Լանա․
Բարև ձեզ, կարո՞ղ եք ասել՝ եթե ԱՁ-ն շրջհարկով է աշխատել 2025թ-ին, սակայն շրջանառություն չի ունեցել, սոց․ վճար և շահութահարկի հաշվետվություն պե՞տք է ուղարկել ու վճարել (երկուսը միասին 120 000դրամ)։
շրջանառության հարկ
Լիլիթ․
Շրջ․ հարկի հաշվարկի ժամանակ Ա/Ձ – ի համար լիցենզիայի տարեկան պետ տուրքը՝ 50 000 դրամը համարվու՞մ է նվազեցվող ծախս։
Գևորգ.
ԱՁ հաշվառելուց (բացելուց) հետո պարտադի՞ր է հարկային մարմին է ներկայացրել հայտարարություն` շրջանառության հարկ վճարող համարվելու վերաբերյալ և եթե դա չի արվել, հնարավո՞ր է ներկայացնել հայտարարությունը ուշացումով: Շնորհակալություն։
Սեդա.
Բարև Ձեզ, ԱՁ-ն զբաղվում է ձեռագործ խաղալիքների ու կախազարդերի արտադրությամբ ու վաճառքով (2025 թվականից), հարկեր չեն գանձվել, վճարել եմ միայն դրոշմանիշային վճարը, շրջանառությունը չի գերազանցում 1.8 մլն-ը։ Այս տարի լինելու՞ են փոփոխություններ, որ կազդեն իմ վրա, կամ արդյո՞ք շրջհարկի դաշտ մտնելու եմ:
Լիլիթ.
Բարև Ձեզ: ԱՁ-ն 2025թ.-ի մայիսին գնել է ՀԾ բազա՝ լինելով շրջանառության հարկ վճարող: Հուլիսից անցել է ԱԱՀ դաշտ: Արդյո՞ք շահութահարկում կարող ենք նվազեցնել դա, ու եթե այո որքա՞ն մասը:
Արամ․
Առևտրային գործունեթյամբ զբաղվող ընկերությունը ՍՊԱ աշխատում է շրջանառության հարկի դաշտում 10%։ Խնդրում եմ ասեք՝ նշվածներից որո՞նք են համարվում հարկի նվազեցման գումարներ՝ ՀԴՄ սպասարկման, Վաճառքի ծրագրի վճար, Ապրանքի ձեռքբերման վճար Ընդհանուր մաքսային արժեք, Մաքսատան տերմինալի վճարչ, Մաքսազերծող ընկերության կատարած ծառայությունների վճար: Դրոշմանիշային վճարը կամ աշխատավարձը համարվու՞մ են նվազեցնեղ գումար: Կանխավ շնորհակալություն օնգության համար:
Անի․
Բարև Ձեզ։ Խնդրում եմ պատասխանել հարցիս․ եթե ԱՁ-ն իր քարտից գնում է կատարել (անձնական), հիմա խանութն ասում է՝ կարող է հաշիվ դուրս գրել, արդյո՞ք դա անհրաժեշտ է։ ԱՁ-ն աշխատում է շրջհարկով օնլայն տանից՝ ծախսեր չի կատարում։
Հայկ․
Բարև Ձեզ, հարգելի մասնագետներ։ Շրջհարկով աշխատող ԱՁ եմ։ Առաջին անգամ Ozon-ից ստացել եմ Отчет о реализации դեկտեմբեր ամսվա համար, ունեմ միայն մեկ վաճառք։ Վաճառքի ամսաթիվը 12․12․2025թ է, գումարն էլ ռուբլիով։ Ունեմ մի քանի հարց․
1․ Այդ վաճառքի համար պե՞տք է դուրս գրեմ հաշիվ վավերագիր, և եթե այո, ապա ու՞մ անունով, և ո՞ր ամսաթվով։
2․ Ապրանքների մատակարարման վայրը և նշանակման վայրը որ՞ հասցեները պետք է գրել։
3․ Գինը հաշվել ո՞ր օրվա ռուբլու կուրսով։
4․ Բացի շրջհարկի հաշվետվությունից, որևէ այլ հաշվետվություն ներկայացնելու կարիք կա՞։
Անչափ շնորհակալ կլինեմ օգնելու համար։
Հովհաննես․
Բարև Ձեզ։ Աշխատում ենք շրջանառության հարկի դաշտում։ Ցանկանում եմ իմանալ՝ 2025թ-ի համար վճարած 60 000 սոց, 60 000 շահութահարկ և դրոշմանիշային վճարները կարո՞ղ եմ ծախս ճանաչել 2026թ առաջին եռամսյակի շրջհարկի հաշվետվության ժամանակ։ Շնորհակալություն։
Ալլա․
Բարև Ձեզ։ ԱՁ-ն, որն աշխատում է շրջանառության հարկով, դեկտեմբերի 26-ին անցել է ԱԱՀ շեմը՝ 3մլն-ով։ Դեկտեմբերի ԱԱՀ-ի հաշվետվության մեջ ապրանքային մնացորդի ԴՏ-ը ԱԱՀ-ը, որից կա իրացում, ի՞նչ չափով պետք է հաշվանցվի, ո՞ր հոդվածի համաձայն։
Սեյրան․
Բարև ձեզ: Շրջանառության հարկով աշխատող ԱՁ-ն “189. ՀԱՇՎԱՐԿ՝ Եկամտային հարկի և սոցիալական վճարի ամսական” և “286. Շրջանառության հարկի հաշվարկ (01.01.25 թ. –ից հետո ընկած հաշվետու ժամանակաշրջանների համար)” ձևերից բացի այլ հավետվություն ներկայացնու՞մ է։
Հասմիկ․
Բարև Ձեզ, հարգելի հաշվապահներ։ Եթե ԱՁ-ն գործունեությունը դեկտեմբեր ամսով դադարեցրել է, պե՞տք է արդյոք 2026 թվականին ներկայացնի “201. Շրջանառության հարկ վճարող համարվելու վերաբերյալ հայտարարություն” ձևը։
Անուշ․
Բարև ձեզ, հարգելի հաշվապահներ։ Շրջանառության հարկով աշխատող ԱՁ-ն ցանկանում է զբաղվել հագուստի և զարդերի վաճառքով, ապրանքները գնում է արտասահմանյան տարբեր խանութներից, որպես անհատ, ինչպես նաև պատրաստվում կամ կարվում է Հայաստանում անհատ անձի կողմից: Ինչպե՞ս պետք է կազմակերպել ապրանքի մուտքի գրանցումը, ի՞նչ փաստաթղթավորում է հարկավոր, ի՞նչ հարկեր և հաշվետվություններ են անհրաժեշտ ուղարկել:
Հայկ․
Բարև ձեզ։ Շնորհավոր Ամանոր և Սուրբ Ծնունդ։ Այսպիսի իրավիճակ է առաջացել, կխնդրեմ օգնել։ ԱՁ-ն աշխատում է շրջհարկով, մատուցում է ծառայություններ։ Վերջերս ձեռք է բերել ապրանքներ շուկայից` առանց փաստաթղթի, որոնք վաճառում է Օզոնում։ Այդ ապրանքների համար դուրս է գրվել միայն տեղափոխության բեռնագիր։ Հիմա ձևակերպեմ հարցերս.
Հարց 1. Միակողմանի ձեռք բերված ապրանքների գումարը և առաջացած 20% եկամտային հարկը ո՞ր հաշվետվության մեջ պետք է արտացոլել
Հարց 2. Օզոնում վաճառված ապրանքների համար պե՞տք է հաշիվ դուրս գրել և ի՞նչ տվյալների հիման վրա
Հարց 3. Տեղափոխության բեռնագրում նշված գումարները ենթակա՞ են հարկման շրջհարկով
Շնորհակալություն։
Հակոբ․
Բարև Ձեզ։ 2026-ի փոփոխություններից շրջանառության հարկով աշխատող ԱՁ-ին վերաբերվող փոփոխություն կամ ավելացում կա՞, բացի ԱՏԳ կոդերը։
Անահիտ․
Բարև ՁԵզ: Եթե Ա/Ձ-ն գործունեությունը դադարեցրել է ժամանակավոր՝ 207 հաշվետվությամբ, դադարեցված ամիսների համար պե՞տք է վճարի ամսական 10 000 (5 000 սոց. վճար, 5 000 շահութահարկ)։
Արմեն․
Շրջանառության հարկով աշխատող ԱՁ-ն ԱՄՆ-ում գրանցված կազմակերպությունից ինվոյսով ձեռք է բերել ֆուտբոլի տոմսեր՝ վերավաճառելու նպատակով։ Արդյո՞ք այս դեպքում տոմսերի ձեռքբերումը ենթակա է ոչ ռեզիդենտի շահութահարկով հարկման, և եթե այո, ապա քանի % է լինելու հարկը։ Շնորհակալություն։
Գայանե․
Բարև Ձեզ, հարգելի հաշվապահներ։ Հարցս հետևյալն է․ կազմակերպությունը, որը շրջհարկով է աշխատում, ուզում է վաճառել տարածքը այլ կազմակերպության։ Ի՞նչ հարկեր են առաջանում, և հաջորդ հարցս՝ տվյալ տարածքը գնվել է վարկով և դեռ մարված չէ, կա՞ տարբերակ, որ գնող կազմակերպությունը ժառանգի վարկը և արդյունքում քիչ վճարի։
Անահիտ Վասիլյան․
Բարև Ձեզ։ Շրջանառության հարկով պետք է աշխատեմ և վաճառելու եմ հագուստ, այսինքն մանրածախ առևտրով պետք է զբաղվեմ։ Ինչպես նաև փոքրիկ տարածք եմ վարձակալել։ Ի՞նչ հաշվետվություններ պետք է ուղարկեմ ՊԵԿ, և արդյո՞ք վիճհաշվետվություն ուղարկելու եմ վիճվարչություն։
Անի․
Հարգելիներս, խնդրում եմ օգնեք հետևյալ հարցում։ Կազմակերպությունը աշխատում է շրջ․հարկով և տեղադրել է մետաղադրամով շահագործվող սուրճի ապարատ։ Հարցս հետևյալն է՝ արդյո՞ք կարող ենք շարունակել աշխատել շրջ․ հարկով և եթե այո, ապա բացի 285 ձևից արդյո՞ք այլ հաշվետվության մեջ պետք է ցույց տալ դա։
Նարեկ․
Բարև Ձեզ: Ցանկանում եմ ապրանք վաճառել Wildberries-ում, բայց ապրանքը գնելու եմ Չինաստանից և ուղարկեմ ՌԴ պահեստ: Ինձ հետաքրքրում է՝ արդյո՞ք կարողանալու եմ Չինական կազմակերպության տրված ինվոյսի հիման վրա կատարել նվազեցումներ, որպես ապրանքի ինքնարժեք։
Շուշանիկ․
Հարգելի հաշվապահներ, խնդրում եմ օգնել հետևյալ հարցում: Տրանսպորտային միջոցի վճարած գույքահարկով արդյո՞ք հնարավոր է նվազեցնել շրջանառության հարկը։
Գոհար․
Եթե անցել եմ միկրոյի 24 միլիոն դրամ շեմը երկար ժամանակ, ինչպե՞ս վարվեմ հունվարից անցնեմ շրջհարկի, և այսքան ժամանակ ավտոմատ անցե՞լ եմ ԱԱՀ-ի։
Զաքարյան․
Բարև Ձեզ։ Նախապես շնորհակալություն պատասխանի համար։ Եթե տուրիստական ոլորտում եմ աշխատելու, ԱՁ բացելուց շրջհա՞րկ պետք է ընտրեմ, և 1 ԱՁ-ի տակ հնարավո՞ր է գրանցել 2 ընկերություն՝ 1 տուրիստական, 2-րդը վաճառք։
Շրջանառության հարկ – ի՞նչ է այն իրենից ներկայացնում
Շրջանառության հարկը հարկման հատուկ համակարգ է: Այն փոխարինում է շահութահարկին և ԱԱՀ-ին։ Համարվում է, որ նրա կառուցվածքում շահութահարկի բաժինը կազմում է մոտ 40 %, իսկ ԱԱՀ-ինը՝ 60 %։
Ոչ բոլոր գործունեության տեսակները կարող են աշխատել շրջանառության հարկի համակարգում։ Շրջանառության հարկի կիրառման դեպքում գործում են մի շարք գործունեությունների սահմանափակումներ (ՀՕ 254-րդ հոդված), ինչպես նաև 115 միլիոն դրամ տարեկան շրջանառության շեմ, որը հաճախ անվանում են ԱԱՀ-ի շեմ։ Հարկ է նշել, որ կարևոր սահմանափակումներից է փոխկապակցված լինելը, երբ․
ՄանրամասնՎիկա.
Բարև Ձեզ։ Զբոսաշրջության և թարգմանության ոլորտի հետ կապված է հարցս: ԱՁ բացելուց ի՞նչ է անհրաժեշտ, և շրջհարկո՞վ է լինելու, թե՞ ԱԱՀ։ Նախապես շնորհակալություն։
Սոֆյա․
Բարև ձեզ։ Հարգելի հաշվապահներ, ՍՊԸ-ն գրանցված է որպես փայտե իրերի արտադրությամբ զբաղվող ՍՊԸ, սակայն այն զբաղվում է նաև արհեստական քարից իրերի արտադրությամբ։ Կարո՞ղ է արդյոք ՍՊԸ-ն քար ներկրել ՌԴ-ից, ի՞նչ ռիսկեր կան, և ի՞նչ քայլերի հաջորդականություն կառաջանա հաշվետվություններ տալու մասով։ Գործում է շրջհարկի դաշտում, քարի արտադրությամբ զբաղվելու լիցենզիա չունի։ Կանխավ շնորհակալություն։
Ռուզան․
Բարի երեկո։ Ես ուզում եմ դեղատուն բացել, նախընտրած տարածք ունեմ՝ վարձակալությամբ։ Ի՞նչ է անհրաժեշտ դեղատուն բացելու համար։ Արդյո՞ք կարող եմ աշխատել շրջանառության հարկով, և առհասարակ ի՞նչ նրբություններ կան։ Շնորհակալություն։
Հասմիկ․
Բարի օր, հարգելի կոլեգա։ Ա/Ձ 2025թ․ նոյեմբերի կեսին 115 մլն․ դրամի շեմը անցնում է և դառնում է ԱԱՀ վճարող։ Եթե հուշեք քայլերի հերթականությունը՝ շատ շնորհակալ կլինեմ։ Մթերային խանութ է։ Ի՞նչ անել ապրանքային մնացորդի հետ։ Ի՞նչ հարաբերակցությամբ է տեղափոխվում ԱԱՀ դաշտ։
Գայանե․
Ողջույն։ Ֆրիլանս ծրագրավորող ԱՁ-ն կարո՞ղ է աշխատել շրջ․ հարկով և ի՞նչ տարեկան վճարումներ կունենա անելու։ Շնորհակալություն։
