Աստղիկ.
Բարև Ձեզ։ Հարցս հետևյալն է. աշխատողին տրամադրվել է ամենամյա նվազագույն արձակուրդ և ելնելով անհրաժեշտությունից հետ է կանչվել։ Դա եղել է 2018 թվականին։ Օրենքով սահմանված կարգով աշխատողը ստացել է աշխատավարձ և այլն, իսկ չօգտագործած օրերը (15 օր) մինչ օրս չի օգտագործել, չի միացվել հաջորդ արձակուրդներին և ոչ մի ձևով չի օգտագործվել աշխատողի կողմից։ Հիմա լուծվելու է աշխատանքային պայմանագիրը։ Ասացեք խնդրեմ` այդ 15 օրը հաշվարկվու՞մ է որպես վերջնահաշվարկ և վճարվում, թե՞ ․․․․։ Կանխավ շնորհակալություն:
Այո, պարտադիր պետք է հաշվարկեք և վճարեք պայմանագիրը լուծվելու դեպքում։
Այդ 15 օրը պետք է հաշվարկվի վերջնահաշվարկում որպես տարր և վճարվի հաշվարկի մյուս տարրերի գումարի հետ:
Համաձայն ԱՕ-ի 170 հոդվածի 2-րդ կետի <>
2. Ամենամյա արձակուրդը չօգտագործելու համար դրամական հատուցումը վճարվում է աշխատանքային պայմանագիրը լուծելիս: Հատուցման չափը որոշվում է տվյալ ժամանակահատվածի համար տրամադրման ենթակա ամենամյա արձակուրդի չօգտագործված օրերի քանակով: Հատուցումը վճարվում է չօգտագործված բոլոր արձակուրդների համար: