Հայկ․
Բարև Ձեզ: Խնդրեմ կասե՞ք՝ 2021թ. ընթացքում ՍՊԸ-ն իր հիմնադրին կանխիկ եղանակով դրամարկղից անտոկոս փոխառություն է տվել՝ մոտ 5 մլն դրամ՝ երկու տարի ժամկետով: Հիմա, եթե հիմնադիրը վերադարձնի հուլիս ամսից հետո, պարտադի՞ր է, որ փոխանցումով լինի: Ի՞նչ ուրիշ տարբերակներ կան: Կխնդրեմ օգնեք։
Այո, եթե հիմնադիրը վերադարձնի հուլիսի 1-ից սկսած, պարտադիր է, որ փոխանցումով լինի:
Այո, միայն փոխանցումով, կամ եթե շահաբաժին ունեք վճարելու, կարող եք հաշվանցել, բայց չմոռանաք եկամտային հարկը վճարել։
Անկանխիկ գործառույթների մասին օրենքի փոփխությամբ կա այսպիսի մի կետ
հոդված 12 եզրափակիչ մաս
1. Սույն օրենքն ուժի մեջ է մտնելու 2022 թվականի հուլիսի 1-ից և տարածվում է Սույն օրենքն ուժի մեջ է մտնելուց հետո ծագած իրավահարաբերությունների վրա:
Ես վերապահումով կարծում եմ, որ 2021-ին առաջացած փոխառությունը քանի որ առաջացել է մինչև 01.07.2022-ը ուստի այն կարող է կանխիկով նույնպես մարվել, առաջարկում եմ այս հարցի շուրջ անցնեք քննարկումների, կարծում եմ կարևոր է, ես այս հարցի շուրջ լսել եմ և կենտրոնական բանկի օրենսդիր ներկայացուցչի կարծիքը և հարկայինի, նրանց կարծիքները տարբերվում են եկեք քննարկենք: