Ռազ․
Բարև ձեզ։ Հարցս հետևյալն է․ ԱՁ-ն զբաղվում է ձեռքի ախտահանիչ հեղուկների արտադրությամբ և միայն մեծածախ վաճառքով: Գրանցման հասցեն Երևանում չէ: Արդյո՞ք համապատասխանում է միկրոձեռնարկատիրության համակարգում աշխատելու պայմաններին։
Կայք հաշվապահների համար և ոչ միայն
Այո, քանի որ արտադրություն է, ապա կարող է գործել միկրոյի տակ, եթե այլ պայմաններին բավարարում է։
Նոր գրանցված Ա/Ձ-ն այս տարի ու մինչև 24 մլն տարեկան իրացման շեմը կարող է, սակայն հաջորդ տարի ոչ, քանի որ իրականացնելու եք մեծածախ վաճառք:
Տիգրան ջան, կբացատրեք՝ ինչու՞ մյուս տարի չենք կարող, եթե ոչ մի պայման չի փոխվում:
Քանի որ մեծածախ վաճառք եք իրականացնելու, այսինքն՝ ապրանք եք մատակարարելու անհատ ձեռներեցներին ու կազմակերպություններին, իսկ միկրոյի համակարգում չթույլատրվող պայմաններից մեկն է, եթե մատակարարվել են ապրանքներ անհատ ձեռներեցներին ու կազմակերպություններին, հետևաբար 2021-ին արդեն կգործեք շրջհարկի դաշտում, հարկայինը Ձեր միկրոյի 2021-ի հայտարարությունը չի ընդունի՝ կմերժի:
Տիգրան ջան, բայց այս տարի խնդիր չի լինի՞ չէ մինչև դեկտեմբեր։
Այս տարի չի լինի, եթե սկսնակ եք, իսկ մյուս տարի արդեն կհամարվեք ապրանքներ մատակարարած:
Եթե շրջանառությունը չի գերազանցում 24 մլն դրամը, ապա կարող է:
Այո, Դուք կարող եք գործել միկրոբիզնեսի դաշտում։
Այո, քանի որ Ձեր արտադրանքն եք վաճառելու, կարող եք։
Այո, կարող եք գործել միկրոձեռնարկատիրության համակարգում, մինչև 24 մլն շրջանառությունը՝ անկախ մեծածախ վաճառք իրականացնելու հանգամանքից, քանի որ բացառությունը վերաբերում է միայն առևտրական գործունեությանը:
Այո, կարող եք հանդիսանալ միկրոձեռնարկատիրության սուբյեկտ։ Միկրոձեռնարկատիրության սուբյեկտներ չեն կարող համարվել՝ ․․․․ 10) կազմակերպություններին կամ անհատ ձեռնարկատերերին ապրանքների մատակարարման գործարքներ իրականացրած՝ առևտրական (առք ու վաճառքի) գործունեությամբ զբաղվող կազմակերպություններն ու անհատ ձեռնարկատերերը։