Ինչպե՞ս պետք է հաշվարկել հարկերը

Araqsya.

Ա/Ձ-ն աշխատանքի է ընդունել բանվորների, ովքեր պետք է աշխատեն ընդամենը 7օր։ Աշխատանքային պայմանագրում գրված է, որ վարձատրությունը գործավարձային է՝ 1 օրը 6 000 դրամ։ Ինչպե՞ս պետք է հաշվարկել հարկերը, և պետք է եկամտային հարկի հաշվետվություն ուղղարկել, թե՞ ոչ։

Ֆեյսբուքյան մեկնաբանություններ

Accountant.am
Author: Accountant.am

6 thoughts on “Ինչպե՞ս պետք է հաշվարկել հարկերը

  1. Նախ պետք է ուղարկեք բանվորների գրանցման հայտերը՝ ընդունման օրվա նախորդ օրը, հետո ամսվա կտրվածքով հաշվում եք քանի օր են աշխատել և ինչքան աշխատավարձ է հաշվեգրվել, անպայման հաշվի առեք նվազագույն աշխատավարձի դրույթը, հետո հաշվեգրված աշխատավարձից հաշվում եք հարկերը, 23 տոկոս եկամտային հարկ, 2,5 տոկոս սոց. և 1000 դրամ դրոշմանիշային։ Հաջորդ ամսվա մինչև 20 ուղարկում եք եկամտային հարկի հաշվարկը։

  2. Եթե դուք յուրաքանչյուր աշխատակցի հետ կնքել եք աշխատանքների կամ ծառայությունների մատուցման պայմանագիր /պայմանագրում նշելով գումարի մեծությունը և վճարվող հարկի չափը/, ապա պարտավոր եք գրանցել և ներկայացնել հաշվետվություն: Եթե Դուք պայմանավորվել եք վճարել մաքուր 6 000 դրամ, ապա դրա վրա պետք է ավելացնեք հարկերը: Պետք է պարտադիր կատարել փոխանցում:

  3. Նվազագույն աշխատավարձի դրույթը Աշխատանքների կատարման և Ծառայությունների մատուցման պայմանագրի պարագայում չի գործում:

  4. Կարող եք կնքել քաղիրավական պայմանագիր, նշել գումարի չափը, վարձատրության ձևը, հարկերը ներառյալ է, թե ոչ: Քաղիրավական պայմանագրի դեպքում վարձատրությունը որոշվում է կողմերի միջև, չկա օրենսդրությամբ սահմանված նվազագույն շեմ։ Հարկերի մասով՝ եկամտային հարկ 23 տոկոս, սոց. վճար 2.5 տոկոս, դրոշմանիշային 1 000դր.:

  5. Պետք է ներկայացնեք եկամտային հարկի հաշվարկը, իսկ պահումների չափերը արդեն նշվել են:

  6. Այսինքն, եթե կնքվել է աշխատանքային պայմանագիր, ապա 7 օր աշխատելու դիմաց աշխատակիցները՝ հարկերը հանած, պե՞տք է վարձատրվեն 68 000 դրամ:

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *