Արարատյան Խոհանոց.
Բարև ձեզ:
ՍՊԸ-ն, որը կազմակերպում է դասընթացներ միջին մասնագիտական, պատրաստվում է նաև մեկ այլ գործունեություն սկսել, այն է՝ մշակել սննդակարգ (առողջ սնունդ) և մատակարարել հաճախորդներին:
Հարցս հետևյալն է՝ կարո՞ղ ենք համատեղել այդ 2 գործունեությունը, ասեմ, որ դասընթացների մասով մենք հարկվում ենք շրջ. հարկով, որպես այլ գործունեություն 5 %-ով, արդյո՞ք մյուս գործունեությունը կհամարվի հանրային սնունդ, և դասընթացը ավտոմատ կհարկվի 20 %-ով:
Դասընթացը կհարկվի էլի 5 տոկոսով, իսկ հանրային սննդինը 6 տոկոս՝ 3 տոկոս նվազեցման հնարավորությամբ: 20 տոկոս հարկումը վերաբերում է Հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ հարկային մարմնի հաստատած ձևով հայտարարություն ներկայացրած շրջանառության հարկ վճարողների կողմից Հայաստանի Հանրապետությունում կիրառվող՝ տնտեսական գործունեության դասակարգչի «Հանրային սննդի կազմակերպում» հատվածում չներառվող՝ այլ ակտիվների օտարումից, ինչպես նաև այլ գործունեությունից ստացվող եկամուտներին:
20 տոկոսով ձեր դասընթացը կհարկվի, եթե ձեր ընդհանուր շրջանառությունը 115 մլն դրամից ավել կլինի, բայց դուք որպես հանրային սննդի ոլորտում գործունեություն իրականացնող կազմակերպություն կարող եք մնալ շրջանառության հարկի դաշտում և կներկայացնեք Ձև 262. Հայտարարություն՝ հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ։ Այդ դեպքում ձեր հանրային սնունդը կգործի 6-3 բանաձևով, իսկ բոլոր այլ գործունեությունները կհարկվեն 20 տոկոսով։