Շրջանառության հարկով աշխատող Ա/Ձ-ի վերաբերյալ

Բարի օր: Խնդրում եմ բացատրեք քայլ առ քայլ՝ ինչպե՞ս գրանցվեմ որպես Ա/Ձ և իմ հետագա հաշվետվությունները ու՞ր եմ ներկայացնելու: Ես թարգմանիչ եմ, աշխատելու եմ շրջհարկով, առանց աշխատողի: Կանխավ շնորհակալ եմ:

Կիսվել՝

Facebook մեկնաբանություններ

Հետևել այս նյութին
Ստանալ նամակ
guest
8 Մեկնաբանություն
Հները
Նորերը Most Voted
Inline Feedbacks
Դիտել բոլոր մեկնաբանությունները
Տիգրան

Ներկայացնում եք դիմում, 3 000 դրամ, անձնագրով ու սոց. քարտով գրանցվում պետ. ռեգիստրում, եթե Երևանում եք: Շրջհարկը՝ 5 տոկոս եկամուտներից: Հաշվետվությունները ներկայացվում են էլեկտրոնային եղանակով, որի համար պետք է կամ Ձեր կամ այլ անձի էլ ստորագրությունը, նաև ՀԴՄ է պետք կանխիկով աշխատելու համար: Գրանցվելուց հետո, եթե կցանկանաք՝ կարող եք զանգել:

Տիգրան

Ավելացնեմ, որ շահութահարկ 5 000, ու հնարավոր է սոց. վճար էլ լինի 5 000 վճարելու:

Իննա

Պետք է ներկայանալ պետ. ռեգիստրի տարածքային բաժանմունք, այնտեղ կտան հաշվեհամար, որին կկատարեք համապատասխան վճարումները և կստանաք պետ. ռեգիստրի վկայականը։ Այնուհետև պետք է գրացվել ՊԵԿ-ում, որտեղ կտրամադրեն հաշվետվությունների ներկայացման էլեկտրոնային համակարգի մուտքանուն և գաղտնաբառ։ Պետք է ekeng.am-ում ակտիվացնեք էլ․ ստորագրություն, որով կվավերացնեք Ձեր հետագա հաշվետվությունները։ 20 օրվա ընթացքում պետք է ներկայացնել շրջհարկ վճարող համարվելու հայտ։ Դրանից հետո ամսական վճարելու եք 10 000, որից՝ 5 000 շահութահարկ, 5 000 սոց․ վճար, 1 000 դրոշմանիշային վճար և Ձեր շրջանառության հարկը։

Ալլա

Տիգրանի գրած շահութահարկի և սոց. վճարի վճարումները ամսական են, իսկ շրջհարկը եռամսյակային կտրվածքով։ Շրջհարկի հաշվետվությունը ներկայացվում է եռամսյակին հաջորդող ամսվա մինչև 20-ը, իսկ տարեկան շահութահարկի հաշվարկը, մինչև հաջորդող տարվա ապրիլի 20-ը։

Armine Mkrtchyan

Անձնագրով մոտենում եք մոտակա պետ. ռեգիստր, վճարում եք պետ. տուրք 3 000դրամ, ստանում եք վկայական, ՀՎՀՀ, եթե ունեք նույնականցման քարտ, ապա ակտիվացնում եք Ձեր ստորագրությունը նույնպես վճարելով 3 000 դրամ, որից հետո գրանցում եք Ձեզ ՊԵԿ կայքում որպես լիազոր, այնուհետև օգտվող, տվյալներ ստանլուց անմիջապես հետո ուղարկում եք շրջհարկի հայտարաությունը, ամսական վճարումներ՝ 5 000 շահութահարկ 5 000 սոց. վճար, և Ձեր եռամսյակային հաշվետվությունը ըստ Ձեր շրջանառության:

Karine

Ա/Ձ կարող եք գրանցել առցանց e-register.am/am/ հղումով, կվճարեք 3 000 դրամ, կստանաք ՀՎՀՀ։ Այնուհետև taxservice.am հղումով կարող եք առցանց գրանցվել հարկայինում, ստանալ օգտվողի անուն և գաղտնաբառ։ Այնուհետև կարող եք հայտարարություն ներկայացնել շրջհարկով աշխատելու վերաբերյալ 20 օրվա ընթացքում։ Ես խորհուրդ կտայի նախապես դիմեք նույնականացման քարտի համար, որ ժամկետների մեջ տեղավորվեք։ Պետք է ձեռք բերեք նաև քարտ կարդացող սարք և ՀԴՄ։ Հարց լինի կարող եք զանգել 077102252։

Anushik

1. Անձնագրով և սոց. քարտով մոտենալ բանկ կատարել պետական տուրքի վճարում 3 000 դրամ, մոտենալ պետ. ռեգիստր գրանցել ԱՁ-ն:
2. Եթե ԱՁ-ն նույնականացման քարտ չունի, հնարավորինս շուտ դիմել նույնականացման քարտ ստանալու համար Pin և Puk կոդերի առկայությունը պարտադիր է, որոնք տրամադրվում են քարտի հետ մեկ անգամ, կորցրած լինելու դեպքում դիմել նոր քարտի համար:
3. Քարտը ունենալուց հետո կատարել 3 000 դրամ քարտի տարեկան սպասարկման վճարումը /վճարումը կարելի է կատարել հենց ԹելՍել ապարատների միջոցով՝ Պետական վճարումներ ➡ EKENG, անմիջապես գումարը մուտքագվում է հաշվին:
4. https://file-online.taxservice.am/ կայք էջով գրանցվել և անձնական էջ ստեղծել՝ հաշվետվությունների ներկայացման համար:
5. Ձեր պարագայում գրանցման օրվան հաջորդող 20 օրացուցային օրվա ընթացքում ներկայացնել շրջանառության հակ վճարող համարվելու վերաբերյալ դիմում:
6. Կանխիկ գործարքներ իրականացնելու դեպքում ՀԴՄ ապարատ ձեռք բերել և գրանցել ԱՁ-ի անունով
7. Գործունեության վայրում փակցնել հարկ վճարողի վերաբերյալ հայտարարության օրինակելի ձևը /հաշվի առնել, որ դրա բացակայության դեպքում նախատեսվում է 50 000 դրամ տուգանք/:

Nerses

Հարգելի Նունե, պետք է պետ. ռեգիստրում գրանցվեք, հաշվետվությունները ուղարկվում են էլեկտրոնային ձևով, ներկայացնում եք շրջհարկի դիմում և շրջանառության 5%-ը վճարում եք բյուջե, եռամսյակային կտրվածքով: Ամսական 5 000-ական դրամ շահութահարկ և սոց. վճար եք վճարելու, 12 000 դրամ տարեկան դրոշմանիշային վճար: