՞ք կոնկրետ տվյալ դեպքում անձի համար պետք է ներկայացվի գրանցման հայտ, թե՞ ոչ։ Նախապես շնորհակալություն։

Հեռակա ուսուցումը որպես ստաժ

Moana.

Արդյոք համարվու՞մ է ստաժ հեռակա ուսուցումը։ Եթե այո, որքա՞ն ստաժ կհամարվի, եթե ուսման ամեն կուրսը տևել է 6 շաբաթ։

Դասընթացների կազմակերպում

Լիլիթ․

Ես ցանկանում եմ դասնթացներ վարել, և իհարկե ուսանողներին տրամադրել սերտիֆիկատ, կասե՞ք՝ ի՞նչ է պետք, և ո՞նց դիմեմ։

Ֆինանսական կառավարում և վերահսկողություն

Ռաֆիկ․

Փնտրում եմ Հայաստանի աուդիտորների և փորձագետ հաշվապահների պալատի որակավորման՝ 2.3 Ֆինանսական կառավարում և վերահսկողություն առարկա հանձնած կամ մոտակա քննաշրջանաում հանձնող անձ:

Ուսումնական կենտրոն բացելու համար

Բագրատ․

Բարև ձեզ։ Ինձ հետաքրքրում է մի քանի հարց, որոնց կխնդրեմ պատասխանել։

1․ Ես ԵՊՀ շջրանավարտ եմ, ունեմ գիտությունների թեկնածուի կոչում, ըստ այդմ ունեմ մանկավարժական գործունեություն ծավալելու իրավունք։

2․ Ուսումնական կենտրոնը ուղղված է լինելու համակարգչային ծրագրերի ուսուցմանը, կամայական տարիքի մարդկանց համար և կարող է լինել երկլեզու։

3․ Դասընթացները ենթադրվում է անցկացնել առցանց։

4․ Նպատակահարմար եմ համարում տրամադրել վկայական։

Ասացեք խնդրեմ՝ ի՞նչ արտոնագիր պետք է ստանամ, ի՞նչ իրավական կարգավիճակ պետք է ստանամ, արդյոք պատրաստ կլինեք վարել նման կենտրոնի հաշվապահությունը ու ինչ արժեքով։ Ինչպե՞ս են հաշվարկվելու հարկերը այն ժամանակահատվածի համար, երբ ուսանող չի լինելու։ Եթե ես ունեմ այլ աշխատանք ամբողջ դրույքով, դա չի՞ խոչընդոտի դասավանդմանը աշխատանքային օրենսդրության առումով։ Կանխավ շնորհակալ եմ։

Ուսումնական կենտրոնի վճարումներ

Մարիամ․

Բարի երեկո, հարգելի հաշվապահներ։ Հարցս հետևյալն է` նորաբաց ուսումնական կենտրոնը պիտի աշխատի միկրոյի դաշտում, ծառայությունների դիմաց վճարը ինչպե՞ս պիտի վերցնի, ինչպե՞ս է ճիշտ պայմանագիր կնքի ծնողի հետ, ըստ դրա ծնողը վճարի բանկում ԱՁ հաշվեհամարին, թե՞ հաշիվ-ապրանքագիր պիտի դուրս գրի, և արդյո՞ք այս բնագավառի համար հաշիվ-ապրանքագիր դուրս է գրվում, թե՞ ոչ։ Ո՞րն է ճիշտ, օգնեք անփորձիս։ Շնորհակալ կլինեմ պատասխանելու համար։

Ստաժի վերաբերյալ

Նաիրա․

Բարև Ձեզ: Խնդրում եմ կողմնորոշել ինձ հետևյալ հարցում: Երկար տարիների փորձառու դասախոս եմ, որից 15 տարին՝ դոցենտի պաշտոնում: 20 տարիների ընթացքում զուգահեռաբար դասավանդել եմ նաև նախապատրաստական բաժանմունքի ուսանողներին: Երկու շաբաթ է՝ փոխարինում եմ մեր վարժարանի դասատուին լրիվ ծանրաբեռնվածությամբ: Վարձատրությունը ձևակերպելու համար վարժարանի քարտուղարուհին հարցնում է, թե մանկավարժական ստաժ ունեմ, թե ոչ: Եթե ոչ՝ ապա պետք է վարձատրվեմ նվազագույն չափով, մեկ ժամի հաշվարկը 1260 դրամ: Ուզում եմ հասկանալ, թե նախապատրաստական բաժանմունքի ստաժս մանկավարժական է, թե ոչ: Շնորհակալություն:

Ուսուցիչների արձակուրդային օրեր

Յուրա․

Բարև ձեզ, խնդրում եմ օգնեք հասկանամ՝ երաժշտական դպրոցի դասատուների արձակուրդը 35 աշխատանքային օր է, թե՞ 25: Նախապես շնորհակալություն։

Առցանց ուսուցում

Մերի.

Բարև ձեզ։ Անձը ցանկանում է առցանց տարբերակով կրթական հոլովակների ձևաչափով դասընթացներ իրականացնել։ Արդյո՞ք սա համարվում է լիցենզավորման ենթակա գործունեություն։

ԱՁ գործունեության վերսկսում

Սաթենիկ.

Բարև Ձեզ։ Օգնեք, խնդրում եմ, եթե ուզում եմ բացել փոքր քոլեջ առաջին քայլս ո՞րը պետք է լինի։ Արդյո՞ք անհրաժեշտ է Ա/Ձ ունենալ։ Ես ունեմ ժամանակավորապես դադարեցված ԱՁ սննդի ոլորտի համար։ Կարո՞ղ եմ արդյոք այդ Ա/Ձ-ով աշխատել, եթե վերականգնեմ։ Կա հաշվապահ ո՞վ ինձ կօգնի այդ հարցում։

ՀԴՄ չունենալու դեպքում

Բարև Ձեզ։ Խնդրում եմ ասեք՝ միկրոյով աշխատող Ա/Ձ զարգացման կենտրոնը, որը հդմ չունի, պետք է հաշիվ դուրս գրի։ Ինչպե՞ս, աշակերտի ծնողի անձնագրի տվյալներո՞վ։ Խնդրում եմ մանրամասն ասեք։

ՏՏ ուսուցում իրականացնելու վերաբերյալ

Մանե.

Բարև Ձեզ։ IT Education-ը մտնու՞մ է միկրոբիզնեսի մեջ և հայերեն բազայում ի՞նչ անունով է գրանցած։

Ծրագրավորման դասընթացների լիցենզիա

Բարև ձեզ։ Ծրագրավորման դասընթացները կարո՞ղ է լինել միկրո, և լիցենզավորման ենթակա է, թե՞ ոչ։

Ուսուցչի աշխատավարձ

Ժասմենա.

Խնդրում եմ պատասխանել՝ եթե ուսումնական հաստատությունը ծնողի վճարի հիման վրա իրականացնում է դասապատրաստում, ինչպե՞ս է ձևավորվում ուսուցչի աշխատավարձը։ Արդյո՞ք աշակերտների քանակը պետք է հաշվի առնվի։ խնդրում եմ հաշվարկի ձևը նկարագրել։ Շնորհակալություն։

Դասապատրաստում իրականացնելու համար

Միլենա.

Բարև ձեզ։ Վարձակալված տարածքում 1-9-րդ դասարանների երեխաների հետ իրականացնելու եմ դասապատրաստում: Կասե՞ք, խնդրեմ, լիցենզիա անհրաժե՞շտ է ունենալ։ Եթե այո, ապա ինչպե՞ս կարող եմ դիմել լիցենզիա ստանալու համար։ Նշեմ, որ դասապատրաստումն իրականացնելու եմ միայնակ, այլ աշխատողներ չեն ընդգրկվելու։ Ի՞նչ իրավական կարգավիճակ է անհրաժեշտ ունենալ խնդիրներից խուսափելու համար։ Նախապես շնորհակալ եմ։

Ուսումնական կենտրոն բացելու համար

Վաղարշակ.

Ցանկանում եմ ուսումնական կենտրոն բացել պահնորդներին դասընթացներ տալու և վերջում ստուգարքներից հետո տալ համապատասխան որակավորման վկայական։ Այս գործընթացի համար ինձ որպետ Ա/Ձ որևէ մեկից լիցենզի՞ա պետք է ստանամ։

Առցանց ուսուցում

Հայարփի.

Բարև Ձեզ: Ես աշխատում եմ որպես օնլայն անգլերենի ուսուցիչ, դասավանդում եմ չինացի երեխաների: Նրանց ծնողները իմ վարձը փոխանցում են իմ Alipay-ին, որը ես այնուհետև անհատ անձանց միջոցով փոխում եմ յուանից դրամ և ուղարկում եմ ինձ, ես նրան վճարում եմ յուան, նրանք ինձ Հայաստանում տալիս են դրամ: Ես ինչպե՞ս կարող եմ լեգալացնել և հարկային դաշտ մտնել Հայաստանում այս աշխատանքով, կա՞ այդպիսի տարբերակ:

Ուսուցչի վարձատրութան վերաբերյալ

Ժասմենա.

Բարև ձեզ։ «Սովորողների տնային ուսուցման» կարգում նշվում է, որ տնային ուսուցում իրականացնող ուսուցիչների վարձատրությունն իրականացվում է ժամավճարով, հաշվի առնելով, հաստատությունում սահմանված դրույքաչափը։ Խնդրում եմ մեկնաբանել, թե ինչպե՞ս պետք է վճարենք այդ ուսուցիչներին։ Շնորհակալություն։

Ուսուցչի աշխատավարձի հաշվարկ

Ժասմենա.

Բարև ձեզ։ Եթե տեղյակ եք՝ ԿԳՄՍ նախարարի 13.10.2020թ. N 38-Ն հրամանի համաձայն, դպրոցները կարող են ծնողների վճարի հիման վրա ձևավորել երկարօրյա խմբեր։ Կարգի 21-րդ կետի համաձայն, այդ խմբերում աշխատող մանկավարժի վճարի չափը ձևավորվում է սովորողների հետ աշխատակարգով սահմանված փաստացի աշխատաժամանակից։ Խնդրում եմ կոնկրետ օրինակով կարո՞ղ եք բացատրել, թե ինչպե՞ս հաշվարկենք մանկավարժի վճարի չափը՝ համաձայն օրենսդրության ո՞ր կետերի։

ՍՊԸ գործունեության վերաբերյալ

Սոֆյա.

Հարգելի հաշվապահներ, շրջհարկով գործող ՍՊԸ-ն զբաղվում է փայտե իրերի արտադրությամբ: Կարո՞ղ է արդյոք նույն ՍՊԸ-ն զբաղվել լեզուների ուսուցումով, դուրս գրելով հաշիվներ, որպես ծառայության վճար, նշելով ծածկագիրը՝ ուսուցում: Եթե այո, որքա՞ն կկազմի հարկը: Շնորհակալություն:

Հարկային դաշտի ընտրություն

Անի.

Բարև Ձեզ։ Խնդրում եմ կասեք՝ ի՞նչ հարկատեսակով կարող է հարկվել ՍՊԸ-ն մարզերում դասընթացներ կազմակերպելու համար։ Նշեմ նաև, որ դասավանդողները դրսից են և իրենց ծառայությունը պետք է մատուցեն ՍՊԸ-ին։

Ուսումնական կենտրոն բացելու համար

Նառա.

Ցանկանում եմ բացել ուսումնական կենտրոն, որտեղ կլինեն դասապատրաստումներ՝ օտար լեզուների դասավանդում և այլ խմբակներ։ Խնդրում եմ ասեք՝ առաջին քայլը ի՞նչ պիտի անել, և նաև հարկերի մասով։ Ուզում եմ բացել ՍՊԸ-ով։ Նախապես շնորհակալ եմ։

Հրաման ուսումը շարունակելու համար

Արմինե․

Բարև ձեզ։ Մի հարց ունեմ․ եթե մանկապարտեզում դաստիարակը (ուսանող) աշխատել է, հիմա տեղեկանք է բերել թույլտվության, որպեսզի գնա շարունակի հեռակա կարգով ուսումը՝ հրամանի մեջ ո՞ր հոդվածը պետք է նշեմ։ Նրան հիմա մեկ ուրիշ դաստիարակ է փոխարինում։ Նախապես շնորհակալություն։

Դասապատրաստման կենտրոն բացելու համար

Անահիտ.

Բարև Ձեզ։ Ցանկանում եմ 1-ից 4-րդ դասարանի աշակերտների հանար դասապատրաստման կենտրոն բացել։ Կասեք՝ ի՞նչ փաստաթղթեր են անհրաժեշտ, որտե՞ղ պետք է դիմեմ, և արդյո՞ք լիցենզիավորում պետք է։

Ա/Ձ զբաղվում է նկարչության դասավանդմամբ

Նվարդ.

Բարև Ձեզ: Ես ունեմ Ա/Ձ, որը զբաղվում է նկարչության դասավանդմամբ: Ինչպե՞ս է ճիշտ իրականացնել վճարումը, ՀԴՄ-ի առկայությունը պարտադի՞ր է:

Արձակուրդ ուսման նպատակով

Նելլի․

Բարև Ձեզ։ Խնդրում եմ պատասխանել՝ եթե 2 ամսվա աշխատողը ուսանող է և ուսումնական արձակուրդ է խնդրում՝ ուսումնական հաստատության տված տեղեկանքի հիման վրա: Ի՞նչ կարգով է տրամադրվում արձակուրդը։

Կնիք նկարչական կենտրոնի համար

Հերմինե.

Բարև ձեզ: Կխնդրեի ինձ օգնեք՝ նկարչական կենտրոնի համար կնիք պարտադի՞ր է, և որպես Ա/Ձ իրավունք ունե՞մ երեխաներին ուսուցման ավարտին ավարտական վկայական տամ։

Գործունեության դասակարգիչ

Անի․

Բարև ձեզ։ Հարցս հետևյալն է. նկարչական խումբ ունենալը ո՞ր դասակարգչում է ընդգրկվում, և արդյո՞ք միկրոյի դաշտում հնարավոր է գործել։ Տվյալ անձը կարո՞ղ է իր աշակերտներին տալ հավաստագիր (նշեմ, որ աշակերտները մշտական չեն լինում, իսկ անձը գործում է միայնակ)։ Նախապես շնորհակալություն։

Դասապատրաստման կենտրոն

Լիանա․

Բարև ձեզ, դասապատրաստման կենտրոնը լիցենզավորման ենթակա՞ է, թե ոչ։ Ի՞նչ դասակարգչով պետք է աշխատի։

Աշխատանք համատեղությամբ

Արմեն

Բարև Ձեզ։ Կարելի՞ է աշխատել դպրոցում համակարգչային օպերատոր, /0,5 դրույք/ և ուսուցիչ` 14 դասաժամ ծանրաբեռնվածությամբ։

Գրականություն հաշվապահության մասին

Էդիկ.

Ինքնուրույն հաշվապահություն սովորելու համար ինձ ի՞նչ գիրք խորհուրդ կտաք։

Դպրոցում նկարչության դասեր անցկացնելու վերաբերյալ

Գոհար.

Բարև Ձեզ, հարգելի հաշվապահներ։ Դպրոցում նկարչության ուսուցչուհին ունի գործող խմբակ։ Տնօրենն ասել է, որ պետք է վարձակալությամբ վերցնի դասասենյակը (ուսուցչուհին այն վերանորոգել է և իր տրամադրության տակ է): Ուզում եմ իմանալ` ի՞նչ պետք է անի` ԱՁ բացելու՞ է, ի՞նչ պայմանագիր պետք է կնքի, ի՞նչ հարկատեսակով պետք է աշխատի ու ի՞նչ հարկեր պետք է վճարի։ Կխնդրեի մանրամասնել:

Ավարտական վկայական տրամադրելու համար

Հեղինե.

Ա/Ձ-ն բացել է լեզուների դասավանդման դպրոց։ Խնդրում եմ պատասխանեք. եթե ցանկանում է դասընթացն ավարտելուց հետո ուսանողին տրամադրի վկայական՝ ուսուցման կուրսն անցնելու վերաբերյալ, անհրաժե՞շտ են արդյոք լրացուցիչ գրանցումներ կամ այլ քայլեր կատարելու:

Անհրաժեշտ է աուդիտոր

Անի.

Ողջույն բոլորին: Այստեղ ունե՞նք հաշվապահ, ով աուդիտ է իրականացնում և կարող է սովորեցնել:

Աշխատակցի ուսուցման վարձը վճարում է կազմակերպությունը

Ռոման.

Բարև ձեզ: Կազմակերպության աշխատակիցը հաճախում է ուսուցման դասերի: Ուսուցման վարձը վճարելու է կազմակերպությունը: Հարց. 1. Արդյո՞ք կազմակերպությունը վճարած ուսման վարձի համար պետք է վճարի եկամտային հարկ:
2. Հնարավո՞ր է դա շահութահարկից նվազեցնել:
3. Ուսուցման ծառայություն մատուցող կազմակերպությունը պետք է հաշիվը գրի աշխատակցի անունո՞վ, թե՞ կազմակերպության:

Մանկավարժն աշխատանքի է ընդունվել համայնքապետարանում

Մարիա.

Բարև ձեզ: Մանկավարժը աշխատանքի է ընդունվել համայնքապետարանում որպես աշխատակազմի քարտուղար: Համայնքապետարան գալիս է շաբաթական 4 լիարժեք օր 8 ժամ աշխատանքի, մեկ օր՝ 4 ժամ: Խնդրում եմ, ասեք՝ ինչպե՞ս է ձևակերպվելու հաշվապահությունում համայնքապետարանի աշխատավարձը, պահումները, տեղեկագիրը, արձակուրդը: Ավելացնեմ, որ մանկավարժը աշխատում է դպրոցում:

Ի՞նչ հարկատեսակով պետք է աշխատել

Qnarik.

Դպրոցահասակ երեխաների հետ պարապելու եմ դասապատրաստում և լեզուների ուսուցում: Խնդրում եմ ասեք` Ա/Ձ, թե՞ ՍՊԸ, ՀԴՄ պե՞տք է լինելու, թե՞ կարող եմ բանկային հաշվով ստանալ գումարները և, ո՞ր հարկատեսակով կարող եմ հարկվել՝ շրջ. հարկով, միկրոձեռնարկություն, թե՞ ԱԱՀ:

Անաշխատունակության թերթիկի հաշվարկ

Աննա.

Բարև Ձեզ: Խնդրում եմ ասեք՝ ՔՈՎԻԴ-ի պատճառով ուսուցչի համար բացված անաշխատունակության թերթիկի աշխատավարձի չափը ինչպե՞ս է հաշվարկվում, երբ նրան փոխարինել են, իսկ այդ ընթացքում դասերի մի մասը եղել է օնլայն: Փոխարինող ուսուցիչն էլ պե՞տք է վարձատրվի այդ գումարից /ընդհանուր օրերը 02.03-22.03/:

Անհրաժեշտ է հաշվապահ անհատական հաշվապահական դասընթացների համար

Սյուզի.

Բարև Ձեզ: Ես փնտրում եմ դասավանդման փորձ ունեցող բանիմաց գլխ. հաշվապահ անհատական հաշվապահական դասընթացների համար։
Պետք է սովորեցնի ՀՀՄՍ, ՖՀՄՍ, նեմուծում, արտահանում, հաշվետվությունների կազմում և ուղարկում:

Դասընթացների կազմակերպման հետ կապված

Բարև բոլորին։ Ես ունեմ վարսավիրանոց և համապատասխան տարածք վարսավիրի և ֆլորիստ դիզայների դասեր անցկացնելու համար։ Ինչպե՞ս դա կազմակերպել օրենքի շրջանակներում:

Անհրաժեշտ է հաշվապահ անհատական դասընթացների անցկացման համար

Բարև Ձեզ: Ես փնտրում եմ ատամնաբուժարանի և ատամնատեխնիկական լաբորատորիայի գործող տարիների փորձ ունեցող հաշվապահի, ով կանցկացնի ոլորտի մասին մանրամասն անհատական ​​դասընթացներ:

Ցանկացողները կարող են դիմել elia.mkrtchyan շնիկ yahoo.com կամ զանգահարել +37494804444

Ի՞նչ է անհրաժեշտ ուսումնական կենտրոն բացելու համար

Հերմինե.

Բարև Ձեզ: Ուզում եմ փոքր ուսումնական կենտրոն բացել: Ի՞նչ ընթացակարգ է նախատեսվում դրա համար, կարո՞ղ եմ գործել որպես միկրոձեռնարկատիրության սուբյեկտ և գրանցել նաև այլ աշխատողներ։
Եթե իմ վճարումներն արվում են միայն անկանխիկ, ՀԴՄ սարքը անհրաժե՞շտ է։

Անհրաժե՞շտ է Ա/Ձ գրանցել փոքր ուսումնական կենտրոն բացելու համար

Վերգինե.

Բարև Ձեզ: Խնդրում եմ ասել փոքր ուսումնական կենտրոն ունենալու համար անհրաժե՞շտ է ԱՁ գրանցել, եթե ոչ, ի՞նչ իրավական կարգավիճակ է պետք, որպեսզի խնդիրներ չառաջանան։
Կանխավ շնորհակալություն:

Մատնահարդարման ծառայություններ մատուցող Ա/Ձ-ն կարո՞ղ է համարվել միկրոձեռնարկատիրության սուբյեկտ

Բարև Ձեզ։

Մատնահարդարման սալոնը կարո՞ղ է հարկվել միկրոձեռնարկատիրական հարկման ռեժիմով, եթե անձը գրանցվում է որպես ԱՁ:
Այսինքն՝ տարեկան պետք է վճարվի 12 000 դրամ, ինչպես նաև յուրաքանչյուր աշխատողի համար 5 000 դրամ եկամտային հարկ և 5 000 սոց․ վճար ամսական։
Եվ ևս մեկ հարց, եթե բացի մատնահարդաման ծառայություններից, իրականացվելու են նաև վճարովի ուսուցման և վերապատրաստման աշխատանքներ, ինչպես նաև տրվելու են սերտիֆիկատներ, տվյալ պարագայում որևէ այլ հարկ պե՞տք է վճարվի արդյոք։

Անձը ցանկանում է նկարչական խմբակ բացել

Էվելինա.

Բարև Ձեզ: Ես ուզում եմ նկարչական խմբակ բացել: Խնդրում եմ ասել, թե արդյո՞ք օրենքը այժմ թույլ է տալիս, թե՞ ոչ, կարանտինի հետ կապված: Որտե՞ղ գրանցվեմ և որպես ի՞նչ, և արդյո՞ք հարկ պետք է վճարեմ, թե ոչ :
Շնորհակալ եմ նախապես:

Վարսավիրական գործունեությամբ զբաղվող Ա/Ձ-ի անվանման հետ կապված

Մանե.

Բարև Ձեզ: Նոր բացված Ա/Ձ-ն զբաղվելու է վարսավիրական գործունեությամբ, գործելու է միկրոձեռնարկատիրության դաշտում։ Խնդրում եմ կասեք` սալոնի անվանման հետ կապված ի՞նչ քայլեր պետք է անել, նաև, եթե ցանկանում է ընթացքում իրականացնել վարսավիրական ուսուցում, հարկային դրույթները կնշե՞ք, եթե դրանք կան։ Շնորհակալ եմ:

ՍՊԸ-ն ցանկանում է միաժամանակ իրականացնել երկու գործունեություն

Արարատյան Խոհանոց.

Բարև ձեզ:
ՍՊԸ-ն, որը կազմակերպում է դասընթացներ միջին մասնագիտական, պատրաստվում է նաև մեկ այլ գործունեություն սկսել, այն է՝ մշակել սննդակարգ (առողջ սնունդ) և մատակարարել հաճախորդներին:
Հարցս հետևյալն է՝ կարո՞ղ ենք համատեղել այդ 2 գործունեությունը, ասեմ, որ դասընթացների մասով մենք հարկվում ենք շրջ. հարկով, որպես այլ գործունեություն 5 %-ով, արդյո՞ք մյուս գործունեությունը կհամարվի հանրային սնունդ, և դասընթացը ավտոմատ կհարկվի 20 %-ով: