Քրիստինե.
Բարև բոլորին։ Մի հարց է առաջացել ինձ մոտ. բանկում վճարվել է աշխատողի համար դրոշմանիշային վճար, բանկի աշխատողը փոխանցել է հետևյալ հաշվեհամարին՝ 900005000170 և պնդում է, որ սա նույնպես դրոշմանիշային վճարի հաշվեհամար է: Ես գիտեմ միայն այս հաշվեհամարը՝ 900005001186, ո՞րն է ճիշտ հաշվեհամարը։ Ես պետ. եկամուտների կայքում նայեցի հաշվեհամարների համառոտ ցանկում այդ հաշվեհամարը վերաբերվում է սոցիալական վճար` վարձու աշխատողներից (պայմանագրային եկամուտ ստացողներից), այդ թվում` հարկային գործակալի միջոցով։
Նախապես շնորհակալություն։
900005000170 – Սոցիալական վճար վարձու աշխատողներից (պայմանագրային եկամուտ ստացողներից), այդ թվում հարկային գործակալի միջոցով, մինչև միասնական հաշիվ լինելը: Ձեր իմացածն է ճիշտ:
Դուք ճիշտ գիտեք հաշվեհամարը՝900005001186, դուք պետք է թույլ չտայիք, որ բանկի աշխատողը փոխանցեր սոցվճարի այդ հաշվեհամարին, հիմա անգամ սոցվճարը փոխանցվում է միասնական հաշվին: Իսկ վճարման նպատակ դաշտում ինչպե՞ս եք գրել տվել որպես դրոշմանիշային: Հիմա դրա համար պետք է ՖՆ դիմեք, եթե իրոք դրոշմանիշային եք ցանկացել վճարել:
Սա է դրոշմանիշային վճարի փոխանցման հաշվեհամարը 900005001186
Նպատակ դաշտում գրվել է դրոշմանիշային վճար, ես հիվանդության պատճառով դուրս չեմ կարողացել դուրս գալ, տղայիս եմ տվել, ասել է փոխանցել դրոշմանիշային հաշվին, բանկի աշխատողը պնդում է, որ իրենց մոտ այդ հաշվեհամարով են միշտ փոխանցում զինվորի փողը և ոչ մեկը դեռ չի բողոքել, ես հեռախոսով եմ խոսել իրենց հետ ասում եմ արդեն քանի տարի է իմ իմացած հաշվին ենք փոխանցում ձեր բանկը ի՞նչ նորություն է հայտնում չեմ հասկանում։ Սա առաջին անգամ էր, որ դիմել եմ իրենց բանկ։
Դրոշմանիշային վճարի հաշվեհամարը երևում է նաև էլեկտրոնային վճարումներ բաժնում, որ նշում եք դրոշմանիշային վճար հաշվեհամարը ավտոմատ բերում է՝ 900005001186:
Այո, դուք ճիշտ եք, հարցը կարգավորելու համար դիմում գրեք ՊԵԿ կամ ֆինանսների նախարարություն, այդ գումարը կփոխանցեն դրոշմանիշային վճարի հաշվեհամարին: