Հարություն.
Հարգելի գործընկերներ, “Հարկերի մասին” օրենքի հավելված 4-ի համաձայն ուղեկցող փաստաթղթում պետք է առկա լինի տեղափոխվող ապրանքի գինը (արժեքը):
Կազմակերպությունը տեղափոխում է ապրանքը իր մի պահեստից մյուս պահեստ, որոնք նույն առաքման վայրում չեն գտնվում: Լրացվել է տեղափոխման բեռնագիր հաշվապահական ծրագրի միջոցով, որտեղ երևում են ապրանքի քանակը, միավորի արժեքը, ընդհանուր արժեքը, սակայն այդ արժեքները ապրանքի ինքնարժեքն են: Հարցը հետևյալն է` արդյո՞ք օրենքում “արժեք” ասելով` հասկացվում է հենց ինքնարժեքը, և խախտում չի՞ համարվի ուղեկցող փաստաթղթում ապրանքի ինքնարժեքի արտացոլումը: Առհասարակ, հաշվապահական փաստաթղթերում որտե՞ղ են երևում վաճառվող ապրանքի վաճառքի գները: Իմ կարծիքով` չեն երևում:
Հարգելի Հարություն,
Ճիշտը ինքնարժեքով ապրանքի արժեքն արտացոլելն է, որովհետև Դուք ընդամենը տեղափոխություն եք կատարում, այլ ոչ թե արդեն վաճառք, իսկ վաճառքի գները արդեն երևում են վաճառքը իրականացնելու վայրում: Այսինքն` ապրանքը դեռ ճանապարհին է, դեռ հայտնի չէ, թե ինչ գնով եք վաճառելու խանութում: