Նոնա.
Հարգելի կոլեգաներ, եթե ՍՊԸ-ն ունի 3 աշխատող (տնօրեն, հաշվապահ,աշխատող), ինչպես պետք է կարգավորվի տարեկան հերթական արձակուրդի հարցը. արդյոք խախտում է համարվում, եթե տվյալ տարում արձակուրդ չի ձևակերպվում:
Կայք հաշվապահների համար և ոչ միայն…
on Անձնական մեքենայի ներմուծում: “Մաքսային մարմին մոտեցեք հստակ կասեն, մոտավոր գումարի չափ կիմանաք նաև։” May 9, 17:38- on Հաշվի ստորագրում ֆիզ. անձի կողմից: “Չի կարող ֆիզ անձը էլ․ ստորագրի, թղթային տարբերակի վրա թող ստորագրի և վերջ։” May 9, 17:29
- on Ապրանքի ներմուծում Չինաստանից: “Պետք է վճարումներ կատարեք, խնդիր չի առաջանա, կարող եք ԱՁ բացել ներմուծել հետո մինչև նոյեմբեր ժամանակավոր դադար տալ։” May 9, 17:25
- on 24 ժամյա աշխատողի աշխատավարձ: “ԱՕ Հոդված 139. Աշխատաժամանակի տևողությունըՀոդված 184.Արտաժամյա աշխատանքի և գիշերային աշխատանքի վարձատրությունը” May 9, 17:14
- on Զրոյական հաշվետվություններ դադարեցման դեպքում: “Ներկայացնելը ճիշտ է, օրինակ հնարավոր է կազմակերպությունը ժամանակավորապես դադարի մեջ , սակայն ունի պահակ որը հսկում է տարածքը։” May 9, 17:03
Նոնա ջան պարտադիր չէ ,որ 3 միևնույն ամսում արձակուրդ գնան,և հետո կարող են նաև չգնալ
Հարգելի Նոնա նախ ասեմ խախտում չի համարվում եթե տվյալ տարում արձակուրդ չի ձևակերպվում,աշխատողի համաձայնությամբ ամենամյա արձակուրդը կարող է տեղափոխվել հաջորդ տարի,ինչպես նաև աշխատողի ցանկության դեպքում կարող եք մաս-մաս տրամադրել արձակուրդը:Օրինակ վեց ամիսը մեկ ձեր տնօրենին կարող եք 14 օրացուցային օր արձակուրդ ձևակերպել,իսկ նրա պարտականությունները հրամանով ժամանակավոր դնել հաշվապահի վրա:Ամենամյա արձակուրդի դեպքում վճարվում է միջին աշխատավարձ`արձակուրդը սկսելուց 3 օր առաջ:
Հարգելի Նաիրա,շնորհակալություն պատասխանի համար: Ինձ անհանգստացնում է այն փաստը,որ եթե աշխատանքն այնպիսին է, որ 3-ն էլ արձակուրդ չեն կարող գնալ, ապա աշխատողի համաձայնությամբ ամենամյա արձակուրդը քանի անգամ կարելի է հետաձգել(քանի տարի):
Հարգելի Նոնա
համաձայն ՀՀ Աշխատանքային օրենսգրքի 167 հոդվածի ամենամյա արձակուրդի տեղափոխումը թույլատրվում է միայն աշխատողի միջնորդությամբ կամ համաձայնությամբ: Ամենամյա արձակուրդը կարող է տեղափոխվել նաև օրենքով նախատեսված այլ դեպքերում:Տեղափոխված ամենամյա արձակուրդը, որպես կանոն, տրամադրվում է նույն աշխատանքային տարում:
Ուստի այստեղ կարևորվում է գործատուի և աշխատողի փոխադարձ համաձայնութունը. եթե գործատուն առաջարկում է և աշխատողը տալիս է իր համաձայնությունը, որևէ խնդիր լինել չի կարող:
Եվ քանի որ օրենսդիրը որևէ սահմանափակում չի նախատեսել այս իրավունքի իրականացման հարցում, ապա հետևում է, որ փոխադարձ համաձայնությամբ այն կարող է տեղափոխվել /կամ ինչպես դու ես նշել հետաձգվել/ անսահմանափակ քանակությամբ:
Ձեր աշխատակիցներին առաջին տարվա մեջ անընդմեջ աշխատանքի 6 ամիսը լրանալուն պես կարող եք արձակուրդ ուղարկել/ՀՀ ԱՕ Հոդված 164/, իսկ հաջորդ տարվա արձակուրդը կարող եք տրամադրել ցանկացած ժամանակ: Կարող եք արձակուրդ ուղարկել նաև մաս մաս, բայց ոչ պակաս քան 2 անընդմեջ շաբաթ/ՀՀ ԱՕ Հոդված 163/: Իսկ եթե չեք կարող ուղարկել, ապա աշխատողի համաձայնությամբ այն կարող եք տեղափոխել հաջորդ տարի և միացնել հաջորդ տարվա արձակուրդին/ՀՀ ԱՕ Հոդված 167/: Իսկ եթե էլի չուղարկեք արձակուրդ, ապա աշխատանքից ազատելիս պարտավոր եք վճարել աշխատողին ամենամյա չօգտագործված արձակուրդի դրամական հատուցում/ՀՀ ԱՕ Հոդված 168, Հոդված 170/:
Հարգանքներով Ա. Ավետիսյան
Հարգելի Նոնա պատասխանեմ ձեր հարցին,թե աշխատողի համաձայնությամբ ամենամյա արձակուրդը քանի անգամ կարելի է հետաձգել(քանի տարի):Նախ ասեմ,որ որևէ սահմանափակում չկա:Բայց այժմ կա աշխատանքային օրենսգրքում փոփխությունների նախագիծ,որտեղ սահմանափակումներ են դրվելու ամենամյա արձակուրդի հետ կապված,որը դեռ հաստատված չէ օրենդիրի կողմից:
Շնորհակալություն բոլորին պատասխանների համար: