Աննա.

Բարև ձեզ: Շրջանառության հարկով աշխատող ԱՁ եմ, ուզում եմ ՌԴ-ից քսայուղեր, պահեստամասեր ներմուծել, կասե՞ք՝ ինչ հերթականությամբ եմ սկսելու հաշվառումը և ինչ հաշվետվություններ ունեմ հանձնելու: Կանխավ շնորհակալ եմ:

Արփինե.

Բարև ձեզ:
ԱՁ-ն Ֆրանսիայից ներմուծում է կատարել, բոլոր վճարումներն անելուց և ապրանքները ստանալուց հետո կա՞ արդյոք հարկային հաշվետվության կամ վիճակագրական հաշվետվության ներկայացման պարտավորություն։ Նախապես շնորհակալ եմ։

Արթուր․

Բարեվ Ձեզ։
Խնդրում եմ հարցիս պատասխանել։ Արդյո՞ք ունի ֆիզիկական անձը իրավասություն ԵԱՏՄ տարածքից ապրանք ներմուծել։

Արտո.

Բարև ձեզ: Շրջանառության հարկով աշխատող ԱՁ եմ (ծառայություն եմ մատուցում), ուզում եմ Թուրքիայից պահեստամասեր ներմուծել, կասե՞ք՝ ինչ վճարումներ ունեմ անելու:

Էդիկ.

Բարև ձեզ: Ես ուզում եմ Թուրքիայից ներմուծել քիմիական նյութ, պոլիուրեթան, ինչպիսի՞ հարկ ու տուրք պետք է վճարեմ մաքսազերծելուց, ֆիզիկական անձ եմ:

Թ.

Եթե մեքենա է ներմուծվել Վրաստանից և Թուրքիայից, մաքսազերծվել է, կա՞ արդյոք հաշվետվություն ներկայացնելու կարիք, թե՞ միայն ԵՏՄ-ին է վերաբերում:

Արփինե․

Արդյո՞ք ազատված չէ գյուղատնտեսական ապրանքների ներմուծումը (ՌԴ-ից դրամաշնորհային ծրագրի շրջանակում) ԱԱՀ-ից և մաքսատուրքից, և ի՞նչ փաստաթղթեր են հարկավոր ներմուծման ժամանակ, եթե ապրանքը չի գնվում ինչ-որ մեկից և անհատույց է։

Ռուզաննա․

Բարև Ձեզ, խնդրում եմ պատասխանել ինձ՝ ներմուծված պարարտանյութը ազատվու՞մ է ԱԱՀ-ից, թե՞ ոչ, և ուրիշ ի՞նչ վճարներ պետք է կատարել: Շնորհակալություն։

Աննա․

Բարև ձեզ: Մի կարևոր հարց ունեմ, խնդրում եմ, արագ արձագանքեք: Եթե չեմ ներկայացրել շրջանառության հարկի հայտարարությունը, սակայն ներկայացրել եմ ներմուծման վերաբերյալ փաստաթղթերն, ի՞նչ կարող եմ անել, որ ԱԱՀ դաշտից դուրս գա։ Ինչ-որ տարբերակ կա՞, թե՞ ոչ։

Նարինե․

Բարև ձեզ, հարգելի հաշվապահներ։ Ներմուծում ենք արել Ռուսաստանից, ԵՏՄ հաշվետվությունները բոլորը տրվել է, հարցս միայն բեռնափոխադրմանն է վերաբերվում։ Ռուսաստանի կազմակերպությունն է կատարել բեռնափոխադրումը, ունենք պայմանագիր և ինվոյս, գումարը փոխանցել ենք, սակայն ոչ մի հաշվետվություն այդ մասով չեմ ներկայացրել, այժմ էլ պատրաստվում եմ տարեկան շահութահարկով ծախսագրել, կա՞ այստեղ խախտում, ի՞նչ էի անելու, որ չեմ արել, կանխավ շնորհակալություն։

Ռուզան․

Բարև ձեզ, հարգելի հաշվապահներ: Օգնեք կատարել ձևակերպում: Ունենք ներմուծում ՌԴ-ից 3 147 000 արժեքով, որի ԱԱՀ-ն կազմում է 629 400: Սկզբում կանխավճար ենք ուղարկել օգոստոսին, ապրանքը ստացել ենք սեպտեմբերին, ուղարկել եմ հայտարարագիրը և հաշվանցում եմ արել սեպտեմբերին, բայց ԱԱՀ – ն վճարվել է հոկտեմբերի 10-ին:

Վիկտոր.

Հարգելի ընկերներ, խնդրում եմ պատասխանել հետևյալ հարցերին.
1) Ցանկանում ենք զբաղվել ապրանքների ներկրմամբ ԵԱՏՄ-ից (ՌԴ), ԱՁ լինե՞լ, թե՞ բացել ՍՊԸ (և հերթականությունը դրանց բացման, պահանջվող փաստաթղթեր և այլն)։
2) Նշեք նաև մաքսային վճարների չափերը, ինչպե՞ս տեղեկացված լինել, թե տվյալ ապրանքի կամ ապրանքների համար որքան մաքսային վճարներ պետք է կատարել, և օրենքով սահմանված մեր պարտավորությունները։

Շնորհակալ եմ:

Լյուսի.

Բարև ձեզ: Երրորդ երկրից պատրաստվում եմ ներմուծել մեծ քանակի գյուղատնտեսական տրակտորներ, (Код ТН ВЭД_ 8701 95, более 130 кВт) , խնդրում եմ պարզաբանել՝ ՀՀ-ում դեռ գործում է ՄԱՔՍԱՏՈՒՐՔԻՑ ազատում այս ապրանքների ներմուծման ժամանակ, թե ես ստիպված եմ լինելու վճարել 10% մաքսատուրք, ինչպես նշված է ЕДИНЫЙ ТАМОЖЕННЫЙ ТАРИФ Евразийского экономического союза – ում։

Անհրաժեշտ է պրոֆեսիոնալ մաքսային բրոքերի օգնություն — անցյալ տարի (2019 – ին ) ներմուծել ենք автобетономешалки (Код ТН ВЭД 8705 40 000) , նույն ինքը ՝ միքսեր բեռնատար, նոր / չօգտագործված։ Այդ ժամանակ այս ապրանքատեսակը ազատված էր և՛ մաքսատուրքից, և՛ ԱԱՀ -ից։ Խնդրում եմ հստակ ճշտել և ասել՝ արդյոք այս տարի էլ է ազատված մաքսատուրքից, թե պարտավոր ենք վճարել 15% մաքսատուրք, ինչպես նշված է ЕДИНЫЙ ТАМОЖЕННЫЙ ТАРИФ Евразийского экономического союза – ում։ Կ՞ա այնպիսի փորձված բրոքեր, ով կարող է հստակ պատասխան տալ և այնուհետև ձևակերպել այս Միքսերը, պատրաստ եմ մաքսային միջնորդության ստանդարտ սակագնից վճարել 3 անգամ շատ, միայն թե վստահ լինեմ ներմուծելուց առաջ։

Լյովա.

Բարև ձեզ: Խնդրում եմ պատասխանել հետևյալ հարցին՝ եթե ես Թուրքիայից ապրանք եմ բերում և մաքսազերծում, հարկային ի՞նչ այլ փաստաթղթեր են ինձ հարկավոր ճիշտ աշխատելու համար: Նախապես հայտնում եմ շնորհակալություն, ուղղակի, ժող. ջան, ես սկսնակ եմ, նոր եմ Ա/Ձ բացել:

Հայկ.

Բարև ձեզ:
Հարգելի հաշվապահներ, ցանկանում եմ ԱՁ-ով Ռուսաստանի Դաշնությունից ռուսական արտադրության կոշիկներ ներմուծել: Խնդրում եմ տեղեկացնել՝ ինչպիսի՞ վճարներ՝ պետ. տուրք, մաքսավճար, ԱԱՀ և այլն, ունեմ կատարելու, և արտադրող ընկերությունը հաշիվ-ապրանքագիրը ԱԱՀ-ո՞վ պետք է ներկայացնի, թե՞ առանց ԱԱՀ: Կանխավ շնորհակալություն:

Արմեն.

ԱՁ-ն աշխատում է շրջանառության հարկով, խնդրում եմ, ասեք՝ Չինաստանից էլեկտրոնային տեխնիկա (համակարգչային մասեր, սմարթ ժամացույցներ) ներմուծելիս ի՞նչ հարկեր պետք է մուծվեն, և խնդրում եմ, հաշվեք, օրինակ, 20 $ արժողությամբ սարքի հարկերը։

Կանխավ շնորհակալություն:

Արտակ.

Բարև ձեզ:
Խնդրում եմ, օգնեք գտնեմ ինֆորմացիա ԱԱՀ-ի հաշվարկման կարգի վերաբերյալ: Խոսքը գնում է ԵՏՄ ոչ անդամ պետությունից ՀՀ ապրանքի ներմուծման համար իրավաբանական անձից գանձվող ԱԱՀ-ի մասին: Նախապես շնորհակալություն:

Վահե.

Բարև ձեզ:
Հարգելի մասնագետներ, խնդրում եմ, ներկայացրեք ըստ հերթականության ՍՊԸ-ի բացման կարգը և քայլերը, պետական վճարների չափերը և այլն: Նախօրոք նշեմ, որ ՍՊԸ-ն զբաղվելու է ԵԱՏՄ ոչ անդամ երկրից ներմուծմամբ:

Նախապես շնորհակալություն:

Հակոբ.

Հարգելի գիտակ հաշվապահներ, խնդրում եմ, օգնեք!!!

Արդյո՞ք հնարավոր է ԱՁ-ով արտասահմանյան օնլայն խանութից ապրանք ներմուծել և մաքսազերծել ինվոյսով, ոչ թե շուկայական գնով։ Ներմուծվող ապրանքը ակցիզավորման ենթակա է։

Կանխավ շնորհակալություն:

Արամ.

Ո՞վ կարող է օգնել ինձ: ՍՊԸ-ն աշխատում է ԱԱՀ դաշտում: Ցանկանում եմ անցնել շրջ. հարկի համակարգ, սակայն վստահ չեմ, թե ինչքանով է դա ձեռնտու իմ ՍՊԸ-ին: Շրջանառությունը 2019թ. եղել է 10 281 856 դրամ, ԱԱՀ-ն՝ 1 584 660 դրամ: 2019թ. արտերկրից ներմուծել եմ ընդհանուր մաքսային արժեքով 6 315 493 դրամի ապրանք, ԱԱՀ-ն՝ 2 265 902 դրամ, ՀՀ տարածքում ձեռք բերված ապրանքների և ծառայությունների գումարը կազմել է 2 240 429 դրամ, ԱԱՀ-ն՝ 90 364 դրամ: Նախորդ տարի վճարել եմ 342 557 դրամ շահութահարկ և 2019թ.-ին՝ 68 511 դրամ եռամսյակային կանխավճար: Եթե կարող եք օգնել, շատ շնորհակալ կլինեմ:

Հասմիկ.

Բարև ձեզ: ԱՄԷ-ից ներմուծել եմ գյուղտեխնիկայի պահեստամասեր, բայց դրանք հայտարարագրում ձևակերպված են որպես ավտոմեքենայի: Երրորդ երկրից ներմուծման դեպքում նման պարագայում ինչպե՞ս հաշվեմ ԱԱՀ-ն:

Վահե.

Ընկերությունը զբաղվելու է ներմուծմամբ:

Ներմուծման քանակների մասին մոտավոր պատկերացում կազմելու համար կարող եմ ասել, որ ապրանքը կապված է շինանյութի հետ, իսկ ՀՀ է մտնելու մեծ բեռնատարներով (+20 տոննա):

Ընկերությունը գրանցել ՍՊԸ՞, թե՞ ԱՁ, և ինչու՞։

Շնորհակալ եմ:

Լուսինե.

Բարև ձեզ։ Կարո՞ղ եք օգնել հետևյալ հարցում․
Մատնահարդարման սրահը 2 ամիս իրականացրել է նյութերի վաճառք, բայց այլևս չի իրականացնելու վաճառք, կատարվելու է նյութերի ներմուծում միայն սրահի օգտագործման համար։ Կարո՞ղ է 2020թ․-ից ԱՁ-ն համարվել միկրոձեռնարկատիրության սուբյեկտ, նշեմ, որ 24 մլն-ի շեմը չի գերազանցում։

Ալբերտ.

Բարև ձեզ: Իրավաբանական անձը (նոր գրանցված Ա/Ձ) ցանկանում է հագուստ ներմուծել 3-րդ երկրից (Թուրքիայից): Մաքսազերծման ի՞նչ սակագներ են գործում և գործելու 2020թ.-ից:

Քրիստինե.

Բարև ձեզ: Ներեցեք, կօգնե՞ք ձևակերպել՝ կազմակերպությունը ներմուծել է մարդատար տրանսպորտային միջոց ոչ ԵՏՄ անդամ պետությունից, որի գնման գինը՝ 600 000 դրամ, չի վճարվել: Շնորհակալություն:

Արտավազդ.

Բարև ձեզ:
Ցանկանում եմ ռուսական մանկական կերեր արտադրող ֆիրմայից ապրանք ներկրել, կասե՞ք ընթացակարգը թղթաբանության, ինչի՞ց սկսեմ:

Արտակ․

Բարև ձեզ։ Ես զբաղվում եմ պահեստամասերի մանրածախ առևտրով, ներմուծում եմ Վրաստանի Հանրապետությունից: Սահմանին փորձագետի բացակայության պատճառով ներմուծումը գրանցում են որպես ֆիզ․ անձ: Կարո՞ղ եմ իմ ֆիզ. անձից ապրանքները վաճառել իմ Ա/Ձ-ին: Եթե այո, ինչպե՞ս կհարկվի, եթե ոչ, ինչպե՞ս կարելի է այդ խնդիրը կարգավորել:

Մելինե.

Բարև ձեզ։
ԱՄՆ-ից և Անգլիայից ներկրում ենք մանկական հագուստ և կոսմետիկա։ 2020թ.-ից ցանկանում ենք բացել փոքրիկ կրպակ։ Որպես ի՞նչ է ճիշտ գրանցել՝ ԱՁ՞, թե՞ ընտանեկան ձեռնարկատիրություն։ Շատ փոքր բիզնես է։ Մեկի և մյուսի դեպքում ի՞նչ հարկեր են կիրառվում։

Դավիթ.

Բարև ձեզ: Կազմակերպությունը Ռուսաստանից ապրանք է ներմուծում, բեռնափոխադրող ընկերությունը հայկական ընկերություն է և բեռնափոխադրման համար մեզ հաշիվ է դուրս գրելու: Կասե՞ք՝ ինչպես է հաշվարկելու ԱԱՀ-ն և մաքսատուրքը:

Մարիամ.

Բարև ձեզ: Եթե ՍՊԸ-ն ունի մի քանի խանութ, և բոլոր խանութներում նույն ապրանքները ներմուծված են տարբեր անուններով, ապա դա օրենքի խախտու՞մ է:

Լուսինե.

Բարև ձեզ:

Ընկերությունը ներմուծում է հատակամաքրիչ, մաքրող հեղուկ և լաթ, որոնք և վաճառում է որպես մեկ հավաքածու: Նշված հավաքածուն հայտարարագրվում է դրոշմապիտակավորման ոչ ենթակա ԱՏԳ կոդով: Սակայն միջի հեղուկը առանձին ներմուծելու դեպքում հայտարարագրվում է դրոշմապիտակավորման ենթակա կոդով և օրենքին համապատասխան վերագրվում և դրոշմապիտակավորվում է: Ինչպե՞ս պետք է վարվել նման դեպքում համապատասխան հավաքածուի հետ: Արդյո՞ք պետք է առանձին վերագրել միջի հեղուկը և դրոշմապիտակը փակցնել տուփի վրա:

Նախապես շնորհակալություն:

Նարինե.

Բարև ձեզ:

ԱԱՀ-ով աշխատող ՍՊԸ-ն ապրանք է ներմուծել ԵՏՄ-ից, տվյալ երկրի տրանսպորտով, որի հետ առանձին կնքվել է տրանսպորտային ծառայության պայմանագիր, ինվոյս:
Հարց 1՝ հայտարարության մեջ ապրանքի արժեքում ներառե՞մ տրանսպորտային ծախսը, թե՞ ոչ:
Հարց 2՝ ոչ ռեզիդենտի շահութահարկի հաշվետվություն տալու՞ եմ, քանի որ ծառայություն է մատուցված ոչ ռեզիդենտ կազմակերպության կողմից (գումարը փոխանցված է):
Հարց 3՝ ԱԱՀ-ի հաշվարկի 17 տողում միայն ներմուծված ապրանքներ է ուզում, տրանսպորտի արժեքը գումարեմ ապրանքի գնին նոր ԱԱՀ հարկ հաշվարկե՞մ:

Կանխավ շնորհակալություն:

Տիգրան.

Բարև ձեզ: Ես ուզում եմ մանր առևտրով զբաղվել և պետք է ապրանքը բերեմ դրսից: Ի՞նչ թղթեր են հարկավոր, և հնարավո՞ր է արդյոք աշխատել հին ՀԴՄ սարքով։

Հասմիկ.

Խնդրում եմ, շատ շտապ է: Ա/Ձ-ն (շրջ. հարկ վճարող) Վրաստանից ներմուծելու է անձեռոցիկ, բացի եռամսյակային շրջ. հարկի հաշվարկից ուրիշ ի՞նչ պետք է ներկայացնի հարկային կամ մաքսային և ի՞նչ կարգով ու ի՞նչ բլանկով:

Վարդան Ադունց.

Փոստային առաքումով ներկրել եմ համակարգիչներ՝ գնված Ալիբաբա կայքում: Մաքսազերծելիս ինձ ասացին, որ հաշվարկը կատարվելու է ոչ թե ինվոյսում գրված գնով, այլ հսկիչ գներով: Օրինակա՞ն է արդյոք դա:

Տարոն.

Հարգելի հաշվապահներ, խնդրում եմ, օգնեք։ ԱՁ-ն ապրանք է ներմուծում (օծանելիք) ԵԱՏՄ-ից, խանութի անուն դնելու համար ի՞նչ պետք է անել, հարկայինում պետք է գրանցե՞լ անունը։

Արա.

Հանդիսանում եմ ներմուծող ընկերություն: Ռուսաստանից Հայաստան ապրանք ներմուծելիս ինչպե՞ս ես կարող եմ վերադարձնել Ռուսաստանին վճարված ավելացված արժեքի հարկը: Խնդրում եմ, բացատրեք ընթացակարգը:
Ներմուծման ընթացքում որոշ ապրանքներ դարձել են ոչ պիտանի, ինչպե՞ս ես տվյալ ապրանքների ոչ պիտանի դառնալու պարագայում կարող եմ ազատվել ավելացված արժեքի հարկից:
Խնդրում եմ պատասխանել՝ ի՞նչ է իրենից ներկայացնում «Վեռոն» ծրագիրը, և ինչպե՞ս են օգտվում:

Սաշիկ․

Բարև ձեզ: Ցանկանում եմ երրորդ երկրից կիթառ բերել նավով կամ բեռնատարով անձնական օգտագործման համար, մաքսազերծելու կարիք ունի՞, թե՞ ոչ։ Քաշը 3-5 կգ է։ Եվ քանի՞ կգ-ի մաքսազերծելու կարիք է առաջանում։

Իզաբելա.

Հարգելիներս, ԼՂՀ Հայաստանյան մասնաճյուղը զբաղվում է ներմուծումով և ապրանքը ուղարկում է ԼՂՀ: Շահութահարկի հաշվետվություն հանձնելու՞ է, թե՞ ոչ:

Վիկտորիա.

Բարի երեկո բոլորին: Խաղալիքների ներմուծումը ի՞նչ դրույքաչափով է հարկվում, սակագին կա՞ ֆիքսված:

Խաչ.

Բարև ձեզ: Օգնեք հետևյալ հարցում: Գործող ԱՁ եմ՝ շրջ. հարկով: Այս ամսվա 16-ին իմ ԱՁ-ով ներմուծել եմ ապրանքներ ՌԴ-ից, հիմա ուզում եմ անցնել ԱԱՀ դաշտ: Այս դեպքում ես պետք է երկու անգամ ԱԱՀ մուծե՞մ:

Սարգիս.

Բարև ձեզ:

Ցանկանում եմ 3-րդ երկրից հագուստ ներմուծել Հայաստան Ա/Ձ-ի համար, ուզում եմ իմանալ ի՞նչ վճարումներ եմ անելու մաքսազերծման ժամանակ, քանի՞ տոկոս և ի՞նչ հարկով եմ հարկվելու հետագայում:

Անահիտ.

Ուզում եմ 3-րդ երկրից մարդատար ավտոմեքենա ձեռք բերել ՍՊԸ-ով, ի՞նչ տարեթվից և ի՞նչ հարկատեսակ է սահմանված:

Մարգարիտա․

Հարգելի հաշվապահներ, կազմակերպությունը ներմուծել է ապրանքներ ԵՏՄ-ից և ներկայացրել է ապրանքների ներմուծման և անուղղակի հարկերի վճարման մասին հայտարարություն և ներմուծման հարկային հայտարարագիր։ Կասե՞ք՝ հանձնելուց որքան ժամանակ հետո է ՀՏ-ն հաստատում այդ փաստաթղթերը։

Հարութ․

Հարգելի գործընկերներ, կազմակերպությունը ներմուծել է մարդատար ավտոմեքենա։ Ի՞նչ նրբություններ կան դրա ԱԱՀ-ի հաշվառման հետ կապված։

Հակոբ․

Բարև ձեզ: Խնդրում եմ օգնել ինձ:

Ցանկանում եմ Հայաստան ներմուծել որոշ ապրանքներ ԱԼԻԲԱԲԱ կայքից: Ունեմ մի քանի հարց՝

1. մեծաքանակ պատվերներ տալու և դրանք հետո վերավաճառելու համար անհրաժե՞շտ է բացել ԱՁ,
2. ինչպե՞ս հաշվարկեմ, թե որքան մաքս պետք է վճարեմ ապրանքի համար:

Անի.

Բարև ձեզ։ խնդրում եմ պատասխանել: Արդյո՞ք ՌԴ-ից ներմուծված ապրանքի դիմաց կազմակերպությունը իրավունք ունի կանխիկ վճարելու, և արդյո՞ք կանխիկ վճարած գումարները կարող է նվազեցնել շահութահարկից: