Anna.
Եթե ընկերությունը հանդիսանում է ԱԱՀ վճարող և հարկային հաշիվներ է դուրս գրում և մատակարարարից ստանում միայն էլեկտրոնային եղանակով, ապա ԱԱՀ-ի հաշվարկի հետ տեղեկանքը պե՞տք է արդյոք ներկայացնեմ: Շնորհակալություն:
Կայք հաշվապահների համար և ոչ միայն
Եթե բացառապես էլեկտրոնային եղանակով եք աշխատում, ապա պետք չէ ներկայացնել տեղեկանք:
Հարգելի Աննա, համաձայն ԱԱՀ-ի մասին օրենքի 20-րդ հոդվածի էլեկտրոնային եղանակով դուրս գրված հարկային հաշիվները, ինչպես նաև էլեկտրոնային եղանակով ստացված հարկային հաշիվները չեն ներառվում տեղեկանքում, և միաժամանակ համաձայն նույն հոդվածի նախավերջին պարբերության, այն է` “Սույն հոդվածով սահմանված տեղեկանքը հարկային մարմին չի ներկայացվում, եթե այլ պայմաններում դրանում ներառվելիք բոլոր հարկային հաշիվների վերաբերյալ տեղեկությունները սույն հոդվածի համաձայն ենթակա չեն ներառման հարկային մարմին ներկայացվող տեղեկանքում”, տեղեկանք չի ներկայացվում:
abagoyan շնիկ mail.am
Իհարկե պետք չի ներկայացնել, Աննա ջան:
Շնորհակալություն:
Եթե էլեկտրոնային եղանակով ստացված 100 հազ. գերազանցող հարկային հաշիվները մինչև հաշվարկը ներկայացնելու վերջնաժամկետը ձեր կողմից էլեկտրոնային եղանակով ստորագրված չեն, ապա դրանց վերաբերյալ տեղեկությունները պետք է ներկայացվեն, եթե ստորագրված են` դա արդեն իսկ համարվում է տեղեկության ներկայացում:
Աննա ջան, Արթուրն իրավացի է: Այդ հարցի հետ կապված կա կառավարության 7 հուլիսի 2011 թվականին ընդունված N 937-Ն որոշում (Հարկային հաշիվների վերաբերյալ տեղեկանքը հարկային մարմիններին ներկայացնելու կարգը սահմանելու մասին):
Այսինքն` այդ հաշվետվության ձևը զրոյական նույնպե՞ս կարող ենք չուղարկել: