Կայք հաշվապահների համար և ոչ միայն…
Քաջիկ.
Հարգելի գործընկերներ, եկամտային հարկի ամսական հաշվետվություն ներկայացնելիս (էլեկտրոնային եղանակով) փետրվար ամսվա փոխարեն նշել եմ հունվար: Այսինքն` դարձել է հունվարը ճշգրտված, իսկ փետրվարը բացակայում է: ՏՀՏ-ից ստացել եմ գրություն, վարչական իրավախախտման մասին արձանագրություն: Խնդրում եմ ասեք` հնարավո՞ր է արդյոք չվճարել տուգանք, քանի որ եկամտային հարկն ամբողջությամբ փոխանցվել է, հարկային պարտականությունները կատարվել են ժամանակին:
Կանխավ շնորհակալություն:
on ԱՁ չի համարվել շրջանառության հարկ վճարող: “Այո, յուրաքանչյուր տարվա համար մինչև տվյալ տարվա փետրվարի 20-ը պետք է ներկայացնել շրջանառության հարկ վճարող համարվելու դիմումը։” Apr 23, 14:51
on Վառելիքի ծախսագրում: “առհաշիվ գումար տրամադրել վարորդին կարող եք անկանխիկ, օրենքի որ կետով առաջնորդվեմ հ.55 մաս 13,” Apr 23, 14:32
on Վառելիքի ծախսագրում: “Շնորհակալ եմ պատասխանելու համար, բայց ասեմ որ ՌԴ֊ից ՀԴՄ կտրոն տրամադրել են, բայց առանց ՀՎՀՀ, չկա այդ հնարավորությունը, իսկ քաղվածքի…” Apr 23, 14:23
on ԱՁ չի համարվել շրջանառության հարկ վճարող: “Շնորհակալություն, կներեք, իսկ ինչ ելք ունեմ այս իրավիճակից? ստացվում է, որ հունվար, փետրվար, մարտ ամիսների ԱԱՀ ամսեկան հաշվետվությունները չեմ ներկայացրել։” Apr 23, 14:11 on ԱՁ չի համարվել շրջանառության հարկ վճարող: “Շնորհակալություն, ԱՁ բացելուց հետո 2023 թվականին հայտարարությունը ներկայացրել եմ։ Փաստորեն ամեն տարի մինչև փետրվարի 20-ը պետք է ներկայացնեմ հայտարարություն, ճիշտ…” Apr 23, 14:09
on ԱՁ միկրոձեռնարկատիրության հայտ չի ներկայացրել: “ճիշտ հասկացա՞՝ նույն անձը նույն տարվա ընթացքում չի կարող երկու անգամ ԱՁ բացել” Apr 23, 14:01
Ցավոք պետք է նշել, որ վարչական տուգանք պետք է վճարեք, քանի որ ստացվում է, որ փետրվարի համար հաշվարկ-հաշվետվություն չեք ներկայացրել:
Հարկայինին չեք կարող ապացուցել, որ դա եղել է պատահմամբ, դրա համար պետք է վճարել տուգանք, իրոք ցավոք սրտի:
Հարգելի Քաջիկ,
Վարչական տուգանք չեք վճարելու, համաձայն ՎԻՎ օրենսգրքի 37-րդ հոդվածի, որովհետև իրավախախտման և հարկայինի կողմից իրավախախտման հայտնաբերման ժամկետից անցել է 2 ամսից ավելի ժամկետ: Այսինքն`
Փետրվարի հաշվարկի ժամկետը 20.03.2013թ-ն է: Հարկայինը ծանուցագիր պետք է ներկայացներ մինչև 21.05.2013թ-ը, 21.03.2013թ-ից հետո երկու ամսվա ընթացքում, քանի որ տեղյակ էր, որ ունեք աշխատողներ (հայտերով երևում է): Երկու ամսից ավելի, 21.05.2013թ-ից անցել է շաաաաաաաաաաատ ժամանակահատված, մոտ վեց ամիս: Վարչական արձանագրություն կկազմեն, սակայն որոշումը պարտավոր են կայացնել տուգանքի չնշանակման մասին:
Հարկերի մասին ՀՀ օրենքի 24 հոդվածով սահմանված կվճարեք փետրվար ամսվա եկամտային հարկի չափով տուգանք, չնայած որ հարկը փոխանցել եք: Սակայն եթե շատ ուզեք, և եթե գումարը մեկ է, կարող եք բողոքարկել վերադաս հարկային մարմին՝ համապատասխան ծանուցագիրը հաշվարկի չներկայացման մասին Ձեզ ժամանակին չուղարկելու համար, որը հարկայինի պարտադիր գործառույթն է:
Գրում եմ մանրամասն, որ հարկայինի հետ պայքարեք օրենքի կետերով:
Պետք է դրանց դեմ պայքարել օրենքի կետերով:
Շնորհակալություն հստակ պատասխանի համար: