Հերմինե․
Բարև Ձեզ, նախ շնորհակալություն նման հնարավորություն ընձեռելու համար: Հարցս հետևյալն է. մեր արտադարամասի աշխատանքը հիմնականում համարվում է սեզոնային, որովհետև աշխատակիցբերին հիմնականում ընդունում ենք աշխատանքի ժամանակավոր, սեզոնի հետ կապված, պահածոների արտադրանք ենք իրականացնում. հնարավո՞ր է արդյոք այդ աշխատակիցներին ընդունենք ոչ թե աշխատանքային պայմանագրով, այլ քաղիրավական ծառայությունների հիմունքներով։
Իհարկե կարող եք, կամ քաղիրավական պայմանագիր, կամ սեզոնային աշխատանքային պայմանագիր:
Հարգելի Արմինե, քաղաքացիաիրավական պայմանագիրը ծառայությունների մատուցման պայմանագիր է, որտեղ նշվում է կոնկրետ ծառայության մատուցում, օրինակ՝ «100 միավոր պահածո փակելու ծառայություն», չնայած նշեմ, որ հնարավոր է նման ծառայությունը որակվի որպես սովորական աշխատանքային հարաբերություններ։
Կարող եք կազմել աշխատանքային պայմանագիր՝ վճարումը նշելով «ժամավճարային» և վճարելով յուրաքանչյուր աշխատած ժամի համար։
Քանի որ լավ հասկանում եմ, որ պահածոների արտադրությունում աշխատանքի մի մասը սեզոնային է, ապա անհասկանալի է, թե ինչու եք ցանկանում հիմնականում բանվորական աշխատողներին քաղիրավական ծառայությունների հիմունքներով աշխատանքի ներգրավել, քաղիրավական կարելի է կնքել այն անձանց հետ, որոնց հետ գործը, օրինակ, ըստ պատվերի է, կամ նեղ մասնագիտական հմտություններ են պահանջվում: Կնքեք աշխատանքային պայմանագրերը կամ ժամավճարով, կամ որոշակի ժամկետով՝ հաշվի առնելով նաև, թե նրանցից քանիսի աշխատանքն է առնչվում ծանր, վնասակար արտադրությունների, աշխատանքների, մասնագիտությունների ցանկին:
Հարգելի Տիգրան, ցանկանում ենք կնքել քաղիրավական, ավելորդ վճարներից ազատվելու համար աշխատողի հետ վերջնահաշվարկի, արձակուրդի դեպքում: Ուղղակի ուզում էի իմանալ՝ իրավունք ունենք, թե ոչ:
Կարող եք, սակայն իմացեք, որ նույնիսկ քաղիրավական կնքելիս պետք է հաշվի առնել, որ կան նաև աշխատանքներ, որոնք առնչվում են ծանր, վնասակար արտադրությունների, աշխատանքների, մասնագիտությունների հետ: Պայմանագրի իրենց օրինակներն էլ տվեք, որ ապագայում դրանցով կարողանան թոշակի գնալ: