Անի.
Բարև Ձեզ։ Ես ԱՁ եմ, աշխատում եմ սոցիալական մեդիա մարքեթինգի ոլորտում։ Վճարում եմ շրջանառության հարկ։ Այսօր ստացել եմ հետևյալ նամակը file-online.taxservice.am համակարգով՝
1. Ձեր կողմից 2021 թ. 02 եռամսյակում դուրս գրված հաշիվ-վավերագրերի, ճշգրտող հաշիվ-վավերագրերի շրջանառության և ՀԴՄ-ի ֆիսկալ հասույթի հանրագումարը մեծ է շրջանառության հարկի հաշվարկի 22-րդ տողի գումարից: Այս վարքագիծը պարունակում է հաշվարկային փաստաթղթերով գործարքների իրացման շրջանառությունը թերհայտարարագրելու ռիսկ: Վերը նշված ռիսկային գործոնները պահպանվելու դեպքում հարկային մարմինն օրենքով սահմանված կարգով միջոցներ կձեռնարկի դրանց արժանահավատության ճշգրտման ուղղությամբ:
Միաժամանակ, հայտնում ենք, որ Հարկային օրենսգրքի 34-րդ հոդվածի 1-ին մասի 6-րդ կետի համաձայն Դուք իրավունք ունեք մոնիտորինգի արդյունքների վերաբերյալ հարկային մարմին ներկայացնել բացատրություններ և պարզաբանումներ file-online.taxservice.am կայքի «Հաշվետվություններ» բաժնում՝ լրացնելով N 156 հաշվետվական ձևը:
Խնդրում եմ ասել՝ արդյո՞ք այս նամակը վերաբերվում է իմ գործունեության տեսակին։ Ես ՀԴՄ-ով չեմ աշխատում։ Հաշվետվության մեջ լրացնում եմ միայն 16 և 22 կետերը։ Ի՞նչ խորհուրդ կտաք։
Կանխավ շնորհակալություն:
Բարև Ձեզ, Անի։
Նախ պետք է համեմատեք e-invoicing ծրագրով Ձեր կողմից դուրս գրված հաշիվների հանրագումարը և շրջանառության հարկի հաշվարկում արտացոլված գումարները, այնուհետև անհրաժեշտության դեպքում տաք համապատասխան ճշգրտումները կամ բացատրություն, որ գումարները ճիշտ են արտացոլված։
Ծանուցագրում նշված է ՀԴՄ, քանի որ դա ստանդարտ տեքստ է, Ձեր դեպքում ՀԴՄ գումարը 0 է։
Ձեզ ուղարկած ծանուցման ձևը ստանդարտ է, ՀԴՄի գծով։ Դուք շրջհարկի հաշվարկի մեջ քիչ եք շրջանառությունը նշել, այն համեմատեք համակարգում արտացոլված հաշվարկային փաստաթղթերի այդ ժամանակահատվածի գումարների հետ։
Առաջինը ինքնաստուգում կատարեք, տեսեք իրենք արդյո՞ք ճիշտ են, ՀԴՄ-ի մասով էլ գրեք/ստանդարտ գրել են/ ու եթե պարզվի ճիշտ է՝ ծանուցումը ներկայացրեք ճշտված հաշվարկ: Այդ ամենը 156-ի Բացատրություններում գրեք, ներկայացրեք:
Հարկային մարմինը հայտնաբերել է անհամապատասխանություն ձեր գործունեության մեջ, ներկայացրեք առարկություն 156 ձևով: