Հղիության և ծննդաբերության նպաստի միանվագ վճարելու դեպքում

Կարո՞ղ եք ասել` աշխատողը այդ թերթիկը ներակայացնում է հաշվապահություն, իսկ հաշվապահը այդ թերթիկի հետ ի՞նչ պետք է անի, ու՞մ պետք է ներկայացնի, թե՞ պետք է վերադարձնի աշխատողին: Շնորհակալություն:

Հարգելի Արման,
Նախքան հարկային մարմնին համապատասխան տեղեկանքի ձև ներկայացնելը, հաշվապահը պետք է ներկայացրած լինի հաշվետու ամսվա հաշվետվությունը էլեկտրոնային եղանակով, այնուհետեվ համապատասխան տեղեկանքը, որի մեջ լրացրած կլինի հաշվետու ամսվա բոլոր եկամուտներից ստացվող եկամտային հարկի ընդհանուր գումարը, անաշխատունակության նպաստի գումարի չափը և տարբերություն գումարը, որը պետք է փոխհատուցի պետությունը(սա այն դեպքում, երբտվյալ ամսվա համար հաշվարկված եկամտային հարկի գումարները բավարար չեն նպաստը վճարելու համար)։ տեղեկանքին պետք է կցված լինի լրացված և հաստատված ժամանակավոր անաշխատունակության թերթիկի կրկնօրինակը։ Այնուհետև հարկային մարմնի կողմից պետք է հաստատվի տվյալ տեղեկանքը և հետ ուղարկեն Ձեզ, և դուք այդ հաստատված տեղեկանքը համապատասխան գրությամբ, որի մեջ նշված կլինի Ձեր կազմակերպության տվյալները, այդ թվում բանկային հաշվեհամարը կուղարկեք ՀՀ Տնտեսական Զարգացման և ներդրումների նախարարություն։