Արմինե.
Բարև ձեզ: Այս պահին գտնվում եմ հղիության և ծննդաբերության արձակուրդում, որը երկարացվել է բարդ ծննդաբերության պատճառով: Ինձ հետաքրքրում է մի հարց՝ երեխայի խնամքի նպաստի համար պետք է դիմել նրա 70 օրականը լրանալուն պե՞ս, թե՞ երբ որ ավարտվեն իմ ավելացված արձակուրդի օրերը:
Շնորհակալ եմ:
Երբ կավարտվի Ձեր հղիության և ծննդաբերության արձակուրդը, նույն օրը կամ մի քանի օր շուտ դիմում կներկայացնեք Ձեր աշխատանքի վայր, այնտեղ կհուշեն՝ փաստաթղթերն ինչպես ներկայացնել սոցապ: Աշխատանքի վայր կներկայացնեք նաև երեխայի ծննդյան վկայականի պատճենը:
Նպաստի համար պետք է դիմեք սոց. ծառայություն բյուլետենի լրանալուց հետո:
Դիմեք աշխատավայր՝ երեխայի խնամքի նպաստի արձակուրդի ձևակերպման համար: Բյուլետենի լրանալուց հետո պետք է դիմեք սոց. ծառայություն՝ ներկայացնելով անձնագիր, սոց. քարտ, երեխայի ծննդյան վկայականի պատճենը, նաև տարեք երեխայի խնամքի նպաստի արձակուրդում գտնվելու հրամանի պատճենը:
Երեխայի խնամքի նպաստի համար դիմեք հղիության և ծննդաբերության արձակուրդը լրանալուց հետո մեկ ամսվա ընթացքում: