Արուս․
Բարև ձեզ, հարգելի հաշվապահներ։ Շրջանառության հարկով հարկվող ԱՁ-ն բացվել է փետրվարին և դեռ շրջանառություն չունի, և ԱՁ-ի հաշվեհամարի վրա գումար չկա: Էլեկտրոնային համակարգում ուզում եմ միասնական հաշվին վճարել 10 000 դրամ փետրվար ամսվա եկամտայինի և սոց. վճարի համար, կարծում եմ՝ պետք է ԱՁ-ի հաշվեհամարին փոխանցեմ նշված գումարը, նոր վճարեմ, ուրիշ հաշվեհամարից վճարել չի կարելի: Հետևաբար Էլեկտրոնային վճարումներ մասում ՎՃԱՐՄԱՆ ԿԱՐԳԱԴՐՈՒԹՅԱՆ ԼՐԱՑՄԱՆ ՊԱՏՈՒՀԱՆ-ում Վճարողի հաշվեհամար մասում լրացնում եմ ԱՁ-ի հաշվեհամարը, իսկ վճարման նկարագրությունում նշե՞մ եկամտային և սոց վճար:
Վճարման նպատակ դաշտում անպայման նշեք ԱՁ-ի ՀՎՀՀ-ն, եկամտային և սոց վճար ու որ ժամանակահատվածի հաշվով եք վճարում: Խնդիրների դեպքում ԱՁ-ի ՀՎՀՀ-ի միջոցով կարող եք ապացուցել թե ում հաշվով, ինչ գումար եք վճարել:
Էլեկտրոնային վճարումներ բաժնում կարող եք վճարում կատարել ձեր անձնական քարտային հաշվից, միասնականին փոխանցելուց չի թույլատրում նշում կատարել։
Շնորհակալ եմ կարծիքների համար, կարծում եմ ճիշտ հասկացա, կարող եմ ոչ միայն ԱՁ-ի, այլ նաև իմ սովորական հաշվեհամարից միաժամանակ եկամտայինի և սոց. վճարի համար փոխանցեմ 10,000.0 դրամ և եթե մարտին եմ փոխանցել, հասկանալի է որ փետրվար ամսվա վճարներն են, վերևում իհարկե ԱՁ-ի ՀՎՀՀ-ն նշված է: Իմ հարցը վերաբերում էր ՊԵԿ-ի Հաշվետվությունների Ներկայացման Էլեկտրոնային Համակարգի Էլեկտրոնային վճարումներ բաժնով կատարվող վճարումներին, որտեղ Վճարման նպատակ դաշտ չկա: Ինչ եք կարծում, վճարումները մի գուցե ՀՀ ֆինանսների նախարարության այս կայքով անեմ, այստեղով վճարումներ արել եք:
Այդտեղից վճարելիս երկար ժամանակ է պահանջվում մինչև նստում է միասնականի հաշվին, իսկ Հաշվետվությունների Ներկայացման Էլեկտրոնային Համակարգի Էլեկտրոնային վճարումներ բաժնով հաջորդ օրը երևում է , իսկ միասնականին փոխանցելիս պետք չէ նշում կատարել դա որ հարկն է , միևնույնն է դա հաշվի չի առնվում։
ՀՀ ֆինանսների նախարարության https://www.e-payments.am/-ով վճարումներ կատարելուց միջնորդավճար է գանձվում: Հաշվետվությունների Ներկայացման Էլեկտրոնային Համակարգի Էլեկտրոնային վճարումներ բաժնով վճարումներ դեռ չեմ կատարել, առիթ չեմ ունեցել, այլ կերպ եմ կատարել:
Շնորհակալ եմ բոլորից: