Վարպետը աշխատում է միայն պատվերի առակայության դեպքում

Arsine.

Հարգելի հաշվապահներ,
վարպետը աշխատում է միայն պատվերի առկայության դեպքում, և դա կարող է տևել, օրինակ, մոտ 5-10 օր ամսվա կտրվածքով: Կարո՞ղ եմ աշխատողին գրանցել օրավարձով, օրինակ, օրական 3 000 դրամ: Արդյունքում ամսական աշխատավարձը կարող է փոքր լինել նվազագույն աշխատավարձից: Իսկ եթե օրենքով նվազագույն օրավարձ սահմանված չէ, կարո՞ղ է արդյոք դա խնդիր առաջացնել:

0

Ֆեյսբուքյան մեկնաբանություններ

Accountant.am
Author: Accountant.am

2 thoughts on “Վարպետը աշխատում է միայն պատվերի առակայության դեպքում

  1. Բարև Ձեզ, հարգելի Արսինե:
    Ինչպես Դուք նշեցիք, ՀՀ օրենսդրությամբ նվազագույն օրավճար սահմանված չէ, սակայն սահմանված է նվազագույն ժամավճար: Եթե աշխատակիցը վարձատրվում է միայն կատարած պատվերների համար, և, ինչպես հասկացա, պատվերների վրա աշխատում է աշխատավայրում, ապա կարող եք այդ աշխատակցի համար սահմանել ժամավճար, որը, բնականաբար, բարձր պետք է լինի օրենքով սահմանված ժամավճարի նվազագույն չափից, և ամսվա վերջում աշխատաժամանակի հաշվարկի տեղեկագրի հիման վրա աշխատած ժամերի չափով վճարեք աշխատավարձ:

    0
  2. Հարգելի Արսինե,
    Կարծում եմ` ավելի ճիշտ կլինի քաղաքացիաիրավական պայմանագիր կնքեք և աշխատանքի դիմաց վարձատրման գումար նշեք համապատասխան պատվերի դիմաց ստացման ենթակա գումարը, իսկ ժամկետ` պատվերը հանձնելու վերջնաժամկետը:

    0

Մեկնաբանել

Ձեր էլ. փոստը չի հրապարակվելու: Պարտադիր է լրացման համար - *