Լիա.
Բարև Ձեզ։ Եթե կազմակերպությունը չի ներկայացրել աշխատողի համար երեխայի խնամքի արձակուրդի գրանցման հայտը՝
1. Ի՞նչ տուգանք է սպասվում կազմակերպությանը։
2. Արդյո՞ք հիմա ներկայացնելու դեպքում աշխատողը կստանա բաց թողնված ամիսների երեխայի խնամքի նպաստը։
3. Հնարավո՞ր է առանց գրանցման հայտ ներկայացնելու ստանալ նպաստը։
4. Հետին թվով կարո՞ղ ենք հայտը ներկայացնել։
Պետական նպաստների մասին ՀՀ օրենքի հետևյալ մասի համաձայն՝
2. Խնամքի արձակուրդում գտնվող ծնողին խնամքի նպաստը նշանակվում է դիմումը խնամքի արձակուրդում գտնվելու ընթացքում ներկայացվելու դեպքում՝
1) խնամքի արձակուրդն սկսելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են խնամքի արձակուրդն սկսելու ամսվան հաջորդող տասներկու ամսվա ընթացքում.
2) դիմելու ամսվան հաջորդող ամսվա 1-ից, եթե դիմումը և անհրաժեշտ փաստաթղթերը ներկայացվել են սույն մասի 1-ին կետում նշված ժամկետը լրանալուց հետո:
Այսինքն՝ եթե 12 ամսվա ընթացքում ներկայացնենք հայտը, աշխատակիցը նպաստը կստանա բաց թողնված բոլոր ամիսների համար, ճի՞շտ եմ հասկացել:
1. Անհատական հաշվի բացման հայտը, անհատական հաշվետվությունը, ապահովագրական (աշխատանքային) ստաժում հաշվառվող աշխատանքային կամ այլ գործունեության ժամանակահատվածների մասին տվյալները սահմանված կարգով և ժամկետում չներկայացնելը կամ սխալ կամ կեղծ տվյալներով ներկայացնելը առաջացնում է տուգանքի նշանակում՝ սահմանված նվազագույն աշխատավարձի քսանապատիկի չափով: Տուգանք՝ 20 000 դրամի չափով:
2. Եթե ներկայացնեք գրանցման հայտի փոփոխությունները: Խնամքի արձակուրդում գտնվող ծնողին խնամքի նպաստ նշանակելու համար հիմք են հանդիսանում «Եկամտային հարկի, շահութահարկի և սոցիալական վճարի անձնավորված հաշվառման մասին» Հայաստանի Հանրապետության օրենքով սահմանված տեղեկատվական բազայի տվյալները ծնողի՝ խնամքի արձակուրդում գտնվելու վերաբերյալ:
3. Բնականաբար ոչ, պատասխանը տվել եմ 2-րդ պատասխանով:
4. Անպայման ներկայացրեք հայտը, դա նաև ստաժի տվյալ է:
5. Ենթադրում եմ, որ կստանա բաց թողնված բոլոր ամիսների համար նպաստը, սակայն տարածքային կենտրոնը հնարավոր է նաև խնամքի նպաստում գտնվելու հրամանն էլ ուզի: Նաև եկամտայինի հաշվարկներն էլ պետք է ճշտեք: